ئەڤرۆ نیوز:
رێڤەبەرێ گەشتۆگوازێ ل زاخۆ راگەھاند، ل دەوروبەری رووبارێ خابوورێ زاخۆ، نێزیکی 50 ھزار مەترێن ئەردی ب ناڤێ ھندەک کەسان ھاتینە تاپۆکرن، باژێرڤانیا زاخۆ ژی تەکەست کر نھۆ ل گەل تۆمارا خانۆبەران مژوولی دەرێخستنا ئەوەلیاتێن وان ئاڤاھیانن و گۆت: بەری نھۆ ب زلھێزیا وان کەسان شیاینە بدەستخوە بێخن، چونکو غەدرەکا مەزن ل جھێن گەشتیاری یێن زاخۆ ھاتیە کرن.
چیا ئەمین، رێڤەبەرێ گەشتۆگوزارێ ل زاخۆ بۆ رۆژناما ئەڤرۆ دیار کر، ل دەورۆبەرێن خابوورێ زاخۆ دا، 40 تا 50 ھزار مەترێن ئەردی مۆلکێ ھندەک کەسانە د دەمەکی دا ل گۆرەیی قانوونێ قەدەغەیە جھێن گەشتیاری و ئاڤی ل ناڤ باژێری دا مۆلکێ کەسان بن و گۆت: ئەرد تاپۆکرینە خودانان سەنەد ھەنە، ھەتا کو بشێین ژ وان کەسان وەربگرین، پێدڤیە 100% قەرەبوویا وان بکەین، ئەو ژی مۆلکیەتا وان د ناڤ بازاری دا ب بھایێ چەندێ پێ دەن، ب ھەمان بھا حۆکمەت ژ وان کەسان بکریت یان رازی بکەن، ئەڤە کۆژمێن خەیالی پێ دڤێن.
ئەندازیارێ مافپەروەر بژار مۆنیب، سەرۆکێ باژێرڤانیا زاخۆ بۆ ئەڤرۆ تەکەست کر، باژێری گەشەیەکا نەچاڤەرێکری و بەرفرەھبوونا مەزن بخوەڤە گرتیە، زاخۆ یا نھا یا جۆدایە ژ پشتی ماستەر پلانێ کو زاخۆیا نھۆ یا گەھشتیە د سالا 2030 دا!، ل ڤێرێ خەلک ژی ب دۆقات و زێدەتر پێدڤی ب خزمەتکاریان ھەنە و گۆت: ل دەورۆبەرێن خابووری دا 15 پرۆژەیان ھاتینە تاپۆکرن، جھێن گەشتیاری نە، نەدبوو بھێنە تاپۆکرن، لێ ب ھەر رێیەکا ھەبیت بەری نۆکە تاپۆ بووینە، بۆ چارەسەریا وێ ژی مە پیڤەرێ رێگریێ دایە رێڤەبەریا تۆمارا خانووبەران، بۆ ھندێ ئەوەلیاتێن وان بۆ مە روون بکەن، ل سەر چو بنەما ئەو ئەرد ھاتینە تاپۆکرن، بۆ ھندێ بکارین رێگەچارەیەکێ بکەن.
ژلایێ خوەڤە حەسەن کەنعان گەشتیارەکێ ئیراقێ بوو ل راستا پرا دەلال ل گۆرەیی گۆتنێن وی چو جھێن پێدڤی بدەست نەکەفتن ل گەل خێزانا خوە دەمێن خوە بوورینن د دەمەکێ دا وی ھزرەکا جۆدا بو پرێ ھەبوو و گۆت: ل دەرۆبەرێن پرێ چو جھێن گشتی نینن، ھندەک گەشتیار ھەنە پارێن پێدڤی نینن ل جھێن تایبەت و خوارنگەھان ل دەورۆبەرێن پرێ ڕوونن، پێدڤی بوو حۆکمەتا ھەرێمێ ھندەک جھێن گشتی درۆستکربان، ژ بەر ھزرەکا گەلەک مەزن و تایبەت د مێشکێ مە دا ژ پرا دەلال درۆست ببوو، لێ پشتی مە دیتی وەک تەخمێن مە ب ئێکجاری دەرنەچوو.
