ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى چريا ئێكێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1220 |
| 1 يۆرۆيێ ئه‌ورۆپى | 1350 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز، قائید میرۆ
کادرەکێ پێشکەفتیێ پارتی دیموکراتی کوردستان ئاشکراکر، پارتی ل خوینا شەھید و بریندارێن خوە یێن بەر ھێرشێن گۆڕان کەفتی خوەشنابیت و دێ سکالایێ تۆمارکەن
خەسرۆ ھەرکی، کادرێ پێشکەفتیێ پارتی ب ئەڤرۆ نیۆز راگەھاند” د خۆنیشاندان و ھێرشێن سەر بارەگایێن پارتی ھژمارەک کادرو ئەندامێن پارتی شەھید و برینداربووینە و ئەم وەکی پارتی ب چو شێوەیەکی ل خوینا کادرو ئەندامێن خوە خۆشنابین و دێ ل دادگەھێ سکالایێ تۆماربکەین.
ھەرکی گۆتژی” ئەم پشتڕاستین ئەندام و لایەنگرێن گۆڕان تۆمەتبارن ب ھێرشێن سەرپارتی و شەھیدکرن و بریندارکرنا ئەندام و لایەنگرێن پارتی ھەر دێ سکالا لسەر وانابیت، بۆ نموونە د ھێرشا سەر بارەگایێ پارتی ل قەلادزێ ئەندامەکێ جڤاتا پارێزگەھا سلێمانیێ بناڤێ ھاوسەر پشدەری ل حزبا گۆڕان دگەل بوویە.
ئەڤرۆ نیۆز، ھەژار مەعروف:
یاریکەرێ ھەلبژارتیێ عیراقێ و کورێ باژێرێ دھۆکێ کوڤان حەسەن شیا رێزا دوێ د ھاڤێتنا رومی دا ل سەر ئاستێ جیھانی ب دەستخوڤە بینت د قارەمانیا جیھانی دا بۆ یاریکەرێن کێم ئەندام ئەوا نوکە ھەڤرکیێن وێ ل باژێرێ دوحە یێ قەتەری دھێنەکرن.
ھەژی گوتنێ یە کوڤان حەسەن خەلکێ باژێرێ دھۆکێ یە شیا چەندین دەستکەفتیا ل سەر ئاستێ وەلاتێن عەرەبی و ئاسیا و جیھانی ب دەستخوڤە بینت .
ئەڤرۆ نیۆز، ھەژار مەعروف:
ئێکەتیا فیفا ئەڤرۆ ب فەرمی رازەمەندیا خوە دیارکر بوو کرنا یاریێن قارەمانیا کاسا ئێکەتیا ئاسیا ل یاریگەھا یانا ھەولێرێ پشتی ھەردو یانێن نەفت وەست و جەویە ئەوێن دێ نوونەریا عیراقێ کەن بۆ وەرزێ ٢٠١٥-٢٠١٦ داخوازی ژ ئێکەتیا ئاسیا کری یاریێن خوە ل باژێرێ ھەولێرێ بکەن .
ئێکەتیا ئاسیا ب نڤێسینەکا فەرمی بۆ ئێکەتیا عیراقێ راوانکری یە تێدا دیارکری یە ئەوان رازەمەندیا دەستپێکی کری یە بۆ کرنا یاریێن قارەمانیا ئاسیا راکرنا ئابلوقا وەرزشی ل سەر یاریگەھێن کوردستانێ پشتی ئەوان دیڤچوونا باژێرێ ھەولێرێ و یاریگەھا وێ کری و بریارە شاندەکێ ئەوان ل چەند رۆژێن بھێت ب گەھیتە باژێرێ ھەولێر بۆ بریارا دووماھیێ ل سەر یاریگەھێ و دبیت ھەلبژارتیێ عیراقێ ژی یاریێن خوە یێن قوناغا بھێت ژ ڤاڤارتنێن موندیالا جیھانی یا ٢٠١٨ ل کوردستانێ بکەت.
