ئه‌ڤرۆ نیوز:
حه‌فت خێزانێن كوردێن ئێزدى خوه ل بن ده‌ستێ چه‌كدارێن داعش رزگار دكه‌ن و دگه‌هنه چیایێ شنگال.
حسێن كۆرو بۆ رووداو دیاركریه كو ئه‌ڤرۆ ل ده‌مژمێر 11 سپێدى 20-3-2015 حه‌فت خێزانێن كوردێن ئێزدى كو ژمارا وان دبیته 34 كه‌س خوه ژ ده‌ستێ داعش رزگار كرینه و نوكه گه‌هشتینه چیاپێ شنگال و بسلامه‌تن، به‌لێ پیچه‌ك وه‌ستیاینه ژبه‌ر كو گه‌له‌ك ب پیا هاتینه.
ئەڤرۆ نیوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئه‌سمان دێ ئه‌ور يست ل گه‌ل هه‌بوونا بريسيان و بارينا هنده‌ك بارانا كێم لده‌ڤه‌رێن جودا يێن پارێزگه‌ها دهۆكێ.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن وه‌لاتێ توركيا كو هه‌وايه‌كێ سار ل گه‌ل دايه بۆ ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.21 سوبەھی ئه‌سمان دێ ئه‌ور يست ل گه‌ل هه‌بوونا بريسيان و بارينا هنده‌ك بارانا كێم لده‌ڤه‌رێن جودا يێن پارێزگه‌ها دهۆكێ.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ بلند بيت وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 17 بۆ 7 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژئاڤا بیت ب رەنگەکی دێ یێ ل سەرخوە بیت د ناڤبەرا 10 بۆ 20 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
ئەڤرۆ نیوز، زنار زوبێر:
لژنەیا بەریکانەیان ل ئێکەتیا تەپا پێ یا عیراقێ ژڤانێ ھژمارەکا یاریێن پاشخستی دیارکر ژوانا ژڤانێ یاریا دھۆک ل گەل شورتە ژ خولا عیراقێ یا تەپا پێ بۆ یانێن نایاب.
د ڤی چارچوڤەی دا سکرتێرێ ئێکەتیا تەپا پێ یا عیراقێ بۆ دەزگایێن راگەھاندنێ دیارکر کو لژنەیا بەریکانەیان بریار دایە یاریا ناڤبەرا یانا دھۆک و شورتە ل رۆژا نەھێ ھەیڤا بھێت ل یاریگەھا دھۆک یا وەرزشی بھێت کرن دیسان یاریا ناڤبەرا یانا ھەولێرێ و نەفت میسان ژی ل چاری ھەمان ھەیڤ بھێتەکرن دیسان یاریا زەورا ل گەل کەربلا ل رۆژا پێنجی ھەیڤا نیسانێ بھێتەکرن.
دھێتە زانین راھێنەرێ ھەلبژارتیێ عیراقێ ئەکرەم سەلمان داخواز ژ ئێکەتیا تەپا پێ یا عیراقێ کربوو یاریێن خولا عیراقێ ژ ١٥ ھەیڤا بھێت بھێنە راوەستاندن داکو بشێوەکێ باش بەرھەڤیێن خوە بکەن بۆ یاریێن ھەلبژارتیێ عیراقێ د ڤاڤارتنێن مودیالا ٢٠١٨ ل وەلاتێ رۆسیا دا.
ئەڤرۆ نیوز، زنار:
ئێکەتیا تەپا پێ یا ئوروپا (یویفا) ژڤانێ پشککێشانا یاریێن قوناغا چارێک دووماھیا قارەمانیا ئوروپا قارەمانێن خولان دیارکر ئەوا بریارە سوباھی ل رۆژا ئەینی ل باژێرێ نیون یێ سویسری بھێتە کێشان.
بەری نوکە ھەشت یانەیان دەربازبونا خوە بۆ ڤێ قوناغێ مسوگەر کرینە ئەو ژی یانێن ریال مەدرید و بەرشەلونە و ئەتلەتیکو مەدرید یێن ئسپانی ل گەل پورتو یا پرتوگالی و پاریس سان جێرمان یا فرەنسی و بایرن میونخ یا ئەلمانی و یوڤانتوس یا ئیتالی.
دھێتە چاڤەرێ کرن د ڤێ قوناغێ دا یاریێن بھێز ناڤبەرا یانێن دەربازبوی بھێتە دیتن ل دووڤ سیستەمێ ڤێ قارەمانیێ رێکێ دەت دو یانێن ژ وەلاتەکی د ڤێ قوناغێ دا بکەڤنە بەر ئێک و دبیت یاریا کلاسیکویا ئسپانی دوبارە بیت یان دێربیا فرەنسا ناڤبەرا پاریس سان جێرمان و موناکو.
