ئه‌ڤرۆ نيوز:

رێڤه‌به‌رێ گشتيێ بانكێن بازرگانى ل هه‌رێما كوردستانێ رادگه‌هينيت كو رێژا 20% يا پاران دێ بۆ به‌لێنده‌رێن سلێمانيێ و هه‌ولێر هێته‌ مه‌زاختن و دو بانك ژى بۆ ڤێ مه‌ره‌مێ هاتينه‌ دياركرن.

هاوار شێخ ره‌ئۆف، رێڤه‌به‌رێ گشتێ بانكێن بازرگانى ل هه‌رێما كوردستانێ د داخۆيانيه‌كێ دا بۆ رووداو گۆت: “بۆ وان به‌لێنده‌رێن بڕيار بوو هه‌تا 29ى كانوونا ئێكێ يا سالا 2014ێ پاره‌ بۆ بهێته‌ مه‌زاختن، ب رێژا 20% پاره‌ دێ بۆ هێته‌ مه‌زاختن”.

زێده‌تر گۆت: “دو بانك بۆ وه‌رگرتنا ئه‌وى پاره‌يى هاتينه‌ ته‌رخانكرن ب ره‌نگه‌كى ل سلێمانيێ دێ ل به‌نكا ئالا وه‌رگرن و ل هه‌ولێر ژى ل بانكا چۆلى”.

ژ ئه‌گه‌رێ قه‌يرانا دارايى ل هه‌رێما كوردستانێ پاره‌كێ زۆر يێ به‌لێنده‌ران كه‌فتيه‌ لايێ حوكمه‌تا هه‌رێما كوردستانىێ، نوكه‌ حوكمه‌ت بزاڤێ دكه‌ت ماوه‌ بۆ ماوه‌يى وى پاره‌يى بده‌ن.

ئەڤرۆ نیۆز، سالار دۆسکی:

مەریوان نەقشەبەندی، رێڤەبەرێ پەیوەندی و راگەھاندنێ ل وەزارەتا ئەوقاف و کارۆبارێن ئاینی ل حوکمەتا ھەرێما کوردستانێ بۆ مالپەرێ ئەڤرۆ نیۆز ئاشکراکر کو سالانە ئەندامێن پەرلەمانێ عیراقێ دھێنەحەجێ و ھندەک جاران پتر ژ (١٠٠) کەسان دھێن و ھەتا نوکە نەھاتیەزانین کا ئەڤ سالە دێ چەند چنە حەجێ.
مەریوان نەقشەبەندی زێدەتر ژی گۆت: ئەڤ ئەندام پەرلەمانە بۆ ھندەک ئارمانجێن تایبەت دھێنە حەجێ، ئێک وەرگرتنا ئیفادان کو رۆژانە هزار دۆلاران وەردگرن، ماوێ (٢٠) رۆژان پارێن ئێکجار زۆر وەردگرن، دیسان ھەر ھەموو تشتێ وان ل سەر حوکمەتا عیراقێ بوویە و چ ئوتێلان ژی نانڤن، بوو ئیفاد دھاتە ھەژمارتن.
نەقشەبەندی زێدەتر ژی گۆت: دیسان پشکداری ل چەندین کور و سمینارێن سیاسی دا دکەن و دیسان جڤاتا بلندا ئیسلامی ل عیراقێ سالانە کونگران دگێرێت و گوتارێن سیاسی پێشکێش دکەن و ئەندام و بەرپرسێن کورد ژی ل گەل ھەبووینە.