ئه‌ڤرۆ نیوز:
ده‌سته‌یا بلندا هه‌لبژارتنێن كانتونا جزیرێ د پرێس كونفرانسه‌كێ دا راگه‌هاند كو ئێكه‌م هه‌لبژارتنێن باژێرڤانیان ل 13 ئادارێ ل كانتونا جزیرێ دێ هێنه ئه‌نجامدان.
ئاژانسا هاوار نیوز به‌لاڤكریه كو ل نێزیكترین ده‌م دێ مه‌رجێن پشكداریكرنا حزب و لایه‌نێن سیاسى د هه‌لبژارتنێن باژێرڤانیان دا راگه‌هینن.
كانتونا جزیرێ ژ 14 باژێرڤانیان پێكدهێت و 122 ناڤه‌ندێن ده‌نگدانێ دێ بۆ هه‌لبژارتنێن باژێرڤانیان هێنه ڤه‌كرن.
ئه‌ڤرۆ نیوز:
وه‌زیرێ ناڤخو یێ فره‌نسا راگه‌هاند كو هێزێن پۆلیس و ئاسایشا ولاتى وى، ئه‌ڤرۆ شیان 8 كه‌سان بگرن ب تومه‌تا كاركرن د توره‌كا په‌یداكرنا كه‌سانێن شه‌ركه‌ر و هنارتنا وان بۆ سوریا بۆ ناڤ رێزێن داعش.
بێرنارد کازێنوڤ وه‌زیری ناڤخو یێ فره‌نسا گۆت”ئه‌و گومانلێكرى ل چه‌ند ده‌ڤه‌رێن پاریس و باژێرێ لیۆن هاتینه گرتن.
ئه‌ڤرۆ نیوز،زنار توڤى:
رێكخراوا تیرورستیا داعش ل ده‌ڤه‌رێن ژێر ده‌سهه‌لاتا وێ ل سنورێ كه‌ركوكێ هێزه‌كا زور كومكریه، دگه‌ل هندێ ژى ژماره‌كا زورا ماتورسكلا ئاماده كریه و لبه‌ره بڤێ رێكێ هێرشێ بكه‌نه سه‌ر پێشمه‌رگه‌ى ل كه‌ركوكێ.
عه‌مید كاوه غه‌ریب رێڤه‌به‌رێ بنگه‌هێ پولیسێن قه‌زا داقوق یا بسه‌ر كه‌ركوكێ ڤه بو سایتێ خه‌ندان دیاركریه: نوكه چه‌كدارێن داعش وه‌ك به‌رسڤه‌كێ بو وێ شكه‌ستنا مه‌زنا به‌رى چه‌ند روژان لسه‌ر ده‌ستێ هێزێن پێشمه‌رگه‌ى خوارى،هێزه‌كا زور كومكریه بو هێرش كرنا سه‌ر سه‌نگه‌رێن پیشمه‌رگه‌ى،د هه‌مان ده‌مدا چه‌كدارێن داعش كومه‌كا زورا ماتورسكلان ئاماده‌كرینه ل سنورێ كه‌ركوكێ و لبه‌ره وه‌ك ته‌كتیكه‌كا نوو به‌رامبه‌ر هێزێن پێشمه‌رگه‌ى بكار بینن،ژ پێخه‌مه‌ت بڤێ رێكێ بگه‌هنه ئارمانجێن خو.
عه‌مید كاوه‌ى ئه‌وژى دیاركریه:چه‌كدارێن داعش دڤێن هێرشێ بكه‌نه سه‌ر گوندێ ئه‌لبومحه‌مه‌د و عه‌ره‌ب كویى و هه‌مى ده‌ڤه‌رێن دیتر،دبه‌رامبه‌ر دا هێزێن پێشمه‌رگه‌ى هه‌مى هه‌ولێن سه‌ربازى ئێخستینه كار و هه‌مى جهێن ستراتیجى كونترول كرینه، بو وێ چه‌ندێ كو بشێن ب ساناهى هه‌مى هێرش و په‌لامارێن چه‌كدارێن داعشێ تێكبشكێنن.
ئه‌و چه‌ند ژى دیاركریه:كو چه‌كدارێن داعش ل ده‌ڤه‌رێن حه‌ویجه و موسل و ئه‌نبار و وه‌لاتێ سوریا هێزێن خو ئیناینه نێزیكى كه‌ركوكێ و ژبلى ڤێ چه‌ندێ ژماره‌كا هێزێن بیانى ژى ئیناینه ڤێ ده‌ڤه‌رێ.
