ئه‌ڤرۆ نیوز:
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سه‌ره‌كى Twitter
ده‌ست ب قه‌ره‌بووكرنا چه‌ند فه‌رمانبه‌ران هاته كرن
ئه‌ڤرۆ نیوز:
وه‌زاره‌تا دارایى ل گه‌ل به‌لاڤكرنا مووچێ هه‌یڤا حه‌فت، ده‌ست ب قه‌ره‌بووكرنا فه‌رمانبه‌رێن هه‌ردوو پارێزگه‌هێن هه‌ولێر و دهۆك كر و ئه‌ڤرۆ فه‌رمانبه‌رێن وه‌زاره‌تا دارایى هاتنه قه‌ره‌بووكرن.
ل گه‌ل تێكه‌لكرنا هه‌ردو ئیداره‌یێن هه‌ولێر و سلێمانیێ، بریار هاته دان موچێن فه‌رمانبه‌ران وه‌كو ئێك لێ بهێته كرن و قه‌ره‌بوویا هه‌ردو فه‌رمانبه‌رێن پارێزگه‌ها دهۆك و هه‌ولێر بهێته كرن چونكه مووچێن وان ل چاڤ ئیدارا سلێمانیێ یا ده‌مى كێمتر بوو، له‌وما ئه‌ڤرۆ ل گه‌ل به‌لاڤكرنا مووچه‌ى، فه‌رمانبه‌رێن وه‌زاره‌تا دارایى ب كوژمه‌كێ هاتنه قه‌ره‌بوكرن و چه‌ند وه‌زاره‌تێن دى ل گه‌ل دابه‌شكرنا مووچه‌ى دێ هێنه قه‌ره‌بووكرن.
ئاڤاهى تمام بوو و ده‌وام تێدا هاته كرن
ئه‌ڤرۆ نیۆز، رێوار مزیرى:
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ رۆژا ئێكشه‌مبى 18/10/2015 ئێكه‌م رۆژا ده‌وامێ ل ئاڤاهیێ خوه یێ نوو ل گرێ ئێتیتێ ل پارێزگه‌ها دهۆكێ كر.
هه‌ژى گۆتنێ یه كو ئاڤاهیێ نوو یێ رێڤه‌به‌ریا گشتى یا ره‌وشه‌نبیرى ژ هه‌شت قاتان پێك دهێت و جهه‌كێ تایبه‌ت د ناڤ ئاڤاهى دا بۆ رێڤه‌به‌ریا كلتۆرى ل پارێزگه‌ها دهۆكێ هاتیه ته‌رخانكرن.
كۆمسيۆنێ ژڤانێ ڤاڤارتنا فۆرمان راگه‌هاند
ئەڤرۆ نيوز:
پەیڤدارێ کۆمیسۆنا بلندا ھەلبژارتنێن ھەرێما کوردستانێ ئاشکرا کر کو د حەفتیا بھێت دا دێ دەست ب پڕۆسا جڤاڤارتنا وان فۆرمان کەن کو بۆ دامەزراندنێ ل کۆمیسۆنێ ھاتینە پڕکرن.
شێروان زرار، پەیڤدارێ کۆمیسۆنا بلندا ھەلبژارتنێن ھەرێما کوردستانێ دیار کر کو رەوشا ھەرێما کوردستانێ ھیچ کاریگەری ل سەر پڕۆسا ڤاڤارتنا وان فۆرمان ناکەت و د حەفتیا بھێت دا دێ ھێنە جوداکرن و گۆت “ئەگەرێ پاشکەفتنا ڤاڤارتنا وان فۆرمان بۆ ڤەگوھاستنا ئاڤاھیێ کۆمیسۆنا بلندا ھەلبژارتنێن ھەرێمێ دزڤڕیت”.
ھەژی گۆتنێ یە د ھەیاما بۆری دا کۆمیسۆنا بلندا ھەلبژارتنێن ھەرێمێ دەلیڤا دامەزراندنێ ب رێکا ئۆنلاین بۆ ٥٣٥ فەرمانبەران بۆ کۆمسیۆنێ راگەھاند بوو و ل گۆر پێزانینێن کۆمسیۆنێ نێزیکی سەدو ھەشت ھەزار کەسان ئەو فۆڕمە پڕ کرینە.
