ئەڤرۆ نیوز:
گۆتن و بۆچوون ل دۆر ھەڤبەندیا سیکسی د ناڤبەرا ھەڤژینان ل دەمێ دوگیانیێ گەلەک دھێنە گۆتن، کا ھەڤبەندی د وی دەمی دا یا دروستە یان ژی گەلەک باندۆرێن نەرێنی و مەترسیان ل دووڤ خوە دھێلیت.
کارێ دروست د ڤێ چەندێ چیە و کا ھەڤبەندیا سیکسی د ناڤبەرا ھەڤژینان دا ل دەمێ دوگیانیێ یا مەترسیدارە یان نە و ھەتا چ دەم دڤێت ھەڤبەندیا سیکسی نەھێتە کرن؟
نۆشدار دوپات دکەن کو چو رێگری نینن بۆ ئەنجامدانا ھەڤبەندیا سیکسی د ناڤبەرا ژن و مێران دا ل دەمێ دوگیانیا سروشتی، ھەر تشتێ ھاتیە گۆتن ژی چو راستی بۆ نینن و گۆتگۆتکێن نەزانستی نە. بەلێ رەوش یا جودایە ھەکە ژنێ ھندەک ئاریشە ھەبن وەکو خوینبەربوونێ د قووناغەکا دوگیانیێ دا، د ڤی حالەتی دا یا باش ئەوە ھەڤبەندی نەھێتە کرن بۆ دەمەکی کو نۆشدار دیار بکەت.
ھەروەسا نۆشدار شیرەتان دکەن کو ھەڤبەندی نەھێتە کرن ھەکە د وی حالتی دا دەمێ ژن حەز نەکەت ھەڤبەندیێ بکەت یان ژی گێولێ وێ ییێ نەخۆش بیت ژ بەر گوھۆرینا ھورمۆناتان یێن ژ ئەگەرێ دوگیانیێ چێدبن و پێدڤیە زەلام د ڤێ چەندێ بگەھیت.
ژ بلی ڤان خالیچن مە دیار کرین وەکو دی د ھەمی رەوشان دا ھەڤبەندیا سیکسی د ناڤبەرا ھەڤژینان دا ل دەمێ دوگیانیێ د نۆرمالن و سەربۆرەکا ئێکانەیە کو باندۆرا خوە ل دەروونێ ژنێ دکەت و وەدکەت ژن ھەست ب ڤیانا ھەڤژینێ خوە بکەت سەرەرای گوھۆرینا سەروسیمیاێ وێ و ئەڤ چەندە وێ پتر دلخۆش دکەت.

ئەڤرۆ نیوز:
گەلەک ھزر و پرسیار د سەرێ ھەڤژینێ تە دا دزڤڕن ل دۆر پێلاڤا تەیا چمک بلند و بھایێ وێ و ئەگەرێن کڕینا وێ، ئەو ھزر ژی ئەڤەنە:
١- دێ چ ب سەرێ مە ھێت ھەکە گورگەکی ھێرش کرە سەر مە یان ئەم تووشی تەنگاڤیەکێ بووین و پێدڤی بیت ئەم بکەینە غار، دێ چاوا رەڤی، ببۆرە ئەز نەشێم تە ھلگرم.
٢- ئەز نزانم تو چاوا دشێی ڤێ پێلاڤا چمک بلندا نەخۆش ھەمی رۆژێ بکەیە پێ خوە؟
٣- ئەز نزانم ئەو پێلاڤا ژ گەلەک جۆران دکڕیت یان ھەمی وەکو ئێکن؟
٤- بۆچی ژن ھەمان رەنگی دکڕیت بەلێ ب گەلەک شێوان؟ ما پێلاڤەک ب تنێ بەس نینە بۆ نموونە یا رەش بیت.
٥- باوەر بکە خۆشتڤیا من، من نەڤێت بزانم کا بھایێ ھەر پێلاڤەکێ چەندە.
٦- بۆچی تو پێلاڤەکا نە رحەت دکەیە پێ خوە و یا رحەت ھەمی دەمان یا د چانتێ تە دا؟ یا رحەت بکە پێ خوە و یا چمک بلند نە کڕە دێ رەوشا تە گەلەک باشتر بیت.
٧- ئەز دبێژم تو وێ پێلاڤێ دکەیە پێ خوە دا ژ من بلندتر دیار بکەی و ئەز حەز ژ ڤان فەند و فێلان ناکەم.
٨- تو ل وی جھێ بۆ خوارنێ تە ھەلبژارتی نەیا رحەتی، ئەز ھزر ناکەم ژ بەر خورانگەھێ یە بەلکو ژ بەر وێ پێلاڤێ یە یا تە کریە پێ خوە.
٩- تو وەسا ھزر دکەی دێ ھند گرنگیێ دەمە پێلاڤا تە ھندی ئەز گرنگیێ ددەمە تە؟ ئەو تو نەیا دروستی.
١٠- بۆ من نە خەمە تو چ بکەیە پێ خوە، ھەکە تو پێلاڤەکا لاستیکی ژی بکەیە پێ خوە من ھای ژێ نینە.