ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ بەری دەمەکێ راگەهاند کو هەتا نوکە مە بڕیار دەربارەی درێژکرنا قەدەغەکرنا هاتنوچوونێ نەدایە و ئەم یێ ل هیڤیا وەزارەتا تەندروستی کا پێدڤیە درێژ بکەین یان نە.
وەزارەتا ناڤخوە داخۆیانیەکێ بەلاڤ دکەت
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى Twitter
دهۆک: زیان ڤێکەفتیێن لەهیان هاتنە قەرەبۆکرن
ئەڤرۆ نیوز:
ب ئامادەبوونا جەهوەر عەلی قائیمقامێ قەزا دهوکێ، پروسسا قەرەبۆکرنا زیان ڤێکەفتیێن لەهیان ل سەنتەرێ باژێرێ دهوکێ دەستپێکر.
قائیمقامێ قەزا دهۆکێ ئاشکرا کر: زیان ب (۳۷۲)جهان ل سەنتەرێ باژێرێ دهوکێ کەفتیە کو ژ خانیان و ترومبێلان و دوکان و کوگەهان پێک هاتینە، گۆت ژی: گوژمێ پتر ژ ملیارەک و چل ملیۆن دیناران دێ ل سەر وان کەسان هێنە بەلاڤکرن.
ناڤهاتی گۆت ژی: ئەڤە د دەمەکی دایە، کو ل ناڤەراستا ڤێ هەیڤێ ژ ئەنجامێ بارینا رێژەکا زۆر یا بارانێ ل سنورێ باژێرێ دهوکێ، لەهی ل چەندین تاخان پەیدابوون و ب دەهان کەس زیانێن مادی گەهشتنێ.
ب مەرەما قەرەبۆکرنێ ،سەروکێ هەرێما کوردستانێ و سەروکێ حوکمەتا هەرێما کوردستانێ ، گوژمێ (۳)ملیار دیناران بو زیانڤێکەفتیێن لەهیان ل سەرانسەرێ پارێزگەها دهوکێ تەرخانکربوون.
ویسام ئەحمەد سەرپەرشتێ پروسسا بەلاڤکرنا پارەی ل سەر زیان ڤێکەفتیان ل قائیمقامیا قەزا دهوکێ دیار کر: ژ دوهی (۲۰۲۰/۳/۲۸) پارێ قەرەبویا زیانڤێکەفتیێن لەهیان دەستپێکریە و هەتا ئەڤرۆ (۲۰۲۰/۳/۲۹) پتر ژ(۱۰۰)کەسان هاتینە قەرەبۆکرن و گوت، رۆژانە ئەم پەیوەندیێ ب چەندین کەسان دکەین یێن ناڤێن وان هاتینە تۆمارکرن داکو بهێنە قەرەبۆکرن.
قەدەغەیا هاتنوچوونێ دێ هێتە درێژکرن
ئەڤرۆ نیوز:
بەرپرسەکێ وەزارەتا ناڤخوە یا حوكمەتا هەرێما کوردستانێ راگەهاند کو ل سەر داخوازا وەزارەتا ساخلەمیێ و بۆ پاراستنا وەلاتیان ژ ڤایرۆسێ کۆرۆنا بریار هاتیە دان قەدەغەیا هاتنوچوونێ هەتا ١٥ نیسانێ بهێتە درێژکرن.
هەمان ژێدەری دیار ژی کریە کو دێ هندەک رێنمایێن نوو ژی ژ ئالیێ وەزارەتا ناڤخوە ڤە ب فەرمی هێنە بەلاڤکرن.
هژمارەکا بەرچاڤ ژ تووشبوویێن ب کۆرۆنایێ ل هەرێما کوردستانێ باش بووینە
ئەڤرۆ نیوز:
وەزارەتا ساخلەمیێ یا هەرێما کوردستانێ راگەهاند کو هەتا نها ١٢٨ کەس ل هەرێما کوردستانێ تووشی کۆرۆنا یێ بووینە و ژ وان ١٢٨ کەسان هەتا نها ٢ کەسان جانێ خوە ژ دەست داینە و ٥٦ کەس ژی ب تەمامی باش بووینە.
وەزارەتا ساخلەمیێ جارەکا دی داخواز ژ هەموو وەلاتیێن هەرێما کوردستانێ دکەت کو بۆ پاراستنا خوە و کەسوکارێن خوە پێگیریێ ب رێنمایێن وەزارەتا ساخلەمیێ و وەزارەتا ناڤخوە بکەن.
