ئه‌ڤرۆ نیوز:
ئه‌نگیلا مێركل، شیره‌تكارا ئه‌لمانیا ئه‌ڤرۆ رۆژا ئه‌ینى خوه‌شحالیا خوه ب دیدارا ل گه‌ل حه‌یده‌ر عه‌بادى سه‌رۆك وه‌زیرێن عیراقێ ده‌ربرى، هه‌روه‌سا راگه‌هاند كو سبه‌هى رۆژا شه‌مبى دێ پێشوازیا مه‌سعود بارزانى سه‌رۆكێ هه‌رێما كوردستانێ كه‌ت.
سه‌رۆك بارزانى ب شێوه‌كێ فه‌رمى و وه‌كو سه‌رۆكێ ده‌وله‌ته‌كێ پشكدارى د كۆنگرێ میونخ دا كریه.
ئه‌ڤرۆ نیوز، ڤه‌ده‌ر سوبحى
ژێده‌ره‌كێ بۆ رویته‌رز راگه‌هاند باراك ئۆباما سه‌رۆكێ ئه‌مریكا دێ داخازا ده‌ستهه‌لاته‌كا نوو ژ كۆنگرێسێ وه‌لاتێ خوه كه‌ت ئه‌و ژی بكارئینانا هێزا سه‌ربازیا ئه‌مریكی بۆ دژی داعش .
لدووڤ گۆتنا نوونه‌ره‌كێ جڤاتا نوونه‌رێن ئه‌مریكا ژ پارتا دیموكراتی، كۆنگرێس دێ ل حه‌فتیا داهاتی ڤێ داخازا ئۆباما وه‌رگریت.
جۆن بۆنه‌ر سه‌رۆكێ جڤاتا نوونه‌رێن ئه‌مریكا ژی راگه‌هاندبوو كو ئه‌و پێشبینی دكه‌ت ئۆباما رازیبوونا كۆنگرێسی وه‌رگریت بمه‌به‌ستا بده‌ستخستنا ده‌ستهه‌لاتا بكارئینانا هێزا سه‌ربازییا ئه‌مریكی دژی داعش.
ئه‌ڤرۆ نیوز، نه‌وزاد هلورى
مه‌زنترین دار ژ قورم و بلنداهى و ته‌مه‌نێ خوڤه دكه‌ڤیته ئێك ژ گوندێن سه‌ر ب ناحیا دینارته.
سه‌دیق عه‌بدوللا كه‌ساتیه‌كێ گوندێ هلورایه دیاركر كو ئه‌ڤ داره دارا چنارێ یه و بو ئه‌ڤرۆ نیوز گۆت : ( ئه‌ڤ داره دكه‌ڤیته گوندێ هلورا یا سه‌ر ب ناحیا دینارته و دورماندورێن قورمێ ئه‌ڤێ دارێ 14،5م و بلنداهیا وێ نێزیكێ 30م و دزڤریته‌ڤه بوو 300 سالان به‌رى نوكه )
زێده‌تر گۆت : ( ل بن قورمێ ئه‌ڤێ دارێ ئاڤه‌كا بوش و خوش و زه‌لال هه‌یه و ل سالێن بورى چه‌ند دكتوره‌كێن نه‌خوشخانا ئازادیا دهوكێ تاقیكرن بوو كریه و دیاربوویه كو ئه‌ڤ ئاڤه ژ ئاڤا دلوپاندى واته مقه‌ته‌ر پاقژتره و ده‌رمانه بو گه‌له‌ك نه‌ساخیێن وه‌كو ره‌بوو ، به‌رگ ، گولچیسك ، ره‌مل و پاقژكرنا گه‌ده‌یى و چه‌ند نه‌ساخیه‌كێن دن، و ئه‌ڤ ئاڤه ل وه‌رزێ زڤستانێ یا گه‌رمه و مرۆڤ دكاریت سه‌رێ خوه پێ بشووت بێى گه‌رمكرن و ل وه‌رزێ هاڤینێ ژى مروڤ نكاریت زور ب زو ڤه بخوت ژ به‌ركو گه‌له‌كا ساره )
سه‌دیق هلورى د درێژاهیا ئاخفتنێن خودا گۆت : ( سالانه زێده‌ترى 2 هزار كه‌سان سه‌ره‌دانێ بۆ دكه‌ن ب مه‌ره‌ما بده‌ستڤه ئینانا ئاڤێ و ئه‌ڤ كه‌سانه‌ژى ل هه‌موو كوردستان و هه‌تا خوه ل ده‌رڤه‌ژى دهێن )
