ئه‌ڤرو نیوز، بارزان مزوورى:
عصمت ره‌جه‌ب، به‌رپرسێ لقا 14 مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو 19 ئه‌یلولێ 2015 چه‌كدارێن تیرورستێن داعش ده‌ست ب گرتنا خه‌لكێ مووسل كر ئه‌وێن موبایل بكاردئینان بو كارێن گه‌هاندنا پێزانینا بو ده‌زگه‌هێن ئیمناهیێ ژوانا 127 كه‌س ده‌سته‌سه‌ركرن، پتریا وان كه‌سا كوردن و بۆ جهه‌كێ نه‌دیار هاتینه ڤه‌گوهاستن حه‌تا نها چاره‌نڤیسێ وانناهێته زانین.،
ناڤبرى دیار كر كو د هه‌مان روژدا دانێ ئیڤارى چه‌كدارێن تیرورستێن داعش 12 روژنامه‌ڤانێن پارێزگه‌ها مووسل ده‌سته‌سه‌ركرن، ئه‌و ماوه‌یه‌كێ درێژ بوو وان روژنامه‌ڤان ل جهه‌كێ به‌رزه خو ڤه‌شارت بوون هنده‌ك كه‌سا جهێن وان بو داعش ئاشكرا كرن و هاتنه گرتن .
ئه‌ڤرۆنیۆز، ئه‌یاد به‌روارى:
ئوسامه عه‌بدولموحسن ئه‌و كۆچبه‌رێ سووری یێ كو ل ده‌ستپێكا ڤێ مه‌هێ وێنه‌گرا كه‌ناله‌كێ هنگارى په‌رپێكه‌ك دایێ ل سه‌ر سنۆرێ هنگاریا ل گه‌ل سربیا و گرته‌یا وێ په‌رپێكێ ل جیهانێ ده‌نگڤه‌دای، ل دووڤ گوتاره‌كێ كو د مالپه‌رێ فه‌رمیێ (په‌یه‌دێ) دا هاتیه به‌لاڤكرن، ئوسامه ئه‌ندامێ به‌ره‌یێ نوسرێ یێ تیرۆرستی بوو كو ب سه‌ر رێكخراوا قاعیده یا تیرۆرستی ڤه‌یه و تاوان ژی دژى كوردان ئه‌نجامداینه.
ئیبراهیم ئیبراهیم د گوتاره‌كێ دا ل مالپه‌رێ فه‌رمیێ په‌یه‌دێ دبێژیت” ئوسامه عه‌بدولموحسن راهێنه‌رێ یانا فتوه بوو ل سالا 2004 ێ و چه‌ندین وه‌لاتیێن كوردێن سووری دیده‌ڤانن كو ئه‌و كه‌سه ئه‌گه‌رێ سه‌ره‌كیێ شه‌هیدبوونا 60 وه‌لاتیێن كورده و پشكدارى د كوشتنا وان دا ژی كر ده‌مێ پۆلیس و ده‌زگه‌هێن ئه‌منی یێن به‌عسی یێن سووری هانداین كو هێرشێ بكه‌نه سه‌ر جه‌ماوه‌رێ یانا جیهاد یا كوردی ل یاریگه‌ها قامشلی ل 14 ئادارا 2004 ێ و جڤین ژی ب گه‌لێ كورد ددان و پاشی ئه‌و روودانه بۆ ئه‌گه‌رێ هه‌لبوونا سه‌رهلدانا كوردی ل قامشلی و چه‌ندین ده‌ڤه‌رێن كوردی ڤه‌گرت”.
ئیبراهیم د گۆتارا خوه ئاشكرا دكه‌ت كو پشتى هه‌لبوونا شوره‌شا سووری ل سالا 2011 ێ كو ب مخابنی ڤه هزاره‌ها به‌عسیێن عروبه‌وی وه‌كو (ئوسامه عه‌بدولموحسن) پالدان ل گه‌ل گرۆپێن تیرۆرستی كار بكه‌ن، چ یێن سه‌ر ب رێكخراوا قاعیده ڤه وه‌كو ( به‌ره‌یێ نوسره) یان ژی رێكخستیا (داعش) و جاره‌كا دى وان هزاره‌ها به‌عسیان شه‌ڕ دژی گه‌لێ كورد دكر ل سه‌رى كانیێ و كۆبانی و عه‌فرینێ”.
