ئهنجامێن ههلبژارتنێن وهلاتێ سودانێ هاتنه راگههاندن و عومهر بهشير پالێوراوێ كۆنگرێ نشتيمانى ب دهستڤهئيانانا 94% يا دهنگان بۆ سهرۆكێ وى وهلاتى.
ئەڤرۆ:
سترانبێژا بەرنیاسا لوبنانی (نەوال زۆغبی) ب تۆندی بەرسڤا رۆژنامەڤانەکی دا دەمێ د کۆنگرەیەکێ رۆژنامەڤانی دا پرسیار ژێ کری (راستە تۆ و ھەڤژینێ خوە ژێک جودا بووینە؟).
نەوالێ گۆت: جھێ داخەکا مەزن ھندەک کەنالێن راگەھاندنێ کارێ وان بەس تێکدانە و ھەکە ل دەف خوە ژی بیت دێ ھندەک گۆتگۆتکان ل دووف ھندەکێن کەسێن بەرنیاس، ژوانا ھونەرمەندان ڤەنن و بتنێ مەرەما وان ئەوە دا رەواجا کەنالێ وان یان رۆژناما وان ھەبیت، و ئەڤ تشتێ ئەو دبێژیت یێ دوورە ژ راستیێ و ئەزا ل گەل ھەڤژین و زارۆیێن خوە دخوشترین ژیاندا دژیم.
ل دووماھیێ ئاشکەراکر ئەوا کاری ل سەر ئەلبۆمەکا نوو دکەت، لێ نەخواست ناڤەرۆک و ھژمارا تراکان دیارکەت.
ئهڤرۆ:
پشتی ژن دزانیت کو ھەڤژینێ وێ خیانەت لێ کریە، تووشی لێدانەکا توند و رەق دبیت، بەلانسێ خوە ژدەستددەت، ھەست ب بێ ھیڤیبوونێ و دلتەنگیێ دکەت، دبیت کەرب ژ ژیانا خوە ڤەببن چونکو دێ ھەست پێ کەت کو ھەتا ھەتایێ ھەڤژین و خۆشتڤیێ خوە ژ دەست دا، یا شاشە کو خوە بدەتە دەستێ ڤێ رەوشێ، دبیت ئەڤ تشتە نەخەم بیت بۆ زەلامی بەلێ ئەڤە یا چێبووی.
ئەڤە نەکارەکێ بچووکە زەلام دکەت، بەلێ پێدڤیە بیچەک بێھنا خوە ل ڤێ چەندێ فرەە بکەت و نەھێلیت ھندەک کار بھێنە کرن پشتی دزانیت ھەڤژینێ وێ خیانەت یا کری، پالدان بۆ بریارێ چو مفای نادەت، بەلێ دڤێت چاڤەرێ بی و ھزر د ڤێ چەندێ دا ب بێدەنگی بکەی.
بۆ بەرژەوەندیا خوە ڤان کاران نەکە:
خوە ژ خەمێ و گریێ بێبار نەکەی:
یا خەمگین بە و بکە گری ھەتا تو ھەستا خوە دەردئێخی، ھەتا تو بۆ پێنگاڤا د دووڤ دا بەرھەڤ دبی، گرتنا ھەستێن خەمێ مفای ل تە ناکەت بەلێ دێ زیانێ ل دەروونێ تە و ھەڤبەندیا تە و ھەڤینێ تە کەت.
نە بێژێ کو دزانی وی خیانەتا کری:
ھەکە تە زانی وی خیانەتا کری و ئەو نەزانیت کو تو دزانی، یا باش ئەوە تو نەبێژیێ ھەتا رەوشا تە یا دەروونی ئارام دبیت و بەرھە ببی بۆ گەنگەشێ و ل ئێک تێگەھشتنێ، ئەڤە دمینیتە ل سەر قەبارێ حەزژێکرنا تە بۆ وی، ھەکە تە گۆتێ دێ ئەو ل بەر چاڤێن تە شکێت و کێم بھا بیت، دێ باندۆرەکا مەزن ل دەروونێ وی کەت بتایبەت ھەکە ب دروستی حەز ژ تە بکەت.
