ئه‌ڤرۆ نيوز:
به‌رى ده‌مه‌كێ كێم د چارچۆڤێ ياريێن گه‌را 11 يێن لاليگا دا، يانا به‌رشه‌لۆنا سه‌ركه‌فتنه‌كا گرنگ ل سه‌ر يانا ڤياريال تۆماركر ب دو گۆلێن نيمار و په‌نه‌له‌تيا سوارێز و ب ڤێ چه‌ندێ ژى ب ره‌نگه‌كێ به‌روه‌خت چوو سه‌رێ ليستا خولێ ب 27 خالان.
نووترين نووچه
- هەلبژارتن تنێ بۆ ب دەستڤەئینانا كورسییان نینە، بەلكو پراكتیزەكرنا دیموكراسیەتێ یە
- ژ بۆ ئاشتیێ یا ژ دەستێ مە بهێت دێ ئەنجام دەین
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
- سەرۆك بارزانی و رۆمانۆڤسكی پێنگاڤێن پێكئینانا حوكمەتا نوو یا هەرێما كوردستانێ گەنگەشەكرن
- پێدڤییە پێكئینانا حوكمەتێ ل سەر بنەمایێ دەنگێن ئالیێن سیاسی بیت د هەلبژارتناندا
- هێمن هەورامی: دانوستاندنێن پێكئینانا حوكمەتا نوو یا هەرێمێ دێ ل گەل هەموو ئالییان كەین
- هەبوونا بنەمایێ ئێك ئیدارە و ئێك حوكمەت و ئێک هێزا پێشمەرگەی باشترین بژاردەیە
سهرهكى Twitter
ڤیدیو: فرۆشیاره‌ك د فروتنێ دا چ حیله دكه‌ت
چینێ ژ زاروكه‌كێ كرنه دوو
ئه‌ڤرو نیوز ، نه‌وزاد زاده هلورى:
د ماوه‌یێ 36 سالێن بورى دا حوكمه‌تا چینێ سیاسه‌تا هه‌بوونا ئێك زاروك لده‌ڤ خێزانێن وه‌لاتى َخوه سه‌پاند و بڤى ره‌نگى شیا رێژه‌یا ئاكنجیێن خوه كێم بكه‌ت ، جاره‌ك دن چینێ بریار دا هه‌بوونا زاروان ژ زاروكێ بكه‌ت دوو زاروك.
دڤى واریدا حزبا شیوعیا وى وه‌لاتى به‌یاننامه‌یه‌ك ده‌رئێخست و تێدا هاتیه : ( ب مه‌ره‌ما راگرتنا به‌لانسا هژمارا ئاكنجیبونا وه‌لاتێ چینێ به‌رى 36 سالان یاسایه‌ك بوو كێمكرنا رێژه‌یا دایكبوونێ هاته په‌یره‌وكرن كو ئه‌و ژى هه‌ر خێزانه‌كا ئاكنجى ل چینێ بتنێ دڤێت ئێك زاروك هه‌بیت ، به‌لێ دنها دا بو دووباره راگرتنا به‌لانسا پیربوون و بلندكرنا ئاستێ گه‌شت و گوزار و به‌رگریكرنا دیموگرافیێ بریار هاته‌دان كو هه‌ر خێزانه‌ك دكاریت هه‌تا دوو زاروان ژى بینیت )
زێده‌تر هاتیه : ( ل گوره‌ى زانیاریێن كو ل وه‌لاتێ چینێ هه‌یى د نهادا هژمارا كه‌سێن دانعه‌مرێن كو د ژیێ 60 سالیێ وێڤه‌نه گه‌هشتیه 13% یا هژمارا ئاكنجیان كو ئه‌ڤ یه‌ك ژى پتره ژ رێژه‌یا زاروان ، و دیسان ئه‌ڤ رێگریا زاروكبوونێ بوویه سه‌ده‌م كو رێژه‌یا گه‌شت و گوزاریێ كێم بكه‌ت و رێژه‌یا گه‌شه‌یا ئابوورى و گه‌شت و گوزارى ب رێژه‌یا 7-10% كێمكریه ، و سیاسه‌تا ئێك زاروك بون بوویه سه‌ده‌م كو رێژه‌یا كچان زوركێمتر بیت ژ كوران ژبه‌ركو د وه‌لاتێ چینێ دا كور گرنترن ژ كچان و ل ده‌ما هه‌بوونا دوگیانیێ ب كچێ گه‌له‌ك ژنان دوگیانیا خوه ژ ناڤبریه و ئه‌ڤ یه‌ك ژى بوویه سه‌ده‌م دیموگرافیا وى وه‌لاتى تێكبچیت )
زانكویا سه‌لاحه‌ددین سوبه دێ ناڤێن قوتابیێن دكتۆرایێ راگه‌هینیت
ئه‌ڤرۆ نیۆز، قائید میرۆ
سوبه دێ ناڤێن كاندیدێن دكتۆرایێ بۆ خواندنا ئه‌ڤساله ل زانكۆیا سه‌لاحه‌ددین هێنه راگه‌هاندن.
