ئه‌ڤرۆ نیوز،زنار تۆڤى:
فێربوونا زمانێ ئینگلیزى بوویه پێدڤیه‌كا گرنگ دژیانا مه یا روژانه‌دا و ئه‌م نه‌شێن چ رێگه چاره‌یان بۆ ڤێ چه‌ندێ ببینین،چونكى زوربه‌یا كاران د ئه‌ڤرۆدا پێدڤى ب زمانێ ئینگلیزى هه‌یه.
زمانێ ئینگلیزى پێدڤیه بتایبه‌تى بۆ وان كه‌سان یێن كو كار لسه‌ر كومپیوته‌رى و ئینته‌رنێتێ دا دكه‌ن و ئه‌ڤه‌ژى ده‌رگه‌هه‌كه،چونكى نوكه بوویه زمانێ فه‌رمى یێ هنارتنا ئیمێلا ل زوربه‌یا كومپانیێن جیهانى.
هه‌روه‌سا بۆ وان قوتابیێن لدویڤ ژێده‌رێن زانستى دا دگه‌رن،زمانێ ئینگلیزى مه‌رجێ ده‌سكه‌فتنا باشترین جورێ زانست و زانیاریانه،هه‌روه‌سا بۆ وان كه‌سێن دڤێن گه‌شته‌كێ بۆ ده‌رڤه‌ى وه‌لاتى بكه‌ن،چ بۆ مه‌به‌ستا گه‌ریانێ بیت یان بۆ خواندنێ و بده‌ستڤه ئینانا بروانامێ،زمانێ ئینگلیزى ئه‌و زمانێ هه‌ڤپشكه كو دناڤبه‌را خه‌لكێن وه‌لاتێن جیاواز بۆ لێك تێگه‌هشتنێ بكار دهێت.
دێ چاوان فێرى زمانێ ئینگلیزى بین؟
1- خواندنێ
2- نڤێسین
3- گوهدارى كرن
4 – ئاخفتن
پێدڤیه ئه‌و كه‌سێ هه‌ولا فێربوونا زمانێ ئینگلیزیێ دده‌ت،هه‌ولا خواندنا روژنامه و بابه‌تێن نڤێسى یێن ب زمانێ ئینگلیزى بده‌ت و لدویڤ دا هه‌ولا نڤیسینێ بده‌ت و گوهداریا ئاخفتنێ بگریت ب رێكا فلم و ته‌له‌فزیونێ و هه‌ول بده‌ت دگه‌ل ئێكێ باخڤیت.
باشتره ڤان خالان لبه‌ر چاڤ وه‌ربگریت:
1- به‌رێخودانا فلم و به‌رنامێن ئینگلیزى یێن نه هاتینه دوبلاجكرن ب نڤێسینێ، بۆ وێ چه‌ندێ كو هزر و بیرێن ته لسه‌ر ناڤه‌روكا ئاخفتنێ بیت و هه‌ولا تێگه‌هشتنێ بده‌ى،هه‌ر چه‌نده ل ده‌ستپێكێ زه‌حمه‌ته،به‌لێ دووباره و سێباره كرنا بڤى شێوه‌ى زۆر دێ ب ساناهى بیت و دێ مفاى ژێ وه‌رگرى
2- خواندنا چیروك و رومانا ب زمانێ ئینگلیزى یان په‌رتووكان كو قه‌بارێ لاپه‌ران زور نه‌بیت تاكو بێزارنه‌بى ژ تێگه‌هشتنێ.
3- گوهداریكرنا رادیۆیێ ب زمانێ ئینگلیزى،ره‌نگه ئه‌ڤه‌ژى ل ده‌ستپێكێ یا ب زه‌حمه‌ت بیت و چ تێنه‌گه‌هى،به‌لێ ئه‌ڤه دێ هاریكاریه‌كا باش بۆ ته كه‌ت،كو ئه‌و گوتنێن ته گوه لێ بووین،زووتر فێر ببییێ.
4 -هه‌ول بده هه‌ڤاله‌كێ بۆ خو په‌یدا بكه كو ل گه‌ل باخڤى ب رێیا ئینته‌رنێتێ،بابه‌ته‌كێ هه‌لبژێره كو ئاخفتنێ لسه‌ر بكه‌ى
5- به‌رێخودانا روژنامه‌یێن ئینگلیزى و وه‌رگێرانا وان بابه‌تێن سه‌رنجا ته رادكێشن بۆ سه‌ر زمانێ ته،ره‌نگه ئه‌ڤه گه‌له‌كا قورس بیت،به‌لێ دێ فێر بى و ب ئه‌گه‌رێ ڤێ دێ فێرى چه‌ند په‌یڤان بى.
ئه‌گه‌ر ڤان خالان په‌یره‌و بكه‌ى دماوه‌یه‌كێ كێم دا دێ قوناغه‌كا مه‌زن ژ فێربوونا زمانێ ئینگلیزیێ برى.
