ئه‌ڤرۆ نیوز:
ل تورێن ئه‌نته‌رنێتێ ڤیدیوك به‌لاڤبوویه كو نێچیریا ماسیێ ژ جورێ ” بیرانا ” یێ بچووك دهێته كرن ل سه‌ر رووباره‌كێ ل به‌رازیل، بێى كو په‌نایێ ببه‌نه به‌ر تورێن ماسیان یان نێكا گرتنا ماسیا.
ڤیدیو: بۆ وان یێن حه‌ز ژ نێچیریا ماسیان دكه‌ن
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سه‌ره‌كى Twitter
ئێكه‌م كارێ حوكمه‌تێ دێ بله‌ز دابینكرنا مووچێ فه‌رمانبه‌ران بیت
ئه‌ڤرۆ نیوز:
كومبوونا هه‌ڤپشكا حكومه‌تا هه‌رێما كوردستانێ و نوونه‌رێن كورد ل به‌غدا ب دووماهى هات و د كومبوونێ دا حوكمه‌تا هه‌رێمێ پابه‌ندبوونا خوه ب رێكه‌فتنا ل گه‌ل به‌غدا دووپات كر و ئه‌و چه‌نده‌ژى روونكرینه كو هنده‌ك ئاریشێن ته‌كنیكى و لێكتێنه‌گه‌هشتنێ بۆ رێككه‌فتنێ دروست بووینه كو ل گه‌ل حكومه‌تا عیراقێ دێ كار ل سه‌ر كه‌ن بۆ چاره‌كرن و ژ ئالیه‌كێ دى ڤه هنده‌ك لایه‌نێن سیاسى ل عیراقێ ناخوازن د ناڤبه‌را هه‌رێما كوردستانێ و حكومه‌تا فیدرال باش ببیت.
د كومبوونێ دا، نێچیرڤان بارزانى راگه‌هاند: ژ پێخه‌مه‌ت وێ یه‌كێ بگه‌هنه چاره‌یه‌كا هه‌ڤپشك و ژ كێشێن ته‌كنیكى ده‌رباز ببن و ب مه‌ره‌ما ڤه‌ره‌ڤاندنا لێكتێنه‌گه‌هشتنێ، ئه‌و د به‌رهه‌ڤن سه‌ره‌دانا به‌غدا بكه‌نه‌ڤه و د ڤى بیاڤى دا، چه‌ند وه‌زیرێن كورد د حوكمه‌تا عیراقا فیدرال دا راسپارد هه‌تا كو ب ئاشكرا ل گه‌ل سه‌رۆك وه‌زیرێن عیراقێ ده‌ست ب دانوستاندنان بكه‌نه‌ڤه.
د كومبوونێ دا زێده‌تر ژ پلانه‌كێ بۆ چاوانیا دابینكرنا مووچێ پێشمه‌رگه و فه‌رمانبه‌ران هاته به‌حسكرن و بریاردان كارێ هه‌ره سه‌ره‌كى یێ حكومه‌تێ بله‌ز دابینكرنا مووچێ فه‌رمانبه‌ران بیت.
قایمقام و رێڤه‌به‌رێن ناحیا ب قانوون دێ هێنه دانان
په‌رله‌مانێ كوردستانێ دانوستاندنێ دێ لسه‌ر پرۆژێ هه‌لبژارتنێن قایمقام و رێڤه‌به‌رێن ناحیا یێن هه‌رێما كوردستانێ كه‌ت.
د به‌یاننامه‌یه‌كێ دا په‌رله‌مانێ كوردستانێ به‌لاڤكریه كو ئه‌ڤرۆ لیژنه‌یا یاسایی و ناڤخو و ئاسایش و جڤاتێن خوجهی ل گه‌ل پارێزگار و سه‌رۆكێن جڤاتێن پاریزگه‌هێن هه‌ولێر و دهۆك و سلیمانیێ و نونه‌رێ وه‌زاره‌تا نافخو كومبوون .
د وێ كومبونێ دا پرۆژێ بریارا هه‌لبژارتنا قایمقام و ریڤه‌به‌رێن ناحیێن هه‌رێما كوردستانێ و راستڤه‌كرنا یاسایا پارێزگه‌هان و جڤاتێن پارێزگه‌هان به‌حس كرن.