دكتۆر ئیبراهیم حه‌مه‌ڕه‌ش، هاریكارێ سه‌رۆكێ زانكۆیا سه‌لاحه‌ددین ب ئه‌ڤرۆ نیۆز راگه‌هاند” سوبه رۆژا دوشه‌مبی سه‌رۆكایه‌تیا زانكۆیا سه‌لاحه‌ددین دێ ناڤێن كاندیدێن دكتۆرایێ بۆ كورسیێن خواندنا ئه‌ڤساله راگه‌هینیت”.
ئیبراهیمی گۆتژی” ئه‌ڤه بۆده‌مێ چه‌ند سالابوو وه‌زاره‌تا خواندنا خواندنا دكتۆرایێ ل زانكۆیێن هه‌رێمێ راگرتی و بڕیاره 543 كاندید بهێنه وه‌رگرتن بۆ هه‌موو هه‌رێما كوردستانێ.
مامۆستایه‌ك هاته ده‌سته‌سه‌ركرن
ئه‌ڤرۆ نیۆز، قائید میرۆ
مامۆستایه‌ك لسه‌ر ئاخفتنێن نه‌هه‌ژی هێرشكرینه سه‌ر قوتابیه‌كی و برینداركریه، پۆلیس ژی دبێژن مامۆستا هاتیه ده‌سته‌سه‌ركرن.
رائید جه‌مال عه‌لی، په‌یڤدارێ پۆلیسێن گه‌رمیان ب ئه‌ڤرۆ نیۆز راگه‌هاند” چوار شه‌مبیا بۆری قوتابیه‌كی ته‌مه‌ن 17 سالی ئاخفتنێن نه‌هه‌ژی گۆتینه مامۆستایه‌كا ئافره‌ت و ژلایێ هه‌ڤژینا ئه‌ڤێ مامۆستایا ئافره‌ت قوتابی هاتیه قوتان و د ئه‌نجامێ قوتانێ بریندابوویه، له‌وڕا هاتیه ڤه‌گوهاستن بۆ نه‌خۆشخانێ، كۆ مامۆستایێ زه‌لام هه‌ڤژینێ مامۆستا ئافره‌ته و ل هه‌مان قوتابخانه مامۆستایه.
رائید جه‌مالی گۆتژی” پشتی ڤه‌كۆلینان مامۆستایێ زه‌لام گوره‌ی ماددێ 413 سزادانا عێراقی ژلایێ هێزێن پۆلیسانڤه هاته ده‌سته‌سه‌ركرن و ڤه‌كۆلین د به‌رده‌وامن.
چو كۆمبوونێن په‌رله‌مانی ناهێنه ئه‌نجامدان
ئه‌ڤرۆ نیۆز، قائید میرۆ
ژبه‌ر رێڤه‌نه‌چوونا كۆمبوونێن په‌رله‌مانی لیژنا نافخۆ چو راپۆرت لدۆر ئالۆزیێن ڤێ دوماهیێ به‌رهه‌ڤ نه‌كرینه.
نازم كه‌بیر، جێگرێ سه‌رۆكێ لیژنا نافخۆ یا په‌رله‌مانێ كوردستانێ ب ئه‌ڤرۆ نیۆز راگه‌هاند” لیژنا نافخۆیا په‌رله‌مانێ كوردستانێ لبه‌ربوو پشتی روویدان و ئالۆزیێن ده‌ڤه‌را سلێمانیێ و هه‌له‌بجه سه‌ره‌دانا ئه‌ڤان ده‌ڤه‌ران بكه‌ت و پشتی ڤه‌كۆلینێ راپۆرته‌كێ به‌رهه‌ڤ بكه‌ت”.
نازمی دیاركر، ژبه‌ركو نوكه په‌رله‌مانی كارێن خوه یێن رێڤه‌برنا كۆمبوونانان راگرتینه، مه نه‌ڤیا راپۆرتێ تنێ بۆ ده‌زگه‌هێن راگه‌هاندنێ به‌رهه‌ڤ بكه‌ین و راپۆرت نه‌هاته به‌رهه‌ڤكرن، ژبه‌ركو كۆمبوونێن په‌رله‌مانی ناهێنه ئه‌نجامدان”.
رۆژنامه‌كا بریتانی ئه‌و كه‌سێ فرۆكا روسی په‌قاندی ئاشكرا دكه‌ت
ئه‌ڤرۆنیۆز، ئه‌یاد به‌رواری
رۆژنامه‌كا بریتانی ناڤێ وی كه‌سێ پلانا په‌قاندنا فرۆكا روسی دانای ئه‌وا ل رۆژا ئێكێ ڤێ مه‌هێ ل هنداڤی ده‌ڤه‌را سینا یا مسری كه‌فتی و 227 كه‌سان گیانێ خوه ژ ده‌ستدای كو پتریا وان روسی بوون، ئاشكرا دكه‌ت.
