پارێزگارێ دهوكێ چ سوز دا خێزانا شه‌هید هوجام سورچى

01/02/2015 18:39

4866

ئه‌ڤرۆ نیوز: ره‌زوان رۆژبه‌یانى:
ئه‌ڤرۆ فه‌رهاد ئه‌ترووشى پارێزگه‌رێ دهۆكێ سه‌ره‌دانا خێزانا شه‌هید هوجام سورچى دا.
سالح عیسى به‌رپرسێ راگه‌هاندنا قایمقامیا قه‌زا به‌رده‌ره‌ش بۆ ئه‌ڤرۆ نیوز خۆیاكر كو ئه‌ڤرۆ ل رێكه‌فتێ 1/2/2015 فه‌رهاد ئه‌تروشى پارێزگارێ دهوكى سه‌ره‌دانا مالباتا خێزانا شه‌هید هوجام سورچى ل گوندێِ بەردەسۆر لە ناحیا روڤیا سەر ب قەزا بەردەرەش دا و سه‌ره‌خوشى یێن خوه‌ ب وان راگه‌هاندن و گوت : پارێزگارێ دهۆكێ دوو سووز ب خێزانا شه‌هید هوجام سورچى دانه‌ كو هه‌مى زاروكێن وى ب دامه‌زرینیت و دو زارۆ ژى هه‌نه‌ كو نه‌خوشن ل ناڤ هه‌رێما كوردستانێ چاره‌سه‌ریا وان بكه‌ت.

1 of 4

نه‌یا چاڤه‌رێكرى بوو، وه‌رزشا ڤى وه‌ختى مروڤى قه‌له‌و دكه‌ت

01/02/2015 17:44

179

ئه‌ڤرۆ نیوز:

ڤه‌كولینه‌كا به‌لجیكى ئاشكرا دكه‌ت كو وان ڤه‌كولین ل سه‌ر دو گرۆپان كریه‌ كو ئێك ژ وان ئه‌و بوون یێن به‌رى خوارنا سپێدێ وه‌رزش دكر و یێن دى ژى ئه‌و بوون یێن پشتى خوارنا سپێدێ وه‌رزش دكر و بۆ وان دیاربوو یێن پشتى خوارنا سپێدێ وه‌رزش كرى، كێشا وان زێده‌بوویه‌ و یێن به‌رى خوارنا سپێدێ وه‌رزش كرى، كێشا وان هاتیه‌ خوار.
ڤه‌كولینێ دیاركریه‌ كو كه‌سێ رۆژانه‌ 20 ده‌قیقان وه‌رزشێ بكه‌ت یان بله‌ز برێڤه‌ بچیت، 30% ژ مه‌ترسیا مرنا زوو دوور دكه‌ڤیت.

ئێمینكى دێ خوه‌ ل كێشا قوتابیێن پێشمه‌رگه‌ كه‌ته‌ خودان

01/02/2015 17:26

158

ئه‌ڤرۆ نیوز:

جەعفەر ئیبراهیم ئێمینکی پشتى كو سمیناره‌ك ل زانكۆیا نه‌وروز ل دهۆكێ پێشكێشكرى، قوتابیه‌كێ كولیژێ كو ل رێزا هێزێن پێشمه‌رگه‌یه‌ ژى شه‌رێ دژى تیرورستێن داعش دكه‌ت، داخواز ژ جه‌عفه‌ر ئێمینكى جێگرێ سه‌رۆكێ په‌رله‌مانێ كوردستانێ كر كو كار بۆ وێ یه‌كێ بكه‌ت كو قوتابیێن پێشمه‌رگه‌ بشێن راسته‌وخو پشكدریێ د تاقیكرنا دووماهیێ سالێ دا بكه‌ت و وه‌زاره‌تا خواندنا بلند هاریكاریا وان بكه‌ت.
ژ ئالیێ خوه‌ڤه‌، ئێمینكى پشته‌ڤانى ل داخوازیا ڤى قوتابى كر و سوز دا كو دووڤچوونا پێدڤى بكه‌ت هه‌تا كو ئه‌و قوتابیێن د سه‌نگه‌رێن هێزێن پێشمه‌رگه‌ى دا، بشێن ل دووماهیا سالێ تاقیكرنا بكه‌ن و هه‌كه‌ ده‌لیڤه‌ نه‌بیت بچنه‌ ده‌وامێ ب ده‌رنه‌چوویى نه‌هێنه‌ هژمارتن و ب تنێ تاقیكرنا دووماهیا سالێ بكه‌ن.