لیژنه‌یێن په‌رله‌مان و پارێزگه‌هان دانوستاندن ده‌ربارێ چه‌وانیا راستڤه‌كرنا یاسایا پارێزگه‌هان و جڤاتا پارێزگه‌هان كرن و بریاره راپۆرته‌كێ به‌رهه‌ڤ بكه‌ن و ئاراسته‌ی سه‌رۆكاتیا په‌رله‌مانی بهێته‌كرن .
پرۆژێ بریارا هه‌لبژارتنێن قائیمقام و رێڤه‌به‌رێن ناحیێن هه‌رێما كوردستانێ ل رۆژا 5/2/2015 ل رۆنشتنا نائاسایی یا په‌رله‌مانێ كوردستانێ ل پارێزگه‌ها هه‌له‌بچه خاندنا ئێكێ بو هاتبو كرن.
ب تنێ به‌غدا دێ 250 ملیار دیناران هنێریت
ئه‌ڤرۆ نيوز، نيوار محه‌مه‌د سه‌ليم:
بريكارێ وه‌زاره‌تا دارايى ل حوكمه‌تا عيراقێ بۆ ئه‌ڤرۆ نيوز راگه‌هاند كو ل سه‌ر داخوازا وه‌زيرێ دارايى يێ حوكمه‌تا عيراقێ هشيار زێبارى، پشكه‌كا بودجێ عيراقێ بۆ دانا مووچێ فه‌رمانبه‌ران يێ هه‌يڤا ئێك دێ ره‌وانه كه‌ت.
فازل نه‌بى، بريكارێ وه‌زاره‌تا دارايى ل حوكمه‌تا عيراقێ گۆت: “ل سه‌ر داخوازا وه‌زيرێ دارايى يێ حوكمه‌تا عيراقێ هشيار زێبارى، به‌غدا 250 مليار دينار بۆ پێدانا مووچێ هه‌يڤا ئێك يێ فه‌رمانبه‌رێن هه‌رێمێ دێ ره‌وانه كه‌ت و ب تنێ ئه‌و مايه وه‌زاره‌تا دارايى و ئابوورى ل هه‌رێمێ هه‌ماهه‌نگيێ ل گه‌ل به‌نكا ناڤه‌ندى بكه‌ت بۆ وه‌رگرتنا وى پاره‌يى”.
زێده‌رت گۆت: “ئه‌ڤرۆ رۆژا ئێكشه‌مبى فه‌رمانا وه‌زيرێ دارايێ عيراقێ هشيار زێبارى ره‌وانه‌يى به‌نكا ناڤه‌ندى كريه دا كو 250 مليار دينارا وه‌كو پشكه‌ك ژ مووچێ فه‌رمانبه‌رێن هه‌رێمێ بۆ هه‌يڤا ئێك ره‌وانه بكه‌ت”.
دا زانين ژى كو ئه‌ڤه به‌هرا مووچێ هه‌يڤا ئێك يێ فه‌رمانبه‌رێن هه‌رێما كوردستانێ ناكه‌ت، به‌لێ فه‌رمانا وه‌زيرى بۆ وێ چه‌ندێ يه جاره‌كا دى هه‌رێم و به‌غدا دانوستاندنان بكه‌ن.
فازل نه‌بى د درێژاهيا گۆتنێن خوه دا ئاماژه ب وێ چه‌ندێ ژى كر كو ب تنێ نوكه مايه وه‌زاره‌تا دارايى و ئابوورى ل هه‌رێما كوردستانێ هه‌ماهه‌نگيێ ل گه‌ل به‌نكا ناڤه‌ندى يا به‌غدا بكه‌ت بۆ وه‌رگرتنا وى كۆژمێ پاره‌يى.
د سه‌ره‌دانا خوه يا دووماهيێ دا بۆ به‌غدا، نێچيرڤان بارزانى سه‌رۆكێ حوكمه‌تا هه‌رێما كوردستانێ د سه‌ره‌دانا خوه دا بۆ به‌غدا راگه‌هاندبوو كو به‌غدا يا موفلسه و دێ چاڤه‌رێ بكه‌ين هه‌تا به‌غدا پاره دهێته ده‌ست و بۆ ده‌بڕينا هه‌لويسته‌كى ژى ئه‌ڤرۆ ل گه‌ل نوونه‌رێن كوردان ل جڤاتا نوونه‌ران و وه‌زيرێن كورد ل به‌غدا كۆمبوويه.
