ئه‌ڤرۆ نيوز:
جاره‌كا دى دادڤانێ ئنگليزى مايك دين بۆ جهێ به‌حسكرنا جه‌ماوه‌رێ وه‌رزشى و ميديايان، ده‌ما ڤێجارێ به‌رى گۆل بهێته تۆماركرن، كه‌يفخۆشيا خوه ب تۆماركرنا گۆلێ ده‌ربڕى و به‌رى ياريكه‌ران ئاهه‌نگا تۆماركرنا گۆلا ئێكێ يا يانا تۆتنهام ل گه‌ل يانا ئه‌ستۆن ڤێلا ده‌ربڕى ئه‌وا ل ده‌قيقا سيێ ژ ده‌سپێكا ياريێ ژ لايێ ياريكه‌رێ وێ موسى ديملى ڤه هاتيه تۆماركرن.
ئەڤرۆ نیۆز، قائید میرۆ:
بەرپرسەکا پارێزگەھا ھەولێرێ ئاشکرا کر، پتریا جھێن مەساجێ مۆلەتا فەرمی و قانوونی نینە و کارێ ئەو دکەن دژی رەوشت و تیتالێن جڤاکێ مەیە.
خانزاد مام وەسو، سەرۆکا لیژنا ساخلەمی ل جڤاتا پارێزگەھا ھەولێرێ بۆ ئەڤرۆ نیۆز راگەھاند: “لیژنا ساخلەمی ل جڤاتا پارێزگەھا ھەولێرێ یا بەردەوامە ل دووڤچوونا کەرتێ ساخلەمیێ و نوکە بۆ مە دەرکەفتیە پتریا جھێن مەساجێ موھلەتا فەرمی و ئاسایی نینە و بێ مۆلەت کارێ خوە دکەن.
خانزادێ دیارکر، ئەف جھێن مەساجێ یێن ب مۆھلەت و بێ مۆلەت سەرەرای بێ قانوونیا کارکرنێ کارێ خوە ناکەن یێ بۆھاتینە ڤەکرن، بەلکۆ ل بن پەردێ مەساجێ پتریا وان کارێن نە شەرعی و دور ژ رەوشت و تیتاکێ جڤاکێ کوردستانێ دکەن و ھەموو ژی دێ ھێنە گرتن.
ئه‌ڤرۆ نيوز:
ده‌رباز محه‌مه‌د، وه‌زيرێ كۆچ و كۆچبه‌رێن عيراقێ راگه‌هاند: ل سالا 2014ێ هه‌تا نوكه سێ مليۆن و 300 هزار كه‌س ل ناڤخۆ و ده‌رڤه يا عيراقێ ئاواره بووينه “ژ به‌ر هندێ ژى مامه‌له‌كرن ل گه‌ل ڤێ ژمارا زۆر ئه‌ركه‌كێ ب زه‌حمه‌ته، هه‌ر د ماوێ بۆرى دا نێزيكى 100 هزار كه‌سان ژى عيراق ب جهـ هێلايه و چووينه وه‌لاتێن توركيا و ئوردن”.
ده‌رباز محه‌مه‌د، د چارچۆڤێ په‌نه‌لێ خولا دويێ يێ ديدارا مێرى ل هه‌ولێر كو نيڤرۆيا ئه‌ڤرۆ رۆژا چارشه‌مبى رێكه‌فتى 4ى چريا دويێ 2015 ب رێڤه چوو تێدا گۆت: “ل سالا بۆرى ل سه‌ر ئاستێ پارێزگه‌هان ژى ل نه‌ينه‌وا 38% و ئه‌نبار 28% و 16% سه‌لاحه‌دين و 10% ديالا و كه‌ركووك و ده‌وروبه‌رێن به‌غدا”.
ئاماژه ب وێ چه‌ندێ ژى كر كو هه‌كه كه‌ركووك و خانه‌قين ل سه‌ر هه‌رێما كوردستان ب هژمێرن 60% يێن ڤان پارێزگه‌هان چووينه هه‌رێما كوردستانێ و ل وێرێ ژى پشكا شێرى يا پارێزگه‌ها دهۆكێ بوويه و 20%ێ چووينه به‌غدا و ئه‌ڤێن ماين ژى ل پارێزگه‌هێن باشوورێ عيراقێ بنه‌جهـ بووينه.