بۆ چاره‌كرنا كێشێن مایى، نێچیرڤان بارزانى دێ چیته‌ به‌غدا

01/02/2015 16:55

126

ئه‌ڤرۆ نيوز

نێچیرڤان بارزانى سه‌رۆكێ حكومه‌تا هه‌رێما كوردستانێ ئه‌ڤرۆ ل گه‌ل نوونه‌رێن هه‌رێمێ ل به‌غدا كومبوو و راگه‌هاند كو ئه‌و د پابه‌ندن ب رێككه‌فتنا ل گه‌ل حكومه‌تا عیراقێ ئیمزاكرى و بۆ ئه‌نجامدانا دانوستاندنان ژ پێخه‌مه‌ت دیتنا چاره‌یه‌كێ بۆ كێشێن دى، ل ده‌مه‌كێ نێزیك ب سه‌رۆكاتیا شانده‌كێ حكومه‌تا هه‌رێما كوردستانى، دووباره‌ دێ سه‌ره‌دانا به‌غدا كه‌ت و ل گه‌ل حه‌يده‌ر عه‌بادى سه‌رۆك وه‌زيرێن عيراقێ كومبيت.

نه‌ته‌وێن ئێكگرتى ئامارا كوشتيێن هه‌يڤا ئێك به‌لاڤ دكه‌ت

01/02/2015 15:23

119

ئه‌ڤرۆ نيوز:

نه‌ته‌وێن ئێكگرتى ئامارا قوربانيێن كريارێن توندوتيژيێ ل عيراقێ و كريارێن له‌شكرى ل دژى داعش ل هه‌يڤا ئێك يا ئه‌ڤ ساله‌ راگه‌هاندن كو دبنه‌ 1375 كه‌س ب كێمى.

هنارتيێن نه‌ته‌وێن ئێكگرتى ل عيراقێ يونامى د به‌ياننامه‌كێ دا كو دانه‌ك بۆ ئه‌ڤرۆ نيوز هنارتيه‌، ئه‌ڤرۆ رۆژا ئێكشه‌مبى راگه‌هاند كو هژمارا كوشتيێن سڤيل ل يعيراقێ گه‌هشيته‌ 790 كه‌سان و 2240 كه‌س ژى ژ وان سڤيل و پۆليس و له‌شكر يێن د ڤان كريارێن خويناوى دا بريندار بووين.

ب گۆره‌يى ڤێ راپۆرتێ 585 كه‌س ژ له‌شكرێ عيراقێ هاتينه‌ كوشتن ئه‌وێ بزاڤا خوه‌نووكرنێ بۆ رووى ب رووى بوونا داعش دكه‌ته‌ڤه‌، ئه‌وا كو روويه‌كێ گه‌له‌ك مه‌زن ژ ئه‌ردێ عيراقێ ل سالا بۆرى گرتى.

ڤێ رێكخراوا نێڤده‌وله‌تى راگه‌هاند ژى ئه‌ڤه‌ ئه‌و ئاماره‌ يا وان گه‌له‌ك كار ل سه‌ر كرى، به‌لێ د سه‌ر وێ چه‌ندێ ژى ئه‌ڤه‌ وان كه‌سان ب خوه‌ ڤه‌ ناگريت يێن ل ده‌ڤه‌رێن بن ده‌سته‌لاتا داعش هاتينه‌ كوشتن يان ژى ژ ئه‌نجامێ خرابيا ره‌وشا كێم خوارنێ و ئاڤێ و نه‌بوونا چاڤێدريا ساخله‌ميێ گيانێ خوه‌ ژ ده‌ست داين.

