ئەڤرۆ نیوز:
جێمز جێفری نوونەرێ تایبەت یێ سەرۆکێ ئەمریکا بۆ کاروبارێن سووریێ راگەهاند کو هێشتا پەکەکە ل دەف ئەمریکا رێکخراوەکا تیرۆرستیە و ل سووریێ ژی پەکەکە بوویە ئەگەرێ هندێ کو گەلەک ئاریشە دروست ببن، ژ بەر هندێ ژی پێدڤیە پەکەکە ژ سووریێ دەرکەڤیت.
ناڤهاتی دیار ژی کر کو ئەمریکا دڤێت پرسا سووریێ ب رێیێن سیاسی بهێتە چارەسەرکرن و هەبوونا هێزێن وەکو پەکەکێ ئاستەنگیان ل هەمبەر چارەسەریا سیاسی دروست دکەن.
ئەڤرۆ نیوز:
ل گۆر دەزگەهێن راگەهاندنا ئەمریکا ئیدارا وی وەلاتی بریار دایە کو فرۆکێن مودێرن یێ شەری یێ بەرنیاس ب ئێف ٣٥ بدەتە هەر دو وەلاتێن ئیماراتێ و یونانێ.
چاڤدێرێن سیاسی ژی دیار دکەن کو بەری نها ئەمریکا بریار دابوو فرۆکێن ئێف ٣٥ نەدەتە تورکیا وەکو سزادانەک ل هەمبەر کڕینا سیستەمی موشەکی یێ روسی، تورکیا ژی ژ فروشتنا فرۆکێن ئەمریکی بۆ وان هەر دو وەلاتان کو وەکو نەیارێن تورکیا دهێتە نیاسین، دلگرانە.
ئەڤرۆ نیوز،بارزان مزووری:
نەقیب سەکڤان ئەنوەر ئەفسەرێ پشکا هاتن و چوونا شێخان بۆ ئەڤرۆ نیوز گوت: (ئەڤرۆ دەمژمێر 12نیڤرۆ رێککەفتی 3/11/2020 هاتینە ئاگەهدارکرن کو رویدانەک هاتن و چونێ سەر رێکا سەرەکی دهوک بۆ شێخان بەرامبەری ناحیا باعەدرێ دروست بوویە دناڤبەرا ترومبێلەک BMW تایبەت و نیسان سەنی تایبەت رویدایە د ئەنجام دا دو کەس برینداربووینە و بۆ نەخۆشخانێن دهوک هاتنە رەوانەکرن).
ئەڤرۆ نیوز ، زنار تۆڤی:
پەیڤدارێ رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانه‌كا ترافیكێ دا دو کەس برینداربوون.
موقەدمێ مافپەروەر ئازاد تاها، زێدەتر گۆت: ئه‌ڤرۆ سێشه‌مبی ٢٠٢٠/١١/٣ ل ده‌مژمێر ١٢:٣٠ نیڤرۆ ل سه‌ر جادا سه‌ره‌كی یا دناڤبه‌را پارێزگه‌ها دهۆك بۆ قه‌زا شێخان ل نێزیك ناحیا باعه‌درێ روودانه‌كا ژ جۆرێ لێکدان دناڤبه‌را دو ترومبێلێن تایبه‌ت ژ جۆرێن نیسان سه‌نی ل گه‌ل بی ئێم دەبلیوو چێبوویە، دئه‌نجام دا دو كه‌س بریندار بوون، هەروەسا زیانێن مادی یێن مەزن ژی گه‌هشتنه وان ترۆمبێلان.
ئەڤرۆ نیوز:
ئه‌ڤرۆ سێشه‌مبى 3/11/2020 هەلبژارتنێن سەرۆكاتییا ئەمریكا ل ویلایەتا نیۆهامشایەر دەست پێكرن و نێزیكی 250 ملیۆن وەلاتیێن ئەمریكی مافێ دەنگدانێ هەیە.
وەلاتیێن ئەمریكی سەرباری هەلبژارتنا سەرۆكەكێ بۆ وەلاتێ خوه، دێ 435 ئەندامێن جڤاتا نوینەران و 35 ئەندامێن جڤاتا سیناتۆران ژی هەلبژێرن.
د ماوێ چەند رۆژێن بورى دا زێدەتر ژ 98 ملیۆن وەلاتیێن ئەمریكی د قووناغا ئێكێ یا هەلبژارتنان دا دەنگێن خوه داینە.