ئه‌ڤرۆ نیوز:
مالپه‌رێ سومه‌ریه ژ زارێ رائید جبورى پارێزگارێ سه‌لاحه‌دین، ده‌نگوباسێ كوشتنا عزه‌ت دورى جێگرێ سه‌رۆكێ به‌رێ یێ عیراقێ سه‌دام حسێن به‌لاڤكر كو ژ ئالیێ هێزێن ئێمناهیێ ڤه ل نێزیك كێلگه‌ها عه‌لاس ل ده‌ڤه‌را حه‌مرین د هه‌وه‌كا سه‌ربازى دا هاتیه كوشتن.
لێ جاسم جه‌بارى سه‌رۆكێ لژنا ئه‌منى ل پارێزگه‌ها سه‌لاحه‌دین دیاركر كو نه‌هـ خوه‌كوژان ل باژێرێ تكریت خوه په‌قاندى یه كو ئێك ژ وان وه‌كو شێوێ عزه‌ت دوورى یه.
ئه‌ڤرۆ نیوز:
د روونشتنا سوبه یا په‌رله‌مانێ عیراقێ دا، دێ پرسا هنارتنا دوسه‌یا تاوانێن چه‌كدارێن داعش بۆ دادگه‌ها تاوانێن عیراقێ ئێخته به‌ر ده‌نگدانێ. فه‌رمانگه‌ها راگه‌هاندنا په‌رله‌مانێ عیراقێ د به‌یاننامه‌كێ دا ئاماژه ب وێ یه‌كێ كریه كو سوبه دێ وه‌رزێ دووێ یێ یاسادانانێ یێ په‌رله‌مانێ عیراقێ ده‌ستپێكه‌ت و ژبلى ده‌نگدان ل سه‌ر ره‌وانه‌كرنا پرسا تاوانێن چه‌كدارێن داعش بۆ دادگه‌ها تاوانێن عیراقێ دێ هه‌لوه‌شاندنا بریارا 959 یا جڤاتا سه‌ركردایه‌تیا سه‌وره یا حزبا به‌عس و قه‌ده‌غه‌كرنا ره‌فتاركرن ل ده‌ڤه‌رێن كه‌سك ل به‌غدا كه‌فته به‌ر ده‌نگدانێ.
ئه‌ڤرۆ نیوز:
پۆڵ دێفس شروڤه‌كارێ سه‌ربازى ل وه‌زاره‌تا به‌ره‌ڤانیا ئه‌مریكا سه‌باره‌ت سه‌ره‌دانا ڤێ دووماهیێ یا حه‌یده‌ر عه‌بادى سه‌رۆك وه‌زیرێن عیراقێ بۆ ئه‌مریكا ئاخڤى و گۆت: عه‌بادى د كومبوونێن خوه دا ل گه‌ل ئوباما و به‌رپرسێن ئه‌مریكى چ داخوازى بۆ كرینا چه‌كێ گران ژ ئه‌مریكا نه‌كرینه، ب تنێ دانوستاندن ل دۆر هاریكاریا ئه‌مریكا بۆ عیراقێ هاتیه كرن و دیسا چ رێككه‌فتنێن كرینا چه‌كێ گران ل گه‌ل عیراقێ نه‌هاتینه ئیمزاكرن.
پۆڵ دیفس بۆ nrt دیاركر كو ئه‌مریكا گومانا وێ یه‌كێ یێ هه‌ى كو چه‌ك بكه‌ڤیته ده‌ستێ داعش له‌وما چ رێككه‌فتنا ل گه‌ل عیراقێ ئیمزا ناكه‌ت.
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ژ هنده‌ك ئه‌ورێن كێم بۆ ساهى هێته گوهۆڕين.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن بلندێن وه‌لاتێ توركيا بۆ سەر ھەرێما کوردستانێ ئەو پێشبینی دکەن کو سوبەھی رێکەفتی 18ى نيسانا 2015ێ سوبه‌هى ئه‌سمان دێ ژ هنده‌ك ئه‌ورێن كێم بۆ ساهى هێته گوهۆڕين.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ بلند وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 24 بۆ 11 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باشورێ رۆژهه‌لات بیت ب رەنگەکی دێ ل سه‌رخوه بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 17ى نيسانا 2015ێ دو ياريێن ماين ژ گه‌را هه‌شتێ يا قووناغا دويێ ژ خولا نايابا كوردستانێ دێ هێنه كرن و هاتنه كرن و ل ياريگه‌ها خوه زاخۆ دێ بزاڤێ كه‌ته بچيته د ناڤ هه‌ڤركيا ناسناڤى دا و دياره‌كێ پێشكێشى هه‌ردو يانێن دهۆك و زێره‌ڤانى بكه‌ت ل ده‌مێ مێڤانكرنا يانا نه‌ورۆز
يانا زێره‌ڤانى ژى دێ كه‌ركووك يا بريندار مێڤان كه‌ت و بزاڤێ كه‌ت سه‌ركه‌فتنێ تۆمار كه‌ت ب هه‌ر ره‌نگه‌كێ هه‌بيت دا كو مفايى ژ وه‌كهه‌ڤيا دهۆك يا دوهى ببينيت و ب تايبه‌ت هه‌كه زاخۆ نه‌ورۆز خوساره‌ت كر بچيته سه‌رێ ليستا خولێ.