بهايێ زێر و زيڤى ل بازارێن دهۆكێ

01/02/2015 15:04

411

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.2.1 بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18	38500
1 گرام زێرێ (ع) 21	44500
1 گرام زێرێ (ع) 22	46500
1 گرام زيڤ	3000

ره‌وشا دراڤى ل بازارێن دهۆكێ

01/02/2015 15:03

190

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.2.1 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى	1232
1 يۆرۆيێ ئه‌ورۆپى	1390
1 ليرێ توركى	500

مه‌ره‌م ژ ئاخفتنێن زه‌واهرى ده‌ليڤه‌وه‌رگرتنا ره‌وشا مسرێ يه‌

01/02/2015 15:00

172

ئه‌ڤرۆ نيوز، ناجی به‌ده‌ل:

ل نویترین ده‌ركه‌فتنا سه‌رۆكێ رێكخراوا قاعیده‌ ئاشكه‌راكر كو ئوسامه‌ بن لادن ل رێكخستنێن ئیخوانان كاركریه‌ .

د. مێڤان عارف عه‌بدولره‌حمان پسپور د دیرۆكا سیاسیا هه‌ڤچه‌رخ ل زانكویا دهۆك بو ئه‌ڤرۆ نیوز دیاركر په‌یوه‌ندیا ئه‌یمه‌ن زه‌واهری ل گه‌ل ئیخوانا هه‌بو و چه‌ندین جاران ل سه‌ر پرسگریكا ئیخوانا هاتینه‌ ده‌سته‌سه‌ركرن و كاریگه‌ریا عه‌بدولا عه‌زائیمێ ل سه‌ر بن لادنی و ئه‌یمه‌نی .

د. مێڤانی ئه‌و چه‌نده‌ ژی دیاركر ل ده‌مێ ڤه‌كرنا قوتابخانه‌یان و رێكخستنا عه‌ره‌بێن ئه‌وقان ده‌ستێ جیهادێ و كارتێكرنا وان هه‌بوویه‌ و نها خو ڤه‌گه‌رینه‌ڤه‌ وه‌ك یا ل مسرێ و ره‌نگڤه‌دانا ئه‌ڤێ داویێ ل سینا درۆست بووین خو لێ بكه‌نه‌ خودان و رێكخستنه‌كا دی یا ب هیز ل ده‌ڤه‌رێ.

ناڤبری ئه‌و چه‌نده‌ ژی دیاركر ئه‌و ململانیا ناڤبه‌را داعشی و قاعیده‌یێ دا درۆست بووی بێهێزیا قاعیده‌ نها ل رۆژهه‌لاتا ناڤین نيشان دده‌ت و ئه‌ڤ داخویانیا سه‌رۆكێ ریكخراوا قاعیده‌ ئاماژه‌یه‌ بو ب هێزی و ڤه‌گه‌راندنا ده‌سه‌لاتێ و خو رێكخستنه‌كا نوو و ده‌لیڤه‌ زانینا ره‌وشا ناڤخویا مسرێ وه‌ر بگریت.

ئه‌یمه‌ن زه‌هوارید وێ گرته‌یا ڤیدویێ دا دیاركر بن لادبن ب رێكا رێكخستنێن كومه‌له‌یا ئیخوانان هاتیه‌ هنارتن بو پاكستانێ مه‌ره‌م ژێ هه‌ڤكاریكرنا كومه‌له‌یا ئیسلامی بوو ل وی وه‌لاتی به‌لێ ئه‌و ژ فه‌رمانێن كومه‌له‌یێ ده‌ركه‌فت ب كارێن خوڤه‌ مژیل بو و.

ئوسامە بن لادن سەرۆكێ به‌رێ یێ رێكخراوا قاعیدە ل سالا 2011 ژ لایێ سوپایێ ئەمریكاڤه‌ ل پاكستان هاته‌ كوشتن و ئەیمەن زەواهیری جهێ وی گرتی یه‌.

چه‌ند پێشمه‌رگه‌ وه‌كو ئێخسير كه‌فتينه‌ ده‌ستێ داعش؟

01/02/2015 14:38

748

ئه‌ڤرۆ نيوز:

هه‌لگۆرد حكمه‌ت، رێڤه‌به‌رێ راگه‌هاندن و هشياريێ ل وه‌زاره‌تا پێشمه‌رگه‌يى بۆ رووداو راگه‌هاند كو هه‌تا نوكه‌ ئه‌وان پرۆسا گورينا ئێخسير ب ئێخسير ل گه‌ل داعش نه‌كريه‌ و گۆت: “داعش باوه‌رى ب گوهۆڕينا ئێخسيران نينه‌”.