بەلێ ھەکە زانی کو تو زانی وی خیانەت یا کری، بێھنەکا درێژ بدە خوە دا خوە بۆ روو ب رووبوونا وی بەرھەڤ بکەی و دا مافێ خوە بپارێزی، بیاڤێ ل ئێک تێگەھشتنێ بەرفرەە بکە و یا راستگۆ بە چونکو راستگۆیی گەمیا قورتالبوونا ژیانا ھەوە.
رەفتارا خوە ل گەل نە گوھۆرە:
بەلێ ژ بەری نوکە باشتر بە، بەلێ خانما ھێژا ئەڤە دێ کارتێکرنێ لێکەت و دێ وژدانا وی ئێشینیت و دێ کارێن خوە ل گەل یێن تە پیڤیت، ژ کەتوارێ ژیانێ و سەربۆرێن خەلکێ دی ئەڤ رێیە دێ ھەڤژینێ تە ل تە زڤرینیت و دێ ھەست ب پەشیمانیێ کەت، بەلێ ھەکە تە رەفتارا خوە ل گەل گوھارت ئەو تە شکەستن بۆ خوە ھەلبژارت و بساناھی کەتیە دەستێن وی، یا ب عاقلتر بە و شکەستنێ قەبوول نەکە.
ھشیار بی یا توند نەبی:
بەرۆڤاژی دڤێت تو وی د دلینیا خوەدا نقۆم بکەی، وەکو کوڕێ خوەیێ بچووک رەفتارێ ل گەل بکە، ھەکە کوڕێ تەیێ بچووک شاشیەک کر دێ چ کەی؟ دێ ئێشینی و دێ یا توند بی ل گەل؟ نەخێر، ئھا ل گەل وی ژی یا وەسا بە و د دلینیێ خوەدا نقۆم بکە، ئەڤینا خوە بکە چەک بۆ دژایەتیکرنا ھەمی ژنان د ژیانا وی دا.
خوە تێک نەدە و زووو بریارێ نەدە:
پێدڤیە تو یا ئارام بی، و لەزێ د دانا بریارێ دا نەکەی، پێدڤیە باش ئاریشێ ڤەکۆلی و خوە ل گەل ھەڤژینێ خوە بپیڤی و دیار بکە کا چو کێماسی ژ تە نینن، باش ھزر د بریارێ دا بکە و بزانە دێ ئەنجام چ بن، بریار یا د دەستێ تە ب تنێ دا.
ل دووماھیێ، ئەڤ ل سەر تو بکەی چو مەزناھی و کەرامەتا تە کێم ناکەت، بەلکو دێ وەسا ددەتە دیار کرن کو تو ب ھێزتری و تو وەفادارتری، ب ڤان رێیان دێ ھەڤژینێ ل تە ڤەگەریت ھەکە حەز ژ تە بکەت، بەلێ ھەکە ئەو ل پێش چاڤان نەبوو یا تو دکەی، خوە خەمگین نەکە چونکو گەلەک زەلامێن ھەین بھایێ ھەڤژینا خوە نزانن ھەتا ژ دەست نەدەن، دێ ھندەک ژنێن دی بینن کو ب چارێکا یا ھەڤژینێن خوە ژ دەستێ وان نابینن، ئەڤە باشترین سزایە بۆ وان.
ئەڤرۆ:
ئالینا سترانبێژ ئەو گۆتن رەتکرن کو بەری چەند رۆژان ل ھندەک سایتان ھاتبوو بەلاڤکرن ئەو دێ بیتە زارڤەکەر و ئێدی سترانان نابێژیت.