دبێژیت ژی” ل دووڤ وان ئاخڤتن و وێنێن ئوسامه عه‌بدولموحسنی یێن مه ب ده‌ستخوه‌ڤه ئینانین ژ چه‌ندین وه‌لاتیێن كورد، دیار دبیت كو پێدڤیه ڤه‌كۆلین د پرسا ئه‌ندامه‌تیا وی د به‌ره‌یێ نوسره یێ تیرۆرستی دا بهێته كرن كو هه‌تا به‌ری ده‌ركه‌فتنا وی ژ سووریێ ب ده‌مه‌كی كێم ئه‌ندامێ وی گرۆپێ تیرۆرستی بوو، و پشكداری ل گه‌ل گرۆپێن تیرۆرستی دا د شه‌ڕێ دژى گه‌لێ كورد دا كریه و پشتی بارودۆخێ ئه‌منی تێكچووی و ژ ترسا ئاشكراكرنا وی وه‌كو ب سه‌دان تیرۆرستێن دی، بریارا ڕه‌ڤینێ ژ سووریێ دده‌ت كو ل گه‌ل وان گرۆپان ل (گرێ سپی) بوو به‌ری ئه‌و ده‌ڤه‌ر ژلایێ په‌یه‌دێ ڤه بهێته رزگاركرن”.
ئه‌ڤرۆ نیوز: ڤه‌ده‌ر ره‌شاڤایی:
وه‌زیرێ ناڤخۆیێ ئه‌لمانیا خۆیاكر كو دڤێت چوونا كۆچبه‌ران بۆ ئه‌ورۆپا بهێته سنۆردار كرن و دڤێت ئه‌ورۆپا هه‌ژماره‌كێ ده‌ستنیشان كه‌ت كو هه‌رده‌ما ژ وێ هه‌ژمارێ پتر كۆچبه‌ر گه‌هشتنه ئه‌ورۆپا، بهێنه هنارتن بۆ ئه‌و نیشتمانێن ژێ هاتی.
هه‌روه‌سا ناڤبرۆ گۆت كو ئه‌و شانازیێ دكه‌ت كو وه‌لاتێ وی پێشوازییه‌كا باش ل كۆچبه‌ران كری، لێ ئه‌لمانیا نه‌شێت هه‌می كۆچبه‌رێن ژ شه‌ری و هه‌ژاریێ دره‌ڤن وه‌رگریت، یا فه‌ره رادێ وێ هه‌ژمارا ئه‌ورۆپا دخازیت وه‌رگریت بهێته ده‌شتنیشانكرن و ب چ ره‌نگه‌كی زێده‌تر نه‌هێنه وه‌رگرتن.
تۆماس دی مه‌یسیێر پرۆژه یاسایه‌ك ژی پێشكێشكرییه هه‌كه‌ر بهێته په‌سه‌ندكرن بهزاران كۆچبه‌رێن گه‌هشتیه ئه‌لمانیا دێ هێنه هنارتن بۆ ئێكه‌م وه‌لاتێ ئه‌ورۆپی یێن ئه‌و گه‌هشتیێ لدووڤ قانوونا دبلن یا داخازكرنا په‌نابه‌ریێ.
ئه‌ڤرۆنیوز: كاروان باعه‌درى:
یاریزانێن یانا به‌رشه‌لۆنه كه‌مپینه‌ك راگه‌هاندنن ل ژێر ناڤێ (نه‌یا گرنگه تو ژ كیڤه هاتى) ئه‌ڤ كه‌مپینه دێ هاریكاریا كۆچبه‌ران كه‌ت.
هاریكارێ سه‌رۆكێ یانێ جوردى كاردۆنیز ئه‌ڤ بزاڤا دامه‌زرینه‌رێن یانا كه‌ته‌لۆنى ب هاریكارى دگه‌ل خاچا سۆر راگه‌هاند.