چاڤدێریا بازرگانی: رێ نادەین کەس بهایێ کەلوپەلان گران بکەت
ئەڤرۆ نیوز:
رێڤەبەراتیا چاڤدێریا بازرگانی ل هەولێرێ راگەهاند کو پشتی ژ بەر ڤایرۆسێ کۆرۆنا رەوشەکا جودا ل هەرێما کوردستانێ هاتە پێش ل هەولێرێ هندەک جهان بهایێ کەلوپەلان گران کرینە و هندەک جه ژی پێگیریێ ب رێنمایان ناکەن و ژ بەر هندێ ژی ١٠٣ جه هاتینە سزادان و هندەک جه ژی ب تەمامی هاتینە داخستن.
رێڤەبەراتیا چاڤدێریا بازرگانی دیار ژی دکەت کو ئەو ب چو رەنگەکێ رێ نادەن هندەک کەس مفای ژ رەوشا نها وەربگرن و بهایێ کەلوپەلان گران بکەن، یێن پێگیریێ ب رێنمایان نەکەن دێ ب توندی هێنە سزادان.
د. جه‌گه‌ر رێكانى: چه‌كێ مه یێ سه‌ره‌كى ژبۆ به‌رگریێ ل دژى ڤایرۆسێ كۆرۆنا یێ خوه پاراستنه
ئه‌ڤرۆ نیوز ، زنار تۆڤى:
د. جه‌گه‌ر رێكانى، ماسته‌ر ب ئێشێن وه‌بایێ ل نبراسكا/ ئه‌مریكا، دكتۆرا ب ئیشێن هناڤا، كولۆرادۆ/ ئه‌مریكا، دكتۆرا ب په‌نجه‌شێرێن خوینێ ل جۆنز هوپكنز/ ئه‌مریكا وه‌رگرتینه، د دیداره‌كێ دا بۆ ئه‌ڤرۆ نیوز دیار كر: د نوكه دا چ ڤاكسین ل به‌ر ده‌ست نینن بۆ ڤایرۆسێ كۆرۆنا و چ چاره‌سه‌ریێن تایبه‌ت ژى نینن ژ بۆ ڤى ڤایرۆسى، له‌وما چه‌كێ مه یێ سه‌ره‌كى ژبۆ به‌رگریێ ل دژى ڤى ڤایرۆسى خوه پاراستنه، خوه پاراستن ژى سێ ته‌وه‌ران ب خوه‌ڤه دگریت.
هێشتا گۆت: ته‌وه‌رێ ئێكێ ژى ته‌وه‌رێ كه‌سایه‌تیه،ئه‌و ژى شووشتنا ده‌ستان ب ئاڤا گه‌رم و سابوونێ، كو نه كێمتر بیت ژ 20 چركه‌یان، پێدڤیه چه‌ندین جاران د رۆژێ دا ئه‌ڤ كریاره بهێته ئه‌نجامدان، هه‌روه‌سا پێدڤیه مرۆڤ ده‌ستێ خوه نه‌كه‌ته ده‌ڤ و دفن و چاڤێن خوه، چونكى ئه‌ڤ جهه د هه‌ستیارن ژبۆ ڤه‌گۆهاستنا ڤى ڤایرۆسى.
ته‌وه‌رێ دویێ ته‌وه‌رێ ناڤمالێ یه، دڤێت كه‌ره‌ستێن ناڤمالێ بهێنه تافیل كرن، ب مادێ دیتۆلى و دڤێت رێژا كحولى تێدا( 60_70%) بیت، هه‌كه ئه‌ڤ ماده یێ به‌رده‌ست نه‌بیت، مرۆڤ دشێت فاسێ ب كار بینیت بۆ شووشتنا كه‌لوپه‌لان و ب ره‌نگه‌كێ تایبه‌ت، ئه‌و ژى تێكه‌لكرنا پێنج كه‌فچكێن فاسێ ل گه‌ل سێ لتر و نیڤێن ئاڤێ، پاشى بۆ تافیلكرنێ ب كار بینین.
ئه‌و چه‌ند ژى دیار كر: ده‌رباره‌ى خوارنێ ژى پرانیا خوارنێن رۆژهه‌لاتا ناڤین، ڤایرۆسێ كۆرۆنا یێ ناڤه‌گوهێزن، چونكى ئه‌و خوارنێن دهێنه كه‌لاندن چ مه‌ترسى ل سه‌ر وان خوارنان نینه، ئه‌ڤێن نه‌هێنه كه‌لاندن، وه‌كو فێقى و كه‌سكاتى، پێدڤیه باش ب ئاڤا گه‌رم و كه‌فا سابوونێ بهێنه شووشتن و باش بهێنه هشك كرن به‌رى خوارنێ، دیسان دڤێت جلك ژى ب ئاڤا گه‌رم و ل گه‌ل فاسێ ژى بهێنه شووشتن و باش بهێنه هشك كرن به‌رى ل به‌رخوه بكه‌ن.