هه‌تا نها رێیا ترومبێلێ ناچیته سه‌ر ڤێ ئاڤێ و دڤى بیاڤى دا ناڤهاتى گۆت : ( مه چه‌ندین جاران داخوازى ل جهێن په‌یوه‌ندیداركریه كو جاددێ ببه‌نه سه‌رئه‌ڤێ كانیا ئاڤێ به‌لێ هه‌تا نها چوو دیارنینه و ئه‌گه‌ر رێیا ترومبێلێ بو بهێته‌برن و سه‌خبێریا وێ بهێته‌كرن دێ بیته ئێك ژ خوشترین هاڤینگه‌هێن كوردستانێ)
ئه‌ڤرۆ نیۆز، بارزان سلێمان مزوورى
به‌رپرسێ لقا 14 یێ مووسل ، عصمت ره‌جه‌ب، بۆ ئه‌ڤرۆ نیۆز دیار كر كۆ چه‌كدارێن تیرورستێن داعش رێنمایێن نوو بو وان كه‌سێن گه‌شتێ بو ده‌رڤه‌ى پارێزگه‌ها مووسل دكه‌ن ده‌رئێخستنى نه كۆ هه‌ركه‌سێ گه‌شتێ بكه‌ت پێدڤیه سه‌ره‌دانا دادگه‌ها رێكخستنا داعش بكه‌ت و وه‌خته‌كێ دیار بو خو دانیت وه‌ختێ دزڤریت، دگه‌ل به‌لگه‌نامێن خو كوپى كه‌ت بو دادگه‌هێ و ئه‌گه‌رێ چونا خو دیار كه‌ت و هه‌ركه‌سه‌ك ب كوژمێ 750 هزارا بده‌ته دادگه‌هێ و ئه‌و كه‌سێ گه‌شتێ بكه‌ت بۆ به‌غدا ژى بكوژمێ 350 هزار دینارا بده‌ته دادگه‌هێ .
ئه‌ڤرۆ نیۆز، بارزان سلێمان مزوورى
به‌رپرسێ لقا 14 ل مووسل و به‌رپرسێ میحوه‌رێ باشیك ، عصمت ره‌جه‌ب، بۆ ئه‌ڤرۆ نیۆز دیار كر كۆ ئه‌ڤرۆ ده‌مژمێر 9 سپێدێ هێزێن پێشمه‌رگه ئوپه‌راسیونه‌كا به‌رفره‌ه ئه‌نجام دا ژ دوو لایانڤه هێرش كره باژێرێ وانكێ ، رێكا گوندێ دێر ئه‌متوسه گرتیه ئه‌و رێك به‌رى نوكه لبن كونترولا داعش بوو و نوكه كه‌فته ل بن كونترولا پێشمه‌رگێ پێشمه‌رگه‌ى و گۆت: پتریا هێرشا خو مه بو لایێ باكورێ وانكێ ده‌سپێكریه، داعش ل وێ رێكێ گه‌له‌ك TNT داناینه ، پێشمه‌رگه د پێشره‌ویێ دایه زیانێن مه‌زن ب داعش كه‌فتینه .
ل گور وان زانیاریێن ده‌ست ب ئه‌ڤرۆ نیۆز كه‌فتین ج زیان نه‌گه‌هشتینه پێشمه‌رگه‌ى .
ئه‌ڤرۆ نیوز، ره‌وان نهێلى
وه‌لاتیه‌كێ ئاكنجى ل پارێزگه‌ها دهۆكێ بۆ ئه‌ڤرۆ نیوز دیاردكه‌ت كو ل باژێرێ دیابه‌كر یێ توركى چه‌ند كه‌سێن نه‌نیاس هێرشێ دكه‌نه سه‌ر ترۆمبێلا وى و زیانێ دگه‌هیننه ترۆمبێلێ.
خابوور مه‌هدى وه‌لاتیه‌كێ خه‌لكێ پارێزگه‌ها دهۆكێ یه، ب ڤى شێوه‌ى روودانا ب سه‌رى هاتى دبێژیت: به‌رى 5 شه‌ڤه‌كا ئه‌ز ل ده‌ڤه‌را گازى كوچك بووم ل دیاربه‌كر، نێزیكى ده‌مژمێر 10 و نیڤى شه‌ڤێ بوو، چه‌ند كه‌سێن نه‌نیاس هێرش كرینه سه‌ر ترۆمبێلا من و هندى دده‌ستى وان هاتى دربا خوه دانایه، ترۆمبێل ڤه‌كریه و جامێن وێ شكاندى نه.
