ئه‌ڤرۆ نیوز:
به‌رپرسێن یانا ریال مه‌درید دخوازن ل ڤه‌گوهاستنێن هاڤینا بهێت هه‌ڤبه‌ستێ ل گه‌ل ئێك ژ به‌رنیاسترین هێرشبه‌رێن جیهانێ ئیمزا بكه‌ن بۆ ب هێز ئێخستنا هێلا هێرشبه‌ریا خوه‌ ل وه‌رزێ بهێت.
رۆژناما میرور یا بریتانى دیاركریه‌ به‌رپرسێن یانا ریال مه‌درید دخوازن بوو ڤه‌گوهاستنێن هاڤینا بهێت هه‌ڤبه‌ستا ستێرا سینگالى و یانا لیڤه‌رپول یا ئنگلیزى سادیو مانى ئیمزا بكه‌ن.
هه‌ردیسان وێ رۆژنامێ ئاشكراكریه‌ ژى به‌رپرسێن ریال كوژمێ 140 ملیون جینێ ئیسترلینى به‌رهه‌ڤكرینه‌ بۆ ڤه‌گوهاستنا ئه‌وى یاریزانى ژ لیڤه‌رپول بۆ ناڤ رێزێن وێ یانا مه‌له‌كى.

ئەڤرۆ نیوز، زنار:

یانا به‌رشه‌لونا یا ئسپانى حه‌زێن ئینانا یاریزانێ ئه‌رژه‌نتینى لاوتارو مارتینێز هه‌یه‌ ب هه‌ر شێوه‌یه‌كى بیت ل وه‌رزێ بهێت ژ ئه‌گه‌رێ هنگافتنێن زێده‌ یێن هێرشبه‌رێ وێ لویس سوارێزى و مه‌زنبوونا وى.

رۆژناما توتو سپورت یا ئیتالى دیاركر یانا به‌رشه‌لونا یا به‌رهه‌ڤه‌ كوژمێ زێده‌تر ژ 101 ملیۆن یورویا بده‌ته‌ یانا ئه‌نترمیلان یا ئیتالى پێخه‌مه‌ت ده‌ستڤه‌ ئینانا یاریزانێ وێ یێ ئه‌رژه‌نتینى لاوتارو مارتینێز ئه‌وێ شیاى ل ڤى وه‌رزى ئاسته‌كێ باش د خولا ئیتالیا دا پێشكێش بكه‌ت و 16 گۆلان ل ڤى وه‌رزى توماربكه‌ت د هه‌موو قاره‌مانیان دا.

یاریزانێ 22 سالى یێ یانا ئه‌نتر بوویه‌ جهێ گرنگیا یانا كه‌تالونى و یا به‌رهه‌ڤه‌ یاریزانێ خوه‌ یێ هێلا ناڤین یێ چیلى ئه‌رتورو ڤیدال ژى دگه‌ل كوژمه‌كێ پاره‌ى بده‌ته‌ یانا روسونێرى بەرامبەر ئینانا مارتینێزى.

ئه‌ڤرۆ نیوز:
یانا مانچێسته‌ر یونایتد كه‌ڤته‌ د هه‌ڤركیا یانا ریال مه‌درید دا بۆ ده‌ستڤه‌ ئینانا ستێرا هوله‌ندى و یانا ئه‌جاكس ئه‌مستردام دونى ڤان دى بیك بۆ ڤه‌گوهاستنێن هاڤینا بهێت.
رۆژناما ماركا ئیسپانى دیاركریه‌ سه‌ره‌راى یانا ریال مه‌درید نێزیكى هه‌یڤه‌كه‌ گه‌هشتى نه‌ رێككه‌فتنا ده‌ستپێكى ل گه‌ل ستێرا ئه‌جاكس ئه‌مستردام یا هوله‌ندى ڤان دى بیك لێ به‌رپرسێن یانا مانچێسته‌ر یونایتد یێ بزاڤێ دكه‌ن وى یاریزانى و یانا ئه‌جاكس رازى بكه‌ن ئه‌و یاریزان په‌یوه‌ندى ب وێ یانا ئنگلیزى بكه‌ت ل ڤه‌گوهاستنێن هاڤینا بهێت .
ڤان دى بیك یێ 23 سالى ئه‌وێ ل هێلا ناڤین یاریێ دكه‌ت ل وه‌رزێ ئه‌ڤ ساله‌ پشكدارى د 37 یاریان دا كریه‌ د هه‌موو ئه‌و قاره‌مانیێن یانا ئه‌وى تێدا پشكدار و شیایه‌ 10 گولان توماربكه‌ت ل گه‌ل 11 گول ژى بۆ هه‌ڤالێن خوه‌ به‌رهه‌ڤكرینه‌.

ئه‌ڤرۆ نیوز:
راپورتێن رۆژنامه‌ڤانى ل ئیسپانیا ئاشكراكرینه‌ راهێنه‌رێ ئه‌رژه‌نتینى و یانا ئه‌تله‌تیكو مه‌درید دیگو سیمیونى توشى ڤایروس كوڤید 19 یێ به‌رنیاس كورونا بوویه‌ كو دبیته‌ حاله‌تێ دوێ دناڤا یاریگه‌هێن ئیسپانیا توشى وى ڤایروسى دبه‌ن.
هه‌ردیسان هاتیه‌ دیاركرن ژى یانا ئه‌تله‌تیكو مه‌درید هه‌موو چالاكیێن خوه‌ یێ سه‌ر ب یانێ ڤه‌ راوستاندى نه‌ .
هه‌ردیسان ئاماژه‌ ب وێ چه‌ندێ ژى هاتیه‌كرن پشتى بشكنین بۆ راهێنه‌رێ وێ یانێ دیگو سیمیونى هاتینه‌كرن كو دیاربوو ناڤبرى توشى ڤایروسێ كورونابوویه‌ لێ هه‌تا نوكه‌ وێ یانێ ئه‌و ده‌نگوباس به‌لاڤه‌ نه‌كریه‌ .

ئه‌ڤرۆ نیوز:
یانا ڤالنسیا د به‌یانامه‌كا فه‌رمى دا ل سه‌ر مالپه‌رێ خوه‌ دیاركر 5 حاله‌تێن ڤایروسێ كورونا ل یانا ئه‌وان هاتینه‌ توماركرن پشتى بشكنین بۆ هاتینه‌كرن و ره‌وشا ئه‌وان هه‌ر 5 كه‌سان نوكه‌ یا باشه‌ و ل بن چاڤدێریا نوشدارى نه‌.
هه‌ردیسان یانێ ئاماژه‌ ب وێ چه‌ندێ ژى كر كو 2 ژ ئه‌وان حاله‌تان یاریزانێن تیما ئێكێ بوون هه‌ردیسان سێ كارمه‌ندێن یانێ نه‌ ئه‌وژى یاریزانان هه‌ردو به‌ره‌ڤانێن یانێ مانگالا و خوسیه‌ گاریا هه‌ردیسان به‌رپرسێن په‌یوه‌ندیان ل یانێ باكو كاماراسا و ئه‌ندامێ لژنا نوشدارى ل یانێ خوا ئه‌لیگا.