ئەڤرۆ نیۆز:
سەرۆکێ یانا ریال مەدرید فلۆرنتینۆ پێریز بۆ مالپەرێن ئیسپانی دیارکری یە ئەوان پێگھورێ رۆنالدوی دیتی یە ھەکە ل ماوێ بھێت ئەو پێکھاتیێ یانا مەلکی ب جـھـ بھێلت .
راپورتێن رۆژنامەڤانی ئیسپانیا ئاماژە ب وێ چەندێ ژی کری یە سەرۆکێ یانا ریال مەدرید دیارکری یە پێگھورێ رۆنالدوی ئەوان دەست نیشانکری یە ھەکە ل ڤەگوھاستنێن ھاڤینا بھێت ھەڤبەستا یانا پاریس سان جێرمان ئیمزابکەت،  پێگھورێ وی دێ یاریکەرێ پولەندی و یانا بایرن میۆینح لیفاندوسکی بیت ھەر چەندە یانا مەلکی دو جاران بزاڤێن کرینا ئەڤی یاریکەری کری یە لێ یانا بافاری رەتکر بوو.
پێرز ئەو چەندە ژی دیارکری یە ئەو یێ بەرھەڤە بوو جارا سێ بزاڤێن ئینانا لیفاندوسکی کەت و ئەڤ جارە دێ کوژمەکێ مەزن پێشکێشی یانا وی کەن بۆ ب دەستڤە ئینانا ڤی یاریکەری ئەوژی ب مەرجەکی ھەکە ستێرا پرتۆگالی یانا مەلکی ب جھـ ھێلا.

ئەڤرۆ نیۆز، ھشیار دوبانکی:
پشتی تیما تەپا پیێ یا زاخۆ د یاریا خوە یا حەفتیا دووماھیێ دا وەکھەڤ بووی ل گەل تیما ھەولێرێ ل یاریگەھا وێ بێ گول دەستەیا راھێنەریا تیمێ بێنڤەدانەک دا ھەمی یاریکەرێن تیما خۆلا عیراقێ.
تەھا عەبدولحەکیم ریڤەبەرێ تێما تەپا پێ یا زاخۆ بۆ ئەڤرۆ نیۆز دیارکر پشتی راوەستاندنا خولێ بۆ ماوی ھەیڤەکێ ئەوان ب فەر دیت بێنڤەدانەکێ ب دەنە ھەمی یاریکەران کو راھێنەرێ رومانی بۆ کارگێریا یانێ دیارکری یە یاریکەر پێدڤی بێنڤەدانێ نە داکو پتر ئارام بن ماوێ راوستاندنێ ماوەکێ درێژە.

ھەژی گوتنێ یە تیما تەپا پیێ یا زاخۆ نوکە رێزا چارێ دھێت ب ١٣ خالان د کوما دوێ دا ژ خۆلا پلا نایاب یا عیراقێ