ئەڤرۆ نیوز، ھەژار مەعروف:
خوبەرھەڤکرن بوو یاریێن بھێت یێن خۆلا عیراقێ یا پلا نایاب بریارە تیما تەپا پێ یا دھۆک دڤێ حەفتیێ دا دو یاریێن ھەڤالینی بکەت .
بریارە سوباھی ل دەمژمێر ٢:٣٠ پشتی نیڤرو ھەردو یانێن زێرەڤانی و دھۆک ھەمبەری ئێک بن ل یاریگەھا زێرەڤانی و رۆژا پێنج شەمبیا بھێت بریارە تیما دھۆک بەر ب باژێرێ ھەولێرێ بچیت بۆ ئەنجامدانا یاریا خوە یا دوێ یا ھەڤالینی ئەڤ جارە بەرامبەر یانا ھەولێرێ کەت ل یاریگەھا فەرەنسو حەریری.

ئەڤرۆ نیوز، ھەژار مەعروف:
ھەردو یانێن باکورێ کوردستانێ ئامەد سپور و دیاربەکر سپور بەردەوامی دانە ئەنجامێن خوە یێن باش دخۆلا پلا دو و سێ یا تورکیا یا تەپا پێ دا.
ئامەد سپور ل دەرڤەی یاریگەھا خوە شیا خالەکا گرنگ ب دەستخوڤە بینت دەمێ وەکھەڤ بووی ل گەل توکات سپور بێ گول و ب ڤی ئەنجامێ خالێن خوە گەھاندنە ٢٣ خالا رێزا سێ پاراست دلیستەیا خۆلا پلا دو یا تورکیا دا.
ژلایەکێ دووڤە تیما دیاربەکر سپور ل دەرڤەی یاریگەھا خوە شیا سەرکەفتنەکا مەزن ل سەر ھەڤرکا خوە تیما کەمەر بەلدیە سپور توماربکەت ب سێ گولان بەرامبەر گولەکێ و یانا دیاربەکر  خالێن خوە گەھاندنە ٢٨ خالان پێشڤە ھاتە رێزا سێ و کێمتر یاریەکێ ژ یانێن دی.
ژلایەکێ دووڤە د یاریێن کوما سێ ژ خولا پلا سێ ھەردو یانێن باتمان سپور و درێسم سپۆر وەکھەڤ بوون بێ گول و وان سپۆر دەرڤەی یاریگەھا خوە سەرکەفتن ل سەر بەلدیبیا سپور تومارکر ب سێ گولان بەرامبەر گولەکێ و جزیرە سپور ژی دەرڤەی یاریگەھا خوە ل گەل گول پاشا ب سەرکەفت.

ئەڤرۆ نیوز، ھەژار مەعروف:
نوونەرا کوردستانێ دخۆلا پلا دو یا سوید یا تەپا پێ دا پشتی ل وەرزێ ئەڤ سالە دەربازی خۆلا پلا ئێک بووی و کارگێریا یانێ د نوچەیەکێ نە چاڤەرێکری دا راھێنەرێ خوە یێ نووی ھەلبژارت بوو سەرپەرشتیا تیمێ بکەت دخۆلا پلا ئێک دا بۆ وەرزێ بھێت.
نوونەرێ یانا دالکورد ل کوردستانێ ھەرژین عوسمان د داخویانیەکێ دا بۆ ئەڤرۆ نیوز دیارکر یانێ بریار دایە پویا ئەسبەقی یێ راگەز ئیرانی و خودان پاسپورتا سویدی وەکو راھێنەرێ نوو یێ تیمێ بھێتە دەست نیشانکرن و سەرپەرشتیا تیمێ بکەت ل وەرزێ بھێـت دخولا پلا ئێک یا سوید دا .
ھەژی گوتنێ یە پویا ئەسبەقی ھاریکارێ راھێنەرێ یانا دالکورد بوو ل وەرزێ بوری و بەری نوکە ژی سەرپەرشتیا یانا دالکورد کر بوو ل دەمێ کەمپا راھێنانی ل دھۆکێ و باکورێ کوردستانێ .