ئه‌ڤرۆ نیوز:
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سهرهكى Twitter
سه‌رۆك بارزانى سوپاسیا خه‌لكێ پارێزگه‌ها دهۆكێ دكه‌ت
ئه‌ڤرۆ نیوز:
سه‌رۆك بارزانى ئه‌ڤرۆ ل گه‌ل كه‌سایه‌تی و ماموستایێن ئاینى و رهـ سپی يێن پارێزگه‌ها دهۆكێ كومبوو.
د كومبوونێ دا، سه‌رۆك بارزانى سوپاسیا قاره‌مانى وخوراگریا خه‌لكێ كوردستانێ و گیانفیداییا پێشمه‌رگه‌ێ كوردستانێ كر .
سه‌رۆك بارزانى د لایه‌كێ دى یێ ڤێ كومبوونێ دا، سوپاسیا خه‌لكێ پارێزگه‌ها دهۆكێ كر كو ژبه‌ر شه‌ر و هاتنا ئاواران، ئه‌ركه‌كێ گران كه‌تیه سه‌ر ملێن ئاكنجیێن وێ و ب هه‌سته‌كێ نیشتمانى ومروڤدوستانه ملێ خوه دایه به‌ر ڤى بارێ گران و زورترین رێژا ئاواران حه‌واندینه و هه‌ڤكاریا پێشمه‌رگه‌ى كرینه.
ل دهۆكێ ئه‌رزانكرنا بهایێ كلینیكان چوو د بوارێ بجهئینانێ دا
ئه‌ڤرۆ نیوز:
ئه‌ڤرۆ كێمكرنا بهایێ پلیتێن كلینیكێن نوشدارى ل باژارێ دهۆكێ هاته راگه‌هاندن و ل دووڤ رێككه‌فتنا لقێ دهۆك یێ سه‌ندیكا نوشداران و هه‌موو نوشدارێن سنورێ پارێزگه‌هێ، 5 هزار دینار ژ بهایێ پلێتا هه‌موو كلینیكان هاته كێمكرن.
د.ئه‌حمه‌د موختار سه‌رۆكێ لقێ دهۆك یێ سه‌ندیكا نوشداران د كۆنگره‌كێ رۆژنامه‌ڤانى دا راگه‌هاند پلێتا چوونه ژور بۆ ده‌ڤ نوشدارێ راوێژكار ژ 25 هزارا بۆ 20 هزارا هاته كێمكرن و پلێتا دیتنا نوشدارێ تایبه‌ت ژى ژ 20 هزاران بؤ 15 هزار دینار.
توركیا گوندێن سنوری توپباران دکەت
ئه‌ڤرۆ نیوز،زنار تۆڤى:
ئه‌ڤرۆ لده‌مژمێر 3 و نیڤى ئێڤارى گوندێن سنورى بو ماوێ 20 خوله‌كان ژلایێ توبخانێن سوپایێ توركى ڤە هاتنه توپبارانكرن لێ چ زیان نەگەهاندنە خەلکێ. وه‌لاتیه‌كێ بۆ ئه‌ڤرۆ نیوز دیارکر:ئه‌ڤرۆ روژا شه‌مبى بۆ ماوێ 20 خولەکان توپخانێن سوپایێ تورکی توپ هاڤێژتنە ده‌ڤه‌رێن حه‌فت ته‌نینێ، رێسێ، نزدورێ، لێ وان چ زیانێن گیانی نەگەهاندینە وەلاتیان و گوت ژی:ل ڤان هەیامان ئەڤە چەندین جاران سوپایێ تورکی توپ هاڤێژتینە گوندێن سنوری و ترسا مه‌زن ئه‌وه خه‌لك دچیته چیایى بۆ ئینانا گیایێن بهارى و خه‌لك دترسیت.
سه‌رۆكێ زانكویا نه‌ۆرۆز ده‌ست ژ كارێ خوه به‌ردا
ئه‌ڤرۆ نيوز، ناجی به‌ده‌ل:
ل گوری ژێده‌رێن ب ده‌ست ئه‌ڤرۆ نیوز كه‌فتین د. ئازاد سه‌عدون سه‌رۆكێ زانكۆیا نه‌ورۆز ل باژێرێ دهۆكێ ده‌ست ژ كاركێشانا خوه پێشكێشكریه و د. ئاماد محه‌مه‌د سالح ل شوونا وی هاتیه ده‌ست نیشانكرن.
ئه‌ڤرۆ نيوز په‌يوه‌ندى ب د. ئاماد محه‌مه‌د سالح سه‌رۆكێ نوو يێ زانكۆيا نه‌ورۆز كر، به‌لێ يێ به‌رهه‌ڤ نه‌بوو به‌رسڤا پرسیارێن مه بده‌ت و گۆت: “هێش یا مایی بلا ب دووماهى بهێت پاش دێ يێ به‌رهه‌ڤم داخویانیێ بده‌م”.
