ئه‌ڤرۆ نيوز:
سه‌رۆكێ هه‌رێما كوردستانێ مه‌سعود بارزانى به‌رى ده‌مه‌كێ كێم گه‌هشته كه‌ركووك و ل مالا پارێزگه‌رێ كه‌ركووك نه‌جمه‌دين كه‌ريم يێ د كۆمبوونێ دا ل دۆر ره‌وشا كه‌ركووك.
چوونا سه‌رۆكێ هه‌رێما كوردستانێ د ده‌مه‌كى دايه كو پێشتر هێزێن حه‌شه‌د شه‌عبى و عه‌سائيب هه‌لولهه‌ق گه‌فێن چوونا ناڤ كه‌ركووك دكرن.
دهێته پێشبينيكرن كو سه‌رۆكێ هه‌رێما كوردستانێ ل گه‌ل خێزانێن وان ئێخسيرێن د شه‌رێ رۆژئاڤايێ كه‌ركووك يێ 2005.1.30 كه‌فتينه ده‌ست داعش دا ژى كۆم ببيت.
سه‌ره‌دانا سه‌رۆكێ هه‌رێما كوردستانێ مه‌سعود بارزانى دبيته سه‌ره‌دانا دويێ بۆ پارێزگه‌ها كه‌ركووك ژ ده‌سپێكرنا شه‌رێ داعش و هه‌تا نوكه.
ئه‌ڤرۆ نيوز:
سه‌رۆك عه‌شيره‌ته‌كێ عه‌ره‌ب كو ناڤگريێ د ناڤبه‌را چه‌كدارێن داعش و پێشمه‌رگه‌يى دا بۆ ئازادكرنا ئێخسيرێن پێشمه‌رگه‌يى دكه‌ت، ئاماژه ب وێ چه‌ندێ كريه كو داعش رازيبوويه ئێخسيرێن پێشمه‌رگه‌يى ئازاد بكه‌ت به‌رامبه‌ر ئازادكرنا ئێخسيرێن خوه يێ دده‌ستێ پێشمه‌رگه‌يى دا.
شێخ يه‌عقوب لهێبى، سه‌رۆك عه‌شيره‌تێ لهێب كو پێشنيازا داعش گه‌هانديه هێزێن پێشمه‌رگه‌يى بۆ هاولاتى گۆت: “داعش گۆتيه من 18 پێشمه‌رگه ل لايێ مه‌نه، هه‌كه پێشمه‌رگه‌يى ژى 18 ئێخسيرێن مه ل ده‌ف هه‌بن، ئازاد بكه‌ن، ل وى ده‌مى ئه‌م ژى دێ ئێخسيرێن پێشمه‌رگه‌يى ئازاد كه‌ين”.
گۆتژى: “داعش داخوازا وان چه‌كداران كريه يێن ل بيستانێ خه‌بازه يێ په‌ترۆلێ و گۆندێ ئيسحاق كريه كو پێشمه‌رگه ئازاد بكه‌ت”.
سه‌رۆك عه‌شيره‌تێ لهێب ئاماژه ب وێ چه‌ندێ ژى كر كو داعش رازيبوويه ته‌رمێن پێشمه‌رگه‌يى ژى ب ده‌ته ده‌ست ب مه‌رجه‌كى پێشمه‌رگه ژى ته‌رمێن وان ب ده‌ته ده‌ستێ وان.
ده‌رباره‌يى مه‌رجێن دژى وه‌كو پێدانا كاره‌بێ ب مووسل و حه‌وێجه و ڤه‌كرنا رێيا كه‌ركووك حه‌وێجه، شێخ يه‌عقوب لهێبى گۆت: “هه‌تا نوكه داعش چو تشتێن وه‌سا نه‌گۆتينه”.
ل شه‌رێ 2015.1.30 هژماره‌كا پێشمه‌رگه‌يى ب ئێخسيرى كه‌فتنه ده‌ستێ چه‌كدارێن داعش، پاشان ژى گرته‌كا ڤيديۆيى به‌لاڤكر كو پێشمه‌رگه ب ئێخسيرى د ناڤ قه‌فه‌سان دانه و د ناڤ بازارێن حه‌وێجه دا دگێرينن.
دوهى رۆژا دوشه‌مبى نێچيرڤان بارزانى سه‌رۆكێ حوكمه‌تا هه‌رێما كوردستانێ راگه‌هاند كو ئه‌و يێ بزاڤێن رژد دكه‌ن بۆ ئازادكرنا پێشمه‌رگه‌يێن ئێخسير د ده‌ستێ داعش دا.
ئه‌ڤرۆ نيوز:
بڕياره ئه‌ڤرۆ رۆژا سێشه‌مبى رێكه‌قتى 2015.2.17 مه‌سعود بارزانى سه‌رۆكێ هه‌رێما كوردستانێ سه‌ره‌دانا كه‌ركووك بكه‌ت.
