ئه‌ڤرۆ نیوز:
ب مه‌ره‌ما كێمكرنا بهایێ دولارى به‌رامبه‌ر دینارێ عیراقى، كو ماوه‌یه‌كه به‌ره‌ڤ بلندبوونێ یێ چووى، بانكا ناوه‌ندیا عیراقێ چه‌ند بریاره‌ك ده‌ركرن.
ل دووڤ به‌یاننامه‌كا بانكا ناوه‌ندیا عیراقێ، ب مه‌ره‌ما دابینكرنا خواستا بانكان ل سه‌ر دراڤێن بیانى، ل 20 ڤێ هه‌یڤێ بهێنڤه‌دانا رۆژێن شه‌مبى یا فه‌رمانبه‌رێن بانكا ناوه‌ندى یا عیراقێ دێ هێته هه‌لوه‌شاندن و ئێدى فه‌رمانبه‌رێن وان بانكان رۆژێن شه‌مبى ژى دێ ده‌وامێ كه‌ن.
ئه‌ڤرۆ نیوز، قه‌یس ئیسماعیل:
پشتى هه‌لبژارتیى عیراقێ دگه‌ل هه‌لبژارتیێ ژاپونێ ل ژاپون ب 4-0 د یاریه‌كا هه‌ڤالینى دا خوساره‌ت بووى، جادا وه‌رزشى ل عیراقێ وتایبه‌ت ل مالپه‌رێن جڤاكى فشاره‌كا مه‌زن ئێخسته سه‌ر ئێكه‌تیا ته‌پا پێیا عیراقێ ب مه‌ره‌ما دوۆرخستنا راهێنه‌رێ هه‌لبژارتێ عیراقێ ئه‌كره‌م سه‌لمان.
چه‌ند ژێده‌رێن رۆژنامه‌ڤانى ئه‌ڤرۆ دیاركرن ئه‌و راهێنه‌ر ئه‌ڤرۆ داخازا لێبورینێ ژ كاری خو خاست و ئێكه‌تیا ته‌پا پیا عیراقێ قه‌بولكر و دگه‌ل هه‌مى كادرێ وێ هه‌لوه‌شاند.
دگه‌ل ڤان بریارا ئێكه‌تیا ته‌پا پێ یا عیراقێ ئه‌ندامه‌تیا سعد مالح راگرت و لژنا ته‌پاپێ یا ئافره‌تان راگرت ،وبریار دا راهێنه‌ره‌كێ بیانى بۆ هه‌لبژارتیێ عیراقێ ژ ڤان وه‌لاتان (یوغسلافیا ،سربیا ،كرواتیا ) هه‌ڤبه‌ستى دگه‌ل گرێده‌ت.
لدۆر یاریا هه‌لبژارتیێ عیراقێ وهه‌لبژارتیى سوریێ بریار هاته دان یحیى عه‌لوان راهێنه‌رى هه‌لبژارتیى ئولومپى تیمێ برێڤه ببه‌ت د ڤێ یاریێ دا ئه‌وا دهێته ئه‌نجام دان ب مه‌ره‌ما راكرنا دوورپیچێ ل سه‌ر یاریگه‌هێن عیراقێ.
به‌رى پێنج هه‌یڤا ئێكه‌تیا ته‌پا پێ یا عیراقێ گرێبه‌ست دگه‌ل ئه‌كه‌ره‌م گرێدابوو بمه‌ره‌ما سه‌رپه‌رشتى كرنا هه‌لبژارتیێ عیراقى د ڤاڤارتیێن كێشوه‌رێ ئاسیا بۆ روسیا2018 وكاسا ئاسیا 2019 ل ئیماراتێ، به‌لێ نه‌شیا چ پێشكه‌فتنێ ل سه‌ر ئاستێ هه‌لبژارتیێ زێده بكه‌ت و دئه‌نجام بو قوربانێ ئه‌نجامێت خراب.
ئه‌ڤرۆ نیوز:
عەلی حەمە ساڵح، جێگرێ سه‌رۆكێ لژنا دارایى ل په‌رله‌مانێ كوردستانێ راگه‌هاند: ره‌وشا داراییا هه‌رێمێ زور یا خرابه و وه‌زاره‌تا دارایى ژى شیانێن ب تمامى شیانێن دابینكرنا مووچێن هه‌یڤا نیسانێ نینه ژبه‌ر كو به‌غدا 508 ملیار دینار بۆ هه‌رێمێ یێن هنارتین و پارێ بو موچان پێدڤى 850 ملیار دینارن.
