ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا٩٠٠ کەسێن دی تووشی کۆرۆنایێ بووینە و هەروەسا ٢٤ نەخوشێن کۆرۆنایێ ژی مرینە.
ل گۆر ئامارا وەزارەتا ساخلەمیێ د ماوەیێ ٢٤ دەمژمێرێن بۆری دا ٢٧٥ نەخوشێن کۆرۆنایێ ژی چارەسەر بووینە.
ل پارێزگەها دهۆکێ ژی ٣٠٣ کەسێن دی تووشی کۆرۆنایێ بووینە و حەفت نەخوشێن کۆرۆنایێ ژی مرینە و هەمان دەمی دا ٧٥ نەخوش ژی ب تەمامی چارەسەر بووینە.
ئه‌ڤرۆ نیوز ، سالار دۆسكى:
ب به‌رهه‌ڤبوونا كه‌س و كارو هه‌ڤال و دوستێن وى، رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، سه‌نته‌رێ به‌هدینان یا ده‌زگه‌هێ سه‌ته‌لایه‌تا كوردستانێ ل سه‌نته‌رێ پێشمه‌رگه یێ ره‌وشه‌نبیرى 9/11/2020 چل رۆژیا وه‌غه‌ركرنا هونه‌رمه‌ند و میدیاكارێ به‌رنیاس (كامیران مه‌رعى) ساخكر.
ل ده‌سپێكێ پشتى چه‌ندین رێوره‌سمان چه‌ند په‌یڤ هاتنه خواندن ژلایێ بنه‌مالێ و سازیێن ره‌وشه‌نبیرى ڤه، چه‌ند هه‌لبه‌سته‌ك هاتنه خواندن ب هه‌لكه‌فتا وه‌غه‌ركرنا وى و پاشان فلمه‌كێ دوكومێنتارى ل سه‌ر ژیانا میدیاكارێ وه‌غه‌ركرى هاته پێشكێشكرن.
نسره‌ت هادى، رێڤه‌به‌رێ سه‌نته‌رێ به‌هدینان یێ ده‌زگه‌هێ سه‌ته‌لایتا كوردستان بۆ ئه‌ڤرۆ گۆت: دلگرانین مه ئه‌ف رۆژه كرى و خوه زى مه نه‌كربا و كادره‌كێ گه‌له‌ك ژێهاتى و چالاك بوو و كادرێ كودستان تیڤى، هه‌ر ده‌م خوه دیت كادرێ كوردستان تیڤى.
هادى ئه‌و ژى دیاركر كو به‌رى وه‌غه‌ر بكه‌ت پرۆژه‌ك پێشكێشى كوردستان تیڤى كربوو وه‌ك به‌رنامه‌كێ جه‌ماوه‌رى و ارزیبوون ل سه‌ر هاتبووكرن و بتنێ مابوو پێشكێش بكه‌ت، لێ مخابن قه‌ده‌رێ رێ نه‌دامه وى پێك شادبكه‌ین.
جهێ ئاماژه‌كرنێ یه میدیاكار كامیران مه‌رعى ل 20/8/1976 ژ دایك بوویه، ده‌رچوویێ په‌یمانگه‌ها هونه‌رێن جوان پشكا شانوویێ بوو، میدیاكاره‌كێ بناڤ و ده‌نگ بوو و پێشكێشكه‌رێ پرۆگرامێ بناڤ و ده‌نگێ كوردستان تیڤى(مێرگ و چیمه‌ن) بوو، چه‌ندین به‌رنامێن خێرخوازى و به‌ریكانه ل چه‌ندین سازیێن راگه‌هاندنێ و ه‌شه‌نبیرى پێشكێشكرینه، مخابنى ڤه ب ئه‌گه‌رێ نه‌خوشیا كورونایێ 30/9/2020 ل نه‌خوشخانه‌كێ ل هه‌ولێرێ وه‌غه‌ركر و ل گورستانا شاخكێ هاتیە ڤه‌شارتن.