ژێده‌ره‌كێ بلندێ ئه‌منى ب كه‌ركووك ناو راگه‌هاند كو سه‌رۆكێ هه‌رێما كوردستانێ برياره ئه‌ڤرۆ ل گه‌ل شانده‌كێ بلندێ پێشمه‌رگه‌يى سه‌ره‌دانا كه‌ركووك بكه‌ت و بچيته ميحوه‌رێن هێزێن پێشمه‌رگه‌يى ژى.
ئه‌ڤى ژێده‌رى بۆ مالپه‌رێ ناڤبرى ئاماژه ب به‌رنامێ سه‌ره‌دنا سه‌رۆكێ هه‌رێمێ بۆ كه‌ركووك نه‌كريه، به‌لێ وه‌كو ده‌نگوباس ئاماژێ پێ دكه‌ن سه‌رۆكێ هه‌رێمێ دێ ل گه‌ل خێزانێن ئێخسيرێن پێشمه‌رگه‌يى يێن ناڤ ده‌ستێ داعش دا روونيت.
د هه‌مان ده‌م دا، چوونا سه‌رۆكێ هه‌رێما كوردستانێ د ده‌مه‌كى دايه كو پێشتر هێزێن حه‌شه‌د شه‌عبى دوهى رۆژا 2015.2.16 راگه‌هاند بوو كو ئه‌و دێ د دو رۆژێن بهێت دا ل كه‌ركووك بن، به‌لێ هه‌تا نوكه سه‌رۆكێ هه‌رێما كوردستانێ ره‌تدكه‌ت كو ئه‌و هێز ل كه‌ركووك بنه‌جهـ ببن.
سه‌ره‌دانا سه‌رۆكێ هه‌رێما كوردستانێ مه‌سعود بارزانى دبيته سه‌ره‌دانا دويێ بۆ پارێزگه‌ها كه‌ركووك ژ ده‌سپێكرنا شه‌رێ داعش و هه‌تا نوكه.
ئه‌ڤرۆ نيوز، ڤه‌ده‌ر سوبحى:
ده‌ستهه‌لاتا ئه‌زهه‌ر كو مه‌زنترین ده‌ستهه‌لاتا ئیسلامییه ل وه‌لاتێ مسرێ ته‌ماشه‌كرنا ڤیدیویێن سێداره‌دانێ و كوشتنێ یا تیرۆرستین داعش ب تشته‌كێ حه‌رام ل قه‌له‌م دده‌ت.
د به‌یاننامه‌كێ دا ئه‌زهه‌ر داخاز ژ هه‌می موسلمانان دكه‌ت ته‌ماشای ڤان جوره ڤیدیویان نه‌كه‌ن، ته‌ماشه‌كرنا و به‌لاڤكلانا وێنه و ڤیدیویێن تاوانێن داعش ل سه‌ر هه‌می موسلمانان قه‌ده‌غه‌دكه‌ت.
ژ بوو وێ یه‌كێ ئارمانجێن خراب یێن رێكخستیا تیرۆریا داعش بجهـ نه‌هێن كو ل دووڤ گوتنا ئه‌زهه‌ر ئارمانجا وان یا سه‌ره‌كی كرێتكرنا وینێ ئیسلامێ یه.
ئه‌ڤ بریارا ئه‌زهه‌ر پشتی ڤیدیویا سه‌ربرینا 21 كه‌سێن كریستیانێن مسرێ دهێت ژ ئالیێ داعش ڤه ل وه‌لاتی لیبیا.
ئه‌ڤرۆ نيوز:
كۆمبوونا د ناڤبه‌را سه‌رۆكێ هه‌رێما كوردستانێ و شاندێ دانوستاندكارێ هه‌رێمێ يێ چوويه به‌غدا ب سه‌رۆكاتيا نێچيرڤان بارزانى ل پيرمام ده‌سپێكر.
ئه‌ڤرۆ رۆژا سێشه‌مبى 2015.2.17، مه‌سعود بارزانى سه‌رۆكێ هه‌رێما كوردستانێ پێشوازى ل شاندێ دانوستاندكارێ هه‌رێمێ يێ چوويه به‌غدا ب سه‌رۆكاتيا نێچيرڤان بارزانى ل پيرمام ده‌سپێكر.
