ئه‌ڤرۆ نیوز:
ئێڤارییا ئه‌ڤرۆ 7/11/2015 شانده‌كێ بلند یێ هه‌رێما كوردستانێ بسه‌رۆكاتیا نێچیرڤان بارزانی سه‌رۆك وه‌زیرێن هه‌رێما كوردستانێ، قوباد تاڵەبانی جێگرێ سەرۆك وەزیران، فازل میرانی سكرتێری مەكتەبا سیاسییا پارتی دیموكراتی كوردستان، فەرهاد ئەترووشی پارێزگارێ دهۆكێ، د. ڕۆژ نوری شاوەیس و ئازاد بەرواری ئەندامانی مەكتەبی سیاسیی پارتی ، دەرباز کۆسرەت ڕەسووڵ وەزیرێ ئاڤه‌دانكرنێ و ئاكنجیكرنێ، سەفین دزەیی په‌یڤدارێ حکوومەتێ، بۆ پشكداریكرن د به‌هییا سیاسەتمەدارێ عێراقی یێ به‌ری چه‌ند رۆژان وه‌غه‌ركری ئەحمەد چەلەبی، گەهشتنە بەغدایا پایتەختا ئیراقێ و سه‌ره‌خۆشی ل كه‌سوكارێن چه‌له‌بی كر.
نێچیرڤان بارزانی ب نوونه‌راتییا مه‌سعود بارزانی سه‌رۆكێ هه‌رێما كوردستانێ ژی سه‌ره‌خۆشی و هه‌ڤخه‌می ل كه‌سوكارێن چه‌له‌بی كر.
ئەڤرۆ، ھەژار مەعروف:
فوتو قەیس وەیس
راھێنەرێ یانا دھۆک یێ سائیر جەسام بوو جارا دوێ داخویانیەکا دژوار دژی یاریکەرێن کورد دا کو بەری چەند رۆژا داخویانیەکێ دا دیارکر بوو یاریکەرێن خۆلا کوردستانێ ئاستێ وان یێ پلا دو یە ل سەر ئاستێ عیراقێ .
ل دۆر وێ داخویانیا راھێنەرێ تیما خۆلا عیراقێ جێگرێ سەروکێ یانا دھۆک محەمەد عەبدی د داخویانیەکا تایبەت بۆ ئەڤرۆ نیۆز دیارکر کارگێریا یانێ یاریکەرێن خوە یێن خۆلا کوردستانێ ب یاریکەرێن خۆلا پلا نایاب دبینن ل سەر ئاستێ عیراقێ و شیانێن ئەوان ژ چو یاریکەرێن دی کێمتر نینە ئەوێن نوکە یاریێ ل یانێن دی یێن عیراقێ کەن و ھەکە پشتەڤانی بو یاریکەرێ کورد ھەبیت دێ شێن ھەڤرکیێ ل سەر رێزێن پێشیێ کەن .
ناڤبری ئاماژ ب وێ چەندێ ژی کر ئەو نزانن کا ئارمانجا راھێنەرێ ئەوان چیە ب ئەوان داخویانیێن ئەوی ل کەنالێ عیراقی یە دیارکرین دبیت ھزرەکا دی ب ئەوان داخوییانیا ھـەبیت.
ئه‌ڤرۆ نیوز:
نه‌جمه‌دین كه‌ریم پارێزگه‌رێ كه‌ركووكێ دبێژیت كو بێگۆمان كه‌ركووك كوردستانه و دڤێت رێفراندوما ڤه‌گه‌ریانا وێ بۆ سه‌ر هه‌رێما كوردستانێ بهێته‌كرن .
د هه‌ڤپه‌یڤینه‌كێ دا بۆ مالپه‌رێ (ئه‌لمۆنیته‌ر) نه‌جمه‌دین كه‌ریم خویاكر كو پێشمه‌رگه ب چ شێوه‌كێ ئه‌و جهێن كۆنترۆل كرین به‌رناده‌ت، سۆپایێ ئیراقی ره‌ڤییه و جهێ میلیشیایێن شیعه ل كه‌ركووكێ نینه و پشتی كۆنترۆلكرنا ناوچێن كوردستانی دڤێت رێفراندوم بهێته‌كرن .