ئەڤرۆ نیوز، عەلی حاجی :
وەزیرێ خواندنا بلند و ڤەکولینێن زانستی سەرەدانا زانکویا زاخۆ کر و ژلایێ سەروکێ زانکویێ و ستافێ زانکویێ ڤە هاتە پێشوازی کرن .
د کونگرەیەکێ روژنامەڤانی دا د. ئارام محەمەد گۆت: (د درێژیا زنجیرا سەرەدانێن مە دا بۆ زانکویێن کوردستانێ مە سەرەدانا زاخۆ کر،سەرەدانا مە ژی ب سەر کرنا هولێن خواندنێ بوو ژبەر کو سیستەمێ ئاوێتە وەکری یە ٨٠٪ خواندن دناڤ کەمپسێ دا بهێتە خواندن و ٢٠٪ ب ئونلاین بیت و ئەگەر رەوش باشتر بوو دێ ب سیستەمەکێ دیتر کار و کاروبارێن خوە و سیستەمێ خواندنێ ب رێڤەبەین بەلێ هەکە رەوش خرابتر بوو وەکو ئەنجومەنێ وەزارەتێ دێ کومبونا خوە گرێدین و دێ بریارێن نوو دەرکەین،زانکویا زاخۆ وەکو هەمی زانکویێن دیتر هندەک کێشە هەنە ب تایبەتی ژی کێمیا میلاکێ ماموستایان و ژلایێ خوە ڤە ژی زانکویا زاخۆ ئەو کێشەیە گەهاندی یە و دێ ب هویربینی ل سەر روویننە خارێ دا کو چارەسەر بکەین ژبەر کو ئارمانجا مە چارەسەر کرنا کێشەیانە).
ناڤهاتی ئەو چەندە ژی دیار کر بۆ دەمێ سێ روژانە ئەم هویربینیێ ل سەر سکالایێن قوتابیان دکەین و ل دووف رێنما و یاسایێ دێ سەرەدەریێ دگەل سکالایێن قوتابیان کەین و دەمەکێ نێزیک ژی دێ دەرەنجامێن وان سکالایان دیار بیت .
ل دووماهیێ گۆت ژی هێشتا هندەک زانکو ماینە ل کوردستانێ کو دناڤ لیستا زانکویێن باوەر پێکریێن حکومەتا عێراقێ دا نینن بەلێ کێشەیا وان ژی کێشەیەکا تەکنیکی یە و ل دور ڤی بابەتی ژی وەزارەتا خواندنا بلند و ڤەکولینێن زانستی ل عێراقێ سەرەدانا مە کریە و پلە ئێک ژی کێمیا میلاکی یە ل وان زانکویان و ئەو پروسەیە دێ بەردەوام بیت هەتا کو دهێتە چارەسەر کرن.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند کو ٧٥ نەخۆشێن دی یێن کۆرۆنایێ ل دهۆکێ ب تەمامی چارەسەربوون.
رێڤەبەریا گشتی یا ساخلەمیا پارێزگەها دهۆکێ هەروەسا دیار ژی کریە کو ب ڤێ چەندێ هژمارا گشتی یا نەخۆشێن چارەسەربووین گەهشتنە 12988 کەسان و هەروەسا نها 12606 نەخۆش ل ژێر چارەسەریێ ماینە.
ئەڤرۆ نیوز:
وەزارەتا کۆچ و کۆچبەرێن عیراقێ ئاشکرا کریه، ل ده‌ستپێكا سالا بهێت دێ سەرجەم کەمپێن ئاواران دائێخیت، ژ بلى وان یێن دكه‌ڤنه د سنۆرێ هەرێما کوردستانێ دا.
ئیڤان فائیق، وەزیرا کۆچ و کۆچبەران راگەهاندیه، وەزارەتا وێ پلانه‌كا نیشتمانی داێژتیە بۆ داخستنا سەرجەم کەمپان ل ده‌ستپێكا سالا 2021.