ئه‌و یاریزانێن به‌شدارى دڤێ كه‌مپنێ دا دكه‌ن (میسى , ئینیستا , نیمار ,پیكیه سیرجیو بوسكیتس , لویس ئینریكى ) نة، و ئه‌ڤ داهاته هێێته كۆمكرن دێ بۆ وان پێلا كۆچبه‌ران بيت یێن بكۆم ژ شه‌ری دره‌ڤن و دچنه ئه‌روپا.
ئه‌ڤرۆ نیوز: ڤه‌ده‌ر ره‌شاڤایی:
6 پارتێن سیاسیێن باكۆرێ كوردستانێ د خرڤه‌بوونه‌كێ دا ل قادا شێخ سه‌عید ل ئامه‌دێ ب راگرنا ئالایێ كوردستانێ، ژ حكومه‌تا توركیا خاست كو ده‌ست ژ شه‌ر و توندوتیژییا ل دژی سڤیلان به‌رده‌ت و ژ په‌كه‌كێ ژی خاست رێیا دیموكراسیێ و ئاشتیێ بگریته به‌ر.
هه‌روه‌سا درۆشمێ سه‌ره‌كی د خرڤه‌بوونێ دا دا دیاردكرن: “ژ شه‌ر ره نا، ژكوردستانێ را ئه‌رێ”
هه‌ر 6 پارتێن پشكدار ئه‌ڤه بوون : پارتیا ئازادیا كورجستانێ (پاك)، پلاتفۆرما دیمۆكراتێ، كورد (په‌ده‌كێ-باكۆر)، پارتیا كوردستانی (پاكورد)، بزاڤا ئازادی، پارتیا ئازادیێ و سۆسیالیزمێ (ئوسپ)، پارتیا دیمۆكراسی یا به‌شدار (كاده‌پێ).
ئه‌ڤرۆ نیوز: ڤه‌ده‌ر ره‌شاڤایی:
ل كه‌نیسا ماریوحه‌نا مه‌عمه‌دان ل باژێركێ عه‌نكاوه ل هه‌ولێرێ د كونگره‌یێ رۆژنامه‌ڤانیێ سینهاد دوسێ پیرۆز یێ كه‌نیسا رۆژهه‌لاتا ناڤین دا، مار گورگیس وه‌ك سه‌رۆكێ كه‌نیسا رۆژهه‌لات یا ئاشووریان هاته هه‌لبژارتن.
د كۆنگره‌ی دا پشتی سێ ڕۆژێن كۆمبوونێن نه‌ئاسایى یێن مه‌تران و ئه‌سقه‌فێن كه‌نیسان كو ل ئه‌وروپا و ئه‌مریكا و هندستان و رووسیا و ئوسترالیا و نیوزله‌ندا و سووریا و لوبنان و وه‌لاتێن دی هاتبوون، ل هه‌ولێرێ پایته‌ختا هه‌رێما كوردستانێ هەڵبژارتنه‌كا نهێنى بۆ ده‌ستنیشانكرنا سه‌رۆك و پاتریاكێ ١٢١ـه‌مین یێ كه‌نیسا ئاشورییا ل جیهان ێ هاته ئه‌نجام دان، د كۆنگره‌ی دا هاته راگه‌هاندن كو مه‌ترانێ عێراق و ڕووسیا مه‌تران مارگورگیس وه‌ك سه‌رۆكێ كه‌نیسا رۆژهه‌لات یا ئاشووریان هاته هه‌لبژارتن ب ناڤونیشانێن قه‌داسه‌تا پاتریاك مارگورگیس سلیوایێ سێیێ.
قه‌داسه‌تا مارگورگیس سڵێوە‌یێ سێیێ ، خه‌ڵكى باژێرێ دهۆكێ یه و ده‌رچوویێ زانكۆیا به‌غدایه.
ئه‌ڤرۆ نیوز: ڤه‌ده‌ر ره‌شاڤایی:
90 سه‌ربازێن ئه‌مریكی گه‌هشتنه ده‌ڤه‌را مه‌خموور ل باشۆرێ كوردستانێ بۆ پشكداریكرن د سه‌رپه‌رشتیكرنا ئۆپه‌راسیۆنێن ئازادكرنا مووسل دا.