نێچيرڤان بارزانى و جێگرێ ئێكێ يێ سه‌رۆك كۆمارێ ئيرانێ به‌حسێ ره‌وشا نوكه كر
ئه‌ڤرۆ نيوز:
سپێده‌هيا ئه‌ڤرۆ رۆژا دوشه‌مبى رێكه‌فتى 19ى چريا ئێكێ يا 2015ێ ل ته‌هرانا پايته‌ختێ كۆمارا ئيسلامى يا ئيرانێ، نێچيرڤان بارزانى سه‌رۆك وه‌زيرێن هه‌رێما كوردستانێ ژ لايێ به‌رێز دكتور ئيسحاق جيهانگيرى جێگرێ ئێكێ يێ سه‌رۆك كۆمارێ ئيسلاميێ ئيرانێ هاته پێشوازيكرن.
د وێ ديدارێ دا جيهانگيرى خۆشحاليا خوه ب سه‌ره‌دانا نێچيرڤان بارزانى ده‌ڕبڕى و به‌حس ل په‌يوه‌نديێن ناڤبه‌را هه‌رێما كوردستانێ و ئيرانێ كر و پشته‌ڤانيا وه‌لاتێ خوه بۆ موكمكرنا په‌يوه‌نديێن دوقۆلى و سه‌قامگێريا هه‌رێما كوردستانێ و هه‌ڤكاريا هه‌رێمێ د روو ب رووبوونا هه‌ر مه‌ترسيه‌كێ دا ده‌ربڕى و سۆزا به‌رداميا وان هاريكاريان نيشان دا.
هيڤيى ژى خواست كو ئه‌و كێشن نوكه د ناڤبه‌را لايه‌نێن سياسى يێن هه‌رێما كوردستانێ دا ب ديالۆكێ بهێنه چاره‌كرن و ب هه‌مان ره‌نگ كێشێن ناڤبه‌را هه‌رێما كوردستانێ و عيراقێ ژى ب ديالۆگێ بهێنه چاره‌كرن.
ژ لايێ خوه ڤه سه‌رۆك وه‌زيرێن هه‌رێما كوردستانێ سۆپاسيا پێشوازى و هاريكاريا ئيرانێ كر ب تايبه‌ت د ده‌مێن ته‌نگاڤ دا ل شه‌رێ دژى تيرۆرستێن داعش كو ل ده‌سپێكا هێرشا هاريكاريا هه‌رێما كوردستانێ كريه.
ڤێ حه‌فتيێ و ئێكشه‌مبيا بهێت ئه‌ڤ وه‌زاره‌ت و ده‌سته دێ مووچه‌ى وه‌رگرن
ئه‌ڤرۆ نيوز:
وه‌زاره‌تا دارايى ل حوكمه‌تا هه‌رێما كوردستانێ خشتێ به‌لاڤكرنا مووچه‌يێ هه‌يڤا تيرمه‌هێ يێن فه‌رمانبه‌رێن هه‌رێما كوردستانێ راگه‌هاند كو دێ ب ڤى ره‌نگێ ل خوارێ بيت.
1- رۆژا سێ شه‌مبى رێكه‌فتى 20ى چريا ئێكێ يا 2015ێ وه‌زاره‌تا ساخله‌ميێ دێ مووچه‌ى وه‌رگريت.
2- رۆژا چارشه‌مبى رێكه‌فتى 21ى چريا ئێكێ يا 2015ێ دێ مووچێ وه‌زاره‌تێن ئاڤه‌دانكرن و ڤه‌گوهاستن و ره‌وشه‌نبيرى و ده‌زگه‌هێ مين هێته به‌لاڤكرن.