ئاشكه‌را ژى كر كو به‌رى شه‌رێ ڤان چه‌ند رۆژێن بۆرى هژمارا ئێخسيرێن د ده‌ستێ داعش دا 39 پێشمه‌رگه‌ بوون.

ئه‌ڤه‌ د ده‌مه‌كى دايه‌ كو به‌حس ل وێ چه‌ندێ دهێته‌ كرن د شه‌رێ ڤان دو رۆژێن بۆرى يێن هێزێن پێشمه‌رگه‌يى و چه‌كدارێن داعش دا ل ميحوه‌رێن باشوورێ كه‌ركووك 13 بۆ 15 پێشمه‌رگان كه‌فتبنه‌ ده‌ستێ داعش.

هه‌ر ب گۆره‌يى ئه‌و ژێده‌رێن رووداو ب ده‌ست خوه‌ خستين د شه‌رێ ڤان دو رۆژێن بۆرى دا، 32 چه‌كدارێن داعش ب ئێخسيرى كه‌فتينه‌ ده‌ستێ پێشمه‌رگه‌يى.

داخۆيانيا ئه‌نگێلا ميركل ل سه‌ر ده‌وله‌تا سه‌ربه‌خۆيا كوردستانێ

01/02/2015 11:40

462

ئه‌ڤرۆ نيوز:

ئه‌نگێلا مێركل شيره‌تكارا بلندا ئه‌لمانيا د نێڤ گۆتارا خوه‌ يا حه‌فتيانه‌ دا ئاماژه‌ ب چه‌ند پرسان كر و مه‌ره‌ما به‌سينكگرتنا گرۆپێن تۆندڕه‌و و ئاماژه‌ ب وێ چه‌ندێ كر كو دێ كۆنفرانسه‌كێ ئه‌منى ب وێ مه‌ره‌مێ ل ميونخ هێته‌ ئه‌نجام دان. حه‌يده‌ر عه‌بادى ژى بۆ وێ مه‌ره‌مێ دێ چيته‌ ئه‌لمانيا.

ئه‌نگێلا مێركل گۆت: “حوكمه‌تا ئه‌لمانيا هيڤيێن مه‌زن يێن ب پێنگاڤێن عه‌بادى هه‌ين و پشته‌ڤانيا وى دكه‌ت”، گۆتژى: “كۆمبوون ل گه‌ل عه‌بادى دێ بۆ پاراستن و پشته‌ڤانيا هه‌موو گه‌لێ عيراقێ بيت”.

ده‌رباره‌يى جودابوونا هه‌رێما كوردستانێ ژ عيراقێ و پشته‌ڤانيا ده‌وله‌تا كوردى، مێركل ئاماژه‌ ب وێ چه‌ندێ كر كو ئه‌و پشته‌ڤانيا عيراقه‌كا ئێكگرتى دكه‌ن و گۆت: “ل گه‌ل وێ چه‌ندێ ژى پشته‌ڤانيا هه‌رێما كوردستانێ دكه‌ين ب هنارتنا چه‌ك و ته‌قه‌مه‌نى مه‌ پێداينه‌، به‌لێ په‌رله‌مانێ فيدرال ب پتريا ده‌نگان ره‌زامه‌ندى ده‌ربڕى و په‌سه‌ند كر”.

بڕياره‌ 2015.2.6 كۆنفرانسه‌كێ ئه‌منى ل باژێرێ ميونخ يێ ئه‌لمانيا بهێته‌ ئه‌نجام دان و وه‌زيرێن ده‌رڤه‌ يێن وه‌لاتێن هه‌ڤپه‌يمانێن دژى داعش و حه‌يده‌ر عه‌بادى سه‌رۆك وه‌زيرێ عيراقێ پشكداريێ تێدا كه‌ن.

نيشاندان 1...2,190 3,190 4,190 4,1944,1954,196...4,558 زێده‌تر

لاپه‌ر 4,195 ژ 4,558