ل دۆر وێ یه‌كێ كانێ ئه‌گه‌رێن ڤێ چه‌ندێ چ بوون، خابوور دبێژیت: من ترۆمبێلا خوه ب ئالایێ كوردستانێ نه‌خشاندبوو، له‌وما ئه‌ز د وێ باوه‌رێ دامه كو هنده‌ك شوفینیێن تورك ئه‌ڤ كاره كریه.
خابوور دیاركر پشتى روودانى وى پۆلیسێن هاتن و چوونێ و ئاسایشا ده‌ڤه‌رێ برینه ده‌ف ترۆمبێلێ، دا بزانن چ ب سه‌رێ ترۆمبێلا وى ئیناینه، به‌لێ پۆلیسان گوت، ڤێ ده‌ڤه‌رێ كامیره لێ نینن، به‌لێ ئه‌و دێ دووڤچوونا بابه‌تى كه‌ن بۆ گرتنا گونه‌هباران.
ئه‌ڤرۆ نیوز:
هه‌ر چه‌نده داعش ژڤانێ سوتنا فرۆكه‌ڤانێ ئورنى مه‌عاز كه‌ساسبه دیارنه‌كریه، به‌لێ دیار دبیت وه‌ختێ داعش ده‌ست ب دانوستاندنان كرى ل گه‌ل حوكمه‌تا ئوردن بۆ ئازادكرنا وى، مه‌عاز د ژیانێ دا نه‌مابوو و هاتبوو سوتن، له‌وما ژ هه‌لما ده‌ڤى فروكه‌ڤانێ ئوردنى و چه‌كدارێن داعش ييێن د ڤيديويى دا دهێنه نيشادان ، دیار دبیت كو هه‌يڤا 12 يا سالا 2014 هاتيه سوتن.
ل گۆر ژێده‌رێن كه‌شناسيا جيهانى ل باژێرى رقه يى سوورى، ره‌وشا سه‌قاى د رۆژێن ده‌ستپێكى ييێن گرتنا مه‌عازى ل هه‌يڤا 12 يا سالا 2014 د ناڤجى بوون، ئانكو دونيا نه هند يا سار بوويه، و پلێن گه‌رماتيێ د ناڤبه‌را 10 – 13 پلان بوو، به‌لێ د ماوێ د ناڤبه‌را 1/1/2015 و هه‌تا 8/1/2015 پلێن گه‌رماتيێ د ناڤبه‌را 3 بۆ 7 پلێ دابوون، ئانكو دونيا گه‌له‌ك يا سار بوويه و بوو ئه‌گه‌ر كوهه‌لم ل ده‌ڤێ مروڤى ده‌ركه‌ڤيت، له‌وما د دڤى ماوه‌ى دا، فرۆكه‌ڤانى ئوردنى هاتيه سوتن، ژبه‌ر هه‌لم دده‌ڤى چه‌كدارێن داعش يێن ده‌وروبه‌رێن مه‌عازى چێبوويه و بوويه ئه‌گه‌ر كو ئه‌و پاتێ ل به‌ر ده‌ڤێ وان ته‌ر ببيت، وه‌كو ل ويێنێن ل خوارێ ديار دبن، ئه‌ڤه دده‌مه‌كێ دايه كو داعش سوتنا فرۆكه‌ڤانى ئوردنى ژ نوى به‌رى دو رۆژان راگه‌هانديه.
ته‌ماشه‌ى وێنا بكه‌ن
ئه‌ڤرۆ نیوز:
ئێرنا شایه‌ك پشتى ژ رونالدوى جودا بووى، چه‌ندین رێیا بكاردئینیت بۆ توره‌كرنا رۆنالدوى.
ئێرنا شایه‌ك خانما نمایشكارا رووسى، ب رێیێن جودا هه‌ست و ده‌روونێ رۆنالدوى یێ ئه‌ڤیندارێ وێ یێ كه‌ڤن دئێشینیت، به‌رى نوكه وێنێ خوه و كوره‌كێ ئیرانى به‌لاڤ كر و دیسا چه‌ندین وێنێن خوه یێن ل سه‌ر ده‌ریایێ ل تورا كومه‌لاتیا ئینستاگرام به‌لاڤكرن و حه‌زژێكه‌رێن رۆنالدو ل بن وێنێن وێ چه‌ندین كومێنتێن دژوار به‌لاڤكرینه و پترترین كومێنتا حه‌زژێكه‌رێن رؤنالدو ئه‌و بوویه كو ” تو بێى رۆنالدو چ نینى”.
نيشاندان