ئه‌ڤرۆ نيوز:
پشتی ھەلبژارتنێن پەرلەمانێ تونس کو تێدا پارتیا نیدا تونس شیابوو پرانیا کورسیان بدەستڤە بینیت دوھی سەرۆک وەزیرێن تونس حەبیب سەید کابینا حوکمەتا خوە راگەھاند و د کابینێ دا تنێ ئێک وەزیر ژ پارتیا ئیسلامی یا نەھزەت ھەیە و پرانیا وەزیرێن کابینێ کەسێن بسپۆرن و دھێتە چاڤەرێکرن کو حوکمەتا نوو یا تونس گرنگیەکا مەزن بدەتە بیاڤێ باشکرنا رەوشا ئابووری یا وەلاتی.
ئەڤرۆ:
نورای مەرت نڤیسەر و ڤەکۆلەرا تورکیا بۆ رۆژناما زەمان یا تورکیا دیار کر کو دەمەکە ئەردۆگان بەحسێ سیستەمێ سەرۆکاتیێ ل تورکیا دکەت و دبێژیت ھەکە مە ئەو سیستەم بەری چەند سالان دروست کربا نھا ئاستەنگی ل ھەمبەر تورکیا نەدمان، نیەتا ئەردۆگانی ئاشکرایە، چونکو دی دڤێت سیستەمەکێ وەک یێ شاھی ل تورکیا دروست بکەت دا بشێت ھەموو بریارەکێ بدەت و گۆت: (ھەکە ئەو سیستەمێ کو ئەردۆگانی دخوازیت ل تورکیا ئاڤا ببیت، چو رۆلێ پەرلەمانی نامینن و ھەموو بریار دێ ب دەستێ ئەردۆگانی بیت و ئەو دشێت گەلەک بریارێن پەرلەمانی ژی رەد بکەت و د دەمەکێ وەسا دا تورکیا ب جھێ کو بەر ب وەلاتەکێ دیموکراتیک و پێشکەڤتی وەک وەلاتێن ئورۆپا بچیت دێ پتر بەرێ خوە بدەتە سیستەمێ ھندەک وەلاتێن عەرەبی و ئەڤە ژی دێ کاریگەریا خوە ل ژیانا ھەموو تاکەکێ تورکیا کەت).
نڤیسەر و ڤەکۆلەرا تورکیا ھەروەسا دیار کر کو دڤێت ھەموو پارتێن سیاسی یێن ل پەرلەمانێ تورکیا ب رەنگەکێ ئاشکرا ھەلویستێ خوە ل دژی سیستەمێ سەرۆکاتیێ یێ کو ئەردۆگانی دڤێت ئاڤا بکەت، نیشا بدەن. ئەردۆگان گەلەک جاران بەحسێ سیستەمێ سەرۆکاتیێ ل ئەمریکا دکەت، لێ ئەو سیستەمێ کو ئەردۆگان دەمەکە کار بۆ ئاڤاکرنا وێ دەمێ وەک یێ ئەمریکا نینە، چونکو ل ئەمریکا کۆنگرێس ھەیە و رۆلەکێ سەرەکی دگێریت، لێ ئەردۆگانی دڤێت ب رێیا ئاڤاکرنا سیستەمێ نوو پەرلەمانی بێ رۆل بکەت و ھەموو دەستھەلاتا تورکیا د دەستێ خوە دا کۆم بکەت و ئەڤە ژی تورکیا بەر ب سیستەمەکێ دکتاتۆری دبەت و چو مفایەکێ خوە بۆ جڤاکێ مە نینە.
نورای مەرت د دووماھیا ئاخڤتنا خوە دا ئەو یەک ژی دیار کر کو نھا پرانیا وەلاتێن ئورۆپا ژ بەر بنپێکرنا مافێ مرۆڤی و نەھێلانا ئازادیا راگەھاندنێ تورکیا رەخنە دکەن و ئەڤە ژی نیشا ددەت کا وەلاتێ مە تا چ رادە ژ جیھانا پێشکەڤتی دوور کەڤتیە و ھەکە ئەردۆگان سیستەمێ سەرۆکاتیێ ژی ل تورکیا دروست بکەت ئێدی دڤێت ئەم دیموکراسی و ئازادیا راگەھاندنێ ژ بیر بکەین و نابیت چو کەسەک ڤێ یەکێ قەبوول بکەت.
