NO IORG
Twitter

ئەڤرۆ نيوز:
ئەندامێ لیژنا دارایی یا جڤاتا نوونەرێن عیراقێ گۆت: سەپاندنا مەرجێن تایبەت ل سەر ھەرێما کوردستانێ بۆ ھنارتنا بەھرا وێ ژ قەرێن نێڤدەولی کارەکێ نەیێ ڕەوایە و ھەلێخستا بھانەیان ل ھەمبەری ھەرێمێ، چونکی ڤی کاری چو پەیوەندی ب بودجێ و پەترۆلێ ڤە نینە، و ھەرێما کوردستانێ ھێشتا پارچەکە ژ عیراقێ و دڤێت بەھرا ھەرێمێ بھێتە ھنارتن.
دداخویانەکێ دا بۆ مالپەرێ پارتی دیموکراتی کوردستان، حاکم سەرحان سلێڤانەیێ گۆت: سەرەرای وان ناکۆکیێن دناڤبەرا بەغد و ھەولێرێ سەبارەت بودجێ دا ھەی، بەلێ ھاریکاریێن قەرێن نێڤدەولی یێن عیراقێ چو پەیوەندی بوان کێشان ڤە نینە، دڤێت بەھرا ھەرێمێ ژوان قەران بھێتە رەونەکرن، چونکی ھەرێم ھێشتا پارچەکە ژ عیراقێ و ئەو قەرێن ل گەل عیراقێ ھاتینە کرن نە بتنێ بۆ ھندەک پارێزگەھایە، و دانانا مەرجان ل ھەمبەری ھەرێما کوردستانێ رەڤینەک ژ بێ بەھرکرنا ھەرێمێ.
سلێڤانی ھەروسا گۆت: حوکمەتا بەغدا زێەگاڤی ل سەر بودجا عیراقی کرینە و بەھرا ھەرێما کوردستانێ نە ھنارتیە، ئەز باوەرم ب ھەمان پینگاڤ سەبارەت قەرێن نێڤدەولی دێ ھێنە ھاڤێتن و بەھرا ھەرێمێ نا ھنێرن.
ئەندامێ جڤاتا نوونەرێن عیراقێ راگەھاند، لبەر شاندەکێ حوکمەتا ھەرێما کوردستانێ سەرەدانا بەغدا بکەن، بۆ دانوستاندنێ ل گەل بەرپرسێن بەغدا ل دۆر ناکوکیێن ماینە ھلاویستی دناڤبەرا ھەردو ئالیان دا، بەلێ ھێشتا چو ژڤان نە ھاتینە دەستنیشانکرن.
داخویانیێن سلێڤانەیێ ھاتن پشتی سندوقا نێڤدەولی بڕیار دای 20 ملیار دۆلاران وەک قەر بدەتە عیراقێ، بەغدا ل ھەمبەری مەرجەک ھەیە کو دڤێت رۆژانە 550 ھەزار بەرمیلێن پەترۆلێ رەوانەی دەستێ عیراقێ بکەت.

