ئەڤرۆ نیوز:
تو حەز ژ کڕینا تشان دکەی؟ ئەرێ تو رۆژانە دچیە بازاری؟ ئەرێ تو ھندەک سەعەتان دمینیە ل بازاری؟ ھشیار بی پێڤەمانا چوونا بازاری ئاماژەیە بۆ تووشبوونا خەمۆکیێ و کێم رێزیێ یە ل بەرامبەر ناخێ خوە ل نک وان ژنان یێن دچنە بازاری دا ئاریشێن ژیانێ بڕەڤن.
ڤەکۆلەران دیار کر کو ھندەک کەس تووشی پێڤەمانا بازاری دبن و پەنایێ دبەنە بازاری بۆ خۆشکرنا گێولی، ئەڤ حالەتە پتر د ناڤ ژنان دا یێ بەربەلاڤە، ڤەکۆلەران دیار کر ژی پێڤەمانێ ل سەر بازاری ل نک ھندەک تەخێن دیموگرافی یێن دیار دەستپێدکەت، ئەندرساسین دیار دکەت ئەڤ جۆرێ پێڤەمانا بازاری ل قووناغا سنێلەیا درەنگ و بەری گەھشتنێ دەستپێدکەت و ل گەل بۆرینا عەمری کێم دبیت.
ھەروەسا ڤەکۆلینێ دیار کریە کو پێڤەمانا چوونا بازاری یا گرێدای ھندەک ساخلەتێن کەساتیێ یێن سەرەکینە، ئەندرساسین دیار دکەت کو ئەو کەسێن گەلەک سادە و یێن ھار پتر تووشی مەترسیا پێشڤەچوونا حالەتێ پێڤەمانا چوونا بازاری دبن، و گۆت: ئەو کەسێن د جڤاکی دا د ڤەکری بن بازاری بکاردئینن بۆ دەربرینێ ژ تنکاتیا خوە و باشکرنا جھێ خوە د جڤاکی دا، بەلێ ئەو کەسێن نەئارامی ھەی کو ددیارن دودلی و نەئارامی یا ل نک ھەی دچنە بازاری دا ھەستێن خوەیێن نەرێنی سڤک بکەن.
ژ لایەکێ دی ڤە ڤەکۆلیێ ئاشکرا کریە کو ئەو کەسێن وژدانەکا ھشیار ھەی و ھزرا وان یا باش بیت ئەو کێمتر تووشی مەترسیا پێڤەمانا چوونا بازاری دبن. ئەنجامێن ڤەکۆلینێ دیار کریە ژی کو پێڤەمانا چوونا بازاری گرێدانەکا موکم یا ب نیشانێن پێڤەمانا کەرستێن ھۆشبەر و مەی ڤەخوارنێ ھەی.
بەلێ پشت راست بن نوکە ئەڤ مەترسیە ل کوردستانێ نینە چونکو مووچە نینن دا ژن بچنە بازاری و تووشی خەمۆکیێ ببن.

ئه‌ڤرۆ نيوز:

ھەڤژینی نەمایە ئارمانجا سەرەکی بۆ ھەمی کچێن ل سەر روویێ ئەردی، نوکە ئەم ھندەک کچان دبینین کو دگەنجن و مێیاتیەکا جوان یا ھەی و گەلەک د جوانن ژی و نەڤێن شوو بکەن، سەرەرای کو ھەڤژینی خەونا ھندەک کچانە یێن خەونا ب خێزانێ و ئینانا زارۆیان ڤە دبینن، بەلی َرێژەکا مەزن ژ کچان یا ھەی حەز دکەن وەسا بمینن بێ ھەڤژینی و ئەگەر:
ئەو چ نھێنیە ل پشت رەتکرنا کچان بۆ پێکئینانا ھەڤژینیێ و پتر حەز دکەن قەیرە ببن؟
ئازادی: ئەو وەسا دبنن کو ئازادی بنیاتێ ژیانێ یە و چو تشت نەشێن وێ قەرەبوو بکەن، ھەروەسا حەز دکەن کو ژنێ ئازادیا قەبوولکرنێ و رەتکرنێ د ھەمی تشتان دا ھەبیت و وەسا ھزر دکەن ھەڤژینی ڤێ چەندێ ناکەت.
خوە بنەجھکرن: گەلەک کچ ھزر د چو تشتان دا ناکەن ب تنێ بلندکرنا ئاستێ خوەیێ زانستی و بدەستڤەئینانا کارەکێ باش و سەرخوەبوونا دارایی و مەعنەوی ژ زەلامی، کارێ وان ب تنێ پلاندانانە بۆ پاشەرۆژێ و دوور ژ ھەڤژینیێ.
ترس ژ سەرنەکەفتنێ: بەلێ و بتایبەت دەمێ کەسەکێ دی کونترۆلێ ل سەر چارەنڤیسێ وێ بکەت و ھەمی فەرمان د دەستێن وی دا بن.
سەربۆرێن کەس و کار و ھەڤالان: دبیت کەسەکا نێزیکی وێ کەتبیتە سەربۆرەکا نەخۆش و د ناڤ خەم و کوڤانان دا ل گەل زەلامەکی ژیا بیت و ئەڤە دێ رەوشەکا دەروونی ل نک وێ پەیدا کەت کو ھەڤژینیێ رەت بکەت.
ژناڤچوونا خەونا جوان: چو راستی بۆ قارەمانێ خەونان نینە، گەلەک چیرۆک و سەرھات و سیناریۆیێن کێشێن بەردانێ د داگەھان ڤە دھێنە رێزکرن و ئەو بەسە کو خەونێن وێ کچێ بکوژیت.
گوھۆرینا تێگەھێ زەلامینیێ: گەلەک کچێن نە شووکری حەز دکەن قەیرە ببن بەس شوو ب نیڤ زەلامان نەکەن، بتایبەت پشتی بنەما و بھایێن زەلامینیا راست د چاڤێن وان دا ل گەل ھندەک سەربۆرێن ھندەک ھەڤالان نەماین.