ته‌وه‌رێ سییێ ته‌وه‌رێ جڤاكیه، ئه‌و ژى ئه‌وه دڤێت مرۆڤ خوه ژ جهێن قه‌ره‌بالغ دوور بكه‌ت، چونكى هه‌كه كه‌سه‌ك هه‌لگرێ ڤى ڤایرۆسى بیت و بچیته جهه‌كێ قه‌ره‌بالغ و دێ گه‌له‌ك خه‌لكێ تووشى ڤى ڤایرۆسى كه‌ت، ئه‌ڤه دێ بیته بارگرانى بۆ حوكمه‌تا هه‌رێمێ و مه نه‌ڤێت ئه‌و وه‌كو وان وه‌لاتان لێ بهێین یێن كو گه‌له‌ك تووشبوویى هه‌ین.
د. جه‌گه‌ر هێشتا دبێژیت: دڤێت ب ره‌نگه‌كێ عاقلانه ئه‌م سه‌رده‌ریێ ل گه‌ل ڤێ ره‌وشێ بكه‌ین، دڤێت ئه‌و د گه‌شبین ژى، چونكى 80% یا تووشبوویان چێدبن، ئه‌ڤه خاله‌كا گرنگه و ئه‌وێن ژ ڤى ڤایرۆسى قورتال دبن، جۆره‌كێ به‌رگریا له‌شى بۆ چێدبیت، دیسان ئه‌وێن دهێنه داخلكرن ل ژێر چاڤدێریا چر ژى، 97% یا خه‌لكێ چێدبنه ڤه، ئه‌ڤه ژى خاله‌كا ئه‌رێنى یه، دیسان دڤێت ئه‌م مفاى ژ مانا خوه د مالدا بمینین و ده‌رنه‌كه‌ڤین، دیسان په‌یوه‌ندیێن خێزانى ب هێز بێخین و خوه پتر نێزیكى ئێك بكه‌ین و ئه‌ڤه دبیته قه‌بخوازیه‌ك ژى، كو ئه‌م مرۆڤ دشێین سه‌ره‌ده‌ریێ ل گه‌ل ڤایرۆسه‌كێ بكه‌ین، كو دبیت هه‌بوونا مه ل سه‌ر روویێ ئه‌ردى تێك بده‌ت، لێ مه ئیراده یا هه‌یى و ئه‌م دشێن ل دژى ڤى ڤایرۆسى راوه‌ستین.
ناڤهاتى گۆت ژى: دڤێت ئه‌م ڤى ڤایرۆسى سڤك وه‌رنه‌گرین، چونكى هه‌ر وه‌لاتیه‌كێ مه پێ بمریت، بۆ مه ب گه‌له‌كێ یه، دیسان پتریا قوربانیان كه‌سێن دانعه‌مرن و ئه‌وێن یێن كو ئێشێن دومدرێژ هه‌ین، له‌وما پتر مه‌ترسى ل سه‌ر كه‌سێن دانعه‌مر هه‌یه، دڤێت ئه‌م هه‌موو پێگیریێ پێ بكه‌ین، چونكى هه‌كه كه‌سێن ساخله‌م پێگیریێ ب ئه‌ڤان رێنمایان بكه‌ن، ئه‌ڤه دبیته هێمایا وه‌فاداریا وان بۆ مال و جیران و كه‌سوكارێن وان، هه‌ر چه‌نده گه‌نج ژى ب رێژا 1% ب ڤى ڤایرۆسى دمرن.
هەکە پێدڤی کر دێ قەدەغەیا ھاتنوچوونێ ھێتە درێژکرن
ئەڤرۆ نیۆز، قائید میرۆ:
وەزارەتا ساخلەمیا حوکمەتا ھەرێما کوردستانێ ئاشکراکر، قەدەغەیا ھاتنوچوونێ ژیانا ھزاران وەلاتیان پاراستیە و پشتی پێداچوونێ ژی دێ بڕیار لدۆر درێژکرنا قەدەغەیا ھاتنوچوونێ ھێتەدان.
دکتۆر محەمەد قادر، پەیڤدارێ وەزارەتا ساخلەمیێ بۆ ئەڤرۆ نیۆز دیارکر” قەدەغەیا ھاتنوچوونێ ژیانا ھزاران وەلاتیێن ھەرێما کوردستانێ پاراستیە و بوویە ئەگەرێ کێمبوونا زیانێن ڤایرۆسا کۆرۆنایێ لسەر ھەرێما کوردستانێ، لەوڕا ھێشتا بڕیار نەھاتیەدان دێ قەدەغەیا ھاتنوچوونێ یا بەردەوامبیت یان ژی ھێتە راکرن.
پەیڤدارێ وەزارەتا ساخلەمیێ ئاشکراکر” درێژکرنا بھێنڤەدانا فەرمانگەھێن حوکمەتێ گرێدایی قەدەغەیا ھاتنوچوونێ نینە.