ناڤھاتی دبێژیت: راستە بەری دەمەکی ژمن ھاتبوو خواستن وەکو زارڤەکەر پشکداریێ دفلمەکی دا بکەم، لێ من چو بەرسڤ نەداینە وان و بتنێ من گۆتیە وان (دڤێت دەقێ فلمی بخوونم پاشی دێ بریارا خوە دەم و ھەتا ھەکە ھاتۆ ئەز پشکدار ژی بوو دەست ژسترانگۆتنێ بەرنادەم، چونکو ئەز ب ئالینا سترانیبێژ ھاتیمە نیاسین و ئەز نە ل وێ باوەرێ مە وەکو زارڤەکەر بشێم وی جەماوەری ل خوە خرڤەکەم، یێ کو نوکە وەکو سترانبێژ من ھەی.
ل دۆر نووترین کارێ خوە یێ ھونەری ژی گۆت: راستە ل دەستپێکێ من سترانێن ھندەک ھونەرمەندێن دی گۆتن، لێ ئەز ب تشتەکێ نۆرمال دزانم، چونکو پرانیا کەسێن دەست ب سترانگۆتنێ دکەن دەستپێکێ سترانێن ھندەکێن دی دبێژن چونکو وان چو نینە، لێ بۆ پاشەرۆژێ من ھزر دوێ چەندێ دا کریە و ئەوا دشیاندا بیت دێ کەم و ھیڤیا من ئەوە ئەلبۆمەکا باشا سترانێن کوردی چێکەم.
ئەڤرۆ:
ئەندامەکێ مەکتەبا سیاسی یا بزاڤا دیموکراتی یا ئاشۆری دداخۆیانیەکێ دا بۆ رۆژناما ئەڤرۆ راگەھاند، بزاڤا وان ھێزەکا چەکدار یا ھەی و رەت کر ب سەر میلیشیێن (حەشد شەعبی) ڤە بیت، ئاماژە دا ژی ھەکە قانوونا (زێرەڤانێن نیشتمانی) ل عیراقێ ھاتە پەسەندکرن، ئەو ھێز دێ چیتە ب سەر ھێزێن زێرەڤانێن نیشتمانی ڤە، ھەڤدەم ژێدەرەکێ سیاسی یێ مەسیحی ئاماژە دا وێ چەندێ دو کەتیبێن مەسیحی دناڤ حەشد شەعبی دا یێن ھەین، چەکدارێن بزاڤا ئاشۆری ژی دبیت ب سەر (حەشد شەعبی) ڤەبن.
دکتۆر دورەید حکمەت ئەندامێ مەکتەبا سیاسی یا بزاڤا دیموکراتی یا ئاشۆری بۆ ئەڤرۆ گوت” ھێزا مە یا چەکدار ژ ٣٠٠ کەسان یان پتر پێک دھێت ب ناڤێ ھێزا دەشتا نەینەوا، نە ب سەر (حەشد شەعبی) و نە ژی ب سەر (حەشد وەتەنی) یا سوننی و نە ب سەر وەزارەتا پێشمەرگەی ژی ڤە نینە، بەلکو ئەو ھێزب تنێ یا ب سەر بزاڤا مە ڤە”.
دورەید حکمەتی خۆیاکر ژی” ھێزا مە ل سەربازگەھەکێ وەزارەتا پێشمەرگەی ل چەمچەمال یا ھاتیە مەشقدان و ژ ٣٠٠ کەسان یان پتر پێک دھێت”.
ناڤبری دیارکر کو مەسیحیان ھێزەکا دی ژی یا ھەی ب ناڤێ (پلنگێن زێرەڤانی بغدیدا) کو ب سەر وەزارەتا پێشمەرگەی ڤەنە و یێن ھاتینە مەشقدان و گەڕا ئێکێ ژ وێ ھێزێ ژ مەشقدانێ یا دەرچووی”.