دیسان ھەر سوبەھی دێ پشککێشانا یاریێن قوناغێن پێش دووماھیێ ژی بھێتە دەستنیشانکرن دیسان دێ پشککێشانا یاریێن چارێک دووماھیا قارەمانیا یوروپا لیگ ژی ھێتە کێشان.
ئه‌ڤرو نیوز،بارزان مزوورى
لیوا موسا گه‌ردى به‌رپرسێ فه‌رمانده‌یێ فه‌رمانده‌یا هه‌لگورد ل میحوه‌رێ خازر بو مالپه‌رێ ئه‌ڤرو نیوز ئاشكرا كر كو ل شه‌ڤا بورى ده‌مژمێر 12:30 خوله‌ك چه‌كدارێن تیرورستێن داعش ژ سێ لایانڤه هێرش كره سه‌ر هێزێن پێشمه‌رگه‌ى ل گوندێ قوپانكێ و گوندێ پیر به‌ندك به‌رى هێرشێ بكه‌ن پێشمه‌رگه‌ى به‌رسڤا هێرشا وان دا و ماوێ 2 ده‌مژمێر و چارێكه‌كێ شه‌رێ به‌رده‌وام بو و ب چه‌كێ گران پێشمه‌رگه‌ى به‌رسڤا وان دا و داعش گه‌له‌ك ته‌رمێن خو هێلاینه و ل ده‌مژمێر 3:30 خوله‌ك ته‌رمێن خوه و كه‌سێن بریندار ل جهه‌كى كوم كربون، به‌لێ فروكه‌یێن جه‌نگى بوردومان كرن ئه‌وێن بریندار و ساخ ژى كوشتن دگه‌ل ژماره‌كا ترومبێلێن وان تێك شكاندن.
ناڤبرى ئاشكرا كر كو ژماره‌كا مه‌زن یا چه‌كێ گران و بچیك د جهـ دا هێلایه و كه‌فتینه ده‌ستێن پێشمه‌رگه‌ى و ترومبێله‌كا وان ژلایێ پێشمه‌رگه‌ى ڤه ل ده‌ست پێكا شه‌رى هاته سوتن .
ناڤبرى دیار كر كو حه‌تا نوكه ژبه‌ر ره‌وشا كه‌ش و هه‌وایى چ ته‌رمێن وان نه‌كه‌فتینه ده‌ستێن پێشمه‌رگه‌ى چونكو پێشمه‌رگه و چه‌كدارێن تیرورستێن داعش گه‌له‌ك نێزیك ئیكن به‌رامبه‌رى ئێك دوو راوه‌ستیاینه .
بو زانین گوندێ قوپانكێ و پیربه‌ندك سه‌ر ب ناحیا باشیك ڤه‌نه بو جارا گه‌له‌كێ یه داعش ئه‌ڤ گونده بخو كرینه نیشان كو بكه‌ڤیته لبن كونترولا وان، به‌لێ لدوڤ گوتنێن پێشمه‌رگه‌ى گه‌له‌ك جاران داعش هێرش كریه سه‌ر، به‌لێ د هه‌مى هێرشێن خودا شكه‌ستن ئینایه .
ئه‌ڤرۆ نیۆز، قائید میرۆ
دكۆنگره‌یه‌كێ رۆژنامه‌ڤانی دا ل باژێڕێ هه‌ولێرێ پلانا هێزێن ئه‌منی و هاتن وچوونێ هاته ئه‌شكره‌كرن و په‌یڤدارێ پۆلیسێن هه‌ولێرێ ژی ره‌تكر، داعش پیلان هه‌بن بۆ رۆژا جه‌ژنێ ل باژێڕێ هه‌ولێرێ.
رائید كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ دیاركر، ل رۆژێن جه‌ژنێ دێ هێزێن پۆلیس و ئاسایشێ ده‌ست ب بجهئینانا پلانا خوه یا ئه‌منی بكه‌ن بۆ پاراستنا وه‌لاتیان و بۆ هه‌ر حاله‌ته‌كێ نه‌خواستی وه‌لاتی دشێن په‌یوه‌ندیێ ب هێزێن ئه‌منی ڤه بكه‌ن.