هەلبژارتنێن ئەڤرۆ یێن ئەمریكا ب گرنگترین هەلبژارتن د دیرۆكا ئەمریكا دا دهێنە هژمارتن و ئەڤرۆ دێ سەرۆكێ 46 یێ ئەمریكا هێتە هەلبژارتن.
ئەڤرۆ نیوز:
سەرۆک وەزیرێن بەرێ یێ تورکیا راگه‌هاند : ئه‌ردۆغان ژ ڤایرۆسێ كۆرۆنایێ مه‌ترسیدارتره.
ئه‌حمه‌د داود ئۆغلۆ سه‌رۆكێ پارتا ئاینده یا ئۆپۆزسیۆنێ، د گوتاره‌كێ دا بۆ ئه‌ندامێن پارتا خوە راگه‌هاندیه: ئایدۆلۆژیا ئه‌ردۆغانی ل سه‌ر بنه‌مایێ دكتاتۆریه‌تێ یه و بۆ ئورۆپا و جیهانێ ژی گه‌فه‌كا مه‌ترسیداره.
ناڤهاتی ره‌خنه ل سیسته‌مێ سه‌رۆكاتیا توركیا گرتیە، كو ئەو چەندە بوویه ئه‌گه‌رێ بهێزبوونا ئه‌ردۆغانی و گۆتیە ژی، ئه‌ردۆغان ژ ڤایرۆسێ كۆرۆنایێ مه‌ترسیدارتره و دڤێت رێگریێ ل هەمبەری سەرپێچیێن وی بکەین.
ئەڤرۆ نیوز:
وه‌زاره‌تا ئه‌وقاف و كاروبارێن ئایینی ل هه‌رێما کوردستانێ دیار کر: هێشتا چ بریارێن فه‌رمی ژ ئالیێ سعوودیێ ڤه بۆ ده‌ستپێكرنا گه‌شتێن عومرێ نه‌هاتینه دان.
هەروەسا گۆتیە: هه‌تا نوكه چ بریارێن فه‌رمی ژ ئالیێ عه‌ره‌بستانا سعودی ڤه ل دور ده‌ستپێكرنا گه‌شتێن عومرێ بۆ عیراقێ نه‌هاتینه دان، هه‌ر ده‌مێ بریار ب فه‌رمی گه‌هشتە وان، دێ لژنا بلند یا بەرهنگاربوونا كۆرۆنایێ بریارێن پێدڤی ل سه‌ر وێ چه‌ندێ ده‌ت.
ئه‌ڤرۆ نیوز، بارزان مزوورى:
هێمن سلێمان، به‌رپرسێ په‌یوه‌ندى و راگه‌هاندنا رێڤه‌به‌ریا پولیسێن دهوك بۆ ئه‌ڤرۆ نیوز گۆت:ئه‌ڤرۆ ده‌مژمێر 5:00 ئیڤارى رێكه‌فتى 2/11/2020 ژ ئه‌گه‌رێ كێشه‌یه‌كا كومه‌لایه‌تى گه‌نجه‌ك بناڤێ”س،ع” ژ یێ 25 دناڤ سه‌نته‌رێ شێخان ل نێزیك ئاڤاهیێ قائیمقامیێ دهێت كۆشتن ئێكسه‌ر تاوانبار لجهێ رویدانێ د ره‌ڤیت ب بریارا داوه‌رێ ڤه‌كولینێ فه‌رمانا گرتنێ بۆ بكوژان ده‌رچویه لدوڤ به‌ندێ 406 ژ یاسایێن سزای كۆ ناڤ و ناسنامێن وان ژلایێ پولیسان ڤه د دیارن.
ئه‌و گه‌نجێ هاتیه كوشتن ئاكنجیێ ناحیا كه‌له‌كچى یه بۆ كارێ خۆ یێ رۆژانه سه‌ره‌دانا شێخان كر بۆ دناڤ ترۆمبێلا كه‌یه دوو ته‌ن دا ده‌مێ دانانا كه‌لو په‌لا دناڤ كه‌یێ دا ترۆمبێله‌ك دهێته به‌رامبه‌ر ب چه‌كێ كلانشیكوفێ دهێته گوله‌باران كرن.
نيشاندان