دکتۆر محەمەد قادر گۆت ژی”وەزارەتا ساخلەمیێ دێ پێشنیازەکێ دەتە حوکمەتێ بۆ درێژکرنا قەدەغەیا ھاتنوچوونێ، بەلێ پشتی پێداچوون دھێتەکرن، کو ئایا ھەتا چەند مەترسیا ڤایرۆسا کۆرۆنایێ لسەر ھەرێما کوردستانێ مایە، ئەگەر بھێت و بزانین ھێشتا مەترسیە ئەڤە دێ ھێتە درێژکرن.
کومەلگەها قەدشێ هاتە کەرەنتینکرن
ئەڤرۆ نیوز:
د. شاکر عەبدولعەزیز رێڤەبەرێ ساخلەمیا ئامێدیێ دیار کر کو پشتی گەنجەک د ژیێ ١٩ سالیێ دا ل کومەلگەها قەدشێ تووشی ڤایرۆسێ کۆرۆنایێ بوو وان بریار داینە کو هەتا ١٤ رۆژان هەموو وەلاتیێن ل قەدشێ د کەرەنتینێ دابن و ل مالێ خوە دەرنەکەڤن.
ناڤهاتی راگەهاند ژی پێرابوونێن پێدڤی هاتینە وەرگرتن و رێ ناهێنە دان چو کەسەک بهێتە دەرڤە و دێ یا پێدڤی بۆ پاراستنا وەلاتیان ل قەدشێ هێتە کرن و داخواز ژ هەموو وەلاتیێن وێ کومەلگەهێ ژی کر کو پێگیریێ ب رێنمایان بکەن.
یابانێ شیایە دەرمانەکێ کاریگەر بۆ کۆرۆنایێ پەیدا بکەت
ئەڤرۆ نیوز:
پرۆفیسور جوننیچیرۆ ئینیو ل زانکۆیا توکیو ل وەلاتێ یابانێ راگەهاند کو پشتی چەندین تاقیکرنان وان شیاینە دەرمانەکێ ل دژی کۆرۆنا یێ بەرهەم بینن کو د شیان دایە نەخوشێن کۆرۆنایێ باش بکەت.
ناڤهاتی راگەهاند ژی کو ئەو دێ ل سەر کارێن خوە بەردەوام بن و دیار ژی کر کو دەرمانێ وان دشێت د ماوەیەکێ کورت دا رێگریێ ل بەلاڤبوونا کۆرۆنایێ بگریت و ئەو یەک ژی گرنگیەکا خوە یا مەزن بۆ هەموو جیهانێ هەیە.
ل ده‌مێ 24 ده‌مژمێرێن بوری چ حاله‌تێن مرنێ ب كورونایێ ل عیراقێ نه‌هاتینه توماركرن
ئه‌ڤرۆ نیوز:
وه‌زاره‌تا ساخله‌می و ژینگه‌ها عیراقێ د راگه‌هاندنه‌كێ دا بلاڤكر، ل ده‌مێ 24 ده‌مژمێرێن بوری دا 41 توشبوویێن نوو ب ڤایرۆسێ كورونا كوڤید 19 هاتینه توماركرن.
لگۆری ئه‌وێ راگه‌هاندنا وه‌زاره‌تا ساخله‌می و ژینگه‌ها عیراقێ به‌لاڤكر، رێژه‌یا زۆرا توشبوویێن نوو ل پارێزگه‌ها كه‌ربه‌لا هاتیه توماركرن كۆ ژماره‌یا وان 11 كه‌سن و ل هه‌ر ئێك ل به‌غدا و به‌سره و هه‌ولێرێ هه‌شت حاله‌ت هاتینه توماركرن، ل نه‌جه‌ف 5 حاله‌ت و ل سلێمانیێ ئێك حاله‌ت هاتیه توماركرن ل ده‌مێ 24 ده‌مژمێرێن بوری چ حاله‌تێن مرنێ ب ئه‌گه‌رێ ڤایرۆسێ كورونایێ ل عیراقێ نه‌هاتینه توماركرن.
د راگه‌هاندنا وه‌زاره‌تا ساخله‌میا عیراقێ دا هاتیه كۆ 11 حاله‌تێن ساخ بوونێ ل سلێمانێ و دهۆك و دیوانێ هه‌بووینه.
تانوكه ل ته‌ڤایا عیراقێ توشبوویێن ب ڤایرۆسێ كورونایێ 547 حاله‌تن و دناڤا توشبوویێن بوری دا 143 كه‌س ب ته‌مامی ساخ بووینه، هه‌ڤده‌م ژماره‌یا ئه‌و توشبووێن مرین گه‌هشتیه 42 كه‌سان.
نيشاندان
WP Facebook Auto Publish Powered By : XYZScripts.com