3- رۆژا پێنجشه‌مبى رێكه‌فتى 22ى چريا ئێكێ يا 2015ێ دێ مووچێ وه‌زاره‌تێن پێشه‌سازى و پلاندانان و سامانێن سرۆشتى و ديسا ديوانا چاڤدێريا دارايى و ماف و ده‌ڤه‌رێن ده‌رڤه‌ى هه‌رێمێ و ژه‌نگه‌هـ و ده‌سته‌يا وه‌به‌رهێنان و ده‌سته‌يا نه‌زاهێ و كۆمسيۆنا هه‌لبژارتنان هێته به‌لاڤكرن.
4- رۆژا ئێكشه‌مبى 25ى 10 چريا ئێكێ يا 2015ێ دێ مووچێ وه‌رزاره‌تا داد و جڤاتا دادوه‌رى هێته به‌لاڤكرن.
ئەڤ کچا دھۆکێ بەحسێ شووکرنا خوە دکەت
ئەڤرۆ نیوز:
سەلوا سالم کچا باژێرێ دھۆکێ و بەربژێرا شاھجوانا کوردستانێ، د دیدارەکا کورت دا دیارکر کو ژ زارۆکینی حەزا راگەھاندنێ و کارێن ھونەری نەبوویە، لێ د قۆناغەکا نوو و پێشکەفتی دا ھزر کر کو پێدڤی یە پشکداریێ دشارستانیەتا کوردستانێ دا بکەت، بریاردا کو دبەریکانا شاھجوانا کوردستانێ دا پشکداربیت و نوکە گەلەک حەزژ کارێن ھونەری و راگەھاندنێ دکەت.
سەلوایێ گۆت: ب مخابنی ڤە ئەڤ سالە بەریکانا شاھجوانیێ ھاتە پاش ئێخستن، ئەگەر ژی تێک چوونا رەوشا سیاسی و ئابووری بوو.
گۆت : مالباتا من ب پلە ئێک پالدەرن بۆ ھەر بزاڤەکا ئەز بکەم ب تایبەتی پشکداریا دبەریکانا شاھجوانیێ دا و ھەتا نوکە من بریار ژی نەدایە کو گەرا بھێت پشکداریێ بکەم یان نە، ژبەرکو شاھجوانیێ بتنێ مەرجێ جوان بتنێ نینە بەلکو پێدڤی ب کەسەکا خودان شیانە، کچا ناڤبری گازندە ل کچێن دھۆکێ کرن و گۆت : دھۆکێ رەوشەکا جودا ھەیە و من ژی دڤێت ببمە نموونە بۆ کچێن پارێزگەھا دھۆکێ.
دەربارەی وێ یەکێ ئەرێ ھزر د شووکرنێ دا کریە، سەلوایێ گۆت : ھەتا نوکە من ھرز دشووکرنێ دا نەکریە و سەرەرایی کو گەلەکان ژی ئەز خواستی مە و ھندەک ژی ژ وان پلەداربوون، بەلێ بتنێ بھانەیا من خواندن بوویە و بەلێ ئەگەر دەم ھات خوە ھەژارەک ژی بھێت من بخوازیت دێ شووپێ کەم، من چوو مەرج ژی نینە بەلکو بتنێ پێدڤیە رێزێَ ل من بگریت .
سەلوایێ ل دووماھیێ گوت: ب ھیچ رەنگەکی ئەز خوە تێکەلی کارێن سیاسی ناکەم و دخوازم پلەدارێن کوردستانێ ب زوترین دەم کار بکەن بۆ دابینکرنا تەناھی و ئاسایشێ و سەقامگیریێ بۆ کوردستانێ.