رۆژناما (سه‌نده‌ی تایمز) یا بریتانی به‌لاڤكر كو ( ئه‌بو ئوسامه ئه‌لمسری) پلانا په‌قاندنا وێ فرۆكێ دانابوو و شیا ب ڕێیا په‌یوه‌ندیێن خوه، یان ژی ب گه‌فان، ماده‌كا ته‌قینه‌ر یان ژی بۆمبه‌كا ژلایێ هنده‌ك كه‌سێن ب سه‌ر ویڤه هاتیه چێگرن، بكه‌ته دناڤ وێ فرۆكێ دا.
رۆژناما ناڤبری دیاركر ژی” هه‌والگیریا بریتانی گرته‌یه‌كا ده‌نگی یا ده‌گمه‌ن یا (ئه‌بو ئوسامه ئه‌لمسری) یا هه‌ی و ب ڕێیا وێ گرته‌یێ شیاینه وی ده‌نگێ هه‌ڤبه‌ر بكه‌ن ل گه‌ل وی ده‌نگێ هاتی پشتی به‌یانناما ده‌نگی ئه‌وا به‌رپرسیاره‌تیا داعشێ ژ كه‌فتنا وێ فرۆكێ راگه‌هاندی “.
سه‌ره‌رای وێ چه‌ندێ كو (ئه‌بو ئوسامه ئه‌لمسری) كه‌سایه‌تیه‌كێ مژه‌وی یه، هه‌تاكو بۆ مسریان ب خوه ژی، به‌لێ ل دووڤ رۆژناما بریتانی، هه‌والگیریا بریتانی پێزانینێن رۆهن ل سه‌ر وی كه‌سی یێن هه‌ین كو ئه‌و چه‌نده ژی ڕێ دده‌تێ ب ڕێیا تیمه‌كا هێزێن ئه‌سمانی یێ ن بریتانی ژناڤببه‌ت كو ل به‌ره ل ده‌مه‌كێ نێزیك بگه‌هیته سینایێ، پشتی رێككه‌فتنه‌كا سێ لایه‌نی ( بریتانی، مسری و روسی).
ئه‌بو ئوسامه ئه‌لمسری ژ كه‌سایه‌تیێن مژه‌وی یه دناڤ رێكخستیا داعش یا تیرۆرستی دا، لێ ل دووڤ وێ رۆژنامێ، ئه‌و سه‌ركردێ راسته‌قینه‌یێ داعشێ یه، هنده‌ك راپۆرتێن مسری ژی ئاماژێ دده‌نه وێ چه‌ندێ كو (ئه‌لمسری) ناڤێ وی (یوسری عه‌بدولمنعم) كو پشتى شوره‌شا گه‌لێ مسری دژی حوسنی موباره‌كی، شیای ژ زیندانێن مسرێ ب ڕه‌ڤیت ل گه‌ل چه‌ندین تیرۆرستێن دی، لێ هنده‌ك راپۆرتێن دی دیاردكه‌ن (ئه‌لمسری) ژ ده‌ڤه‌را (عه‌ریشه) و ناڤێ وی یێ دروست (محه‌مه‌د ئه‌حمه‌د عه‌لی ئه‌بو ئوسامه ئه‌لمسری) یه و به‌رنیاسترین كه‌سێ مسری یه كو ژلایێ بزاڤا حه‌ماس یا فلستینی ڤه هاتیه مه‌شقدان به‌ری به‌ر ب سووریێ بچیت و پشكداریێ د شه‌ڕی دا بكه‌ت ل وی وه‌لاتی بۆ ده‌مێ چار سالان.
ڤیدیو: كچه‌ك خوه دكه‌ته كۆر و ل گه‌ل تپیه‌كا ته‌پا پێى یا كۆران یاریێ دكه‌ت
کۆنگرێس هنارتنا هێزا حشکانی بۆ عێراق و سووریا دێ شروڤه كه‌ت
ئه‌ڤرۆ نیوز:
ژماره‌ك ژ كۆنگریسمانێن ئه‌مریكا ل جڤاتا نوونه‌رێن ئه‌مریكا داخواز ژ پاول ریان سه‌رۆكێ ئه‌نجوومه‌نێ نوێنه‌رێن ئه‌مریكا كریه كو قانوونا تایبه‌ت ب شه‌رێ داعش بئێخیته كارناما ئه‌نجوومه‌نى هه‌تاوه‌كو ده‌نگ ل سه‌ر بهێته دان و ده‌ستهه‌لات ب ئوباما سه‌رۆكێ ئه‌مریكا بهێته دان هێزا سه‌ربازى دژى داعش بكار بینیت.
ل دووڤ قانوونێ، ده‌ستهه‌لات ب سه‌رۆكێ ئه‌مریكا دهێته دان، هێزا سه‌ربازى ل شه‌رى دژى داعش بهێته بكارئینان، ئانكو ژبلى پێشكێشكرنا راروێژكارێن سه‌ربازى، سوپایێ ئه‌مریكا دشێت پشكداریێ د شه‌رێ دژى داعش دا بكه‌ت.
ئه‌ڤرۆ نيوز ڤيديۆيه‌كا شنگال به‌لاڤ دكه‌ت
نيشاندان
WP Facebook Auto Publish Powered By : XYZScripts.com