عه‌مید زه‌نون سه‌بعاوی ژ پۆلیسێن پارێزگه‌ها نینه‌وا گۆت كو ئه‌ڤ سه‌ربازه دێ وه‌ك شیره‌تكار كاركه‌ن بۆ مه‌شقدانا هێزێن پێشمه‌رگه هه‌روه‌سا هێزێن حه‌شدا سوننی ل وێ ده‌ڤه‌رێ.
لێ (ئاراس حەسۆ میرخان) جێگرێ سەرپەرشتیارێ میحوەرێ گوێڕ مەخموور ئةظ دةنطؤية رةت كر و گۆت كو چ سه‌ربازێن نوو یێن ئه‌مریكی نه‌هاتینه مه‌خموور.
ژ ئالیه‌كێ دیڤه هاته ئاشكراكرن كو حه‌شدا شه‌عبی یا شیعه لبه‌ره باژێرێ تكریت بجهبهێلیت و راده‌ستی پۆلیسێن فێدرال و ناڤخۆ ل وی باژێری بكه‌ت.
ئه‌ڤرۆ نیوز: ڤه‌ده‌ر ره‌شاڤایی:
ژێده‌ره‌كێ ئێمناهیێ ژ له‌شكه‌رێ توركیا ئاشكرا كر كو د هێرشێن شڤێدی دا 18 ئیلۆنێ بۆ سه‌ر بنگه‌هێن په‌كه‌كێ ل هه‌رێما كوردستانێ 60 شه‌رڤانێن په‌كه‌كێ گیانێ خوه ژده‌ست دایه.
هه‌ڤده‌م 35 شه‌رڤانان ژی ژ ئه‌نجامێ بۆمبه‌برانكرنا فرۆكێن توركیا بۆ سه‌ر په‌كه‌كێ ل دێرسمێ باكۆرێ كوردستانێ گیانێ خوه ژده‌ست دایه.
شه‌ڤا ده‌ربازبووی فرۆكێن شه‌ركه‌ر یێن توركیا چه‌ندین بنگه‌هین په‌كه‌كێ ل هه‌رێما كوردستانێ بۆمبه‌باران كرن ژ وان ژی ل گوندێ پیربلی و ئه‌وله ل پارێزگه‌ها دهۆكێ.
تێ زانین پتری 110 پۆلیس و سه‌ربازێن تورك د دو مه‌هێـ بۆری دا ژئالیێ په‌كه‌كێ ڤه هاتینه كوشتن.
ئه‌ڤرۆ نیۆز، قائید میرۆ
په‌رله‌مانتاره‌كێ كوردستانێ ئاشكراكر، به‌ری هاتنا جه‌ژنا قوربانی دێ ده‌ست ب به‌لاڤكرنا موچێ هه‌یڤا حه‌فت هێته‌كرن.
ئایدن مه‌عرۆف، سه‌رۆكێ فڕاكسیۆنا به‌ره‌یێ توركومانی ل په‌رله‌مانێ كوردستانێ ب ئه‌ڤرۆ نیۆز راگه‌هاند” هه‌موو لایه‌ك یێ بزاڤێن ڤێ چه‌ندێ دكه‌ن به‌ری هاتنا جه‌ژنا قوربانا پیرۆز موچێ هه‌یڤا حه‌فت بهێته به‌لافكرن، چونكو مافێ وه‌لاتیانه بۆ جه‌ژنێ موچه‌ی وه‌ربگرن و بشێن پێدڤیێن جه‌ژنێ بده‌ستڤه بینن.
ئایدنی گۆتژی” گوره‌ی زانیاریێن مه وه‌ی په‌رله‌مان هنده‌ك پاره هاتیه مه‌زاختن بۆ به‌لافكرنا موچێ هه‌یڤا حه‌فت و بڕیاره به‌ری هاتنا جه‌ژنێ دێ ده‌ست ب به‌لاڤكرنا موچێ هه‌یڤا حه‌فت هێته‌كرن، به‌لێ ره‌نگه هه‌موو وه‌زاره‌ت وه‌رناگرن.
نيشاندان