ڤيديۆ: تێشكێن پلنگى ياريا ل سه‌ر به‌فرێ دكه‌ن
ئيبراهيم ته‌تليس دێ خوه بۆ هه‌لبژارتنێن توركيا كانديد كه‌ت
ئه‌ڤرۆ نيوز:
سترانبێژێ ناڤدارێ توركيا، ئيبراهيم ته‌تليس ناڤێ خوه وه‌كو پالێوراو بۆ هه‌لبژارتنان تۆماركر.
سه‌رۆكێ مه‌لبه‌ندێ ئورفا يێ پارتا دادوگه‌شه‌پێدانێ “ئاكپارتى” زه‌ينه‌ل عابدين به‌يازگۆل راگه‌هاند كو ته‌تليس ل سه‌ر ليستا ئاكپارتى ل ئورفا ناڤێ خوه وه‌كو كانديد تۆماركريه، به‌رى نوكه ژى تۆڕێن جڤاكى ناڤێ ته‌تليس ئاشكه‌را كربوو كو ناڤێ خوه بۆ هه‌لبژارتنێن گشتى يێن وه‌لاتێ تۆركيا تۆماركريه.
د هه‌لبژارتنێن بۆرى يێن په‌رله‌مانێ توركيا دا، ئيراهيم ته‌تليس يێ ب ژڤان خوه ب هه‌لبژێريت، به‌لێ ژ به‌ر كو ته‌قه لێ هاته كرن، ماوه‌كێ زۆر ل چاره‌سه‌ريێ بوو، نه‌شيا پشكداريێ د هه‌لبژارتنان دا بكه‌ت.
ره‌وشا دراڤى ل بازارێن دهۆكێ
زێر هێشتا هاته خوار
هه‌بوونا چ هێزێن دی ل كه‌ركووك ناهێته قه‌بوولكرن
شاخه‌وان عه‌بدولا بریار ده‌رێ لیژنه‌یا به‌ره‌ڤانیێ ل جڤاتا نونه‌رێن عیراقێ بو ئه‌ڤرۆ نیوز دیاركرده‌ڤه‌رێن ئاریشه ل سه‌ر ب گشتگیری ل سه‌ر هاتیه و ئه‌م وه‌ك لیژنه و بریارده‌رێ لیژنه‌یێ ناهێته قه‌بولكرن ل ده‌ڤه‌رێن ئاریشه ل سه‌ر ب تایبه‌تی كه‌ركوك و هنده ده‌ڤه‌رێن قه‌زا و ناحیا ل موسل و دیالا و ته‌كریت كو هنده‌ك ژ قه‌زا و ناحیین وان دكه‌ڤنه بن ماده‌یا دستوری 140 و كورد ب ده‌ڤه‌رێن كوردستانی دزانیت و نابیت چ هێزێن دی لێ بهێنه دانان .
بریارده‌رێ لیژنه‌یێ ئه‌و چه‌نده ژی دیاركر هه‌بونا چ هێزێن دی ل كه‌ركوكێ ناهێته قه‌بولكرن و رێ ب چ هێزێن دی ژی ناهێته دان بچنه ئه‌وان ده‌ڤه‌ران و كه‌ركوك ب چ ئاوایان چ هێزان قه‌بول ناكه‌ت ژبلی پێشمه‌رگه‌ی و ل ده‌مێ یاسای بودجه‌یێ و پرسا حشدا شه‌عبی لكوری ماده‌یه‌ك دیاربكر به‌س حه‌ویجه و ره‌شاد ل كه‌ركوكێ باقیا دی نابیت چ هێزێن دی لێ هه‌بن و نابیت چ هێز ل وێرێ بهێنه پێك ئینان و كو حه‌ویجه و ریاز كو تیرۆر ل سه‌ر ئه‌و ئاریشه نینه به‌س بو ناڤ كه‌ركوكێ ب چ ئاوایه‌كی ناهێته قه‌بولكرن و دڤێن ده‌سه‌لاتا هیزێن زێره‌ڤانیێ ژی دیاربكه‌ین و ل كوڤه ده‌سه‌لاتا وێ یه و پارێزگه‌ها كه‌ركوكێ د وێ یاسایێ دا نابیت .
