ئەڤرۆ نیوز، مەحمود نهێلی:
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر، ژبەر پێگری نەکرن ب رێنمایان و ئەنجامدانا سەرپێچیان، د لێگەریانەکی دا لیژنا دووڤچونا بازاری ل دێرەلۆک ل ناڤ بازارێ سەنتەرێ ناحیێ چار مارکێت و گۆشت فرۆشەک سزاداینە و داخاز ژ هاولاتیان ژی کر هەر سەرپێچیەکا ل بەرچاڤێن وان بکڤیت لژنا دووڤچوونا بازاری ئاگەهدار بکەن.
رێڤەبەرێ ناحیا دێرەلۆک کو هەڤدەم بەرپرسێ لیژنا دووڤچونا بازاری یە ژی دیار کر، کو ئەڤ مارکێتە هەر ئێک ب کوژمەکی پارەی ل دووڤ سەرپێچیا وان هاتینە سزادان و هەروەسا گۆشت فروشەک ژی ژ بەر کو ل دووڤ رێنمایان کار نەکریە ب سێ رۆژان دایخستنێ هاتیە سزادان ، دەست ب سەر هەژمارەکا کەرەستەیێن دەم ب سەرڤەچووی هاتە ژی دا هاتە گرتن.
ناڤهاتی داخواز ژ هاولاتیان کر ، هەر سەرپێچیا بەرچاڤێ وان بکەڤیت ئێکسەر ئەندامێن لیژنێ ئاگەهەدار بکەن چ پولیس یان ئاسایش یان ناحیە و باژێرڤانی و هەر ئەندامەکی پێ هایدار بکەن بو وێ یەکی پێرابوونێن یاسایی دگەل دا بهێنە کرن.
ئەڤرۆ نیوز، نەوزاد هلوری:
شەڤا بوری هەتا نوکە پێلێن بارینا بارانەکا بهێز ل سنورێ پارێزگەها دهۆکێ ب گشتی و سەنتەرێ باژێری ب تایبەتی بەزدەوامە، بویە سەدەما دروستبوونا لەهیان و زیان گەهشتە چەند مالان، خودانێ ئێک ژ وان مالێن زیانڤکەفتی دیارکر کو ئەڤرۆ هاریکاری ژلایێ لژنا بەرسڤدانا قەیرانان گەهشتنە وان.
رەعەد ئەحمەد، خودانێ ئیک ژ وان مالێن ل رووبارێ هشکەرو زیانپێکەفتێ بۆ ئەڤرۆ نیوز گۆت: (شەڤا بوری ئەز ل سەر کاری بوم، ئەز ژڵایێ مالڤە هاتمە ئاگەهدارکرن کو ژ ئەگەرێ بارانێ لەهی دروست بویە و گەهشتیە د ژوڤە، جهێ داخێ یە ئاڤ چویە د هەموو ژورێن مالێ ڤە و هەموو تشتەک خراپکریە و تنێ مروڤ هاتینە رزگارکرن، وەکو دی ژ ئەگەرێ ئاڤێ هەموو تەر و پیج بوینە).
زێدەتر گۆت: (ئەڤرۆ کومەکا هاریکاریین جودا ژڵایێ لژنا بەرسڤدانا قەیرانان و قایمقامیا دهۆکێ گەهشتنە مە، ئەم دخوازین کو حوکمەت هەموو خێزانێن هشکەروی راکەت یان چارەسەریا وان بکەت، ژبەرکو هەموو ساڵان ل وەرزێ زڤستان و بهارێ لەهی دروست بن و زیان دگەهیت مە).
مەنال محەمەد، سەرۆکا لژنا بەرسڤدانا قەیرانان ل دهۆکێ بۆ ئەڤرۆ نیوز گۆت: (شەڤا بوری و ئەڤرۆ ژی پێلەکا دژوار یا باران بارینێ باژێرێ دهۆکێ ڤەگر و بویە ئەگەر لەهی دروست بن و زیان بگەهیتە چەند ماڵان).
زێدەتر گۆت: (وەکو لژنا بەرسڤدانا قەیرانان مە دوڤچون ل سەر وان ماڵان کریە و هاریکاریان ل سەر وان مالێن زیان پێکەفتی بەلاڤکرن کو ئەو ژی دوو مالن ل رووبارێ هشکەروویێ دهۆکێ، مالێن دی زیانێن کێم هەنە و تنێ ئاڤ چویە د مالا وان دا، هاریکاریێن مە ژی پێکهاتوون ژ کەلوپەلێن خوارنێ، پاقژکەر ، لێنانگەهـ و چەند کەلوپەلێن دی).
