ئه‌ڤرو نیوز، بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بۆ مالپه‌رێ ئه‌ڤرو نیوز ئاشكرا كر كو چه‌كدارێن تیرورستێن داعش نیشان و هێمایێن ئاینێ مه‌سیحیا ل دێرا ماركوركیس یێن مێژویى ل ناڤ باژێرێ مووسل ژناڤ برن و لدوڤ دا گورستانا نێزیك دێرێ تێك دا.
ناڤبرى ئاشكرا كر كو ئه‌ڤ دێره‌ و كه‌ڤنارترین دێر د مێژوویا مه‌سیحیان دا دهێته‌ هژمارتن ل پارێزگه‌ها مووسل.

1 of 8

ئه‌ڤرۆ نيوز:

 حوكمه‌تا هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ برياداينه‌ سه‌ره‌دانا به‌غدا نه‌كه‌ن، هه‌تا كو عيراق وه‌ك نيه‌ت پاقژيه‌ك هنده‌ك پاره‌ى نه‌هێريته‌ هه‌رێما كوردستانێ.

دڤى بياڤى دا، د.تارق گه‌ردى ئه‌ندامێ په‌رله‌مانێ كوردستانێ راگه‌هاند : ئه‌گه‌ر به‌غدا  يا پابه‌ند نه‌بيت ب رێككه‌فتنێ ڤێ دووماهيێ يا د ناڤبه‌را به‌غدا و هه‌ولێرێ، دڤێت ده‌رگه‌هێ دانوستاندنان بهێته‌ گرتن و دڤێت هه‌ڤپه‌يمانيا كوردستانى ل به‌غدا و سه‌رۆك كومار خوه‌ ژ حكومه‌تا عه‌بادى ڤه‌كێشن.

ژێده‌ر: باس نيوز

ئه‌ڤرۆ نيوز:

سه‌رۆك كومارێ عيراقێ د.فوئاد مه‌عسوم،  د كومبوونه‌كێ دا ل گه‌ل حه‌يده‌ر عه‌بادى سه‌رۆك وه‌زيرێن عيراقێ، سێ داخازى ژێ كرن، ئێك: كێشێن به‌غدا و هه‌ولێرێ چاره‌ بكه‌ت ب تايبه‌ت پرسا هنارتنا مووچه‌ى  و بله‌ز بهێته‌ چاره‌كرن و چه‌ند پرۆژان بۆ هه‌له‌بجه‌ بجهـ بينيت و هاريكاريا ئاوارێن قه‌ستا هه‌رێمێ كرى بكه‌ت و ژ ئاليێ خوه‌ڤه‌ بۆ چاره‌كرنا كێشان، عه‌بادى دياركر ئه‌و چاڤه‌رێ هاتنا شاندێ كوردى بۆ به‌غدا دكه‌ن.