رۆتینا رۆژانە د ژیانا خوە یا ھەڤژینیێ دا بکوژە
ئه‌ڤرۆ نيوز:
پشتی ھەڤژینیێ بووک و زاڤا دکەڤنە د عەشق و ئەڤینیێ و رۆمانسیەتێ دا، پاشی ھندەک جاران و د ھندەک حالەتان دا ژیانا دبیتە رۆتین. ھندەک کاروبارێن ھەین وێ رۆتینێ دشکێنن و ھەڤبەندیێ نووژەن دکەن. ب ڤان رێیان ھەڤبەندیا خوە یا ھەڤژینی نووژەن بکە و رۆتینا رۆژانە بکوژە:
– پووتە ب سەروسیمایێ خوە بدە: تشتێ ژ ھەمیان پتر زەلامی دلڤینیت سەروسیمایێ ژنێ یە و گرنگیدانە ب ھووراتیێن جوانیێ بۆ دیار کرنا مێیاتیا خوە. بۆ کێمکرنا بۆشاتیێ دناڤبەرا ھەوە دا ھەمی دەمان بەری ھەڤبەندیا سیکسی خوە بەرھەڤ بکە، پووتەی ب سەروبەرێ خوە بدە و جلکێن سەرنجراکێ بکە بەرخوە.
– پەیڤێن گونجای ھەلبژێرە: وان پەیڤان ھەلبژێرە یێن زەلامی ھانددەن، وەسا بۆ دیار بکە کو تە دڤێت ل بەر تەنشتا وی بی و پاشی یاریێن مێیاتیێ ل گەل بکە.
– دەم بۆ دەمی سپرایزان بۆ ھەڤژینێ خوە چێکە کو تە دڤێت چالاکیەکێ ل گەل ئەنجام بدەی، دەرکەڤنە جھەکێ چ ب تنێ بیت یان ل گەل زارۆیان.
– دیاریەکا بچووک ژ نک تە ب ۆ ھەڤژینێ تە دێ گیانەکێ نوو دەتە ھەڤبەندیا ھەوە و دێ وی دلخۆش کەت.
– گەنگەشا ب بەرھەم: ب ئارامی گەنگەشی َل گەل ھەڤژینێ خوە بکە و گوھداریا وی بکە و بۆچوونا خوە ب ژیراتی بۆ بێژە، پشکداریێ ل گەل تشتێن ویێن گرنگ بکە.
– گوھۆرینا جھێ کاری دبیت رۆتینێ بکوژیت، و بلندبوونا وی د کاری دا دی َ پشتەڤان بیت بۆ سەرکەفتنا ھەڤبەندیا ھەوە.
– ھەکە ڤیا نێزیکی تەبیت رەت نەکە، خو ھەکە تو یا نەخۆش ژی بی، بەلێ بزاڤێ بکە وی رازی بکە، ژ ب ماچەکێ بیت یان ب ھەمبێزکرنەکێ دا بۆ دیار بکەی کو تە دڤێت ھەمی دەمان ل نک وی بی.
– گەلەک ل گەل نە ئاخڤە و گەلەک ئاریشێن خێزانێ بۆ نەبێژە یان وان تشتێن بۆ وی نە دگرنگ. ئەڤە دێ وی پۆسیدە و دلگرتن کەت و دبیت وە بکەت ژ مال برەڤیت.
پلانا نه‌وشيروان بۆ تێكدانا ره‌وشا هه‌رێمێ ئاشكه‌را بوو
ئەڤرۆ نیۆز، قائید میرۆ:
بەری دەرکرنا تاقمێ گۆڕان ل حوکمەتێ نەوشیروان مستەفای دخواست رەوشا ھەرێما کوردستانێ ئالۆزبکەت.
سیروان گەردی، سەرۆکێ سەنتەرا ئاسوودە بۆ راپرسیێ ب ئەڤرۆ نیۆز راگەھاند” زانیاریێن دروست لبەردەست ھەنە بەری نوکە نەوشیروان مستەفا کار بۆ تێکدانا ڤێ رەوشێ کریە و داخواز ل رێباز حەملان وەزیرێ دارایی کربوو دەست ژکارێ خوە ڤەکێشیت.
سیروانی گۆتژی” وەزیرێ دارایی ئاگەھداری ھەموو داھاتەکێ حوکمەتا ھەرێما کوردستانێ بوو، لەوڕا رازینەبوو ب داخوازا نەوشیروان مستەفای ئەف چەندە نێچیرڤان بارزانی راگەھاندبوو.
