ئەڤرۆ نیوز:
رێڤەبەریا ساخلەمیا هەولێرێ راگەهاند، سێ تووشبوویێن دیتر یێن کۆرۆنا یێ چێبوون و سەرجەمێ گشتی یێ چێبوویێن کۆرۆنا یێ ل هەولێرێ گەهشتنە 10 کەسان.
دەقێ راگەهاندنێ:
سێ نەخۆشێن دیتر ژ تووشبویان ب ڤایرۆسێ کۆرۆنا پشتی وەرگرتنا چارەسەریێن نۆشداری ب بەتەمامی چێبوون و بارێ ساخلەمیا وان تەمام یێ جێگیرە، سەرجەمێ گشتی یێ چێبوویان گەهشتە دەهـ نەخۆشان.
ئەڤرۆ نیوز:
سەیف بەدر پەیڤدارێ وەزارەتا ساخلەمیا عیراقێ راگەهاند، د 24 دەمژمێرێن بوری دا 65 کەسێن دیتر ل پارێزگەهێن عیراقێ تووشی کۆرۆنا یێ بوون، سەرجەمێ گشتی یێ تووشبوویان ل عیراقێ گەهشتە 694 کەسان.
هەروەسا گوتیە، چار کەسێن دیتر ل بەغدا، بەسرە، نەجەف و میسان گیانێ خوە ژ دەستدایە، نوکە هژمارا ئەوێن گیانێ خوە ژ دەستداین گەهشتنە 50 کەسان.
سەیف بەدر، پەیڤدارێ وەزارەتا ساخلەمیا عیراقێ گۆتیە، هەتا نوکە ل عیراقێ 170 کەس چێبووینە.
ئەڤرۆ نیوز:
وەزارەتا ساخلەمی یا هەرێما كوردستانێ راگەهاندنەكا نوو دەربارەی ڤایرۆسێ کۆرۆنا یێ ل هەرێما كوردستانێ بەلاڤكریە و تێدا گۆتیە، تیمێن ساخلەمیێ یێن هەرێمێ د بەردەوامن بۆ ئاشكراكرنا تووشبوویێن ڤایرۆسی و ئەنجامدانا پشكنینان بۆ هەر كەسەكێ گومانا تووشبوونێ ل سەر هەبیت، راگەهاندیە ژی د دەمێ 24 دەمژمێرێن بوری دا، (607) پشكنین ل سەرانسەری هەرێما کوردستانێ هاتینە ئەنجامدان.
هەروەسا گۆتیە، د دەمێ 24 دەمژمێرێن بوری دا 12 حالەتێن نوو یێن تووشبوونێ ب ڤایرۆسێ كۆرۆنا ل هەرێمێ هاتینە تۆمار كرن، كو پێنچ حالەت ل پارێزگەها سلێمانیێ و شەش حالەت ژی ل پارێزگەها هەلەبجە و حالەتەک ژی ل پارێزگەها هەولێرێ هاتینە تۆمار کرن.
نوکە هژمارا سەرجەمێ تووشبوویێن ڤایرۆسێ كۆرۆنا ل هەرێما كوردستانێ گەهشتیە (162) كەسان، كو دو كەسان هەتا نوکە گیانێ خوە ژ دەستدایە و 57 تووشبوویی ژ ب تەمامی چێبووینە.
ئه‌ڤرۆ نیۆز، عه‌زیز هه‌ورامی :
وه‌زاره‌تی شاره‌وانی و گه‌شتوگوزار له ڕێگه‌ی سه‌رۆكایه‌تی شاره‌وانییه‌كان له ته‌واوی كوردستان له ماوی قه‌ده‌غه‌ی هاتوچۆ ده‌ستی كردووه به نۆژه‌نكردنه‌وه‌ی شه‌قامی ناوشاره‌كان.