ئەڤرۆ نيوز:
سەرکردێن سونی دترسن پشکداریا ھێزێن حەشد شەعبی د شەرێ فەلوجەدا ئالۆزیێن تائیفەگەری زێدەتر بکەت.
ھادی ئەلعامری سەرکردێ باسکێ ھێزا بەرد یا چەکداری یا شعیی دبێژیت ئەز نەیێ رازی مە ل سەر ھێرشا فەلوجە، ل رۆژا ئەینی پەیڤدارێ بناڤێ (عسائیب ئەھل ئەلحق) جەواد تلیباوی دیارکر، چو نەمایە پرۆسا لەشکری یا فەلوجە دێ ھێتە راگرتن و داخواز ژ عەبادی کر بەردەوام ب ھێرشکرنا ل سەر فەلوجە بھێتە کرن.
حەیدەر عەبادی ل دەستپێکا ڤێ ھەیڤی گۆت بوو، لەشکرێ عیراقێ ھێرشا خوە بلانس کریە ب سەدەما مەترسیا ل سەر گیانێ ب ھەزاان وەلاتیێن سڤیل یێن ھاتینە دورپێچکرن ل باژێرێ فەلوجە، سەرەرای کێماتیا د خزمەتگۆزاریێن ئاڤێ و خوارنێ و چاڤدێریا ساخلەمیێ ھەین.
ئەفسەرەکێ لەشکرێ عیراقێ دووپاتکر، د شەڤا ئێکشەمبی دا فرقەکا زریپۆشان گەھشتینە مەخمور، ئەڤە ژی پارچەک ژ خوە ئامادەکرنێ بۆ ھێرش و کونترۆل کرنا جھێ دادانا فرۆکان بۆ ھندێ ژئالیێ لەشکری ڤە پاشی بھێتە بکارئینان.
ئەفسەری ھەروەسا ئاشکراکر، ھندەک گەمی و پرێن تایبەت ژی ھاتینە بۆ دەرباز بوونا رووبارێ دیجلە ژ مخمور بۆ گەیارە کو جھێ دادانا فرَوکان لێ ھەیە، بەلێ ئاماژە ب دەمێ ھێرشکرنێ نەکرن.
عەمید یحیی رەسول پەیڤدارێ بناڤێ لەشکرێ عیراقێ گۆت: دبیت خوە ئامادەکرنا رزگارکرنا مووسلێ کارتێکرنێ ل سەر رزگار کرنا فەلوجە بکەت، ھەروەسا بۆ رویتەرز دووپاتکر، ئەز باوەرم دێ کارتێکرنەکا مەزن ل سەر شەڕێ فەلوجە کەتن، ھەروەسا خوەیاکر، باژێرێ فەلوجە بەری دو سالان ھەتا نوکە ل ژێر کونترۆلا داعشێ یە.
حەیدەر عەبادی فەرمانا پرۆسا ئازادکرنا فەلوجە راگەھاند، پشتی چەندین ھێرشێن خوە کوژی دناڤا تاخێن شیعان دا ل بەغدا ھاتینە ئەنجامدان و داعشێ بەرپرسیا خوە ل دۆر وان ھێرشان دیار کری کو بووینە سەدەما کوشتن و بریندار بوونا ھژمارەکا وەلاتیان.

ئه‌ڤرۆ نیوز:
سه‌لاحه‌دین ده‌میرتاش هه‌ڤسه‌رۆكێ پارتا دیموكراتا گه‌لان ( هه‌ده‌پێ) په‌یامه‌ك ئاراسته‌ى سه‌رۆك وه‌زیرێن توركیا و سه‌ركردێن پارتێن توركیا كر كو ل په‌رله‌مانى فراكسیون هه‌نه‌، بۆ وێ یه‌كێ كۆم ببن و چاره‌سه‌ریه‌كێ بۆ خوین رێتنا توركیا ببینن.
سه‌لاحه‌دین ده‌میرتاش ئاماژه‌ ب وێ یه‌كێ دایه‌ كو ژ پێخه‌مه‌ت راگرتنا خوینا ئه‌ڤرۆ ل توركیا دهێته‌ رێتن، هه‌كه‌ مه‌ نه‌شیا د ماوه‌یه‌كێ دیاركرى دا ڤێ كێشێ چاره‌ بكه‌ن، دڤێت ئه‌م هه‌موو پێكڤه‌ ده‌ست ژ كارى بكێشین.