ناڤبري دياركر ده‌ربارێ حه‌ویجه‌و ریاز و ره‌شاد خه‌لكێ ئه‌وێ ده‌ڤه‌ری ل گه‌ل داعشێ نه گرۆڤا وێ ئه‌و هه‌ر چ كوشتیێ وێ ده‌ڤه‌ری خوجهێ وان قه‌زایه له‌ورا مه نه‌دڤێت هیزا مه بچیته جهه‌كی و چ به‌رژه‌وه‌ندا مه تێدا نه‌بیت و بلا ئه‌و هێز بو ئه‌وان بهیته دانان و نابیت بهێنه ناڤ كه‌ركوكێ و هه‌ر جهه‌كێ ئاخا كوردستانێ بیت و بخوین هاتبیته گرتن رێ ناهێته دان چ هێزێن دی ڤه‌گه‌رنه وێ ری و هه‌تا نها چ هێز ژی نینن بشین ئه‌وی ئه‌ركی ژی بكه‌ن به‌س ری ناده‌ین جهێ بخوینێ هاتیه‌گرتن ده‌ستا ژی به‌رناده‌ین .
شاخه‌وانی گوت ئێك سه‌ركردایه‌تی و ئێك هه‌لویستی ل هه‌ریما كوردستانێ هه‌یه و ب هیزا پێشمره‌گه‌ی به‌ره‌ڤانیێ و پاراستنا خاكا كوردستانێ كه‌ین و بوینه قه‌واره‌یه‌كا سیاسی و یاسای و هه‌مو ده‌وله‌تێن جیهانێ ژی نها سه‌ره‌ده‌ریێ و پشته‌ڤانیی ل وی هه‌لویستێ مه دكه‌ت بو شه‌ری تیرۆرێ .
بزاڤا ده‌رئێخستنا په‌كه‌كێ ژ لیستا تیرۆرێ دهێته‌كرن
بریاره رۆژا 26 شوباتێ رۆنشتنه‌كا تایبه‌ت یا په‌رله‌مانێ ئه‌لمانیا ل سه‌ر قه‌ده‌غه‌كرنا پارتا كرێكارێن كوردستانێ دانوستاندنێ ل سه‌ر بكه‌ت كو ل سالا 1993 وه‌ره ئه‌لمانیا قه‌ده‌غه ل سه‌ر ناڤێ په‌كه‌كێ دانابو كو ئه‌ڤه بو ماوه‌یێ 22 سالانه به‌رده‌وامه ل رۆژا 26 شوباتێ ل په‌رله‌مانێ فیدرالی ئه‌لمانیا گفتوگویێ ل سه‌ر راكرنا قه‌ده‌غه‌كرنی بكه‌ن ژلایێ گرۆپێ پارتا چه‌پا ئه‌لمانیا بو په‌رله‌مانی هاتیه پێشكێشكرن .
نونه‌رێن پارتێن ده‌سه‌لاتدار و ئوپوزسوین رادگه‌هینن كو دربارێ قه‌ده‌غه‌كرنا سه‌ر په‌كه‌كێ و چه‌وانیا راكرنا سزای شرۆڤه بكه‌ن و شانده‌كێ 3 كه‌سین ناڤه‌ندا جڤاكێ كورد ل ئه‌لمانیا هاتیه ناساندن ب (ناڤ ده‌م) دوڤچونا ئه‌ڤی بابه‌تی ل گه‌ل هێته‌كرن .
بریاره ژ لایێ رێكخراوێن كوردان و دوستێن كوردان چالاكی بهێنه ئه‌نجامدان بو راكرنا ئه‌وێ قه‌ده‌غه‌كرنا ل سه‌ر په‌كه‌كێ دێ به‌رده‌وام بن هه‌تا 26 هه‌یڤێ بو ئیكلایكرنا بریارا قه‌ده‌غه‌كرنێ.
نيشاندان
WP Facebook Auto Publish Powered By : XYZScripts.com