جەلال حەسەن، وەلاتیەکێ ل تاخێ نەوروز ل گەل ھندێ بوو باژێرڤانی ب زووترین دەم مفایی ژ ئەردێن خوە ب گشتی وەربگریت، چونکو ل گۆرەیی گۆتنێن وی مەرەمێن تایبەت ب ھێزترن ژ حۆکمەتێ ئەو ئەر بەر ئاتافی ژ دەستچوونێ یە بۆ مەرەمێن تایبەت و بازرگانی بھێنە بکارئینان.
ناڤبری زێدەتر گۆت: ماستەر پلانا باژێرڤانیێ ژ سالا 2003 تا سالا 2035 ھاتیە دانان، ھەکە شیان نەبن ل دووڤ مەرجێن باژێرڤانیێ ئەردی بدەنە ھندەک وەبەرھێنەران بۆ مەرەمێن گەشتیاری بکاربینن، یان ژی رێ خۆش بکەن ھندەک کەسێن دەۆلەمەند ھاریکاریا حۆکمەتێ بکەن، چونکۆ نھۆ ل ھندەک جھێن پەرژانکری ئێدی یێ بۆ دۆکان و جھێن تایبەت و کەسان دئێنە بکارئینان، نموونەیێن نەڤەشارتی دبن ھەر بھانەیەکێ دا یێ ل ناڤ باژێری دا پەیدا دبن.
ھەروەسا ئەندازیار بژار سەرۆکێ باژێرڤانیا زاخۆ ب مخابنی ڤە دیار کر، ئەڤ بازرگانیا بەری نھۆ ب مۆلکێ گشتی د ھاتە کرن، ڤالاھیەکا مەزن د کەرتێ پێشکەفتنا ناڤ باژێری دا درۆستکریە، لێ پلانا ئەوە د داھاتی دا کار ل دۆر زێدەکرنا رێژەیا کەسکاتیێ د ناڤ باژێری دا بکەین پلانێن سالانە ھەنە دشێن رێژەیەکا باشتر دابین بکەین و گۆت: بو رێگریکرنێ ژ ڤێ دیاردێ، ئێدی ئەم د بەرھەڤ نینن ل سەر کیستێ باژێری و مۆلکێ گشتی مساتەحەیان بدەین، مە پێشنیاز دایە وەزارەت و پارێزگەرێ دھۆکێ و رێڤەبەریا باژێرڤانیان ژی کو مساتحەیان نەدەین.
ل دۆماھیێ چیا ئەمین ل دۆر چاوانیا ژ دەستچوونا وان زەڤیان کو بوونە خوارنگەە و ئاڤاھی رۆنکر کو کێشەیا ڤەدگەریت بۆ سالێن ھەشتی و نۆتان دا، ڤان کەسان ب خوە رەزامەندی وەرگرتینە تاپۆ بکەن، لێ ب چو میکانیزم و ل گۆرەیی چو قانوونێ ئەم ژی پێ نزانین.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
بۆچی کچ خوە دسۆژن؟
ئەڤرۆ نیوز:
د ناڤا جڤاکێ مە یێ نھا دا پڕانیا جاران ھاتیە دیتن ژ ئەگەرێ چەند کێشێن جڤاکی د ناڤا مالباتەکێ دا کچەکێ یان ژنەکێ جانێ خوە سۆتیە و جانێ خوە ژی ژ دەست دایە، ئەڤ دیاردە ژی ژلایێ ئاینێ ئیسلامێ ڤە ب کارەکێ گونەە دھێتە وەسفکرن.
کچەکێ کو نەخواست ناڤێ خوە ئاشکرا بکەت بۆ ئەڤرۆ دبێژیت دیاردا خوە سۆتنێ ئێکە ژ وان دیاردێن بەربەرلاڤ د ناڤ جڤاکێ مە دا و چەندین جاران ئەڤ دیاردە بوویە ئەگەرێ ژ دەستدانا گیانەکی و گۆت “بەری چەند سالان ژ بەر کێشەکا جڤاکی د ناڤا مالباتا مە دا کو د ناڤبەرا خووشکا من و ژنبرا من دا دروست ببوو، ئەڤجا خووشکا من ئێکسەر ھزرا خوەکوشتنێ کر و ئاگر بەردا خوە و جانێ خوە ژ دەست دا”.