362

ئەڤرۆ نيوز:
پشکەکا زۆر ژ مە ل دەمێ رۆژیگرتنێ کێشا تێنیبوونێ یا ھەی و ژ ئەگەرێ گەرما کەشوھەوای زێدەتر خوھدان و بکارئینانا ئاڤێ وەکو پێدڤیەکا لاشی مرۆڤ پێدڤی دبیتێ.
ب گۆرەی نووچەکێ مالپەرێ “fustany” دا کو زوو تێھنی نەبیت و پارێزگاریێ ل سەر ئاڤا ناڤ لاشێ خوە ب درێژاھیا رۆژێ بکەین پێدڤیە ئاگەھداری ڤان خالان ببین:
دەست ژ خوارنا بھاراتان و پێکھاتێن ھار و سوور بەردە، چونکو دبیتە ئەگەرێ ھەلکێشانا ئاڤا ناڤ لاشی و مرۆڤی تێھنی دکەن.
بزاڤێ بکە شەڤانە کۆپەکێ شەربەتا لەیمۆنێ و نەنەعێ ل گەل ئاڤێ ڤەخۆ، یان ژی چایا گیایێ کەسک.
بزاڤێ بکە ل جھێن ھین دەمێ خوە ب سەر ببە و ب روونە، چونکو دێ ھاریکاریا تە دەت شەھا د ناڤ لاشێ تە دا بۆ ماوەکێ درێژتر ب ھێلیت.
بزاڤێ بکە شیرینی کێم بخۆ، ب تایبەت پاشیڤێ، چونکو شرینی ژێدەرێ ھەلکێشانا ئاڤ و تێھنیبوونێ یە.
خوارنا شەربەتا شمتی یان شمتی ب خوە، ئێکە ژ باشترین جورێن خوارنێ بۆ مانا ئاڤێ د ناڤ لاشی دا، کێمبوونا تێھنیبوونێ.
پێدڤیە سنورەکێ بۆ خوارن و ڤەخوارنێن کافاین تێدا ب دانی، ب تایبەت ل دانێ پاشیڤێ، چونکو دبیتە ئەگەرێ زێدەبوونا میزێ و نەمانا ئاڤا ناڤ لاشی.
خوارنا مۆز و خورمێ و کشمشان د پاشیڤێ دا، گەلەک یا ب مفایە، چونکو یا زەنگینە ب پۆتاسیۆم و تێھنیبوونا رۆژیگران کێم دکەت.
خوارنا باجان و زەلاتێ یان شەربەتا وێ یان ھەر رەنگەکێ ھەبیت، گەلەک یا ب مفایە، ب تایبەتی ل دەمێ پاشیڤێ.
خوارنا خیاری و سێڤ و پرتەڤالێ و گەلەک ژ فێقیێن دی، رێژەکا زۆر یا ئاڤێ تێدایە، شەھداریا لاشی د پارێزیت، رێگریێ ل تێھنیبوونێ دکەت.
خوارنا ماستی د پاشیڤێ دا گەلەک یا گرنگە، کریارا ھەرسکرنێ ب لەز دئێخیت، رێگریێ ل تێھنیبوونێ دکەت.

ئه‌ڤرۆ نیوز:
وه‌زاره‌تا په‌روه‌ردێ ل دۆر پرسا به‌لاڤبوونا پرسیاران، به‌یاننامه‌ك به‌لاڤكریه‌ و ئاماژه‌ ب وێ یه‌كێ دایه‌ كو چه‌ندین كه‌س ل هه‌ولێر و سلێمانیێ و رانیه‌ هاتینه‌ گرتن كو رێڤه‌به‌رێن هولێن تاقیكرنان ژى تێدانه‌.
وه‌زاره‌تا په‌روه‌ردێ ئاماژه‌ ب گرتنا 16 رێڤه‌به‌ران هولێن تاقیكرنان كریه‌ كو هاتینه‌ دوورخستن و ڤه‌كولین ل گه‌لدا هاتیه‌ كرن، هه‌روه‌سا 15 كه‌س ژ وان كه‌سێن پروپاكنده‌ بۆ ده‌ستكه‌فتن و فروتنا پرسیارێن تاقیكرنان كرین هاتینه‌ گرتن، هه‌روه‌سا چه‌ند كه‌ره‌ستێن وه‌ك بلوتوس و موبایل و ئامیرێن دى هاتینه‌ گرتن كو دێ ژ ئه‌گه‌رێ وێ 25 قوتابى هێنه‌ دوورخستن.

ئه‌ڤرۆ نيوز:
بهایێ نه‌فتێ ئاسته‌كێ نوو توماركر و هه‌ر به‌رمیله‌كى 52 دولار ده‌رباز كرن.
د مامه‌لا ئه‌ڤرۆ ئێڤارى دا بهایێ ئێك به‌رمیلا نه‌فتا برێنت گه‌هشته‌ 52 دولار و 44 سه‌نتان و به‌رمیلا نه‌فتا تكساس یا ئه‌مریكى ژى گه‌هشته‌ 51 دولار و 12 سه‌نتان.
پشتى ئه‌رزانبوونا نه‌چاڤه‌رێكرى یا بهایێ نه‌فتێ ل هه‌یڤا تمووزا سالا 2015 ، ئه‌ڤه‌ نێزیكى ماوێ ساله‌كێ یه‌، ئێكه‌مین جاره‌ نه‌فت بگه‌هته‌ سه‌ر 50 دولاراندا.