د به‌رامبه‌ر دا د. ئازاد ئه‌حمه‌د سه‌عدون سه‌رۆكێ به‌رێ یێ زانكویا نه‌ورۆز بۆ ئه‌ڤرۆ نیوز گۆت: “تشته‌كێ نورماله گوهۆڕینا سه‌رۆكێ زانكویێ و رێ و ئاوایێن قانوونى هاتینه برێڤه‌برن و بۆ وه‌زاره‌تێ هاتیه ره‌وانه‌كرن و هه‌ر ژ ئه‌ڤرۆ كارێ من وه‌كو سه‌رۆكێ زانكویێب دووماهى هاتيه”.
د. ئازادی ئه‌و چه‌نده ژی گۆت: “ده‌ست نیشانكرنا كه‌سه‌كی بۆ سه‌رۆكێ زانكویێ ڤه‌دگه‌ریت بۆ يه‌كا ئیداریا زانكۆیێ و ئه‌و سه‌رپشكن ل گوری رێنمایان كه‌سه‌كی ده‌ست نیشان بكه‌ن.
گوارديۆلا: ئه‌نريكى به‌ربژێره‌كێ ب هێزه هه‌رسێ ناسناڤان ببه‌ت
ئه‌ڤرۆ نيوز:
راهێنه‌رێ يانا بايرن ميونخ يا ئه‌لمانى و يێ به‌رێ يێ يانا به‌رشه‌لۆنا پيپ گوارديۆلا، د كۆنگره‌كێ رۆژنامه‌ڤانى دا راگه‌هاند كو ئه‌و يێ دلخۆشه كو دێ ياريێ ل گه‌ل تيما خوه يا به‌رى، به‌رشه‌لۆنا كه‌ت ژ چارچۆڤێ ياريێن شامپيۆن ليگێ.
ئاماژه ب وێ چه‌ندێ ژى كر كو ئه‌ز وه‌كو راهێنه‌رێ به‌رێ يێ يانا به‌رشه‌لۆنا، ئه‌نريكى يێ راهێنه‌رێ به‌رشه‌لۆنا باش دنياسم ب تايبه‌ت ده‌ما راهێنه‌رێ تيما دويێ يێ يانێ و دزانم شيانێن وى چه‌ندن و چه‌ند يا ب زه‌حمه‌ته راهێنه‌ره‌ك سالا ئێكێ ل يانه‌كێ كار بكه‌ت و نوكه به‌ربژێره‌كێ ب هێزه هه‌ر سێ ناسناڤان ببه‌ت.
پيپ گوارديۆلايى ئاماژه ب وێ چه‌ندێ ژى كر كو ئه‌نريكى دزانيت بهايێ بارين ميونخ چه‌نده و دێ چه‌ند ياريه‌كا ب زه‌حمه‌ت بيت و ئه‌ز ژى دزانم به‌رشه‌لۆنا چه‌نده و ئه‌ڤه چه‌ند ياريه‌كا ب زه‌حمه‌ته بۆ بايرن.
ئه‌مريكا دێ ڤێ هژمارا فرۆكێن F16 راده‌ستى عيراقێ كه‌ت
سه‌رۆكاتيا حوكمه‌تێ و په‌رله‌مانى دێ كۆم بن
ئه‌ڤرۆ نيوز:
دوشه‌مبيا داهاتى سه‌رۆكاتيا حوكمه‌تا هه‌رێما كوردستانێ و سه‌رۆكاتيا په‌رله‌مانێ كوردستانێ دێ كۆم بن و چه‌ند پرسێن گرنگ يێن ناڤخوه‌يا هه‌رێمێ گه‌نگه‌شه كه‌ن.
فه‌خره‌دين قادر، سكرتێرێ په‌رله‌مانێ كوردستانێ بۆ تۆرا ده‌نگوباسێن كوردستانێ راگه‌هاند: بڕياره رۆژا دوشه‌مبيا داهاتى، سه‌رۆكاتيا په‌رله‌مانێ كوردستانێ و سه‌رۆكاتيا حوكمه‌تا هه‌رێما كوردستانێ كۆم ببن و د كۆمبوونێ دا دێ چه‌ند پرسێن ناڤخوه‌يا هه‌رێمێ گه‌نگه‌شه كه‌ن.
سكرتێرێ په‌رله‌مانێ كوردستانێ ئاماژه ب وێ چه‌ندێ ژى كريه كو نوكه ل هه‌رێما كوردستانێ ئۆپۆزسيۆن نينه و پێدڤيه په‌رله‌مان وى رۆلى ببينيت و د كۆمبوونێ دا ل گه‌ل سه‌رۆكاتيا حوكمه‌تێ هه‌ماهه‌نگى د ناڤبه‌را رۆلێ چاڤدێريا په‌رله‌مانى و كاودانێن سياسى و پرسێن دستوورى و سيسته‌مێ حوكمرانيا هه‌رێمێ و چه‌ند پرسێن دى يێن ئه‌ڤرۆيا كوردستانێ گه‌نگه‌شه بكه‌ن.