کەریم نوری پەیڤدارێ (حەشد شەعبی) بەری نوکە د داخۆیانیەکێ دا بۆ ئەڤرۆ گوتبوو “چەکدارێن مەسیحی ژی یێن دناڤ حەشد شەعبی دا ھەین”.
ژێدەرەکێ سیاسی یێ مەسیحی د داخۆیانیەکێ دا بۆ رۆژناما ئەڤرۆ ھەبوونا چەکدارێن مەسیحی دناڤ (حەشد شەعبی) دا پشتراستکر و گوت” دو کەتیبێن مەسیحی دناڤ (حەشد شەعبی) دا یێن ھەین ب ناڤێ (بابلیۆن و عیسا بن مریەم) کو سەرکردێ ئێک ژوان ناڤێ وی رەیان، یان ژی (شێخ رەیان ئەلکلدانی) یە، لێ ب دروستی نزانین کا چەکدارێن وان کەتیبان مەسیحیێن بەغدانە یان یێن جھەکێ دی نە، لێ ھندەک دبێژن چەکدارێن بزاڤا ئاشۆری ژی یێن ل گەل وان و مووچەیێن وان ژی ل گەل وانن، لێ ب دروستی راستیا ڤێ چەندێ نزانم”.
زێدەتر گوت”” بزاڤا ئاشۆری دبێژیت چەکدارێن وان د سەربەخوەنە و ب سەر چو لایەنان ڤە نینن، لێ ئەم د پشت راست نینین ژ ڤێ چەندێ، ژ بەر کو ئێکەتی نیشتمانی کوردستان سەربازگەھەک بۆ مەشقدانێ بۆ وان ل چەمچەمال ڤەکربوو و ھەموو پێدڤیێن دی بۆ دابین کربوون”.
ئەیاد بەرواری بۆ رۆژناما ئەڤرۆ ئەڤ راپۆرتە بەرھەڤ کریە.
ئهڤرۆ نيوز:
كۆمبوونا سهرۆكاتيێن حوكمهت و پهرلهمانێ كوردستانێ ئهڤرۆ سپێدێ ل بارهگايێ سهرهكى يێ پهرلهمانێ كوردستانێ هاته ئهنجام دا و پاشان ژى كۆنگرهكێ رۆژنامهڤانى بۆ سهرۆكێ حوكمهتا ههرێما كوردستانێ و سهرۆكاتيا پهرلهمانى هاته ئهنجام دان.
سهرۆكێ پهرلهمانێ كوردستانێ، يوسف محهمهد كۆمبوونا پهرلهمانێ كوردستانێ و حوكمهتێ ب ئيجابى وهسفكر و دا زانين كو چهند بڕيار هاتينه دان و ل نێزيك دێ هێنه راگههاندن.
ژ لايێ خوه ڤه نێچيرڤان بارزانى سهرۆكێ حوكمهتا ههرێما كوردستانێ راگههاند كو ئهڤه كۆمبوونهك بوو ژ ئهنجامێ هژمارهكا كۆمبوونان بۆ ههڤكارى و ههماههنگيا د ناڤبهرا پهرلهن و حوكمهتێ دا هاتيه ئهنجام دان.
ئهڤرۆ نيوز:
حهيدهر شهشۆ فهرماندێ هێزا پاراستنا شنگال و ئهندامێ جڤاتا ناڤهنديا ئێكهتيا نشتيمانى كوردستان راگههاند كو ئهو يێ ئامادهكاريان بۆ گۆنگرێ راگههاندنا پارتهكا نوو دكهن.
د راگههاندنهكێ دا كو ب ناڤێ كۆميتا ئامادهكاريا كۆنگرهيى دهرچوويه هاتيه: “ئێزدى دوجاركى ل عيراقێ بێ پشك بووينه: جارهكێ وهكو وهلاتيێن كورد ل بهغدا و جارهكێ ژى وهكو وهلاتيێن عهرهب ل ههرێما كوردستانێ”.