ھەمان کچێ گۆت “ئەز ب فەر دبینم ھەر کچەک ل دەمێ ھەبوونا ھەر ئاریشەکا خێزانێ چ د ناڤبەرا ھەڤژینان دا بیت یان ژی د ناڤبەرا مالباتێ دا بیت ھزر د چارەسەریەکێ دا بکەت کو ئەو چارەسەری رێکخۆشکرنەک بیت بۆ ژیانا ھەردو ئالیان”.
مەلا عیماد رێکانی ژلایێ ئاینی ڤە خویا کر ل دۆر ھەر بابەتەکێ خوەکوشتنێ یان خوە سۆتنێ پێغەمبەرێ خوشتڤی (سلاڤێن خودێ ل سەر بن) گۆتیە ھەر کەسەکێ ل سەر دونیایێ ب چ تشتی خوە بکوژیت دێ ل ئاخرەتێ ب وی تشتی خوە کوژیت و جارەکا دی ژلایێ خودایێ مەزن ڤە ھێتە ساخکرن و ھەمان کەس دێ ب وی تشتی خوە کوژیتە ڤە و ئەڤ سزایە دێ ھەتا ھەتایێ بیت ل ئاخرەتێ و گۆت “گەلەک جاران ژبەر چەند کێشێن جڤاکی د ناڤ مالباتەکێ دا کچێ یان ژنێ ئاگر بەردایە خوە و خوە سۆتیە و جانێ خوە ژی ژ دەست دایە، لێ ئەڤ دیاردە پەیدا دبیت ژ ئەگەرێ چەند ئەگەرەکان و ژ وان ژی مەزنترین ئەگەر قەیرانا ئابووری و دارایی ب شێوەیەکێ تایبەت د ناڤا مالباتێ دا یان ژی ھەلبژارتنا ھەڤژینەکێ ب شێوەکێ زۆری بھێتە دەستنیشانکرن ژلایێ دایک و بابان ڤە”.
مەلا عیماد رێکانی خویا ژی کر کو ھەر دەمێ کچ یان کوڕ ئاستێ وان یێ رەوشەنبیری د لاوازیێ دا بیت ھەر دەمێ ئاریشەک د ناڤا مالباتا وان دا دروست دبیت ئێکسەر ھزرا کریارا خراب د ناڤا مێشکێ وان دا پەیدا دبیت و ئەگەر کوڕ تۆڕە بیت دبیت ھزرا بەردانێ بکەت یان ژی ئەگەر کچ تۆڕە بیت رەنگە ھزرا خوە سۆتنێ بکەت، لەورا دڤێت د پێکئینانا ھەڤژینیێ دا ھزرا چەوانیا رەفتاران بھێتە کرن، دا کو د پاشەرۆژا ھەر کوڕ و کچەکێ دا داھاتەکێ گەش ل پێشیا وان بیت.
سەرۆکێ وەلاتی یاریا تەپا پێی ب دووماھی ئینا و فەرمانا لێدانا پەنەلتیان دا
ئەڤرۆ نیوز، ئەیاد بەرواری:
بۆ جارا ئێکێ د دیرۆکا تەپا پێی دا، سەرۆکێ وەلاتەکی فەرمانا ب دووماھی ئینانا یاریەکا تەپا پێی ددەت و پەنا برن بۆ لێدانێن پەنەلتیێ ب ھێجەتا نەبوونا دەمی و مژژولبونا وی ب ھندەک ژڤانێن دی ڤە.
دەزگەھێن راگەھاندنێ ل وەلاتێ موریتانیا بەلاڤکرن، ل یاریا جاما سوپەر یا موریتانیا د ناڤبەرا ھەردو یانێن (تەفرغ زین) قارەمانا خۆلێ و (لوکسر) قارەمانا جامێ، سەرۆکێ موریتانیا (محەمەد عەبدولعەزیز) کو یێ بەرھەڤبوو ل یاریگەھێ، بریاردا ل خۆلەکا 65 یاری ب دووماھی بھێت و ھەردو یانە کو وی دەمی د وەکھەڤ بوون ب گۆلەکێ، بەر ب ئەنجامدانا لێدانێن پەنەلتیێ یێن ئێکلاکەر بچن ب ھێجەتا نەبوونا دەمی ل دەڤ سەرۆکێ وەلاتی و مژوولبوونا وی ب ھندەک ژڤانێن دی.