ئەڤرۆ نیۆز، ھەژار مەعروف:
ئەنجامێن نوکە یێن یانا دھۆک دخولا عیراقێ دا ب لاوازترین ئەنجامێن د مێژویا یانێ دا بینت ئەوژی بۆ چەند ئەگەرێن ھونەری و چەند کەسان ڤەدگەریت کو بۆ بەرژوەندیێن خوە یێن تاکی کارکەن نە بۆ بەرژوەندیا یانێ و جەماوەرێ دھۆکێ ئەڤە گوتنێن راھێنەرێ یانا دھۆک یێ وەرزێ بوری حازم سالح بوون ئەوێ زێدەتر د داخویانیەکا تایبەت دا بۆ ئەڤرۆ نیۆز دیاکری ئەو یێ بەرھەڤە ئەرکێ تیمێ وەربگریت ھەر دەمێ یانێ داخوازی ژی کر لێ ب مەرجەکی ھەمی کاربکەن بۆ ناڤێ یانێ و ئەوی باوەری ب شیانێن یاریکەران ھەیە دێ ڤەگەرنە ئاستێ خوە یێ جاران کو ئەوی ل گەل ھەمان یاریکەران ل وەرزێ بوری باشترین ئەنجام تومارکرن بێ یاریکەرێن پیشەکار.
ناڤبری زێدەتر گوت: ھەر دەمێ داخوازی ژێ ھاتەکرن ئەو دێ یێ بەرھەڤبیت خزمەتا یانا دھۆک بکەت ژبەرکو خوە ب کورێ ڤێ یانێ دبینم و شانازی ب کارێ خوە یێ بوری ل گەل ڤێ یانێ بەم و چو جاران جەماوەرێ یانێ نەشێم ژبیر بکەم .
ئه‌ڤرۆ نیوز:
چه‌ند به‌رپرسه‌كێن ئه‌مریكى و هه‌رێما كوردستانێ ب مالپه‌رێ بلوومبێرگ ڤیویان راگه‌هاندیه” نوكه ئه‌مریكا ناڤه‌نده‌كا ئوپه‌راسیونا سه‌ربازى ل هه‌ولێرێ ڤه‌كریه بۆ ئه‌نجامدانا ئه‌ركێ سه‌ربازى یێت تایبه‌ت”، به‌لێ به‌رپرس ئاماده‌نه‌بوون زانیاریان ئاشكرا بكه‌ن چونكه نهێنیا ده‌وله‌تێ یه.
ئه‌ركێ ڤێ ناوه‌ندێ ده‌ستنیشانكرنا جهێن به‌رپرسێن بلند یێن داعشه و هه‌ڤده‌م سه‌ربازێن ئه‌مریكیێن ئه‌نجامده‌رێن ئوپه‌راسیونا حه‌ویجه سه‌ر ب هه‌مان هێز بوون.
ئه‌ڤرۆ نیۆز، قائید میرۆ
په‌رله‌مانتاره‌كا پارتی دیموكراتی كوردستان ئاشكراكر، موچێ ئه‌ندامێن په‌رله‌مانێ عێراقێ ب رێژه‌یه‌كا به‌رچاڤ هاتیه كێمكرن و بشێوه‌یه‌كی ژ 11 ملیۆن دیناران كێمبوویه بۆ شه‌ش ملیۆن دیناران.
دكتۆر ئه‌شواق جاف، په‌رله‌مانتارا پارتی ل په‌رله‌مانێ عێراقێ ب ئه‌ڤرۆ نیۆز راگه‌هاند” به‌ریا نوكه موچێ هه‌ر په‌رله‌مانتاره‌كێ عێراقێ 11 ملیۆن و 500 هزار دینارێن عێراقی بوون، به‌لێ دگه‌ل چاكسازیا ڤێ دوماهیێ یا حه‌یده‌ر عه‌بادی موچێ په‌رله‌مانتاران 30%ێ هاته كێمكرن و گه‌هشته 8 ملیۆن و 500 هزار دیناران.