لدووڤ وێ پلانێ دێ سەرجەم کەمپان ژ بلى ئه‌وێن دكه‌ڤنه د سنۆرێ هەرێما کوردستانێ دا هێنه داخستن، وێ وەزارەتێ هیڤى خواستیه، كو ب وی گاڤێ ملیۆنه‌ك و 500 هزار ئاوارە ڤه‌گه‌رنه سه‌ر مال و مولكێن خوه.
ئیڤان فائیق دبیێژیت ژى: وان هەماهەنگی ل گەل رێکخراوا کۆچا نێڤدەوڵەتی هەیە، كو پشته‌ڤانیا وان بكه‌ت، داكو هاریكاریا وان خێزانان بكه‌ت ژ بۆ ئاڤاكرنا مالێن وان یێن هه‌رفتى ل ده‌ڤه‌رێن هاتاینه ئازادكرن، هەروەسا قەرەبۆکرنا وان خێزانێن ماینه بێ جهـ و رێك.
وەزارەتا کۆچ و کۆچبەران گۆتیه ژى، ل دووماهیا ڤێ هه‌یڤی دێ كه‌مپێن: کەرکووک، سەلاحەدین و کەمپێن پارێزگه‌ها ئەنبار و کەمپا عامریێ ل فەلوجە دائێخیت بۆ هندێ ئاوارێن نەینەوا ب حه‌زا خوه ڤه‌گه‌رنه ده‌ڤه‌رێن خوه.
لدووڤ داتایێن نه‌فەرمی، هژمارا ئاواران ل هەموو ئیراقێ دگه‌هیته 5 ملیۆن و 500 هزار کەسان، ل گه‌ل هندێ ژى نێزیکی ملیۆن کەسان د ده‌مێ شەرێ داعشێ دا به‌ره‌ف وه‌لاتێن جیران و ئورۆپا ڤه چووینه.
ئەڤرۆ نیوز:
سەرۆکوەزیرێن ئیراقێ مستەفا کازمی راگەهاند، ھەر کارمەنده‌كێ ئەمنی، فەرمانا تەقەنەکرنێ ل خۆپیشاندەران بنپێ بکه‌ت، چاڤێ خوه لێ نانقینین و ئه‌م لێ نابورین ژى.
مستەفا کازمی د تویته‌كێ دا نڤێسییه:” ھەر کارمەنده‌كێ ئەمنی، فەرمانا تەقەنەکرنێ ل خۆپیشاندەران پێشێل بکه‌ت، دەولەت چاوپۆشیێ لێ ناکه‌ت و لی نابوریت ژى.
هه‌روه‌سا گۆتیه: ھێزێن ئەمنى دجددینه كو رێكێ ب کەسێن خراب نه‌دەن كو ناڤداریا ھێزێن ئەمنی شیلى بكه‌ن و بریندار بکەن.
كازمى گۆتیه ژى: مه بکوژێ عومەر فازلى گرتیە و ئه‌و دێ سزایێ خوه یێ عادیلانه، مه باوه‌رى ب گه‌لێ خوه هه‌یه.
ئەڤرۆ نیوز:
بۆ جارا سییێ حوکمەتا هەرێما كوردستانێ لێخۆشبوون ب رێژا 15% ژ قەرێن كارەبێ درێژ كر، حوکمەتا هەرێمێ گۆتیه ژى، هەر وەلاتی و پشکداربوویەك هەتا 31 كانوونا ئێكێ هه‌موو قەرێن خوە یێن كارەبێ ب شێوەیەكێ كاش بدەت، دێ ب رێژا 15% هێتە ئازا كرن.