ئه‌ڤرۆ نیوز، زنار:
رۆژنامه‌كا ئیتالى ئاشكرا كر گۆلپارێزێ سلوڤاینى و یانا ئه‌نترمیلان یا ئیتالى سه‌میر هاندانوڤێچ گه‌هشتیه رێككه‌فتنێ دگه‌ل یانا خوه ل دور نووكرنا گرێبه‌ستا خوه.
رۆژناما لاگازیتا دیللو سپورت یا ئیتالى زێده‌تر ئاشكرا كر هاندانوڤێچ یێ 35 سالى گه‌هشتیه رێككه‌فتنێ دگه‌ل یانا خوه ئه‌نترمیلان هه‌تا هاڤینا سالا 2022 بمینت، ب ڤێ چه‌ندێ هاندانوڤێچ دێ 10 سالێن خوه تمام كه‌ت دگه‌ل یانا ئه‌نترمیلان یا ئیتالى پشتى كو ل سالا 2012 ژ یانا ئودونیزى په‌یوه‌ندى ب ئه‌نترمیلان كرى.
هه‌ژى گۆتنێ یه سه‌میر هاندانوڤێچ شیایه ل ڤى وه‌رزى ژ سه‌رجه‌مێ 31 یاریان د هه‌شت یاریان دا گۆلا خوه پاقژ راگریت د هه‌موو قاره‌مانیان دا.
ئه‌ڤرۆ نیوز، زنار:
سه‌رۆك وه‌زیرێن ژاپونێ شینزو ئابى دیاركر ژڤانێ كرنا یاریێن ئولومپیادێن توكیو 2020 دێ ل هاڤینا ئه‌ڤ ساله هێنه كرن و چو ده‌نگویێن پاشخستنا وێ نینن ژ ئه‌گه‌رێ ڤایروسێ كورونا.
باژێرێ توكیو پایته‌ختێ ژاپونێ بریاره مێڤانداریا ئولومپیادێن هاڤینێ بكه‌ت ژ 24 هه‌یڤا تیرمه‌ها ئه‌ڤ ساله هه‌تا نه‌هى ته‌باخێ 2020.
لێ ژ ئه‌گه‌رێ به‌لاڤبونا ڤایروسێ كورونا ل هه‌موو جیهانێ و كارتێكرنا وێ یا ئێكسه‌ر ل سه‌ر ژیانا وه‌رزشى هوسا دهێته پێشبینى كرن وه‌لاتێ ژاپونێ دێ داخوازا پاشخستنا ئولومپیادا كه‌ت لێ به‌رۆڤاژى بوچونان سه‌رۆك وه‌زیرێن وى وه‌لاتى بۆ رۆژنامه‌یا ده‌یلى مێل یا برێتانى ئاشكرا كر دێ شێن سه‌ركه‌فتنێ ل سه‌ر ڤى ڤایروسى ئینن و دێ یاریێن ئولومپیادێن هاڤینێ هێنه كرن ل ده‌مێ خوه یێ ده‌ستنیشان كرى وه‌ك پلان بۆ هاتیه دراشتن و دێ ڤێ چه‌ندێ ژى دگه‌ل لایه‌نێن نێڤده‌وله‌تى یێن ئولومپى گه‌نگه‌شه كه‌ین.
هه‌ژى گۆتنێ یه وه‌لاتێ ژاپونێ هه‌تا نوكه 1535 كه‌س تووشى ڤایروسێ كورونا بوویه و ژ وانا 35 كه‌س مرینه.
ئه‌ڤرۆ نیوز:
هێزێن ئه‌مریكا ل چه‌ند هه‌فتیێن بهێت سێ بنگه‌هێن سه‌ربازی ل عیراقێ راده‌ستی هێزێن عیراقی كه‌ت.
به‌رپرسێن سه‌ربازی یێن ئه‌مریكا راگه‌هاندن ل چه‌ند هه‌فته‌یێن بهێت هێزێن وان ل عیراقێ دێ ژ سێ بنگه‌هێن سه‌ربازی ڤه‌كێشن و ل بنگه‌هێن سه‌ره‌كی هێنه كۆمكرن.
ئه‌مریكا پێنج هزار و 200 سه‌رباز ل عیراقێ نه و هه‌شت بنگه‌هێن سه‌ربازی ل بن كۆنترولا هێزێن وێ دانه.
سالا 2014 هێزێن ئه‌مریكا ل سه‌ر داخوازیا حكومه‌تا عیراقێ هاتن، ئه‌ركێ وان مه‌شق و راهێنانێن سه‌ربازی بۆ ب هیزێن عیراقێ.
ئەڤرۆ نیوز:
بەرهەم سالحی، سەرۆک کۆمارێ عێراقێ، عەدنان زەرفی بۆ پێکئینانا کابینا نوو یا حکومەتێ راسپارد.
