ئه‌ڤرۆ نیوز، ناجی به‌ده‌ل:
ئارام بالایی ماموستایێ زانستێن سیاسی ل زانكویا نه‌ورۆز بو ئه‌ڤرۆ نیوز دیاركر خوڤه‌كێشان ژ گوره‌پانا سیاسی یا عیراقێ ژلایێ كوردان ڤه‌ و ئه‌ڤ هزره‌ ل كه‌توارێ ئه‌ڤرۆیا عیراق تێدا نه‌ یا واقعی یه‌ و هێشتا ئه‌مریكا پێدڤی ب به‌ره‌یه‌كێ ئیكگرتی ل شه‌رێ دژی تیرۆرێ و داعشێ هه‌یه‌ و بلا ژ بیر نه‌كه‌ین كورد نوكه‌ نێزیكترین هه‌ڤپه‌یمانا ئه‌مریكایه‌ و ڤه‌كێشاندنا كورد به‌حس دكه‌ن، دبیت بو درۆستكرنا فشاره‌كی بیت ل سه‌ر ده‌سه‌لاتدارێن به‌غدا.
ناڤبری ئه‌و چه‌نده‌ ژی دیاركر هه‌كه‌ كورد خو ژ گوره‌پانا سیاسی ژی ڤه‌كێشن دێ ئه‌و ڤه‌كێشاندنه‌ ب ئاوایه‌كی ده‌مكی بیت هه‌تا هه‌مو ئالییێن سیاسی بگه‌هنه‌ ریكه‌فتنه‌كا نو چونكو ئه‌مریكا یا پێگیره‌ هه‌مو ئالیان كوم بكه‌ت ل سه‌ر ریكه‌تنه‌كێ كو عیراق وه‌ك ده‌وله‌ت و وه‌ك پرۆسیسا سیاسی نه‌هێته‌ هه‌لوه‌شاندن.

ئه‌ڤرۆ نیوز:
رێكخراوا چاڤدێریا مافى مروڤى ئه‌ڤرۆ ئاشكراكریه‌ كو چه‌كدارێن حه‌شد شه‌عبى چه‌ندین پێشێلكارى به‌رامبه‌ر ئاكنجیێن ناحیا ئامرلى سه‌ر ب قه‌زا دوزخورماتو ئه‌نجامداینه‌ كو د ڤێ راپۆرتا ڤیدیویى دا پتر دیار دبیت.

ئه‌ڤرۆ نیوز:
ل دووڤ به‌یاننامه‌كا سه‌رۆكێ ئه‌نجومه‌نێ نوونه‌رێن عیراقێ ئه‌ڤرۆ سه‌لیم جبورى ل سه‌لاحه‌دین ل گه‌ل مه‌سعود بارزانى سه‌رۆكێ هه‌رێما كوردستانێ دانوستاندن ل دۆر پرسێن سیاسى و ئێمناهیێ و دووماهى به‌رهه‌ڤى بۆ ئازادكرنا مووسل ژ ده‌ستێ چه‌كدارێن داعش كر و دیسا به‌حسێ میكانزما ڤه‌حه‌واندنا ئاواران كر بۆ ده‌ڤه‌رێن ئازادكرى، پشتى شه‌رێ كونترولكرنا مووسل ده‌ستپێدكه‌ت.