حهيدهر شهشۆ بۆ رووداو دبێژيت: “ئهڤ پارتيه دێ بۆ ههموو ئێزديان بيت ل كوردستان و عيراقێ و وهلاتيێن وهلاتهكێ دى نهشێن ببنه ئهندام”.
دهربارهيى پهيوهنديا وان ب ئێكهتيێ ژى ڤه دبێژيت: “بۆ من نينه ئهندامێ ئێكهتيێ و ڤێ پارتيێ بم د ئێك دهم دا”، دا زانين ژى كو ههتا نوكه ناڤێ وێ پارتيێ نههاتيه دهستنيشانكرن.
ئهڤرۆ نيوز:
كۆمسيۆنا بلندا سهربهخۆيا ههلبژارتنان ل عيراقێ د بهياننامهكێ دا راگههاند: بهرى نوكه داخوازيا 44 هزار و 366 خۆجهيێن پارێزگهها بهسرا بۆ ههرێمبوونا وێ پارێزگههێ ئاراستهيى كۆمسيۆنێ هاتينه كرن بۆ ئهنجامدانا راپرسيێ، بهلێ پشتى دووڤچوونێ ديار بوو ژ لايێ قانوونى ڤه د لاوازن وهكو پێدڤى نينن، ژ ئهگهرێ نهبوونا ژمارا ناسنامێ و كهساتيا دهنگدهرى و ژمارا فورما ئاهێن خوارنێ كو د گرنگن بۆ دووڤچوونێ.
بهيانناما كۆمسيۆنێ ئهو چهنده ژى ئاشكهرا كر كو پشتى هووربينيێ دهركهفت كو دو هزار و 135 كهس د ناڤ ليستا داخوازكريان دا دووباره بووينه و ب تنێ 21 هزار و 505 ناڤ د ليستێ دا وهكو تۆمارا دهنگدهران بووينه.
ب گۆرهيى ئامارا كۆمسيۆنا ههلبژارتنان، ژمارا دهنگدهرێن پارێزگهها بهسرا، دو مليۆن و 741 هزار و 599 دهنگدهرن و ب گۆرهيى قانوونا دامهزراندنا ههرێمان ژى پێدڤيه داخوازى بۆ ههرێم بوونێ 2% ژ رێژهيا ژمارا دهنگدهران بيت، وى دهمى كۆمسيۆنێ بڕيارا ئهنجام دان يان ئهنجام نهدانا راپرسيێ يا ههيى.
ئهڤرۆ نيوز:
بهرى دهمهكێ كێم سهرۆكاتيێن پهرلهمانێ كوردستانێ و حوكمهتا ههرێما كوردستانێ ل بارهگايێ پهرلهمانێ كوردستانێ كۆم بوون.
ب مهرهما ههماههنگيێ د ناڤبهرا حوكمهت و پهرلهمانى دا، ئهڤرۆ رۆژا دوشهمبى رێكهفتى 27ى نيسانا 2015ێ سهرۆكاتيێن پهرلهمانێ كوردستانێ و حوكمهتا ههرێما كوردستانێ ل ئاڤاهيێ پهرلهمانێ كوردستانێ كۆم بوون.
ئهڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبههى ئهسمان دێ ژ ساهياتيێ بۆ هندهك ئهورێن كێم هێته گوهۆڕين.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئهنجامێ فشارێن باكورێ رۆژههلاتێ وهلاتێ توركيا بۆ سەر ھەرێما کوردستانێ ئەو پێشبینی دکەن کو سوبههى رێكهفتى 28ى نيسانا 2015ێ ئهسمان دێ ژ ساهياتيێ بۆ هندهك ئهورێن كێم هێته گوهۆڕين.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ بلند بيت وهكو ههڤبهركى ل گهل رۆژێن بهرى نوكه بيت ب رەنگەکی د ناڤبەرا 25 بۆ 12 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژئاڤا بیت ب رەنگەکی دێ ل سهرخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.