مالپه‌رێن سکسی مێشکێ گەنجان یێ داگیر کری
شێلادزێ، رۆژھات لوقمان :
ڤەکورەکێ دەروونی دا زانین کو، بەرێخوەدانا سایت و مالپەرێن سکسی ژلایێ گەنجانڤە دبیتە ئەگەر پەیوەندیێن جڤاکی ژلایێ گەنج و سنێلان ڤە بەر ب لاوازیێ ڤە بچن و ب چو رەنگان ئەو گەنجێن تەماشەی وان سایتان دکەن نەشێن ھزرا خوە د ھەر تشتی دا بکەن، چونکی وان سایتێن سکسی مێشکێ وان یێ داگیر کری و ب شێوەیەکێ راست و دروست نەشێن ھزا خوە ئارام بکەن و د ھزرکرنێ دا د سەرکەفتی نینن.
روژنامەڤان خێرھات نێروەیی دیار کر، ژبەر بێکاریێ و نەبونا کاری پرانیا گەنجان نھا کارێ خوە ب تەماشەکرنا مالپەرێن سکسی ڤە دەرباز دکەن حەتا سنێلە ژی فێری ڤی کاری بوینە لێ جھێ داخێ یە نھا دەمێ زارۆ گەھشتە حەفت ھەشت سالیێ دێ داخازا موبایلەکا خوەدان کۆالێتیەکا باش و ئەنترنێتێ کەت بێی کۆ دایک و باب پرسیارا وێ چەندێ بکەن کا دێ ئەنترنێتی بو چو بکار ئینیت دێ بو دابین کەن زارۆ ژی ھەلبەت دێ خراب بکار ئینیت و رەنگە ل ماپەرێن سکسی بگەریت و تەماشەی فلم وفیدیویێن سکسی بکەت ئەڤەژی بو پاشەروژا وی یا مەترسیدارە و گۆت: یا باش ئەوە جھێن شولەژێ سانسورا دانە سەر وان مالپەرا ژبەرکو وان مالپەرا مالا ب سەدان گەنجا وخودان ژنا وێران کریە ومێشکێ وان شوشتیە ئەڤەژی مەترسیە بوسەر جڤاکی لەوا دڤێت دایک وباب چاڤدێریێ ل کچ و کورێن خوە بکەن کاب چو رەنگ مفای ژ ئەنترنێتێ وەردگرن.
سەروەر رەزیکی کو ئەو ڤەکولەری َدەروونی یە ئاماژە بڤی َچەندێ ژی کر، حەزا سێکسی ئێکە ژ وان ئاریشان کو دڤێت ب شێوەیەکێ راست و دروست ئەو ئاریشە بھێتە چارەسەرکرن چونکی جڤاک بگشتی و گەنج و سنێلە و ب تایبەت ئاریشا وان ئەوە کو حەزێن خوە یێن سکسی ب دیتنا ھندەک سایتان کو ب سکسی ڤە دگرێداینە تێر بکەن ب رێیەکا نەدروست و گۆت: ئەڤ حەزە ب دیتنا چاڤان تێر نابیت چونکە تەماشەکرنا ڤان سایتان کارتێکرنەکا نەرێنی یا ل سەر دەرونی ھەی و ب تایبەتی لنک گەنج و سنێلان و دبیتە ئەگەرێ خرابیێن مەزنتر ل دووڤدا چونکی کارتێکرنا وێ دگەھیتە وێ چەندێ دا ئەوا دبێژنێ کارتێکرنا ( البدو) کو لنک گەنجان و سنێلان ئەڤ حەزە جار بلند دبیت و جار نزم دبیت ل دەمیً بەرێخودانا وان جورە سایتا و ئەڤ بلندبونە و نزمبونە کارتێکرنێ ل سەر شانەیێن ھێکێن ئافرەتان ژی دکەت مەبەست ئەو ئافرەتێن تەماشەی وان سایتان دکەن.
نيشاندان
WP Facebook Auto Publish Powered By : XYZScripts.com