مەترسیێن خوارنێ ل سەر ژیانا مرۆڤی
ئه‌ڤرۆ نيوز:
گرنگترین تشت ئەوە مرۆڤی ئاگەە ژ ساخلەمیا خوە ھەبیت، ئەرێ تە ھەستداری ھەیە؟ تۆ یێ نەخۆشی؟ تۆ زووکا تووشی ژەھراویبوونێ د بی ئەگەر ژ دەرڤەی مالێ خوارنێ بخوی؟ و ل دووڤ کارگێریا خوارنێ و دەرمانان کو مەترسیترین جورێن خوارنێ ئەوێن ژەھراویبوونێ پەیدادکەن ئەڤێن ل خوارێ نە:
• ھمبرگەرێن باش نەھاتینە کەلاندن یان ئەوێن ژ گوشتێ عەلوکان ھاتینە دروستکرن.
• خۆشاڤێن فێقی ئەوێن باش نەگەھشتین.
• ھێکێن خاڤ یان ئەوێن باش نەھاتینە کەلاندن.
• ماسیێن باش نەھێنە بژارتن.
کاریگەریا مەترسیێن خوارنێ پترە ل دەڤ ڤان کەسان:
• زاروکێن کێمتر ژ پێنچ سالیێ و مەزنێن د سەر 75 سالیێ دا.
• ژنێن دوگیان.
• ئەو کەسێن تووشی نەخۆشیێن کێم بەرگریێ وەکو ئایدزێ دبن، یان ئەو کەسێن دەرمانێن بەرگریێ ب کاردئینن.
• ئەو کەسێن تووشی ھندەک نەخۆشیێن دومدرێژ دبن وەک نەخوشیا جەگەری یان ب کارئینەرێن مەی یان ئەو کەسێن تووشی وەرمینێ یان ژ کارنەکرنا دلی دبن.
• کەسێن کو تووشی بەرسوژێ دبن.
• ئەوێن دەرمانێن ئەنت بایوتیک ب کاردئینن کو ھندەک بەکتریایێن باش ژی دگەل خۆ دکوژن.
ھەروەسان ئەوێن پارچەیەکا مەعیدێ وان ھاتیە ژێڤەکرن.
کەسێ ژن و زارۆ سەرژێکرین دێ ھێتە سێدارەدان
ئه‌ڤرۆ نيوز:
دادگەھا تاوانان ل دھۆکێ ل سەرا کۆشتنا ژنەک و زارۆیێ وێ یێ سێ سالی سزایێ سێدارەنێ ل سەر تاوانبارەکی سەپاند، بریار ژی دێ پشتی رازیبوونا دادگەھا تەمێزێ ھێتە بجھکرن.
مەھدی منیر، بەرپرسێ سەندیکا ھونەرمەندێن کوردستانێ ل نڤیسینگەھا زاخۆ بۆ ئەڤرۆ دیار کر ب ئامادەبوونا پارێزەر و کەسوکارێن ھەردو قوربانیان بریارا سێدارەدانێ بۆ کوژەکێ کچ و نەڤیێ ھونەرمەند وەحید بەھدینی ل دادگەھا تاوانان ل دھۆکێ دەرچوویە و گۆت “پشتی دادگەھا تەمیزی ژی رازیبوونا خوە ل سەر بدەت بریار دێ چیتە د وارێ بجھئینانێ دا”.
ژلایێ خوە ڤە ھونەرمەندێ شانۆڤان وەحید بەھدینی بۆ ئەڤرۆ دیار کر پشتی کو پۆلیسان د ماوەیێ 48 دەمژمێران دا کوژەکێ کچا مە دەستەسەر کری، ژ ھینگێ وەرە سەروەریا قانوونێ ژ ئالیێ وان ڤە ھاتیە پاراستن و گۆت “دیار بوو کچا مە سەرا بەرەڤانیکرنێ ژ پاراستنا نامووسا خوە ھاتیە کوشتن”.
رۆندک وەحید بەھدین دگەل زارۆیێ وێ ل رۆژا 1/9 یا ئەڤ سالە د ناڤ مالا خوە دا ھاتبوون سەرژێکرنێ، رۆندکێ دو زارۆک ل دووڤ خوە ھێلاینە، ئێک ژ وان ب ناڤێ سۆلین حەسەن یازدە ھەیڤی یە یا دن خووشکا وێ ب ناڤێ زینایە دو سالی یە.