ئه‌ڤرۆ نيوز:
رۆژا چارشەمبى رێكه‌فتى 4ى چريا دويێ 2015 ل سەلاحەدین مەسعود بارزانی سەرۆکێ ھەرێما کوردستانێ پێشوازیا فەره‌يدون سنرلۆگلو وەزیرێ دەرڤەیێ تورکيا و شاندەکێ ل گەل کر.
د ھەڤدیتنێ دا وەزیرێ دەرڤەیێ توركيا ژ بۆ رەخساندنا ڤێ ھەڤدیتنێ سپاسيا سەرۆک بارزانی کر و سلاڤێن سەرۆک کۆمارێ توركيا ب سەرۆک بارزانی گه‌ھاند.
ھەروه‌سا ژبلی بالکشاندنا گرینگیدانا ھەرێما کوردستانێ وێ یەکێ راگه‌ھاند کو ب سەدەما بنگەھینێن جیرانیێ وەلاتێ وان حەز ب پێشکەفتنا ھەرێما کوردستانێ دکەت و تەکەز ل وێ یەکێ ژی کر کو توركيا پالپشتیا ئارامی و ئاساییشا ھەرێما کوردستانێ و بەرفرەھتر کرنا پەیوەندیێن ل گەل ھەرێما کوردستانێ دکەت.
د بەرامبەر دا سەرۆک بارزانی سپاسيا سەرۆک کۆمار و وەزیرێ دەرڤەیێ توركيا کر و ژ بۆ برێڤەچوونا سەرکەفتیا پرۆسەیا ھه‌لبژارتنان ل توركيا پیرۆزباھى ژی ل شاندا مێھڤان کر و ھيڤی ژی خواست کو ئەنجامێن ھه‌لبژارتنێ ببێ سەدەما کوورتربوونا ئارامی و ئاساییش و ئاشتیا ل توركيا و ده‌ڤه‌رێ و تەکەز ژی ل پێشخستنا پەیوەندیێن د ناڤبەرا ھەرێما کوردستان و وەلاتێ توركيا کر و وێ یەکێ خستەروو کو ھەر دو ئالی جیرانێن ھەڤدۆ نە و د ئێك جۆگرافیایێ دا دژین و دڤێت ب ناڤێ گەشبوون و پێشکەفتنێ دا ھەردولا کار ژ بۆ پێکانینا ئارامی و ئاساییش و ئاشتیێ بکه‌ن.
ھەر د ڤێ ھەڤدیتنێ دا د دەرباره‌ى رەوشا سیاسی و ئەمنیا ده‌ڤه‌رێ ب گشتی و سووریا و شەرێ دژی تيرۆرستان ب تایبەتی دانوستاندنا بیر و رامانان کرن و تەکەز ژی ل سەر رێ و جهێن پەیوەندیا بەردەوامیا ل سەر پێشھاتێن دووماهيێ کرن.
ئەڤرۆ نیۆز:
راپۆرتێن رۆژنامەڤانی ل ئیسپانیا دیارکری نە راھێنەرێ یانا لیڤەرپۆل یێ ئەلمانی یۆرگن کلۆپ دخوازیت ل ڤەگوھاستنێن زڤستانی دا ھەڤبەستێ ل گەل گولچیەکێ نوو ئیمزابکەت بوو ب ھێز ئێخستنا پێکھاتیێ تیما خوە .
رۆژناما سپورت یا کەتەلۆنی د نوچەکێ خوە دا دیارکری یە راھێنەرێ یانا لیڤەرپۆل نێچیرا خوە ل یانا کەتەلۆنی گرتی یە دخوازیت ھەڤبەستێ ل گەل وەلاتیێ خوە و گولچیێ یانا بەرشلۆنا تیر شتیگن یمزابکەت .