ئەڤرۆ:
د. سەلوان شنگالی جێگرێ نوونەرێ عیراقێ ل نەتەوێن ئێکگرتی بۆ رۆژناما ئەڤرۆ دیار کر کو پشتی شەڕی داعشێ ل سەر ھەرێما کوردستانێ جھێ کوردان بەرزتر لێھاتیە د ناڤ نەتەوێن ئێکگرتی دا و حوکمەتا ھەرێمێ ناڤودەنگیەکا نێڤدەولەتی یا مەزن بدەستڤەئینایە د بادەکا نەھێلانا تیرۆرێ و ھاریکاریا مرۆڤایەتی دا.
ل دۆر پرسا گیرۆبوونا نەتەوێن ئێکگرتی د ھەوارھاتنا ئاواران ل ھەرێما کوردستانێ دکتۆر سەلوانی گۆت” رێکخراوەکا جیھانی یە و گەلەک رۆتینێن کاری یێن ھەین و دکەڤیتە ژێر بیرۆقراتیەکا ئالۆز و ب ئاستەنگ ب تایبەت دەربارەی تەرخانکرنا دارایی چونکو نە ب تنێ بادەکا عیراقێ د ناڤ ئەجیندەیێن نەتەوێن ئێکگرتی یێن مرۆڤاتی دابوو ل ٢٠١٤ بەلکو نەخۆشیا ئیبۆلا و بادەکا سووری و شەڕێ ئۆکرانیا. لێ ل گەل ڤێ چەندێ نەتەوێن ئێکگرتی یا خوە لڤاندی”.
دکتۆر سەلوان د بەرسڤا پرسەکێ دا دەرباری ئەرکێ وی بخوە وەکو کوردستانیەک کو خەلکێ شنگالێ یە و پاشی عیراقیەک و نوونەرەک ل جڤاتا نەتەوێن ئێکگرتی، گۆت ” مە چەندین داتا و پێزانین د وارێ نەتەوێن ئیکگرتی دا پێشکیشکرن بۆ دیارکرنا رەوشێ و مەترسیا وآ و داخوازا پشتەڤانیێ ژ جڤاکێ نیڤدەولی، ئەز ب خوە وەکو کەس من دو بەیان ھەبوون ل جڤاتا ئاسایشێ ل دۆر بابەتی گۆتارەک ل ھەمبەر کۆمەلا گشتی یا نەتەوێن ئێکگرتی بۆ بەحسکرنا کاوادانان و داخوازا ھاریکاریێ و شەرمزارکرنا تاوانێن داعشێ، نھا ژی کاردکەین بۆ گرێدانا جڤینەکا تایبەت ل جڤاتا ئاسایشێ ل دۆر دەستدرێژیێن ھاتینە کرن ل سەر ژنێن ئێزدی ل شنگالێ و دێ بزاڤێ کەین ئێک ژ وان ئافرەتێن قورتالبووین ب رەنگەکێ راستە و خوە ل بەرامبەر جڤاکی نیڤدەولەتی مێھڤان بکەین “.
مە ژ ناڤبری پرسی، ئەمریکا و جڤاکێ نێڤدەولەتی فشار ل سەر ھەرێما کوردستانێ دکر کو یا ھاریکار بیت د چارەکرنا چەندین بادەکان دا وەکو بۆدجەی و پەترۆلێ و .. ھتد، ل گەل بەغدا و ئەم ژی رازیبوون و سێ ھەیڤ پتر ب سەرڤەچوون و بەغدا نەھاتە دەنگ؟ ئەرێ بۆچی ھەمان فشارێ نا ئێخنە سەر بەغدا ژی؟ د بەرسڤێ دا گۆت “ئەوان فشار یا خستیە سەر بەغدا ژی و نامەکا رۆھن و ئاشکرا ژی ھەبوو ژ لایێ ئۆبامای ڤە بۆ عەبادی د وێ دیدارا ل نیۆیۆرکێ د ناڤبەرا واندا ھاتیە کرن ، لێ دڤێت ژبیر نەکەین کو ئەمریکا ھەتا نھا وەسا بەرێ خوە ددەتە عیراقێ کو یا ئێکگرتی یە”.
ل دۆر ھنارتنا چەکی کو ب رێژەکا پتر بۆ گرۆپێ (الحشد الشعبی) دھێتە ھنارتن ژ پێشمەرگەی، دبێژیت” ھێرشێن ئەسمانی ل دەڤەرێن پێشمەرگەی پترن ژ دەڤەرێن حەشدا شەعبی ، ل بەرامبەر ژی رەخنەیێن وەکھەڤ ھەنە ژ لایێ وان ژی ڤە کو ئەمریکا ھاریکاریا پێشمەرگەی دکەت و یا وان ناکەت”.