عەلی حەمە ساڵح دیسا دیاركریه: كو نوكه یا راوستیاى د ئاست بریاردان ل دۆر كێشێن دارایى و پشتى ده‌ربازبوونا 16 رۆژان هه‌رێمێ بریارا خوه ل دۆر نه‌هنارتنا نه‌فتێ ب رێیا كومپانیا سومو نه‌دایه.
ئه‌ڤرو نیوز،بارزان مزوورى
ژێده‌رك ژ هێزێن پێشمه‌رگه‌ى ل میحوه‌رێ ناوه‌ران بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 6 ئیڤارى 16/6/2015 چه‌كدارێن تیرورستێن داعش دناڤ گوندێ خورسه‌بات ب چه‌كێ كاتیوش بوردومانا هێزێن پێشمه‌رگه‌یێن ل میحوه‌رێ ناوه‌ران كرن، به‌لێ ب دروستى كاتیوشێن وان نه‌گه‌هشتنه دناڤ سه‌نگه‌رێ پێشمه‌رگه‌ى دا، ل دوڤ دا فروكه‌یێن هه‌ڤپه‌یمانان بوردومانا وێ ترومبێلا كاتیوشیه كر و ئاگر تێبه‌ردا و چه‌ك ب چه‌كدارڤه هاتن سوتن .
ئه‌ڤرۆ نیوز:
ئه‌ڤرۆ په‌رله‌مانێ كوردستانێ پرۆژه قانوونا قه‌رێن ده‌ره‌كى په‌سه‌ندكر، هه‌ر چه‌نده فراكسیونێن ئیسلامى بۆ جارا دوێ بایكوتا كومبوونا په‌رله‌مانى كرن.
ئه‌ڤرۆ په‌رله‌مانێ كوردستانێ جاره‌كادى پرۆژه قانوونا قه‌رێن ده‌ره‌كى ئێخسته به‌ر ده‌نگدانێ، پشتى كو د حه‌فتیا چوویى دا، ده‌نگێن پێدڤى ل په‌رله‌مانى بده‌ستڤه نه‌ئینان، هه‌ر چه‌نده فراكسیوێن ئیسلامى كومبوون بایكوت كر، به‌لێ په‌رله‌مانى ب ده‌نگێن 57 ده‌نگێن به‌لێ پرۆژه په‌سه‌ندكر.
حكومه‌تا هه‌رێمێ ل دووڤ ڤێ بریارێ دێ شێت هه‌تا 5 ملیار دولاران قه‌ر كه‌ت.
ئه‌ڤرۆ نیۆز قائید میرۆ
سه‌رۆكێ فڕاكسیۆنا پارتی دیموكراتی كوردستان ل په‌رله‌مانێ عێراقێ راگه‌هاند” بڕیاره شاندێ هه‌رێمێ جاره‌كادی بۆ دانوستانان ل دۆر رێكه‌فتنا دگه‌ل به‌غدا سه‌ره‌دانا به‌غدا بكه‌ت.
خه‌سرۆ گۆران، سه‌رۆكێ فڕاكسیۆنا پارتی دیموكراتی كوردستان ل په‌رله‌مانێ عێراقێ ب ئه‌ڤرۆ نیۆز راگه‌هاند” به‌غدا یا پێگیر نه‌بوویه ب رێكه‌فتنا دگه‌ل هه‌رێما كوردستانێ و پێدڤیه جاره‌كادی پێداچوون ب رێكه‌فتنا ناڤبه‌را هه‌ولێر و به‌غدا بهێته‌كرن و هه‌رێم دوباره دانوستانان دگه‌ل به‌غدا بكه‌ت، چونكو به‌غدا كێمتر ژ نیڤا پارێ رێكه‌فتن لسه‌ر هاتینه ده‌ته هه‌رێما كوردستانێ”.
گۆران دیاركر” بڕیاره بۆ دانوستانان دگه‌ل به‌غدا شانده‌كێ هه‌رێما كوردستانێ سه‌ره‌دانا به‌غدا بكه‌ت، به‌لێ ژڤانێ سه‌ره‌دانێ هێشتا نه‌هاتیه دیاركرن، تنێ بڕیار لسه‌ر چوونا شاندی هاتیه‌دان”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16ى خزيرانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1420 |
| 1 يۆرۆيێ ئه‌ورۆپى | 1590 |
| 1 ليرێ توركى | 515 |
ب گۆره‌يى بازارێن دهۆكێ هه‌تا ده‌مژمێر 2:13 ده‌قيقه دۆلار هاتيه د بن 1400 ديناران دا وه‌كو د ڤى خشته‌يى دا ديار:
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
نيشاندان