د نڤیسارەكێ دا كو ژ ئالیێ ئومێد سەباحی ڤه، سەرۆكێ دیوانا جڤاتا وەزیران ڤە هاتییە ئیمزاكرن، دیار کریە، ژ پێخەمەت بەرژەوەندیا گشتی و زێدەكرنا داهاتی بۆ گەنجینا حکومەتا هەرێما كوردستانێ، ره‌زامەندی هاتیە كرن ل سەر درێژكرنا ده‌مێ لێخۆشبوونێ ب رێژا 15% ژ قەرێن كارەبێ بۆ وەلاتیان و پشکداربوویان، ئەو بریارە دێ هەتا 31 كانوونا ئێكێ یا بەردەوام بیت.
ئەڤرۆ نیوز:
د هێرشەكا تیرۆرستێن داعشێ دا ل نێزیكی بەغدا پترى 11 كەسان هاتنە كوشتن.
ل شه‌ڤا بورى تیرۆرستێن داعشێ هێرش كریە سەر بنگەهەكێ سەربازی ل دەڤەرا رەزوانییە ل رۆژئاڤایێ باژێرێ بەغدا و د وێ هێرشێ دا یازده كەس هاتینە كوشتن، كو پێنج ژ وان كوشتیان چەكدارێن حەشدا شەعبینە و شه‌شێن دیتر وەلاتیێن مەدەنینە.
د وێ هێرشێ دا تیرۆرستێن داعشێ ب نارنجۆكان هێرش كریە سه‌ر وان سه‌ربازان، پاشی تەقە كرن ب چەكێ سڤك دناڤبەرا هەردولا هاتییە روودان.
ئەڤرۆ نیوز:
وەزارەتا ساخلەمیا ھەرێما کوردستانێ راگه‌هاند: ژ ئه‌نجامێ سەرپێچیکرنا رێنمایی و مامەلەکرنێ ب دەرمانێن نەقانوونی کۆمپانیەکا دەرمانان ھاتە داخستن.
رێڤەبەریا کوالێتى و کونترۆلا دەرمان و پێدڤیێن نۆشدارى راگەھاندنەک به‌لاڤکریه و تێدا راگەھاندیه: د درێژاھیا کار و چالاکیێن لژنێن چاڤدێریا بازاری ل وەزارەتا ساخلەمیێ، پتشی پشکنین و دووڤچوونێ ژ ئه‌نجامێ سەرپێچیکرنا رێنمایی و مامەلەکرنێ ب دەرمانێن نەقانوونی کومپانیەکا دەرمانان ھاتە داخستن و رێکارێن قانوویی ل ھەمبەری وێ کومپانیێ ھاتینە وەرگرتن.
هه‌روه‌سا گۆتیه: ئه‌م هه‌موو کومپانیێن دەرمانان ئاگەھدار دکەین، پێدڤیه پابەندبن ب رێنمایێن ساخلەمیێ و قانوونا دەرمانان ب بەرۆڤاژی ڤێ چەندێ دێ رووبروو قانوونێ و دادگەھێ بن.
ئەڤرۆ نیوز:
هەر دو شاندێن پارتی و ئێکەتی ل سەرۆکاتیا هەرێما کوردستانێ د کۆمبوونێ دانە و ل گۆر زانیاریان بابەتێ هێرشا پەکەکێ ل سەر پێشمەرگێن کوردستانێ، پەیوەندیێن پارتی و ئێکەتیێ و دووماهی پێشهاتێن ل عیراقێ و کوردستانێ تەوەرێن سەرەکی یێ کۆمبوونا هەر دو شاندێن بالا یێن پارتی و ئێکەتیێ نە.
نێچیرڤان بارزانی سەرۆکێ هەرێما کوردستانێ سەرپەرشتیا کۆمبوونا هەر دو شاندێن پارتی و ئێکەتیێ دکەت و هوشیار زێباری سەرۆکاتیا شاندێ پارتی دکەت و بافل تالەبانی هەڤسەرۆکێ ئێکەتیێ ژی سەرۆکاتیا شاندێ ئێکەتیێ دکەت.
نيشاندان