هه‌روه‌سا نه‌جمه‌دین كه‌ریم راگه‌هاند: پێنگاڤا داهاتی دڤێت رێفراندوم بهێته كرن بۆ وێ یه‌كێ كه‌ركووك ب فه‌رمی بچیته سه‌ر هه‌رێما كوردستانێ ڤه، لێ به‌ریا هنگی دڤێت چه‌ند پێنگاڤ ژ ئالیێ سه‌ركردێن كوردستانێ و په‌رله‌مانێ كوردستانێ بهێنه هاڤێتن، بمه‌ره‌ما وێ یه‌كێ بریار ل سه‌ر رۆلێ توركمان و عه‌ره‌ب و كوردێن كه‌ركووكێ بفه‌رمی د سه‌ركردایه‌تی و په‌رله‌مان و وه‌زاره‌تێن حكومه‌تا هه‌رێمێ دا بهێته دان ، ژبه‌ركو كه‌ركوكێ ره‌وشه‌كا تایبه‌ت یا هه‌ی و وه‌كی پارێزگه‌هێن دی یێن هه‌رێما كوردستانێ نینه. “
ئەڤرۆ نیۆز، ھەژار مەعروف:
بریارە ئەڤرۆ دەمژمێر شەش مەغرەب کارگێریا یانا دھۆک کومبوونەکێ بکەت ل سەر رەوشا نوکە یا تیما تەپا پیێ یا خۆلا عیراقێ ژبەر ئەو ئەنجامێن لاوازێن تیما خۆلا عیراقێ ل ھەشت یاریێن بوری دا.
ژێدەرەکێ ژ کارگێریا یانا دھۆک تایبەت بۆ ئەڤرۆ نیۆز دیارکر بریارە پشتی دەمەکێ دی کومبوونەکا گرنگ ل یانا دھۆک بھێتە گرێدان ل سەر رەوشا نوکە یا تیما دھۆکێ تایبەت ئەو ئەنجامێن لاواز و ئەڤرۆ ھەتا سوباھی دێ گوھورین ھێنە دیتن ل سەر ئاستێ یاریکەران و دبیت ل دەستەیا راھێنەریا تیمێ دا ژی .
ئەڤرۆ نیۆز،ھەژار مەعروف:
ئێکەتیا ناڤەندی ل ھەرێما کوردستانێ د کومبوونا خوە یا ئەڤرۆ دا یاریا پێش دووماھیا فوتسالا کوردستانێ ل سەر ئاستێ کچان بوو یانێن پلا نایاب دەست نیشانکر کو بریارە رۆژا ھەینیا بھێت ل ئاکرێ بھێـتەکرن دناڤبەرا ھەردو یانێن زێرەڤانی و ئافرەتێن ھەولێرێ.
کچێن زێرەڤانی پشتی ل حەفتیا بوری دەلیڤەیا دەربازبوونێ بۆ یاریا دووماھیا خولێ ژ دەست دای دەمێ خوسارەت بووین ل سەر دەستێ کچێن ئەڤرۆدێت و دێ یاریا خوە یا ئەڤ جارە ل گەل ئافرەتێن ھەولێرێ کەت ئەوا ژلایێ خوڤە سەرکەفتی ل سەر پیرەمەگرم و سەرکەفتی ڤێ یاریێ دی یاریا دووماھیا خۆلێ ل گەل ئەڤرۆدێت کەت.
ھەژی گوتنێ یە بەری دو حەفتیا د یاریێن کوما ئێکێ دا کچێن زێرەڤانی شیابوون سەرکەفتنەکا مەزن ل سەر ئافرەتێن ھەولێرێ توماربکەن ب ١٦-٩ گولان .
ئەڤرۆ نیوز، سالار دۆسکی:
د.خەلیل غازی، مامۆستایێ زانکۆیێ بۆ ئەڤرۆ نیۆز گۆت: ئاخفتنێن بەرپرسێن مە ھەموو گاڤا جھێ باوەریێ نە و ئەوا دبێژین ئەگەر بھێتەکرن و ئەگەر رێکەفتنێ ل گەل حوکمەتا عیراقێ بکەن و دەرھینانا پەترۆلێ زێدە بکەن، دیسان گرێبەست فرۆتن و ڤەگوھاستنا پەترۆلێ ژ ھندەک کومپانیان دەربێخێن و کار بکەن رێژەکا مەزن یا وێ پەترۆلێ بۆ حوکمەتێ بیت وی دەمی دێ گەلەک ئاریشە چارەسەربن چونکە کوردستانێ ئابوورەکێ گەلەکێ گرێدایی نینە کو بزحمەت ئاریشە چارەسەربن، لێ ئەڤێ چەندێ ژی شەفافیەت و کێمکرنا رێژا گەندەلیێ پێ دڤێت.
