ئەڤرۆ، چەکدار ئەترووشی:
پەیڤدارێ نڤیسینگەھا تایبەت یا سەرۆک وەزیرێن عیراقێ دیارکر کو عەبادی یێ پابەندە ب ھەموو وان سوز و رێککەفتنێن ھاتینە دان بو پێکئینانا حوکمەتا وی.
سەعەد ئەلحەدیسی پەیڤدارێ نڤیسینگەھا سەرۆک وەزیرێن عیراقێ بۆ ئەڤرۆ دیارکر کو ھەموو خالێن پێکئینانا حوکمەتێ دێ ھێنە بجھئینان و گوت” نەخشێ بو پێکئینانا حوکمەتا نوو یا عیراقێ دێ ل سەر ئەوان رێککەفتن و خالێن پێشوەخت رازیبوون ل سەر ھاتیە کرن، دێ ھێتە دانان و ب ھیڤی نە ھەموو ئالی د رازی بن ل سەر ئەڤێ چەندێ”.
حەدیسی ئاماژە ب وێ چەندێ کر کو نەخشەکێ گرنگە بۆ سالێن داھاتی و گوت” نەخشێ برێڤەبرنا وەلاتی ژ شەش خالان پێک دھێت کو رێککەفتنێن سیاسی ب خوەڤە دگرن کو بووینە ئەگەرێ وێ چەندێ کابینا نوو یا حوکمەتێ بھێتە پێکئینان، دێ بنە ئەگەر ژی بۆ برێڤەبرنا وەلاتی ل چەند سالێن بھێن”.
پەیڤدارێ نڤیسینگەھا سەرۆک وەزیرێن عیراقێ ئەو چەندە دیارکر کو رۆلێ ھەرسێ سەرۆکاتیان دێ یێ بلند بیت و گوت” د نەخشێ ھاتیە دانان دا، رۆلێ ھەرسێ سەرۆکاتیان ب باشی ھاتیە دیارکرن و ھەر رێککەفتنەک یان بریارەکا چارەنڤیساز بھێتەدان، ھەرسێ دێ بریارێ ل سەر دەن”.
سەعەد ئەلحەدیسی دیارکر کو ھەر ژ نوکە پابەندبونا وان بریاران یا دیارە و گوت” چەند خالەک ژ وان رێککەفتنان یێن ھاتینە بجھئینان و ل دەمێن داھاتی دا دێ ب ھەموو ھێز ئەو خال ھێنە جێبەجێکرن کو دێ ھەموو عیراقی بێ جوداھی مفایی ژێ وەرگرن و ئەو ڤالاتیا نوکە تێدا ژێ دەرباز بیت”.
نيشاندان