رێژا بێکاریێ ل ھەرێمێ چەندە؟
ئەڤرۆ نیوز:
پەیڤدارێ ئێکەتیا وەبەرئینەرێن کوردستانێ ئاشکرا کر کو نوکە رێژا بێکاریێ ل ھەرێما کوردستانێ د ناڤبەرا 20% ھەتا 25% ب ھەڤبەرکرن ل گەل سالا 2013 گەلەک زێدەتر یا لێھاتی.
مەلا یاسین مەحمود، پەیڤدارێ ئێکەتیا وەبەرئینەرێن کوردستانێ دیار کر کو 700 ھزار کەس ل کەرتێ تایبەت ماینە بێ کار و ئەو کەسێن نوکە د ناڤ بازاری ژی دا کار دکەن قازانجەکێ باش ب دەست ناکەڤیت و گۆت: ” 48% ژ خەلکێ ھەرێما کوردستانێ ژ خودان کارن کو سەرجەمێ وان کەسێن کاردکەن دبیتە دو ملیۆن و 500 ھزار”.
ناڤھاتی ئاماژە دا وێ چەندێ کو 95% ژ ئۆتێل و مۆتێلێن ھەرێما کوردستانێ ماینە بێ کار و بازاڕ ژی ھاتیە راوەستاندن و کار د بەھرا پتریا پڕۆژان ژی دا ناھێتەکرن و 80% ژ کارگەھێن ھەرێما کوردستانێ ژی راوەستیاینە و چو تشتان بەرھەم نائینن و بۆ باسنیۆز گۆت: ” ژ سەرجەمێ چار ھزار پرۆژێن وەبەرئینانێ ل ھەرێما کوردستانێ کار د ژ ھژمارەکا کێما پڕۆژان دا دھێتەکرن و پرۆژێن دی ھەموویان کڕکارێن خوە ھنارتینە مالێن وان”.
محەمەد کەریم، جێگرێ سەرۆکێ کۆربەندا ئابووری ل ھەرێما کوردستانێ ئاشکرا کر کو رێژا بێکاریێ ل ھەرێما کوردستانێ گەھشتیە و رادەیی کو ب مەترسی بھێتە تەماشەکرن و گۆت: ” ھەیکەلێ ئابووری ل ھەرێما کوردستانێ یێ ھاتیە شکاندن و یێ تووشی ئیفلیجێ بووی”.
بەفر دێ باریت
ئەڤرۆ نيوز:
رێڤەبەرێ گشتیێ کەشناسی و بیڤەلەرزێ ل ھەرێما کوردستانێ دیار کر کو پێشبینی دھێتە کرن ئەڤرۆ پلێن گەرمێ ل ھندەک دەڤەران بھێنە دبن سفرێ دا و ل دەڤەرێن چیایژی سوبەھی بەفر ب باریت.
فازل ئیبراھیم، رێڤەبەرێ گشتیێ کەشناسی و بیڤەلەرزێ ل ھەرێما کوردستانێ خویا کر، ئەڤرۆ 2/12/2015 باران بارین ل دەڤەرێن جودا یێن ھەرێمێ یا بەردەوام بیت، پشتی نیڤرۆیا ھەمان رۆژ ژی ھەوایەکێ سار کو ب ھەوایێ سیبیری ھاتیە نیاسین، دێ کارتێکرنێ ل سەر دەڤەرێن جودا یێن ھەرێما کوردستانێ کەت و پلێن گەرمێ ب رەنگەکێ بەرچاڤ نزم بن و ل دەڤەرێن چیایی دێ ھێنە دبن سفرێ دا و گۆت: “ھەتا رۆژا ئێکشەمبیا بھێت کاریگەریا وان پلێن گەرمێ ل سەر دەڤەرێن جودا یێن ھەرێما کوردستانێ دێ مینیت”.
ناڤھاتی ئاشکرا ژی کر، ژ ئەگەرێ کاریگەریا ھەوایێ سار پێشبینی دھێتە کرن سوبەھی 3/12/2015 ل دەڤەرێن چیایی بەفر ب باریت و بۆ SNN گۆت: “پلێن گەرێ بەردەوام دێ نزم بن، لێ رۆژا ئەینی 4/12 رەوشا ھەوای ھەتا رادەکی دێ سەقامیگر بیت”.
