ئەڤرۆ نيوز:
یاریێن گەرا سیێ یێن قوناغا ئێکێ یا کومان ژ قارەمانیا یانێن ئوروپا قارەمانێن خولان بریارە ئەف شەڤە ل دەمژمێر ٩:٤٥ دەستپێبکەن و د گرنگترین یریێن ڤێ گەرێ دا یانا بەرشەلونە دێ کارکەت پێخەمەت بەردەوامی ب سەرکێشیا کومێ و یانا بایرن میونخ بەردەوامیێ ب دەتە دەستپێکا خوە یا ب ھێز و ھەردو یانێن ئێنگلیزی ئەرسینال و چێلسی ڤەگەرنە سەر رێکا دورست و ھەڤسەنگیەکێ بخو دورست بکەت بەری روژ لێ بچیتە ئاڤا.
د کوما پینجێ دا یانا بەرشەلونە یانا بەرشەلونە ل بیل روسیا دێ یریا خوە ل ھەمبەر یانا باتی بوریسوف کەت و جەکێ ب ھێزێ یانا بەرشەلونە لیونێل میسی، ئەندریس ئەنیستا و رافینیا ئەلکانتارا دێ ژ پێکھاتیێ سەرەکی یێ لویس ئێنریکی زێدەباری یاریکەرێ تیما دویێ جیرارد گومباو د کێم بن و ل ھەمبەر تیمێ نوشداریێ یانێ روخسەت دایە توماس فیرمایلین ڤەگەریتە کرنا یاریێ پشتی پێنج حەفتیان ژ ھنگافتنێ و ناڤێ وی ل لیستا یاریکەرێن پشکدار ھاتیە زێدەکرن و لیستا یاریکەرێن بەرشەلونە یێن بەر ب بیلا روسیا چوین ژ ٢٠ یاریان پێکھاتیە و ھەمی شیانێن راھێنەرێ وێ ئێنریکی دێ بو وێ چەندێ بن پاراستن ل سەر سەرکێشیا کومێ بکەن ھەر چەند یاریا ھەڤرکا وێ ل رێزا دویێ یانا بایرن لێڤەرکوێزن یا ب ساناھی نابیت دەمێ مێڤانداریا یانا روما یا ئیتالی یا بریندار دکەت ئەوا ژ دو یاریێن بوری ب تنێ خالەک ب دەستڤە ئینانی.
د کوما شەشێ دا یانا بایرن میونخ ب سەرکێشیا راھێنەرێ خوە یێ ئسپانی پیپ گواردیولا دێ کەڤنە ھەمبەر تاقیکرنەکا ب زەحمەت دەمێ ل لەندن یاریا خوە ل گەل یانا ئەرسینال یا ئیچنگلیزی دکەن کو د ڤێ یریێ دا یانا ئەلمانی دێ ھەمی شیانا مەزێخیت ل ھەمبەر بەردەوامی دا ب پاراستنا دەستپێکا خوە یا ب ھێز د ڤێ قارەمانیێ و سەرکێشیا کومێ دا و ل ھەمبەر یانا ئێنگلیزی ئەرسینال شیانێن وێ دێ د تەرخانکری بن بو ب دەستڤە ئینانا ھەر چ نەبیت خالەکێ چونکو بەری نوکە ل ھەردو یاریان دا خوسارەت بویە.
بەری ڤێ یاریێ ئارسێن ڤێنگەر راھێنەرێ ئەرسینال خویاکریە کو باوەری یا ھەی و ئەنجام ژی یێ داخوازکریە لەورا دێ نەچاربن یاریێ ب شێوازێ ھێرشبەریێ بکەن داکو جەماوەرێ خوە ئاش بکەن و ھەر د ڤێ کومێ دا یانا ئولومپیا کوس خودانا رێزا دویێ دێ بیتە مێڤانا یانا دینامو زگرب یا یا کرواتی.
د کوما حەفتێ دا یانا چێلسی ئەوا شیای د خولا ئێنگلیزی دا ڤەگەریتە ل سەر رێکا سەرکەفتنا ھەتا رادەکی باوەری بو یاریکەرێن مورینھوی دورست بویە و مورالا وان یا بلندە بەری ب کەڤنە د یاریا ل ھەمبەر دینامو کیف یا ئوکرانی ھەر چەندە ئەرکێ وان یێ ب ساناھی نابیت چونکو یانا ئوکرانی ل ناڤا یاریگەھا خوە دەلیڤێ نادەت ببیتە نێچیرەکا ب ساناھی بو یانا لەندەنی و سەرکێشیا کومێ ژ دەست بدەت و د ھەمان دەم دا سەرکەفتنا یانا ئوکرانی دێ بیتە رێخوشکەر نێزیکی پلێتا دەربازبونێ بیت.
بو ڤێ یاریێ چاڤدێر وەسا خویا دکەن کو نابیت مورینھو یێ رژدبیت ل سەر بریارا خوە یا دوورخستنا ھازاردی ژ پێکھاتیێ سەرەکی وەکو ل یاریێن بوری ھاتیە دیتن چونکو خەلەتیێن ب ڤی رەنگی دێ باجاوان گران ھێتە دان.
ھەر د ڤێ کومێ دا یانا پورتو یا پپورتوگالی دێ مێڤانداریا ماکابی تەل ئەبیب یا ئسرائیلی کەت.
د کوما ھەشتێ و دووماھیێ دا ل سەر ھەردو یانێن جێنت و لون پێدڤی یە ھیڤیێن خوە گەش بکەن ھەکە دێ ھەلویستێ وان ب زەحمەت کەڤیت ل سەر ھەڤرکیا پلێتێن دەربازبونێ، لێ ئەرکێ وان ھەردویان یێ ب ساناھی نینە چونکو جێنت یا بەلجیکی دێ بیتە مێڤانا ڤالنسیا خودانا رێزا دویێ و لیون یا فرەنسی دێ بیتە مێڤانا زینیت سان بیترسبورگ یاروسی سەرکێشا کومێ ب شەش خالان.