ئه‌ڤرۆ نيوز:

ب گۆره‌يى ئه‌و پێزانينێن ل به‌ر ده‌ست ئه‌ڤرۆ نيوز حه‌فتيا بهێت دێ كۆمبوونێن ئێكه‌تى نشتيمانى كوردستان و پارتى ديموكراتى كوردستان ژ بوو دانوستاندنێ ل سه‌ر گه‌را نوو يا حوكمرانيا كابينا نوكه‌ يا حوكمه‌تا هه‌رێما كوردستانێ و دوور نابينيت كو ئێكه‌تى پۆستێ سه‌رۆكاتيا په‌رله‌مانى وه‌ربگريت.

ئه‌ڤى ژێده‌رێ ژ به‌ر هه‌ستيارا بابه‌تى نه‌ڤيايى ناڤێ خوه‌ ئاشكه‌را بكه‌ت ئاماژه‌ ب وێ چه‌ندێ ژى كر كو تشته‌كێ گه‌له‌ك ئاسايى يه‌ ئێكه‌تى نشتيمانى كوردستان كه‌سه‌كى بۆ پۆستێ سه‌رۆكێ په‌رله‌مانێ كوردستانێ ده‌ستنيشان بكه‌ت.

هه‌ر چه‌نده‌ پێشتر ئێكه‌تيێ راگه‌هاند بوو كو ئه‌و چو پۆستێن نوو يێن ژ گۆڕان هاتينه‌ وه‌رگرتن وه‌رناگرن، به‌لێ بۆچوونا خوه‌ گوهۆڕيه‌ ب مه‌ره‌ما وێ چه‌ندێ به‌رده‌واميێ بده‌نه‌ ڤێ كابينا حوكمه‌تێ.

ئەڤرۆ ، نەوزاد ھلوری:
دەمێ چەند رۆژانە رەوشا پارێزگەھا سلێمانیێ ژلایێ بزاڤا گوران ڤە تێکچوویە و لایەنێن سیاسی ھەلویستێ خوە ب تنێ ب ڕێیا بەیاننامەیان دیاردکەن و بەرپرسەکێ پارتی ژی دبێژیت ژبلی پارتی کەسێ ھەلویستێ خوە نەکریە بریار.
عەلی تەتەر ئەندامێ سەرکردایەتیا پارتی دیموکراتی کوردستان دیارکر کو دەرکرنا بەیاننامەیان چو ژ رەوشێ ناگوھۆریت و بۆ ئەڤرۆ گوت” ھەتا نوکە چو لایەنێن سیاسی ژبلی پارتی دیموکراتی کوردستان ئەو وێرەکی نەدایە خوە کو ھەلویستێ خوە ژ دەرکرنا بەیاننامەکێ بکەتن کریار بەرامبەر وان ئاژاوەگێریێن ل دەمێ بۆری ل سلێمانیێ و قەلادزی َو کەلار و دەڤەرا راپەرین سەرھەلدای ب تایبەتی بۆ سەر بارەگایێن پارتی و شەھید و بریندارکرنا کادرێن پارتی و وەلاتیێن سڤیل، بەلکو ھەتا خوە لایەنێن سیاسی نەشیاینە وان کاران ریسوا بکەن و دامودەزگەھێن ئەمنی و ئاسایشێ وەکو پێدڤی بارەگا و کادرێن پارتی نە پاراستی نە و ئەڤە د دەمەکێ دا کو بزاڤ دھاتن کرن ل پایزا ئەڤ سالە سەربەخوەیا کوردستانێ بھێتە راگەھاندن”.

عەلی تەتەری زێدەتر گوت” ھەموو ئەو کار و ئاژاوەگێریێن کو ل پارێزگەھا سلێمانیێ ھاتینەکرن د قانونی نەبوون و ل بن بەرنامەکێ دارێشتی ژلایێ گۆڕان ڤە ھاتبوونە رێکخستن و پێدڤیە گۆڕان باجا ڤێ چەندێ بدەت”.

ئەندامێ سەرکردایەتیا پارتی دیارکر ژی کو ئاژاوەگێریێن سلێمانیێ کودەتایەک بوو ل سەر پارتی و لایەنێ ئێکێ کو دەستخوەشی ل بزاڤا گۆڕان ژی کری تیرورستێن داعشێ بوون و گوت ” ھەتا نوکە لایەنێن سیاسی بزاڤێن راستگویانە ل گەل پارتی نەھاڤێتینە بۆ چارەسەرکرنا کاودانێن کوردستان تێدا دبۆریت ب تایبەتی پرسا سەرۆکاتیا ھەرێمێ و ژبەرڤێ چەندێ ژی پێدڤیە لایەنێن سیاسی ب راستگویانە ل سەر مێزا دانوستاندنێ ل ھەڤدوو بگەھن “.

ئەڤرۆ نیۆز، قائید میرۆ:
ئێکەتیا مامۆستایێن کوردستانێ ئاشکراکر، بایکۆتکرنا ھولێن خواندنێ ژلایێ مامۆستایێن پارێزگەھا سلێمانیێ دێ زیانێن مەزن ب کەرتێ پەروەردێ گەھینن.

ئەحمەد گەرمیانی، جێگرێ سەرۆکێ ئێکەتیا مامۆستایێن کوردستانێ ب ئەڤرۆ نیۆز راگەھاند” ئێکەتیا مامۆستایان پشتەڤانیا داخوازیا مامۆستایێن خۆنیشاندەر دکەت، بەلێ داخواز دکەین ڤەگەڕێن بۆ ھولێن خواندنێ و حوکمەت نەشێت سێ موچا پێکڤە بمەزێخیت و دێ بایکۆتکرنا ھولێن خواندنێ دێ زیانەکا مەزن ب پڕۆسەیا پەروەردێ گەھینیت.
گەرمیانی دیارکر، ھەموو داخوازیێن مامۆستا مە گەھاندینە جێگرێ سەرۆکێ حوکمەتێ و لپشتی جەژنێ ھەتا ئەڤرۆ ئێک رۆژ دەوام ل سلێمانیێ ب دروستی نەھاتیەکرن، ئەڤەژی جھێ دلگرانیێ یە ژبەرکو قوتابی دێ بەھربن لسالا خواندنێ.