ژڤانێ راگەھاندنا ناڤێن زانکۆلاین ھاتە ئاشکەرا کرن
ئەڤرۆ نیوز:
ل گۆر زانیاریێن ب دەست رۆژناما ئەڤرۆ کەفتین، سوبەھی ناڤێن وەرگرتنا قوتابیان ل زانکۆ و پەیمانگەھێن ھەرێما کوردستانێ دێ ھێنە راگەھاندن.
ھەر ل دۆر ڤی بابەتی مە پەیوەندی ب پەیڤدارێ وەزارەتا خواندنا بلند و ڤەکۆلینێن زانستی کر، لێ یێ بەرھەڤ نەبوو چو داخویانیان بدەت و گۆت:(ھەر دەمێ ب دووماھی ھاتن دێ راگەھینین).
ژ لایەکێ دی ڤە، سەرۆکێ زانکۆیا دھۆک بۆ مالپەرێ فەرمی یێ پارتی دیار کر کو ل دەمەکێ نێزیک ناڤێن قوتابیان دێ ھێنە راگەھاندن و پێدڤیە زوو بھێنە راگەھاندن، داکو دەست ب خواندنێ بکەن و گۆت:(مە خوە ب رەنگەکێ باش یێ بەرھەڤکری و ھەر دەمێ ناڤ ھاتن دێ ل سەر پشکێن ناڤخوە دا بەلاڤ کەین و کەلوپەلێن پێدڤی بۆ دابین کەین).
ل دۆر وەرگرتنا قوتابیان ل زانکۆیا دھۆک، پ. د. مسلح دھۆکی ئاشکرا کر کو د پلانا زانکۆیا دھۆک دایە بۆ سالا خواندنێ 2015-2016 سێ ھزار ھەتا سێ ھزار و 500 قوتابیان وەربگرن و گۆت:(مە یا داخوازکری بۆ ئەڤ سالە وان قوتابیان وەرگرین یێن کو تایبەتمەندی و بسپۆیا وان یا کێمە).
سەرۆکێ پەرلەمانی بۆ ئێکەتیێ و جێگر بۆ ئێکگرتووی و سکرتێر بۆ پارتی
ئەڤرۆ نیوز:
پارتی دیموکراتی کوردستان یا رژدە ل سەر ئەنجامدانا گوھۆرینان ل دەستەیا سەرۆکاتیا پەرلەمانێ کوردستانێ و بۆ ڤێ چەندێ ژی یا نێزیکی ئەنجامدانا ڕێککەفتنەکێ بووی ل گەل ئێکەتی نیشتمانی کوردستان و ئێکگرتوو ئیسلامی.
فازل میرانی سکرتێرێ مەکتەبا سیاسی یا پارتی دیموکراتی کوردستان د دیدارەکێ دا ل گەل کوردستان تیڤی ل ھەفتیا بۆری ڕاگەھاندبوو” سەرۆکایەتیا پەرلەمانی، ب تایبەتی سەرۆکێ پەرلەمانی، یێ سەرکەفتی نەبوو د ڕێڤەبرنا پەرلەمانی دا و نەشیا ھەڤڕکیا سیاسی ژ پەرلەمانی دووربێخیت، لەوما پێدڤیە سەرۆکێ پەرلەمانی ب ڕەنگەکێ قانوونی بھێتە گوھۆرین و گۆڕانێ شەنسێ وەرگرتنا پۆستێ سەرۆکێ پەرلەمانی نینە”.
