ئەڤرۆ:
کۆمبوونا موسکو یا بۆ چارەکرنا قەیرانا سووریێ ب پشکداریا شاندێ رژێمێ و ھندەک ئالیێن بەرھنگاریێ بێی چو ئەنجامەکێ ب دووماھی ھات و سەرۆکێ پەرلەمانێ ئورۆپا ژی دیار کر کو روسیا د دەمێن بۆری ھەتا نھا دا سەبارەت ب پرسا سووریێ خوە کریە ئالیەک و پشتەڤانیا رژێما سووریێ کریە و نھا ژی یێ بزاڤێ دکەت کو خوینا ل سووریێ دھێتە رێتن راگریت و گۆت: “لێ روسیا نەشێت ڤی کاری بکەت، چونکو بەری ھەر تشتەکێ روسیا بخوە بوویە پشکەک ژ ڤێ ئالۆزیێ و پشتەڤانیا ئەسەدی دکەت، د دەمەکێ وەسا دا نوونەرێن خەلکێ سووریێ ژی نەچوونە وێ کۆمبوونێ و بۆ ھەموو کەسەکێ ژی ئاشکرا بوو کو چو ئەنجامەک ژ کۆمبوونا موسکو دەرناکەڤیت”.
ناڤھاتی ئەو یەک ژی دیار کر کو ھەکە روسیا بڤێت ھاریکاریا چارەکرنا قەیرانا سووریێ بکەت دڤێت بەری ھەر تشتەکێ رێزێ ل داخوازیێن خەلکێ سووریێ بگریت و چەکی نەدەتە رژێما ئەسەدی و ئەڤە پتر ژ سێ سالانە کو روسیا ناھێلیت جڤاتا نێڤدەولەتی قەیرانا سووریێ چارە بکەت، چونکو روسیا تنێ ھزرا بەرژەوەندیێن خوە ل سووریێ دکەت.
نيشاندان