دوهى رۆژا پێنجشه‌مبى رێكه‌فتى 16ى نيسانا 2015ێ يانا دهۆك سه‌ركێشا خولێ نه‌شيا مفايى ژ ياريگه‌ها خوه ببينيت و ل ياريگه‌ها خوه ل هه‌مبه‌ر ئارارات وه‌كهه‌ڤبوو ب دو گۆلان.
هه‌ر د ياريێن دوهى دا، سلێمانى تووشى خوساره‌تيێ بوو ل گه‌ل پێشمه‌رگا سلێمانيێ ب گۆله‌كا ئێكانه و هندرين ژى سه‌ركه‌فتن ل سه‌ر پێشمه‌رگا هه‌ولێر تۆمار كر ب دو گۆلێن پاقژ هه‌ولێر ژى ل گه‌ل شێروانه وه‌كهه‌ڤ بوو.
ئه‌ڤرۆ نیوز:
ب تنێ د ماوێ دو رۆژان دا، و ژ ئه‌گه‌رێ شه‌ر و پێكدادانان ل سنورێ وان، 100 هزار كه‌س ژ ئاكنجیێن ئه‌نبار ئاواره‌ى ده‌ڤه‌رێن دى یێن عیراقێ دبن، ئه‌ڤ چه‌نده ژى ل دووڤ گوتنا ئه‌ندامه‌كێ لژنا جێبه‌جێكه‌ر یا ل هه‌وارچوونا ئاواران.
خالید راوی، ئه‌ندامێ لژنا جێبه‌جێكه‌ر یا ل هه‌وارچوونا ئاواران ل عیراقێ دیاركر كو نوكه 17 هزار خێزان ژ ئاوارێن ئه‌نبار، ل رۆژئاڤایێ به‌غدا، چاڤه‌رێ دكه‌ن بچنه وێ پارێزگه‌هێ.
لە عێراق، رایگەیاند: ژمارەی ئەو كەسانەی لە ئەنبارەوە رویان لە ناوچەكان تری عێراق كردوە گەیشتوەتە (100) هەزار كەس و لە دۆخی مرۆیی زۆر سەختدان، وتیشی: “ئەو هاوڵاتانە تەنها لەماوەی دو رۆژی رابردودا بەهۆی ئەو شەڕ و پێكدادانانەی كە لە ئەنبار هەڵگیرساوە ئاوارە بون”.
ئه‌ڤرۆ نیوز، ناجی به‌ده‌ل:
پشتی ب دووماهى هاتنا ئه‌ركێ هیزا پێشمه‌رگه‌ی ل كوبانی وه‌ك هیزه‌كا پشته‌ڤانی كو چو بو كوبانێ بو هاریكاریكرنا شه‌رڤانان و نها حكومه‌تا هه‌ریما كوردستانێ ب ژڤانه ب ئێك جاره‌كی ئه‌وان هیزان ڤه‌كێشیت ژ ئه‌وی باژیركی پشتی مه‌ترسی ل سه‌ر نه‌مایی.
ئاری حمد عبدالرحیم سه‌رۆكێ لیژنا كاروبارێن پێشمه‌رگه‌ى و شه‌هیدان ل په‌رله‌مانێ كوردستانێ بو ئه‌ڤرۆ نیوز دیاركر ل سه‌رده‌مه‌كی ئه‌و هێز هاتنه ره‌وانه‌كرن بو باژێرێ كوبانێ كو مه‌ترسیا كه‌تنا كوبانێ دهاتنه‌كرن و داعش دا ده‌ست ل سه‌ردا گریت لێ نها پشتی ئه‌وان هێزان ب باشی ئه‌ركێن خوه ئه‌نجامداینه و نها ب ژڤانێ، ڤه گه‌راندنێ دانه ئه‌و ژی دێ ب بریارا سه‌رۆكێ هه‌رێمێ بیت .
ئاری ئه‌و چه‌نده ژی دیاركر هه‌ر ده‌ما پێدڤی بكه‌ته ڤه بو كوبانێ یان هه‌رجهه‌كی دی د وێ باوه‌ریێ دامه سه‌رۆكێ هه‌رێمێ دێ ئه‌وێ بریارێ ده‌ت .
نيشاندان