د ھەمان دەم دا ژێدەرەکێ ئاگەھدار بۆ (باس) گوت” دانوستادن ل دۆر ئێکلاکرنا پرسا پۆستێ سەرۆکێ پەرلەمانێ کوردستانێ د ناڤبەرا لایەنێن سیاسی دا، ب تایبەتی ئێکەتی و پارتی دا یا ھەی، ھەکە بھێت و بزاڤا گۆڕان ھەر یا رژد بیت ل سەر دانانا یوسف محەمەد د پۆستێ سەرۆکیچ پەرلەمانی دا، دێ بیتە ئەگەرێ سەرگرتنا وێ سیناریۆیێ کو گۆڕان ب تمامی ژ سەرۆکاتیا پەرلەمانی و حوکمەتێ بھێتە دوورخستن و دێ (پارتی و ئێکەتی و ئێکگرتوو) پۆستێن سەرۆکاتیا پەرلەمانی ب ڕەنگەکێ تەوافوقی ل سەر خوە بەلاڤکەن و دەستەیەکا نوو بۆ سەرۆکاتیا پەرلەمانی پێکئینن کو سەرۆکێ پەرلەمانی دێ بۆ ئێکەتیێ بیت و جێگر بۆ ئێکگرتوو و سکرتێرێ پەرلەمانی ژی دێ بۆ پارتی بیت، بۆ ڤێ چەندێ ژی گەلەک دانوستاندن د ناڤبەرا ئێکەتیێ و پارتی دا یێن ھاتینە کرن کو د ڤی رەوشی دا مەرجە ئەو کەسێ ئەو پۆستە پێ دھێنە دان، ژ سەرکردێن بلند یێن وان حزبان بیت، چونکی ئەزموونا پێشتر (یوسف محەمەد) یێ سەرکەفتی نەبوو و ل شوینا نێزیکبوونێ ژ ھەڤدوو، دابڕان و دەرزێن مەزن ئێخستبوونە د ناڤبەرا لایەنێن سیاسی دا”.
ل دووڤ ژێدەرەکێ باوەرپێکری ژناڤ ئێکەتی نیشتمانی کوردستان، ئەو کەسێ دناڤ ئێکەتیێ دا ئەو مەرج ل دەف ھەبن دێ (د. ئەرسەلان بایز) ئەندامێ مەکتەبا سیاسی یا ئێکەتیێ بیت، کو بەری نوکە وەکو وەکو پەرلەمانتار ڕژەکا مەزن یا دەنگان بدەستڤەئینابوون، بەلێ دەست ژ کارکێشابوو، چونکی پێشتر ژی ئەزموونەک ھەبوو ل سەرۆکاتیا پەرلەمانێ کوردستانێ، بەلێ وی ژێدەرێ ئێکەتیێ گوت ژی، د ڤی حالەتی دا زڤرینا د. ئەرسەلانی دێ پێدڤی ب دارێشتنەکا تایبەت یا قانوونی ھەبیت.
ژێدەرکی دی یێ نێزیک ژ پارتی بۆ باس گوت” د پێدانا پۆستێ سکرتێرێ سەرۆکێ پەرلەمانی دا کو دێ بۆ پارتی بیت، دێ (د. فەرسەت سوفی) بەربژارێ ب ھێز یێ پارتی بیت بۆ وی پۆستی، چونکی باوەرناما دکتورایێ ب قانوونێ یا ھەی و پێزانین و ڕەنگێ کارێ وی ل پەرلەمانێ کوردستانێ یێ دیارکری کو ئەو ھەژی وی پۆستی یە و پەیوەندیێن باش ل گەل ھەموو فراکسیۆنێن پەرلەمانی یێن ھەین”.
سەبارەت ب ئێکگرتووی ئیسلامی کو بەحس ل وێ چەندێ ھاتیە کرن دێ پۆستێ جێگرێ سەرۆکێ پەرلەمانی پێ ھێتە دان، ھەتا نوکە ئێکگرتووی بەربژارێ خوە بۆ وی پۆستی دیار نەکریە، چونکی ب دیتنا ئێکگرتووی دبیت بزاڤا گۆڕان دەست ژ یوسف محەمەدی بەردەت و ب ڤێ چەندێ پارتی ل گەل گۆڕان ڕێککەڤیت.
د ھەمان دەم دا، ژێدەرەکێ باوەرپێکری بۆ باس خویاکر، ھەکە ھات و بزاڤا گۆڕان ب لادانا یوسف محەمەدی رازی بوو، دێ پەرلەمانتارێ گۆڕان (عومەر عینایەت) بەربژارێ ئێکێ بیت بۆ پۆستێ سەرۆکێ پەرلەمانی، ئەڤە ژی ژ زاردەڤێ سەرکردەکێ گۆڕان بۆ پارتی یا ھاتیە گوتن، ھەروەسا ژ لایێ پارتی ڤە دێ (جەعفەر ئێمینکی) دەست ژکار کێشیت و ب ڕێیێن قانوونی ل گەل کۆمسیۆنا بلند یا ھەلبژارتنان، دێ ساسان عەونی سەرکەڤیت بۆ پەرلەمانی و پۆستێ جێگرێ سەرۆکێ پەرلەمانی وەرگریت و پەرلەمانتارێ ئێکەتیێ (گۆران ئازاد) دێ پۆستێ سکرتێرێ پەرلەمانی پێ ھێتە دان.