ل دۆر رۆلێ پێشمەرگەی گوت” شیرەتا من بۆ ھێزێن کوردی ئەوە کو بزاڤێ بکەن چو سەرپێچیان ل ھەمبەر قانوونێن مرۆڤایەتی ئەنجام نەدەن ل دەمێ شەڕان و چو تشتێن ھەستیار نەھێنە ئەنجامدان نەمازە ل گەل ھندەک ژ عەشیرەتێن عەرەبی یێن ھاتینە نیاسین ب کێمترین رادە کو نە دژی کوردانە”.
شیرزاد نایف بۆ رۆژناما ئەڤرۆ بەرھەڤ کریە
سه‌رۆكێ لیژنه‌یا هێزێن نافخو ل جڤاتا پاریزگه‌ها دهۆكێ ئه‌حمه‌د محه‌مه‌د ئه‌مين بو ئه‌ڤرۆ نیوز ل سه‌ر هژمارا ئه‌و عه‌ره‌بێن هاتینه پارێزگه‌ها دهۆكێ و نها لێ ئاكنجینه ئاخفت .
ئه‌حمه‌د محه‌مه‌د ئه‌مين گۆت: سه‌قا و ره‌وشا ئه‌منی و جوگرافیا دهۆكێ ژ هه‌ر باژێره‌كی دی جودایه راسته نێزیكی باژێره‌كێ مینا موسلێ یه نها بو یه جهێ ڤه‌حه‌واندنا داعشێ و هاتنا ئه‌و ئاواره‌یێن نها ل دهۆكێ دژین هه‌بونا مه‌ترسیێ ژی ناهێته‌كرن چونكو پیدڤیێن ئه‌منی ل گه‌ل هاتینه كرن.
ناڤبری ئه‌و چه‌نده ژی دیاركر ئه‌وا ل باژێرێ كه‌ركوكێ درۆست بوی ژ خوجهیێن ئه‌وێ ده‌ڤه‌رێ یێن عه‌ره‌ب بویه لێ ل پارێزگه‌ها دهۆكێ و باێرێ دهۆكێ هه‌مو كوردن و مه‌ترسیا چ جورین ئه‌ڤی ئاوایی ناهێته‌كرن و هه‌رده‌ما هه‌ست ب مه‌ترسیێ هاتنه كرن دێ ری و ئاوایێن ئه‌منی یێن توند ل گه‌ل هێنه كرن .
ئه‌ڤرۆ نیوز:
ل گۆر رێكخراوا شه‌فافیه‌تا نێڤده‌وله‌تى، پشتى سومال و سودانى و ئه‌فغانستانێ و كوریا باكوور، عیراق ب مه‌زنترین وه‌لاتێن جیهانێ دهێته هژمارتن، كو گه‌نده‌لى تێدا هاتیه كرن.
دادوه‌ر محه‌مه‌د كون ئه‌ندامێ لژنا نه‌زاهێ ل په‌رله‌مانێ عیراقێ راگه‌هاندیه كو د هه‌ردو حكومه‌تێن ئیبراهیم جه‌عفه‌رى و نورى مالیكى زورترین سامانێ عیراقێ ب تالان هاتیه برن، ب ره‌نگه‌كێ د 9 سالێن بورى دا ، گه‌نده‌لیه‌كا وه‌سا هاتیه كرن كو د مێژوویا حوكمرانیا عیراقێ دا گه‌نده‌لیا ب ڤى ره‌نگى نه‌اهتیه كرن و زێده‌تر ژ 400 ملیار دولارێن عیراقێ ژ به‌نكێن عیراقێ هاتینه ده‌رێخستن بێى كو چ به‌لگه‌نامه‌ك هه‌بیت و هاتبیته زانین ب چ هاتیه مه‌زاختن.
ئه‌ڤرۆ نیوز:
ره‌نگه هه‌ر ئێك ژ جه‌يمس رۆدریگێز یێ کۆڵۆمبی و مارسیلۆ جونیۆری یێ به‌ڕازیلی پشكدارى د یاریا بهێت یا یانا خوه به‌رامبه‌ر
سێڤییه یاریێ نه‌كه‌ن.
بریاره رۆژا چوار شه‌مبى د چارچوڤێ یاریكه‌كا پاشخستى، ژ جه‌ولا 16 یا لالیگا، هه‌ردو یانێن ریال مه‌درید و سێڤییه ل ده‌مژمێر 10 و 45 خوله‌ك ب ده‌مێ كوردستانێ روى ب روى ئێك ببن.
راهێنه‌رێ ریال مه‌درید راگه‌هاند كو ئه‌گه‌ره‌كێ زور هه‌یه ئه‌ڤ هه‌ر دو یاریكه‌ره پشكدار نه‌بن، دا كارتێن زه‌ر وه‌رنه‌گرن و بۆ یاریا ئه‌تله‌تیكو مه‌درید یا رۆژا شه‌مبى د به‌رهه‌ڤ بن.