رێڤه‌به‌رێ بنگه‌هێ پولیسێن داقوق ئاماژه ب وێ چه‌ندێ ژى دا:كو ئه‌وێ نوكه سه‌رپه‌رشتیا هێزێن داعشێ دكه‌ت بو هێرش كرنا سه‌ر ده‌ڤه‌رێن كه‌ركوكێ ناڤێ وى (عومه‌ر چیچانى)یه كو وه‌زیرێ جه‌نگییێ ده‌وله‌تا ئیسلامیه،هه‌روه‌سا دیاركریه،وه‌ك ته‌كتیكه‌كێ بو هێرش كرنا سه‌ر پێشمه‌رگه‌ى و سه‌ر لێ شێواندنا هێزێن پێشمه‌رگه‌ى و فروكێن جه‌نگى چه‌كدارێن داعش ئالایێ كوردستانێ و جلكێن كوردى بكار دئینن.
ئه‌ڤرۆ نیوز، مه‌سعود خه‌له‌ف
رۆژناما تایمز گوتاره‌كها نڤیسه‌ر (هیو توملینسون) به‌لاڤكریه و تێدا نڤیسه‌ری بال كشاندیه سه‌ر عه‌ره‌بستانا سعودی كو ئه‌و یێ هه‌ول دده‌ت كو هنه‌ك سیخوران بشیننه ناڤ داعش ژ بو كو د ئامه‌ده بن بۆ پاراستنا عه‌ره‌بستانا سعودی هه‌كه رێكخراوا داعش نیه‌تا هنارتنا چه‌كداران هه‌بیت بۆ ناڤ ئاخا وێ.
هه‌روه‌سا نڤیسه‌ری دایه خویاكرن كو عه‌ربستانا سعودی نێزیكی 30 هزار له‌شكه‌ر ل سنورێن خوه یێن ل گه‌ل عیراقێ داناینه و ب شێوه‌كی باش و ته‌كنولوژیایه‌كه نوو ئه‌و ئامه‌ده‌كرنه.
ئه‌ڤرۆ نيوز:
سه‌رۆك بارزانى د په‌يامه‌كێ دا سه‌ره‌خوه‌شيا خوه و گه‌لێ كوردستانێ ئاراسته‌ى گه‌لێ ئوردن و خانه‌وادا فرۆكه‌ڤانێ ئوردنی (مەعاز کەساسیبە) دكه‌ت و دبێژيت: خوينا شه‌هيد مه‌عاز و هه‌موو وان شه‌هيدێن قاره‌مان كو د رێيا به‌ره‌ڤانيكرن ژ بها و پێكڤه‌ژيان و ئاسايش و خه‌لك و شه‌رێ دژى دوژمنێن مروڤايه‌تيێ گيانێ خوه كريه فيدا، بهه‌ده‌ر ناچيت و تيرورست دێ باجا ڤان تاوان ده‌ت و سه‌رئه‌نجام دێ ژ ناڤ چن و شكێن.
ئه‌ڤرۆ نيوز:
حكومه‌تا هه‌رێما كوردستانێ د به‌ياننامه‌كێ دا كوشتنا فرۆكه‌ڤانێ ئوردنى (مەعاز کەساسیبە) شه‌رمزار دكه‌ت كو ب درندانه و ب شێوه‌كێ ترسناك ل سه‌ر ده‌ستێ تيرورستێن داعش هاته كوشتن كو وه‌كى ديار كوشتنا ديل و بارمتان دژى هه‌موو بنه‌مايێن ئاينى و مروڤى و قانوونێن نێڤده‌وله‌تى يه.
ب ناڤێ حكومه‌ت و گه‌لێ كوردستانێ هه‌ڤخه‌مي و سه‌ره‌خوشىيا خوه ئاراسته‌ى خێزانا فرۆكه‌ڤانى ئوردنى و جه‌نابێ شاه و حكومه‌ت و گه‌لێ ئوردن دكه‌ين، پێدڤيه تيرورست باجا ڤێ تاوانا دراندانه بده‌ن.
ئه‌ڤرۆ نیوز:
پشتى كو ئه‌ڤرۆ وێنێ سوتنا فرۆكه‌ڤانێ ئوردنى ژ ئالیێ داعش به‌لاڤبووى، باراك ئوباما سه‌رۆكێ ئه‌مریكا سه‌ره‌راى شه‌رمزاركرنا ڤێ كریارێ، فه‌رماندا ب تیمه‌كا سه‌ربازى یا وه‌لاتێ خوه كو هه‌موو رێیان ب كاربینن بۆ دیاركرنا جهێ ده‌سته‌سه‌ركریێن لایێ داعش، هه‌روه‌سا ئوباما سوز دا كو هێرشێن هه‌ڤپه‌یمانان زێده‌تر بكه‌ت بۆ ژناڤبرنا داعش.