ل دووڤ ژێدەرەکێ نێزیک ژ مەکتەبا سیاسی یا ئێکەتی نیشتمانی کوردستان، ئێکەتیێ ئاگەھداریا گۆڕانێ کریە کو نابیت پرسا یوسف محەمەدی بکەت کێشە و کاکلکا ھەڤڕکیێ و رەوشێ ب پێداگیریێ ل مانا وی د پۆستێ سەرۆکێ پەرلەمانی دا ب گرێدەت و ھەکە پێداگیریێ د مانا یوسف محەمەدی دا بکەن، پێدڤیە گۆڕان بەرپرسیارەتیا وێ چەندێ ب ستوویێ خوەڤە بگریت کو ئەو رەوشا نوکە ھەی، یا بەردەوام بیت ھەتا ئەنجامدانا ھەلبژارتنێن داھاتی ل سالا 2017 ێ.
ل دۆر گوھۆرینێن سەرۆکاتیا پەرلەمانی، مەردان خدر ئەندامێ پەرلەمانێ کوردستانێ ژ فراکسیۆنا پارتی بۆ باس گوت” نابیت ئەڤ رەوشە یا بەردەوام بیت، ھەکە گۆڕان یا رژد بیت ل سەر مانا یوسف محەمەدی، دێ فراکسیۆنا پارتی ژی کار ل سەر تەوافوقەکێ کەت کو گۆڕان ژ دەرڤەی وێ تەوافوقێ بیت، ھەرچەندە خوازیارێن وی کاری ژی نینن” مەردانی گوت ژی” پارتی، ھێلا سۆر یا ل سەر یوسف محەمەدی دانای و ل دەڤ پارتی ئەو ئێدی سەرۆکێ پەرلەمانی نینە، ئەم ژی وەکو فراکسیۆنا پارتی د بەرھەڤین ب ھەموو جۆرەکی گوھۆرین د سەرۆکاتیا پەرلەمانی دا بھێنە کرن، بۆ وێ چەندێ ژی ئەم چاڤەڕێی شاندێ دانوستاندناین و ڕێککەفتنا پارتی ل گەل ئێکەتیێ و ئێکگرتووی دکەین”.
رۆسيا گه‌فان ل توركيا دكه‌ت و چه‌كى دده‌ته YPGێ
ئەڤرۆ نیوز:
سەرۆکێ روسیا ڤیلادەمیر پۆتین ل باژێرێ پاریس د پرێس کۆنفرانسەکێ دا راگەھاند کو تورکیا فرۆکا مە ئێخست دا کو بشێت ب ساناھی تانکەرێن پەترۆلێ ژ داعشێ بکریت و نھا ب سەدان بەلگە د دەستێ مە دا ھەنە کو نیشا ددەن تورکیا ھاریکاریا داعشێ دکەت و ئەم دێ د دەمەکێ گونجای دا وان بەلگان بۆ رایا گشتی ئاشکرا کەین دا ھەموو جیھان روویێ راست یێ ئەردۆگانی و حوکمەتا وی ببینن.
ژ لايه‌كێ دى ڤه رۆژناما یێنی شەفەق یا تورکیا د راپۆرتەکێ دا دیار کریە کو دوھی چەندین فرۆکێن روسیا چەکێن گران گەھاندینە ناڤەندەکا مەزن یا سەربازی یا YPG ل نێزیکی باژێرێ عەفرینێ، ل وێ ناڤەندێ نێزیکی دو ھزار شەرڤانێن YPG ھەنە، د بەردەوامیا راپۆرتێ دا ھاتیە دیار کرن کو بەری نھا روسیا دیار کربوو دێ ھاریکاریا شەرڤانێن کورد کەت.
نيشاندان
WP Facebook Auto Publish Powered By : XYZScripts.com