ئه‌ڤرۆ نیوز:
د رۆنكرنه‌كێ دا، وه‌زاره‌تا دارایى و ئابوورى یا حكومه‌تا هه‌رێما كوردستانێ، ئه‌ڤرۆ ئاماژه ب وێ یه‌كێ دایه كو هه‌تا نوكه چ كوژمه‌كێ پاره‌ى بۆ مووچێ سالا 2015 ژ ئالیێ به‌غداڤه بۆ هه‌رێما كوردستانێ نه‌هاتیه هنارتن.
د رۆنكرنێ دا هاتیه: هنده‌ك ده‌زگه‌هێن راگه‌هاندنێ به‌لاڤ كریه كو مووچێ فه‌رمانبه‌ران ژ به‌غدا بۆ هه‌رێمێ هاتیه هنارتن، لێ دووپات دكه‌ین كو هه‌تا نوكه ب فه‌رمى چوو نه‌هاتیه و ئه‌م چاڤه‌رێى به‌غدا دكه‌ین.
ئه‌ڤرۆ نیوز:
وه‌زاره‌تا سامانێن سروشتى رێژا وێ كاره‌بێ ئاشكرا دكه‌ت كو ب هه‌ده‌ر دچیت و به‌رپرسایه‌تیا وێ د ئێخته ستوویێ وه‌زاره‌تا كاره‌بێ.
وه‌زاره‌تا سامانێن سروشتى ئه‌گه‌رێن كێمیا كاره‌بێ د ئێخته ستوویێ وه‌زاره‌تا كاره‌بێ و د راگه‌هاندنه‌كێ دا دیاركریه” وه‌زاره‌تا كاره‌بێ سالا چوویى، زێده‌تر ژ 180 ملیون دولاران قه‌ره‌بوویا ویستگه‌هێن ماس كریه، ژ ئه‌گه‌رێ بێ شیانیا رێژا كاره‌با به‌رهه‌ڤ و وه‌رنه‌گرتى، ئانكو 180 ملیون دولار به‌رامبه‌ر كاره‌بایه‌كێ كو به‌رهه‌م نه‌هاتیه و كه‌سێ مفا ژێ وه‌رنه‌گرتیه.
ئه‌ڤرۆ نیوز، ڤه‌ده‌ر سوبحى:
ئه‌كته‌را ئه‌مریكی و بالیۆزا نیازپاكیێ یا نه‌ته‌وێن ئێكگرتی ئه‌نجلینا جۆلی ناسناڤێ خوشتڤیترین كه‌سا جیهانێ وه‌رگرت.
د راپرسیه‌كێ دا دگه‌ل 25 هزار كه‌سان ژ 23 وه‌لاتان جۆلی شیا بسه‌ركه‌ڤیت لسه‌ر شاهژنا بریتانیا و هیلاری كلینتۆن وه‌زیرا ده‌رڤه یا پێشتر یا ئه‌مریكا و ئه‌نجێلا مێركل شیره‌تكارا ئه‌لمانیا.
پشتی ئه‌نجلینا جۆلی ناڤێ بیل گه‌یتس دامه‌زرێنه‌رێ مایكرۆسۆفتێ هات و مالا یۆسف داكوكیكه‌را مافێن زارۆكان بۆ خاندنێ ل دووڤ دا هات.
ئه‌كته‌را ناڤدار ئه‌نجلینا جۆلی كو به‌ری چه‌نده‌كێ سه‌را ئاوارن ل كوردستانێ ژی دا بوو ژبه‌ركو رۆله‌كێ مه‌زن دیتیه د هاریكاریكرنا ئاواره و په‌نابه‌ران دا دلێ گه‌له‌ك خه‌لكێ جیهانی بۆ خوه كێشایه.
ئه‌ڤرۆ نیوز، ڤه‌ده‌ر سوبحى:
باراك ئوباما سه‌رۆكی ئه‌مریكا ئه‌ڤرۆ داخواز ژ كونگرێسێ وه‌لاتێ خوه كریه كو 8.8 ملیار دۆلاران د بۆدجێ سالا 2016 ێ بۆ به‌رهنگاربوونا داعش و هاریكاریكرنا هێزێن ئیراقی و ئۆپۆزسیۆنا سوری ته‌رخان بكه‌ن.
ئه‌ڤ كوژمه دێ 5.3 ملیار بۆ وه‌زاره‌تا به‌رگریا وی وه‌لاتی بن بۆ مه‌زاختنێن هێرشێن ئاسمانی و 3.5 ملیار ژی بۆ وه‌زاره‌تا ده‌رڤه .
نيشاندان