ئەڤرۆ نیوز، قائید میرۆ:

پەرلەمانتارەکێ پارتی دیموکراتی کوردستان رادگەھینە، ب چو شێوەیەکێ دەستەیا نوکەیا پەرلەمانی نامینە و ھەتا یوسف مەحەمەد سەرۆکێ پەرلەمانی بیت، کۆمبوون ناھێنەکرن.

ڤەمان فەیسەل، ئەندامێ فڕاکسیۆنا پارتی دیموکراتی کوردستان لپەرلەمانێ کوردستانێ ب ئەڤرۆ نیۆز راگەھاند” ب چو شێوەیەکی دەستەیا نوکەیا سەرۆکایەتیا پەرلەمانی نامینیت و دێ دەستەیەکا نوو ھێتە ھەلبژارتن، چونکو ھەتا دکتۆر یوسف سەرۆکێ پەرلەمانێ کوردستانێ بیت، کۆمبوونێن پەرلەمانی ناھێنەکرن و دڤێت سەرۆکێ نوکەیێ پەرلەمانێ بھێتە گۆھۆڕین، پارتی یا بزاڤان دکەت، دگەل لایەنێن دی وەکی ئێکەتیێ و کۆمەل و یەکگرتوو.

ڤەمانی گۆتژی” بەری نوکەژی پۆستێ سکرتێرێ پەرلەمانی بەھرا ئێکەتیێ بوویە و ب کۆمەلا ئیسلامی ھاتبوودان، ھویردەکاریێن رێکەفتنێ دیارنینە، لێ نوکە بزاڤ دبەردەوامن بشێوەیەکێ نوو پەرلەمان بھێتە رێڤەبرن و دەست بکارێن خوە بکەت.

ئەڤرۆ نیوز، نەوزاد زادە ھلۆری:
ب بەرھەڤبوونا ھژمارەکا بەرپرسێن حکومی و حزبی و کەس و کارێن شەھیدان و خەلکێ دەڤەرێ ئەڤرو ل کومەلگەھا قەدش یا سەر ب ناحیا سەرسنکێ ڤە رێورسمەکێ ژ ھەژی بوو شەش شەھدێن کومەلگەھا قەدش ژلایێ لیژنا ناوچا سەرسنگ یا ئێکەتیا قوتابیێن کوردستانێ ڤە ھاتە ئەنجامدان و تێدا کومەکا چالاکیان ھاتنە کرن.
دڤی واریدا رەمزی نێروەیی بەرپرسێ لیژنا سەرسنگ یا ئێکەتیا قوتابیێن کوردستانێ دیارکر کو ئەڤ رێورسمە وەکو رێزگرتنەک بوو خەباتا شەھیدێن قەدشێ ھاتیە ئەنجامدان و بو ئەڤرۆ نیوز گۆت : ( د رێورسمێ دا کومەلکا چالاکیان ب بەرھەڤبووونا کەس و کارێن وان شەش شەھیدان ھاتنە ئەنجامدان ژ وان چالاکیان ڤەکرنا پێشانگەھەکا تایبەت ب وێنەیێن وان شەھیدان و دیسان نمایشکرنا پارچە شانویەکی َکو دەربرین ژ قارەمانێن پێشمەرگەی دکر و چەندین ھەلبەست ژی ھاتە خواندن ل گەل نیشاندان و پێشکێشکرنا چەندین جورێن خوارنێ ژ لایێ قوتابیێن ئامادەیا قەدش ڤە).
د شەرێ دژی تیرورستێن داعش دا کومەلگەھا قەدش تا نھا شەش شەھید داینە کو ئەو ژی ” شەھید رێدیر بازیت ئێسفکا ، شەھید لوقمان عەبدوللا ئەرەدنی ، شەھید شڤان تەوفیق محەمە بەرواری ، شەھید یونس شینو بوتی ، شەھید سەبری شینو بناڤی و شەھید قاھر ئەمین بناڤی ” نە).

ئەڤرۆ نیوز، قائید میرۆ:
شەڤا بۆری تەرمێ شەش کۆچبەرێن مەسیحی گەھشتە ھەرێما کوردستانێ، کو بەری نوکە د رێیا ھەندەران خەندقیبوون و شوار زاۆرک و دو ژنبوون.

نەوزاد پۆلس، چالاکڤانێ مەسیحی ب ئەڤرۆ نیۆز راگەھاند” بەری پازدە رۆژان حەفت وەلاتیێن مەسحی ل نێزیک باژێڕێ ئەسینا دناڤا دەریایدا خەندقینە و ھەمووژی ئەندامێن دو خێزانێن مەسیحی یین باژێڕکێ قەرەقووشن، بەلێ پشتی ھاتنا داعش ئاوارەی ھەرێما کوردستانێ بووینە.

پۆلس گۆتژی” تەرمێ شەش ژوان وەلاتیێن مەسیحی شەڤا بۆری گەھشتینە باژێڕکێ عنکاوە یا نێزیک ھەولێرێ، لێ تەرمێ ئێک ژوان نەھاتیە دیتن و یێ بەرزەیە