وێ رۆژناما کەتەلۆنی ئاماژە ب وێ چەندێ ژی کری یە راھێنەرێ لیڤەرپۆل بۆ یانا ئینگلیزی دیارکری یە تیما وی پێدڤی ب گولچیەکێ خودان شیان ژبەرکو ئەو ژ ئاستێ ھەردو گولچیێن خوە یێن نوکە نە یێ رازی یە .
ئه‌ڤرۆ نيوز، نيوار محه‌مه‌د سه‌ليم:
ئه‌نه‌س دۆسكى ئه‌ندامێ په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان د داخۆيانيه‌كێ دا راگه‌هاند، بڕياره سه‌رۆك و سكرتێره‌كێ نوو بۆ په‌رله‌مانێ كوردستانێ بهێنه دياركرن، گۆتژى: “سه‌رۆكێ په‌رله‌مانى شه‌رعيه‌ت يا ژ ده‌ست دايى.
ئه‌وى ئه‌ندامێ فراكسيۆنا پارتى ديموكراتى كوردستان، ته‌كست ل سه‌ر وێ چه‌ندێ كريه كو ئێدى وه‌كو سه‌رۆكێ په‌رله‌مانى مامه‌لێ ل گه‌ل يوسف محه‌مه‌د ناكه‌ن بۆ وێ كێشێ ژى ژناڤبرنا پێكهاتا سه‌رۆكاتيا په‌رله‌مانێ كوردستانێ ب چاره‌يه‌كا باش وه‌سف كر.
دۆسكى ئاماژه ب وێ چه‌ندێ ژى كر كو نابيت په‌رله‌مان وه‌سان يێ شكه‌ستى بيت، به‌لكو دڤێت بهێته چاره‌كرن بۆ كاراكرنا په‌رله‌مانى ژى هزر ل وێ چه‌ندێ دهێته كرن ده‌سته‌يا سه‌رۆكاتيا په‌رله‌مانى و هه‌يكه‌لێ وێ دامه‌زراوێ بهێته گوهۆڕين.
ئەڤرۆ نیوز : کاروان باعەدری:
چالاكڤانه‌كێ كورد راگه‌هاند كو زارۆيه‌كا دژى يا كورد ب رێيا كۆچبه‌ريێ ڤه د ده‌ريا ئيجه دا خه‌ندقى و ته‌رمێ وێ هاته ديتن.
چالاکڤانێ ئێزدی فلاح رەشوکا بۆ ئەڤرۆ نیوز گۆت: “ئەڤ کچە ب ناڤێ (جود)ە و خەلکا بەعشیقێ یە خەندقیە د دەریا ئیجە ل تورکیا، دەمێ دا خوە گەھیننە سنورێن وەلاتێن ئورۆپی”.
ڤی چالاکڤانی زێدەتر گۆت: “نھا ھندەک قاچاخچی ب پارەیەکی کێم خەلکی د سەردا دبەن و دبیژنێ دێ وە ب ریێن خۆش گەھینین و ب ریێا ئاڤێ دبەن و نھا وەرزێ زڤستانێ ھاتیە و گەلەگ پێلێن ئاڤێ د دژوارن، ئەڤە ب دەھان کەسێن ئێزدی ب ڤێ رێ چوون”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى چريا دويێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1227 |
| 1 يۆرۆيێ ئه‌ورۆپى | 1340 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
![12025423_932840196802102_420222732_n [Desktop Resolution]](http://evronews.net/ku/wp-content/uploads/2015/11/12025423_932840196802102_420222732_n-Desktop-Resolution.jpg)
![12200871_932840170135438_1705913274_n [Desktop Resolution]](http://evronews.net/ku/wp-content/uploads/2015/11/12200871_932840170135438_1705913274_n-Desktop-Resolution.jpg)
![12212237_932840256802096_692834634_n [Desktop Resolution]](http://evronews.net/ku/wp-content/uploads/2015/11/12212237_932840256802096_692834634_n-Desktop-Resolution.jpg)
![12212291_932840133468775_1496653939_n [Desktop Resolution]](http://evronews.net/ku/wp-content/uploads/2015/11/12212291_932840133468775_1496653939_n-Desktop-Resolution.jpg)
نيشاندان