رێزبه‌نديا عيراقێ د ناڤا وه‌لاتێن كه‌يفخۆشێن جيهانێ دا
ئه‌ڤرۆ نيوز:
رێكخراوا نه‌ته‌وێن ئێكگرتى ليستا وه‌لاتێن كه‌يفخۆشێن جيهانێ، WORLD HAPPINESS REPORT 2 0 1 5 راگه‌هاند و عيراق ل رێزێن دووماهيێ دهێت و وه‌لاتێ ئه‌مريكا ژى د ناڤ 10 وه‌لاتێن ئێكێ دا نينه.
وه‌لاتێ عيراقێ ل رێزێن دووماهيێ يێن وه‌لاتێن كه‌يفخۆشێن جيهانێ بۆ سالا 2015 هات، پشتى ل رێزا 1125ێ هات ژ سه‌رجه‌مێ 158 وه‌لاتان كو سويسرا ل رێزا ئێكێ بوو و تۆگۆ ژى ل رێزا دووماهيێ.
ب گۆره‌يى ڤێ راپۆرتا نه‌ته‌وێن ئێكگرتى ل رۆژهه‌لاتا ناڤه‌راست وه‌لاتێ ئسرائيل ل رێزا ئێكێ دهێت كو ل سه‌ر ئاستێ جيهانێ دبيته رێزا 11ێ.
نه‌ته‌وێن ئێكگرتى پشت به‌ستنێ ل سه‌ر ڤيانا د ناڤبه‌را تاكان و ناڤه‌راستا ژيێ مرۆڤان و هه‌بوونا ساخله‌ميه‌كا باش بۆ مرۆڤان دكه‌ت.
ژ لايێ كه‌يفنه‌خۆشيێ ژى ڤه پشت به‌ستنێ ل سه‌ر پشته‌ڤانيا جڤاكى و تێكچوونا گه‌نده‌ليێ ل ناڤ داموده‌زگه‌هێن حكومى دا و ئازاديا تاكى دكه‌ت.
ده‌هـ وه‌لاتێن كه‌يفخۆشێن ئێكێ ل جيهانێ ب ڤى ره‌نگى نه؛ سويسرا، ئايسله‌ندا، دانيمارك، نه‌رويژ، كه‌نه‌دا، فنله‌ندا، هۆله‌ندا، سويد، نيوزله‌ندا و ئوستراليا.
بۆچى ئه‌نجامێ پشكنينا DNA يا عزه‌ت دورى نه‌هاتيه راگه‌هاندن
ئه‌ڤرۆ نيوز:
وه‌زاره‌تا ساخله‌ميا عيراقى رادگه‌هينيت كو ئه‌وان پشكنين كو بۆ وى ته‌رمێ ل نێزيك چيايێن حه‌مرين هاتيه ديتن، كريه، به‌لێ ئه‌نجامان نوكه راناگه‌هينن.
د به‌ياننامه‌كێ دا وه‌زاره‌تا ساخله‌ميا عيراقێ گۆت: “پشكنينا DNA بۆ ئه‌وى ته‌رمى هاتيه كرن يێ كو گۆمان ل سه‌ر دهێته كرن عزه‌ت دورى بيت، به‌لێ ره‌نگه ئه‌نجام بۆ ده‌مه‌كێ دى بهێته پاشخستن”.
ئاماژێ ب وێ چه‌ندێ ژى دكه‌ت كو ئه‌وان چو كه‌س نينن ل به‌ر ده‌ست ننيه كو ب ره‌نگه‌كێ وه‌سان بگه‌هيته عزه‌ت دورى و ژ به‌ر هندێ ژى نوكه نه‌شێن ب ره‌نگه‌كێ زانستى كارێ خوه بكه‌ن.
دده‌ته زانين ژى كو هه‌كه كه‌سه‌كێ نێزيكى عزه‌ت دورى هه‌بيت دێ پشكنينێ بۆ وى ژى كه‌ن و ل وى ده‌مى دێ زانن كا ئه‌و كه‌له‌خ يێ وى يه يان نه و دێ ب ره‌نگه‌كێ زانستى هێته پشت راستكرن.
به‌رى دو حه‌فتيان، چه‌كدارێن حه‌شه‌د شه‌عبى كوشتنا كه‌سه‌كى ل نێزيك چيايێن حه‌مرين راگه‌هاند كو د شه‌روپێكدادانان دا خوه كوشتيه و گۆمان دهێته كرن عزه‌ت دورى بيت جێگرێ رژێما به‌عس يا ب سه‌رۆكاتيا سه‌دام حسێن.
نيشاندان
WP Facebook Auto Publish Powered By : XYZScripts.com