عەدنان عەبد خزەیر عەباس مەتر زەرفی
ل سالا 1966 ل نەجەف ژ دایکبوویە
ل 1983 پەیوەندی ب حیزبا دەعوە یا ئیسلامی کریە،
بەکالۆریۆس ل کۆلیژا فقه ل زانکۆیا کوفە تەمام کریە
ماستەر ل زانکۆیا کوفە، پارێزگارێ نەجەف 2004-2005 بوویە
ئەندامێ جڤاتا پارێزگەها نەجەف 2006 بوویە،
بریکارێ یاریدەر بوویە بۆ کاروبارێن هەوالگیریێ ل وەزارەتا نافخۆ 2006-2009
پارێزگارێ نەجەف 2009-2015
ئەمیندارێ گشتی یێ بزافا وەفا یا عێراقی
سەرۆکێ هەڤپەیمانیا نەسرە ل پەرلەمانێ عێراقێ.
ئه‌ڤرۆ نیوز:
بنگه‌هێ سه‌ربازی یێ بسمایه ریب ری هێرشه‌كا موشه‌كان بوو و تانوكه زیانێن ئه‌وێ موشه‌ك بارانكرنێ نه‌هاتینه زانین.
میدیایێن عیراقی به‌لاڤكرینه، هێرش ب رێكا موشه‌كان بوویه بۆ سه‌ر بنگه‌هێ سه‌ربازی یێ بسمایه و ئارمانج ژ وێ هێرشێ كۆ هێزێن ئه‌مریكا ئه‌وی بنگه‌هی بكار دئینن.
ئه‌مریكا هه‌شت بنگه‌هین سه‌ربازی ل عیراقێ هه‌نه ل ده‌مێ بوری دو جارا هێرش بۆ سه‌ر بنگه‌هی سه‌ربازی یێ تاجی هاته‌كرن، كۆ هێزێن ئه‌مریكا ئه‌وی بنگه‌هی بكار دئینن.
ئه‌ڤرۆ نیوز:
روسیا داخازێ ژ ئه‌مریكا دكه‌ت لبه‌رچاڤگرتنا ره‌وشا نوكه‌یا جیهانێ و نالاندنا حكومه‌تا تارانی ب ده‌ست كوڤید 19، سزایێن سه‌پاندی ل سه‌ر بهێنه هه‌لاویستن.
وه‌زاره‌تا ده‌رڤه‌یا روسیا د به‌یاننامه‌یه‌كێ دا كۆ ئاراسته‌یی واشنتونێ كریه و داخازا هه‌لگرتنا سزایێن سه‌ر تارانێ دكه‌ت، سزایان رێگریه‌كا مه‌زنه بۆ ئیرانێ هه‌مبه‌ر به‌رهنگاربوونا ڤایرۆسێ كورونایێ دروست كریه.
وه‌زاره‌تا ده‌رڤه‌یا روسیا دیاركریه ئه‌گه‌رێ زۆر بوونا توشبوون و مرنا وه‌لاتیێن ئیرانێ ب ڤایرۆسێ كورونایێ یه، بتنێ نه نه‌خوشی یه به‌لكۆ ئه‌و ئاسته‌نگن یێن ئه‌مریكا ل هه‌مبه‌ر ئیرانێ دروستكرین و ل ده‌ست پیگه‌هشتنا وێ ب هه‌ڤكاریێن جیهانێ.
وه‌زاره‌تا ده‌رڤه‌یا روسیا ئیدانه‌یا ئه‌وێ چه‌ندێ دكه‌ت كۆ واشنتون رێگره ژ گه‌هاندنا هه‌ڤكاریێن ساخله‌میێ، ملیۆن ئیرانی هاتینه بێ به‌شكرن ژ پێگه‌هاندنا پێدڤیێن نوژداری بۆ وان، هه‌ر چه‌نده واشنتون بزاڤا شه‌رعیه‌تدان ب وێ دژمنكاریا هه‌مبه‌ر ئیرانێ دژوار كریه، هێشتا رێكارێن نه‌مرۆڤاتیێ جهێ دلته‌نگیێ یه دناڤا جڤاكا نێڤ ده‌وله‌تی دا.
حكومه‌تا روسیا هه‌لگرتنا پشكه‌كا سزایان دكه‌ت و ده‌مێ دژمناتیێ نینه ل گه‌ل تارانێ ئه‌و وه‌لات توشی ڤایرۆسێ كورونا بوویه پێڤه دنالیت و دڤێت رێگری ژ گه‌هاندنا هه‌ڤكاریان نه‌هێته‌كرن.
نيشاندان