دكتۆر ئه‌شواقێ گۆتژی” به‌لێ نوكه ئه‌ف رێژه‌ژی هاتیه كێمكرن و موچێ هه‌ر په‌رله‌مانتاره‌كێ عێراقێ تنێ 4 ملیۆن دینارن و دگه‌ل ده‌رماله‌یان دگه‌هیته 6 ملیۆن دیناران، ئه‌ڤه لسه‌ر داخوازمه بۆیه وه‌كی په‌رله‌مانتار، ژبه‌ركو مه خواست موچه‌یێن پله بلند بهێنه كێمكرن و وه‌ك هه‌ڤیه‌ك د موچه‌یدا هه‌بیت.
ئه‌ڤرۆ نیوز: له‌يلان
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، رێڤه‌به‌ریا چالاكیێن وێژه‌یى ل دهۆكێ، فیسته‌ڤالا ئه‌حمه‌دێ نالبه‌ند دوهى رۆژا 28/10/2015 ل ده‌مژمێر چارێ ئێڤارى ل هولا نالبه‌ند ل پانوراما ئازادى ل دهۆكێ گێرا و چه‌ندین هه‌لبه‌ستێن ناڤبرى هاتنه خواندن و دو مامۆستایان بناڤێن (هێرش كه‌مال، ته‌حسین دۆسكى) د ڤه‌كۆلینه‌كێ دا باس ل ژیان و هه‌لبه‌ستێن نالبه‌ندى كر و فلمه‌كێ دیكیۆمێنتارى ژ لایێ ده‌رهێنه‌رێ كورد (شینوار كه‌مال) ڤه ل سه‌ر ژیانا نالبه‌ندى هاتبوو چێكرن بۆ ئاماده‌بوویان هاته نیشادان و د هه‌مان ده‌م دا سێریانه‌ك ل جادا سه‌ره‌كى یا ئێتیتێ و هوله‌ك ل پانۆراما ئازادى ل دهۆكێ ب ناڤێ ئه‌حمه‌دێ نالبه‌ند هاتنه ب ناڤكرن.
موسه‌ده‌ق تۆڤى، د په‌یڤا رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ دا گۆت: “نالبه‌ندى هه‌موو ژیانا خوه ب هه‌ژارى بۆراندیه،به‌لێ ژبه‌ر ده‌وله‌مه‌ندیا به‌رهه‌مێن وى یێن ئه‌ده‌بى پشتى چوویه به‌ر دلۆڤانیا خۆدێ ژى ل ده‌ڤ مه هه‌ر ب ساخى مایه”.
خالد حسێن، د په‌یڤا ئێكه‌تیا نڤێسه‌رێن كورد تایێ دهۆكێ دا ئاشكرا كر كو پێدڤیه ده‌مێ ره‌وشه‌نبیر د ساخ رێز لێ بهێته‌گرتن و گۆت: “د سالێن حه‌فتێیان دا به‌رگێ ئێكێ و دویێ ژ هه‌لبه‌ستێن ئه‌حمه‌دێ نالبه‌ند و د سالێن هه‌شتێیان دا به‌رگێ سێیێ ژ هه‌لبه‌ستێن ناڤبرى ژ لایێ ئه‌ندامێن ئێكه‌تیا نڤێسه‌رێن كورد تایێ دهۆكێ ڤه هاتنه چاپكرن”.
محه‌مه‌د خشخاشى، نه‌ڤیێ ئه‌حمه‌دێ نالبه‌ند د په‌یڤا بنه‌مالا نالبه‌ندى دا گۆت: “نالبه‌ندى د چه‌ندین هه‌لبه‌ستێن خوه دا بزاڤا بهێزكرنا هه‌ستا نه‌ته‌وه‌یى كریه بۆ هشیاركرنا جڤاكى و ب ده‌ستڤه‌هاتنا مافێن گه‌لێ كورد”.
هه‌ژى گۆتنێ یه ئه‌ڤرۆ رۆژا پێنجشه‌مبى 29/10/2015 ل ده‌مژمێر چارێ ئێڤارى دێ رۆژا دویێ ژ فیسته‌ڤالێ ل گۆندێ خشحاشا هێته گێران و د ڤێ رۆژێ دا دێ مال و مه‌زارێ نالبه‌ندى هێنه ڤه‌كرن و چه‌ندین هه‌لبه‌ستێن نالبه‌ندى دێ هێنه خواندن.
نيشاندان