شاندێ هه‌رێما كوردستانێ كو بۆ مه‌ره‌ما كێشا د ناڤبه‌را هه‌رێما كوردستانێ و به‌غدا دا و ب تايبه‌ت ژى بۆ وێ رێكه‌فتنا د ناڤبه‌را هه‌ردو لايان دا يا گرێدايى په‌ترۆلێ و بودجا هه‌رێما كوردستانێ سه‌ره‌دانا به‌غدا كربوو، به‌لێ يێ بێ مفا بوو ب گۆره‌يى داخۆيانيا سه‌رۆكێ حوكمه‌تا هه‌رێما كوردستانێ نێچيرڤان بارزانى ده‌ما بۆ ده‌زگه‌هێن راگه‌هاندنێ گۆتى: “عيراق يا پابه‌نده ب رێكه‌فتنێ، به‌لێ پاره نينن ب هنێريت”.
ئه‌ڤه ژ ده‌مژمێر 11:00 وه‌ره كۆمبوون يا به‌رده‌وامه و بڕياره شاندێ دانوستاندكار بۆچوونا سه‌رۆكێ هه‌رێمێ د ڤى وارى دا وه‌رگرن و سوبه‌هى ژى كۆمبوونا جڤاتا وه‌زيران بۆ ڤێ مه‌ره‌مێ بهێته گێران كا چ باشه بهێته كرن.
كۆمبوون هێشتا يا به‌رده‌وامه و بڕياره سه‌رۆكێ هه‌رێما كوردستانێ ژى هه‌لويستێ خوه بۆ شاندنێ هه‌رێما كوردستانێ يێ پێكهاتى ژ نێچيرڤان بارزانى، سه‌رۆكێ حوكمه‌تا هه‌رێما كوردستانێ و قوباد ته‌له‌بانى جێگرێ سه‌رۆكێ وه‌زيران و ئاشتى هه‌ورامى وه‌زيرێ سامانێن سرۆشتى و رێباز محه‌مه‌د حه‌ملان وه‌زيرێ دارايى و عه‌لى سندى وه‌زيرێ پلاندانانێ بده‌ته دياركرن.
ئه‌ڤرۆ نيوز:
ئه‌ندامه‌كێ به‌ره‌يێ نشتيمانى يێ بلندێن كوردێن فه‌يلى دبێژيت: “فرقه‌كا مه‌شقدايى يا كوردێن فه‌يلى كو هژمارا وان پێنج هزار كه‌سن، بۆ پشكداريكرن د حه‌شه‌د شه‌عبى يا شيعان دا، هاتيه ئاماده‌كرن.
له‌تيف محه‌مه‌د ئه‌ندامه‌كێ به‌ره‌يێ نشتيمانى يێ بلندێ كوردێن فه‌يلى، ب مالپه‌رێ عه‌ره‌بى 21 راگه‌هاند: ئه‌و هێزه ژ پێنج هزار كه‌سێن كوردێن فه‌يلى پێكهاتيه، دێ چيته ناڤ حه‌شه‌د شه‌عبى يێ شيعان و ب ڤان نێزيكان دێ ب سه‌ر ده‌ڤه‌رێ دا هێنه به‌لاڤكرن.
نه‌وزاد سه‌باح، شرۆڤه‌كارێ سياسى ژى ب هه‌مان ژێده‌ر راگه‌هاند كو گه‌له‌ك ژ كوردێن فه‌يلى، د ناڤ حه‌شه‌د شه‌عبى دا پۆستێن بلند يێن هه‌ين ب تايبه‌ت ل ده‌ڤه‌رێن نێزيك كه‌ركووك و ديالا و سه‌لاحه‌دين.
ئه‌ڤرۆ نيوز:
ب گۆره‌يى نڤيساره‌كا جڤاتا وه‌زيرێن عيراقێ كو د دووماهى كۆمبوون دا ده‌ركريه، بڕيار دايه كو هه‌موو هه‌يڤان 10 رۆژان پێدانا مووچێن فه‌رمانبه‌رێن عيراقێ بهێته گيرۆ كرن.
د وێ به‌لگێ دا كو وێنه‌ك به‌لاڤ بوويه ل رۆژا 11 شياتێ ده‌رچوويه، جڤاتا وه‌زيران ل عيراقێ بڕيار دايه مووچه‌يێ هه‌موو كارمه‌ند و فه‌رمانبه‌رێن عيراقێ 10 رۆژان گيرۆ بكه‌ت.
ڤێ به‌لگێ ئيمزا د. حامد خه‌له‌ف ئه‌حمه‌د ئه‌ميندارێ گشتيێ جڤاتا وه‌زيرێن عيراقێ ب وه‌كاله‌ت ل سه‌ره ئه‌ڤ بڕياره ب هژماره 65 يا سالا 2015 ده‌ركريه.
ئه‌ڤ ده‌نگوباسه د ده‌مه‌كى دايه كو سه‌رۆك وه‌زيرێن عيراقێ و چه‌ندين په‌رله‌مانتارن ژى ئه‌ڤ ده‌نگۆيه ره‌تكريه.
نيشاندان