رائید كاروانی ئه‌و چه‌نده ره‌تكر، كو گروپا تیرۆرستێن داعش ل رۆژێن جه‌ژنێ ب هه‌ڤكاریا عه‌ره‌بێن ئاواره پیلان هه‌بن بۆ ده‌ستبه‌رداگرتنا باژێڕێ هه‌ولێرێ و داخواز ژ وه‌لاتیێن باژێڕی كر هه‌ڤكاریا ده‌زگه‌هێن ئێمناهیێ بكه‌ن
ئه‌ڤرۆ نیوز:
باراك ئوباما سه‌رۆكێ ئه‌مریكا د په‌یامه‌كا ڤیدیویى دا پیروزى ل وان نه‌ته‌وان كر یێن جه‌ژنا نه‌وروزێ هه‌ى و راسته‌وخو گۆته خه‌لكێ ئیرانێ: نوكه باشترین ده‌رفه‌ته، بۆ نه‌هێلانا جوداهیێ د ناڤبه‌را مه‌دا.
هه‌ڤده‌م د په‌یاما خوه‌دا ئوباما شعره‌كا شاعرێ فارس حافزێ شیرازى خواند كو دبێژیت: بهاره و بزاڤێ بكه كو یێ دلخوه‌ش بى، پشتى مرنا ته‌ژى، گه‌له‌ك گول د بشكڤن.
ئه‌ڤرو نیوز،بارزان مزوورى
ب به‌رهه‌ڤ بونا به‌رپرسێ لقا 20 یێ شێخان عه‌لى عه‌ونى ل میحوه‌رێ ناوه‌ران، بهه‌لكه‌فتنا هاتنا جه‌ژنا نه‌وروزێ وه‌لاتیه‌كێ ده‌ڤه‌را شێخان بناڤێ شێخ ره‌شۆ بكوژمێ پتر ژ 13 ملیون دینارا پاره ل سه‌ر پێشمه‌رگه‌یێن میحوه‌رێ ناوه‌ران ب مه‌ره‌ما پیروزكرنا جه‌ژنا وان ل سه‌ر 350 پێشمه‌رگه‌یا پارڤه‌كرن.
عه‌لى عه‌ونى دیار كر كو ئه‌ڤرو كه‌سانه‌كێ دلسوزێ پێشمه‌رگه‌ى بكوژمه‌كێ پاره‌ى وه‌ك جه‌ژنانه بو پێشمه‌رگه‌یێن میحوه‌رێ ناوه‌ران رێ كریه و بناڤێ هه‌مى پێشمه‌رگه‌یا سوپاسیا وى دكه‌ین داخاز دكه‌ین نمونێن وه‌ك وى هه‌ر هه‌بن .
ئه‌ڤرۆ نيوز:
هشيار زێبارى وه‌زيرێ دارايى يێ عيراقێ بۆ رويته‌رز راگه‌هاند كو د چوارچوڤێ رێككه‌فتنا د ناڤبه‌را حوكمه‌تا عيراقێ و حوكمه‌تا هه‌رێما كوردستانێ، ئه‌ڤرۆ ئێڤارى، حوكمه‌تا عيراقێ 420 مليون دولار بۆ هه‌رێما كوردستانێ هنارتن.
وه‌زاره‌تا دارايى يا هه‌رێما كوردستانێ سوبه دێ پێزانينێن زێده‌تر به‌لاڤ كه‌ت.
ئه‌ڤرۆ نیوز: ڤه‌ده‌ر ره‌شاڤایی:
هه‌كه‌ر هاتو سوبه 20 ئادارێ سه‌قایێ هه‌رێما كوردستانێ ساهی بیت، دیمه‌نه‌كێ كێم وێنه كو ژ ده‌هـ سالان پتر جاره‌كێ په‌یدا دبیت دێ هێته دیتن.
دهێته چاڤه‌رێكرن سوبه ل ئه‌سمانێ باژێرێ دهۆكێ ل ده‌مژمێر 11:34 خوله‌ك ل سپێدێ رۆژگیران (رۆژ غه‌یرین) ده‌ست پێكبه‌ت و ده‌مژمێره‌ك و 28 خوله‌كان ڤه‌كێشیت، ل ده‌مژمێر 12:18 دێ بهێزی هێته دیتن و ل ده‌مژمێر 1:02 دێ ئه‌ڤ دیارده بداوی هێت.
مالپه‌رێ فه‌له‌كناسیا (Panchang) دیاردكه‌ت كو : هه‌رچه‌نده رۆژغه‌یرینا ڤێ جارێ دێ یا تمام بیت لێ ل هه‌رێما كوردستانێ بتنێ دێ ب پارچه‌یی هێته دیتن و گه‌له‌كا بهێز نابیت هه‌كه‌ر بهێته هه‌ڤبه‌ر كرن دگه‌ل ناوچێن باكۆرێ ئه‌ورۆپا.
ئه‌ڤ دیارده په‌یدا دبیت ده‌مێ ل ئه‌ردی وه‌سا دهێته دیتن كو رۆژ بته‌مامی دهێته نخاڤتن لبن سیبه‌را هه‌یڤێ.
نيشاندان