مامۆستایێ زانکۆیێ ھێشتا گۆت: رێژا بەغدا داخاز دکەت گەلەک کێمتر ژ شیانێن ھەرێما کوردستانێ، دشێت دو مفا ژ وەربگریت، رێکەفتن ل گەل بەغدا باشە چونکە پەیوەندیێن ھەرێمێ ل گەل بەغدا بھێز بکەڤن د ھەموو بیاڤ دا دێ وەرەرێ کەت و دیسان ئەڤ پەیوەندیە چێترە ل گەل وەلاتەکێ دیرتر بکەت، دڤێت پشستا مە ب بەغدا گەرم کەین و چێترە پەیوەندیا نەخوەش بکەین یان ببرین، دیسان رێژا ب رێکا بەغدا دچیت دێ داھاتێ وێ پتر بیت یا راستەوخۆ دھێـە فرۆتن چونکە ھەر تشتەک دێ ل سەر سومو بیت، ئەگەر ب سەربەخۆ بھێـتە فرۆتن دێ بھایێ چوونێ و ڤەگوھاستنێ گەلەک کەڤیت و ھەرێم دێ کێم قازانجێ کەت.
مامۆستایێ زانکۆیێ زێدەتر گۆت: ئەگەر ئەڤە بھێـتە بجھئینان دێ قەیرانا ئابووری ل سالا ٢٠١٦ بەر ب نەمانێ یت و ئەگەر نە نابینم ل سالا داھاتی ژی ئەڤ قەیرانە ل سەر مللەتێ کورد دا دەرباز بیت
ئەڤرۆ نیوز،بارزان مزووری:
ژێدەرەکى ژ رێکخراوا چەکدارێن ئازاد د ناڤ باژێرێ مووسل دا بۆ مالپەرێ ئەڤرۆ نیوز ئاشکرا کر کو ل رۆژا ئەینیا بوری ٦-١١-٢٠١٥ چەکدارێن تیرورستێن داعش شەش شوفێرێن تەکسیا یێن ڤەگوھاستنا وەلاتییان بۆ دەرڤەی باژێرێ مووسل ل بەر دەرگەھێ زیندانیا کەڤن یا مووسل ل پێش چاڤێن زیندانیا سەر ژێکرن ل دووڤ دا تەرمێن وان بو گورەپانێن راوەستیاتا تەکسیا ڤەگوھاستن ژ بەر کو دا چ شوفێرێن دی ل بن دەستھەلاتا وان نەدەرکەڤیت.
ناڤبری دیار کر کو ئەو شوفێر ئەڤە ماوەیەکێ کێمە ھات بوونە دەستەسەرکرن ب مەرەما سیخوری کرنێ و دانا زانیارێن داعش ل ده‌مێ ده‌ركه‌فتنا وان بۆ دەرڤەی باژێری ب هێزێن ئێمناهيێ.
ناڤبری گۆت ژى: “ئەو شوفێر ل پێش چاڤێن زیندانیا سەر ژێکرن دا کو ئەو زیندانی ئەوێن ھاتینە دەستەسەرکرن دان ب تاوانا خو نەکربیت ب ترسن و دان ب تاوانا خوه بكەن”.
ئەڤرۆ نیوز، ئەیاد بەرواری:
ئاژانسا ناسا یا ئەسمانی بۆ جارا ئێکێ وێنە و گرتەیێن ڤیدیۆیی یێن نێزیک ودیار یێن رۆژێ بەلاڤکرن کو ب ڕێیا تلسکۆبێ ئەسمانی (دینامیک ئوبزێرفاتۆری) ھاتینە گرتن.
ل دووڤ سایتێ (سکای نیۆز) تلسکۆبێ ناڤبری ل سالا ٢٠١٠ ێ ھاتبوو ھنارتن بۆ ئەرکەکێ ل دەروبەرێن رۆژێ و ھەر ١٢ چرکان وێنەک بۆ رۆژێ دگرت.
ل دووڤ وان وێنێن نوو ھندەک دەڤەرێن چالاک ژ رۆژێ دبنە ژێدەرێ وێ گەرماتیا ژێ دھێت.
نيشاندان