ئه‌ڤرۆ نيوز:
بالیوزێ كه‌نه‌دا ل عیراقێ برونو ساكومانى د دیداره‌كێ دا ل گه‌ل سه‌رۆك بارزانى راگه‌هاند: پێشمه‌رگه‌ ب وان پێدڤیێن لوجیستى یێن كێم، ئازایه‌تیه‌كا بێ وێنه‌ نیشادایه‌، بێگومان ل جیهانێ دێ بیته‌ ناسناما كوردستانێ و هێمایێ ئازایه‌تیێ.
برونو ساكومانى ئاماژه‌ ب وێ یه‌كێ كر كو ئه‌ركى وى ل عیراقێ وه‌كو بالیوز دێ ب دووماهى هات و خوه‌شحالیا خوه‌ نیشادا كو د ماوێ سێ سالێن بوورى دا  ئاستێ په‌یوه‌نیێن ناڤبه‌را هه‌رێم و كه‌نه‌دا ب ره‌نگه‌كێ به‌رچاڤ پێشكه‌فتى نه‌ و ده‌رفه‌تا پێشخستنا زێده‌تر لێ دهێته‌ كرن.
د به‌رامبه‌ر دا، سه‌رۆك بارزانى هیڤیا وێ یه‌كێ بۆ ساكومانى خواست كو د كارێ خوه‌ یێ داهاتى دا یێ سه‌ركه‌فتى بیت و خوه‌شحالیا خوه‌ژى بۆ به‌ره‌ڤ پێشبرنا په‌یوه‌ندیێن ناڤبه‌را هه‌رێم و كه‌نه‌دا نیشادا و سوپاسیا وه‌لاتێ كه‌نه‌دا كر كو د چارچوڤێ هه‌ڤپه‌یمانیا نێڤده‌وله‌تى ل دژى داعش هه‌ڤكاریا كوردستانێ كرى و رۆلێ كه‌نه‌دا د شه‌رێ دژى تیرورێ دا بلند نرخاند.

926

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1280
1 يۆرۆيێ ئه‌ورۆپى 1440
1 ليرێ توركى 435

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

1652

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى تيرمه‌ها 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 39000
1 گرام زێرێ  (ع) 21 46000
1 گرام زێرێ  (ع) 22 48000
1 گرام زيڤ 3000

ئەڤرۆنیۆز ،سالار دۆسکی:

پەیڤدارێ دەستەیا گەشت و گوزارێ حوکمەتا ھەرێما کوردستانێ ئاشکراکر کو بەرھەڤی بۆ ئینان گەشتیاران دھێنەکرن ل جەژنا رەمەازنێ و ھەر دوھی دەست ب ئەڤان بەرھەڤیان ھاتەکرن.
نادر روستی پەیڤدارێ دەستەیا گەشت و گوزارێ ھەرێما کوردستانێ بۆ ئەڤرۆ نیۆز گۆت: ب شێوەکێ ڤدیو کونفرانس کوبوونەکا ھەڤپشک دناڤبەرا سەرجەم رێڤەبەرێن گشتیێن گەشت و گوزارێ ل دھۆک و ھەولێر و سلێمانی و گەرمیان دا و ب سەرپەرشتیا دەستەیا گەشت و گوزارێ ھاتەکرن و ھەموو رێڤەبەرێن گشتی ب رێکا ئەنترنێتی و ب دەنک و رەنگ بەرھەڤی کومبوونێ ب بوون و دچارچووڤێ کومبوونێ دا کومەکا بابەتان ل ھاتنە گەنگەشەکرن و کومەکا بریاران ھاتنەدەرکرن..
روستی ئاشکراکر ژی کو دچارچووڤێ کونفرانسی دا چەندین بریار ھاتنەدەرکرن، ژوانا گرنگی بەرھەم ئینانا گەشتیاران ب رێکا گرۆپێن گەشتیاری، گرنگی زێدەتر ب بابەتێ ئینان گەشتیاران بھێتەدان، بەرھەڤی بھێنەکرن بۆ ئینان گەشتیاران ل رۆژانێ جەژنا رەمەزانێ دا و بڤێ چەندێ رێکخەری ل گەل بازرگانان بھێتەکرن و گرنگی ب فەرمانبەرێن ژێھاتی و خودان خزمەت و چالاک بھێتەدان و ھەتا 27/ 9 بھێنە خەلاتکرن .

website security
WP Facebook Auto Publish Powered By : XYZScripts.com