له‌و باره‌وه كردۆ عومه‌ر گوته‌بێژی وه‌زاره‌تی شاره‌وانی و گه‌شتوگوزار حكوومه‌تی هه‌رێمی كوردستان، تایبه‌ت به ئه‌ڤرۆ نیۆز گوتی:” ساسان عه‌ونی وەزیری شارەوانی و گەشتوگوزار، داوای لە بەڕێوەبەرایەتیی گشتی و سەرۆکایەتیی هەموو شارەوانییەکان کرد، تیمەکانی شارەوانی ئەم دەرفەتە بقۆزنەوە کە شەقامەکان بەهۆی قەدەغەی هاتوچۆوە چۆڵن، نۆژەن بکرێنەوە.
كردۆ عومه‌ر وتیشی:” له پارێزگای هه‌ولێر و سلێمانی سه‌ره‌تا ده‌ستی پێكرد، پاشان له پارێزگای دهۆك و ئیداره‌ی گه‌رمیان و ڕاپه‌ڕین نۆژه‌نكردنه‌وه‌ی شه‌قامه‌كان ده‌ستی پێكردووه، له ئاینده‌یه‌كی نزیك له پارێزگاكانی هه‌ڵه‌بجه و ته‌واوی شار و شارۆچكه‌كان نۆژه‌نكردنه‌وه‌ی شه‌قامه‌كان ده‌ست پێده‌كات.
وته‌بێژی وه‌زاره‌تی شاره‌وانی و گه‌شتو گوزار وتیشی:” نۆژه‌نكردنه‌وه‌ی شه‌قامه‌كان له‌سه‌ر داهاتی شاره‌وانییه‌كان خۆیان ده‌بێت، له ئێستادا وه‌زاره‌تی شاره‌وانی له توانای نییه بودجه‌یان بۆ ته‌رخان باكات.
ئەڤرۆ نیوز:
ئەڤرۆ سێشەمبی وەزیرێ نافخۆ یێ حوکمەتا ھەرێما کوردستانێ د پرێس کۆنفرانسەکێ دا دەربارەی دەنگویێ دەستکاریکرنا مووچێ فەرمانبەرێن هەرێمێ راگەھاند، ھەتا نوکە چ بریار بۆ دەستکاریکرنا مووچێ فەرمانبەران نەھاتینە دان و ئەو دەنگۆیێن بەحسێ ڤی بەبەتی دکەن دوورن ژ راستیێ.
رێبەر ئەحمەد وەزیرێ نافخۆ یێ حوکمەتا هەرێمێ گۆت ژی، هەر ل دەستپێکا ڤێ کابینێ مە راگەهاندیە ، ب ساناهی ئامادە نینین دەست بۆ مووچە و دەرمالێن وەلاتیان ببەین و حوکمەتا هەرێمێ دێ دیراسەیا وی بابەتی کەت و جڤاتا وەزیران دێ بریارێ ل سەر ڤی بابەتی دەت و هەر تشتێ هەبیت دێ ب ئاشکرایی بێژینە وەلاتیان.
وەزیرێ نافخۆ گۆت ژی، سوبەهی چارشەمبی 1 نیسانا 2020 دێ حوکمەتا هەرێما کوردستانێ کۆم بیت و ئێک ژ تەوەرێن وێ کۆمبوونێ دێ بەحسکرن بیت ل سەر رەوشا ئابوری یا هەرێما کوردستانێ ب رەنگەکێ گشتی.
ناڤهاتی دیار کر ژی، مە روون کریە، کو رەوشا ئابوری یا جیهانێ و عێراقێ تێکچوویە و هەرێما کوردستانێ ژی وەک پشکەک ژ عیراقێ و جیهانێ باندۆرا وێ رەوشێ ل سەر هەبوویە.
ئەڤرۆ نیوز:
رێبەر ئەحمەد وەزیرێ ناڤخوە یێ هەرێما کوردستانێ راگەهاند کو قەدەغەیا هاتنوچوونێ ل هەرێما کوردستانێ هەتا نها ئەنجامێن خوە یێن باش هەبووینە و رەوشا نها ژی دخوازیت کو ئەم قەدەغەیا هاتنوچوونێ بۆ ١٠ رۆژێن دی ژی درێژ بکەین.