ئه‌ڤرۆ نيوز:
مالپه‌رێ ئه‌لعه‌ره‌بیه ژ ژێده‌ره‌كێ ئێمناهیا ئوردن ڤه‌گوهاستیه كو بڕیاره سوبه ساجیده ریشاوى و چوار كه‌سێن دى بهێنه سێداره‌دان و بۆ زیندانا ئه‌لسوتقه هاتینه ڤه‌گوهاستن دا بهێنه سێداره‌دان وه‌ك كارڤه‌دانه‌ك دژى وێ یه‌كێ كو داعش فرۆكه‌ڤانێ ئوردنى ئاگر به‌ردایێ.
پشتى كو ئه‌ڤرۆ ئێڤارى رێكخراوا داعش ب رێیا به‌لاڤكرنا پارچه‌كا ڤیدیویێ و چه‌ند وێنان، سووتنا مه‌عاز كه‌ساسییه فرۆكه‌ڤانێ ئوردنى راگه‌هاندنى، ته‌له‌فزیونا ئوردن راگه‌هاند كو ئوردن بریاردایه ساجیده ریشاوى و زیاد ئه‌لكه‌ربوولى ل گه‌ل چار كه‌سێن دى سوبه ب تومه‌تا تیرورێ سێداره بده‌ت كو د زیندانێن وى وه‌لاتى دانه.
مه‌عاز كه‌ساسییه ل ئه‌سمانێ پارێزگه‌ها ئه‌لره‌قه ل سووریا فرۆكا وى كه‌تبوو خوارێ و كه‌ته ده‌ستێ داعش، و د ماوێ بوورى دا داعش داخوازا ژ حكومه‌تا ئوردن كربوو ساجیدا ریشاوى ئازاد بكه‌ن و ل به‌رامبه‌ر دا ئه‌و ژى دێ مه‌عاز ئازاد كه‌ن، به‌لێ پێنگاڤێن وان سه‌رنه‌گرت.
ئه‌ڤرۆ نیوز، مه‌سعود خه‌له‌ف
ل گور راپورتێن رۆژنامه‌ڤانی یێن سوری، ئێك ژ ئه‌ندامێن داعش بناڤێ (ئه‌بو عبیده) كو ب ره‌گه‌ز مصریه، كاری ژناڤ داعش بره‌ڤيت، پشتی كو پارێن زه‌كاتێ ژ سه‌رمایه‌دار و بازرگانان ل باژارێ مه‌یادین ل رۆژهه‌لاتی دێرا زورێ ل سوریا كوم بكه‌ت.
هه‌روه‌سا هاتیه زانین كو ابو عبیده ب ئه‌ركێ ئه‌میرێ دیوانا زه‌كاتێ رادبوو و كوژمێ پارێ كو ل گه‌ل خوه بری نێزی ملیار لیره‌یێن سوریه.
هه‌روه‌سا ل گور هه‌مان راپورتان ئه‌ڤة نه جارا ئێكێ یه كو روودانێن ب ڤی شێوه‌ی ده‌ردكه‌ڤن ل ناڤ داعش و ئه‌میرێن وان دره‌ڤن، له‌وما به‌ری ده‌مه‌كی ئێك ژ دادوه‌رێن وان ژی كو ب ره‌گه‌ز سعودی بوو ره‌ڤی.
ئه‌ڤرۆ نیۆز، سالار دۆسكى:
پشتى به‌رنامێ (ئه‌ڤین ئاسۆ) (ئه‌ڤین ژین و ژیانه) ده‌سپێكریه‌ڤه، ئێكه‌م خه‌لكا پرۆگرامێ خوه دناڤا هێزێن پێشمه‌رگێ كوردستانێ دا تۆماركر، ئه‌ڤین ئاسۆ ل دۆر پێشمه‌رگه‌ى گۆت: پێشمه‌رگێ كوردستانێ خه‌و ل دوژمنى كریه هزره ت، ئه‌ڤا قاره‌مانان ژبه‌ر كوردستانێ گیانێ خوه دانایه سه‌ر ده‌ستێ خوه و ناڤێ كوردان دانایه سه‌ر زمانێ هه‌موو جیهانێ.
ئه‌ڤینێ گۆت ژى: ل گه‌ل پێشمه‌رگێن قه‌هره‌مان چووینه به‌رۆكێن شه‌رى و گۆهداریكرنا ئه‌وان داستانێن تۆماردكه‌ن رۆژانه و دیسان گه‌هاندنا په‌یاما راست و دروستا ڤى پێشمه‌رگه‌ى.
خوه‌یاكر كو ئێكه‌م خه‌له‌كا پرۆگرامێ (ئه‌ڤین ژین و ژیانه) دناڤا پێشمه‌رگێ كوردستانێ دا تۆماركر.
نيشاندان