وەزیرێ ناڤخوە یێ هەرێما کوردستانێ ئەو یەک ژی دیار کر کو ئەو دزانن ژ بەر قەدەغەیا هاتنوچوونێ رەوشا کرێکاران و وەلاتیێن دی ب گشتی خرابە، لێ پاراستنا جانێ وەلاتیان ئەرکێ سەرەکی یێ حوکمەتێ یە و ژ بەر هندێ ژی وان بریار داینە قەدەغەیا هاتنوچوونێ درێژ بکەن.
ناڤهاتی ئەو یەک ژی دیار کر کو دێ وەکو حوکمەت دووڤچوونا خەلکێ کێم دەرامەت و هەژار ژی هێتە کرن.
ئەڤرۆنیوز، ڕەزوان ڕۆژبەیانی:
پشتی نیڤرۆیا ئەڤرۆ ژ ئەگەرێ روودانەکا هاتنوچوونێ ل گوندەکێ سنورێ قەزا بەردەڕەش زارویەک جانێ خوە ژ دەست دا.
کەسەکێ ل گوندێ دولێجان کو نەڤیا ناڤێ وی بێتە بەلاڤکرن بۆ ئەڤرۆنیوز ئاشکرا کر پشتی نیڤرۆیا ئەڤرۆ رۆژا چارشەمبی ژ ئەگەرێ روودانەکا هاتنوچوونێ ل سەر رێکا گشتی یا ناڤبەرا قەزا بەردەڕەش و چوار ریانا باکورمان ل نزیک گوندێ دولێجان ترومبێلەکێ خوە ل زارۆیەکی 12 سالی ب ناڤێ یوسف حسێن رەمەزان داو د ئەنجام دا ئێکسەر جانێ خوە ژ دەست دا.
ئەڤرۆ نیوز:
سەرۆک مەسعود بارزانی د پەیامەکێ دا جەژنا سەرێ سالا نوو یا بابلی و ئاشووری و جەژنێن ئەکیتو پیرۆز دکەت.
د پەیاما خوە دا سەرۆک بارزانی دیار دکەت کو ب هەلکەفتا هاتنا سەرێ سالا نوو یا بابلی ئاشووری و جەژنێن ئەکیتو پیرۆزباهیەکا گەرم ل خووشک و برایێن کلدان سریان و ئاشووریێن کوردستانێ و عیراقێ دکەم و هێڤیدارم هەر د خوشی و ئارامیێ دا بن.
سەرۆک بارزانی هەروەسا دیار دکەت کو نها ڤایرۆسێ کۆرۆنا بوویە مەترسیەکا مەزن ل سەر هەموو جیهانێ، ژ بەر هندێ ژی هێڤیدارم کو خووشک و برایێن مە یێن کریستیان ژ هەموو نەخوشیەکێ دوور بن و بشێن جەژنێن خوە د ناڤ ئاشتی و ئارامیێ دا برێڤە ببەن.
ئەڤرۆ نیوز:
کۆچکا سەرۆکاتیا روسیا راگەهاند کو سەرۆکێ روسیا ڤیلادەمیر پوتین ل گەل دۆنالد ترامپ سەرۆکێ ئەمریکا ب رێیا تەلەفونێ ئاخڤیە و هەر دو سەرۆکان بریار داینە کو ژ بۆ بەرهنگاریا ڤایرۆسێ کۆرۆنا پتر هەڤکاریا هەڤدو بکەن.
دەزگەهێن راگەهاندنا ئەمریکا ژی دیار دکەن کو روسیا و ئەمریکا دێ زانیاریێن زانستی و ئەنجامێن ڤەکۆلینێن خوە یێن ل دۆر کۆرۆنایێ دێ ل گەل هەڤدو پارڤە کەن دا بشێن چارەسەریەکێ بۆ ڤایرۆسێ کۆرۆنایێ پەیدا بکەن.
نيشاندان