ئه‌ڤرۆ نيوز:
ئه‌ڤ وه‌لاتيه ب ناڤێ نه‌جيبا ئاغا مه‌حمود كو ناسناما بارێ شارستانى ل هه‌ولێر به‌حركێ ده‌رچوويه، كه‌مئه‌ندامه و كارتا كه‌مئه‌نداميێ ل رانيێ ده‌رچوويه، يا به‌رزه بوويى، ژ به‌ر كو يا كه‌ڕ و لاله و نه‌شێت ناڤونيشانێن خوه بێژيت، رێڤه‌به‌ريا پۆليسێن هه‌ولێر داخواز دكه‌ت هه‌ر كه‌سێ ديت بيت ئه‌وان ئاگه‌هدار كه‌ت.
ئه‌ڤرۆ نيوز، بارزان مزوورى:
هاشم بريفكانى ئه‌ندامێ جڤاتێ پارێزگه‌ها نه‌ينه‌وا بۆ ئه‌ڤرۆ نيوز راگه‌هاند كو ئه‌ڤرۆ سپێدێ ترۆمبێلا سه‌رۆكێ جڤاتا پارێزگه‌ها مووسل، بشار كيكى، وه‌رگه‌ريا و ئه‌و و هنده‌ك هه‌ڤال تێدا بوون.
هاشم بريفكانى گۆت: “ترۆمبێلا سه‌رۆكێ جڤاتا پارێزگه‌ها مووسل وه‌رگه‌ريا و ئه‌ز و ئه‌و ل گه‌ل هنده‌ك كه‌سان تێدا بووين و ئه‌و يێ برينداره و برينا وى یا سڤكه و ئه‌ز ژى يێ ب سلامه‌تم و نوكه د رێ داينه وى دبه‌ينه نه‌خۆشخانا ته‌نگاڤيان ل دهۆكێ”.
سبە دێ نڤیسینگەھێن پۆستەی لسەرانسەری کوردستانێ ببیتە سیستەمێ ئەلکترۆنی و ھەموو نڤیسینگەە ب رێیا ئەلکترۆنی ب رێیا ئەلکرۆنی و کۆمپیۆتەرێ پێکڤە ھێنە گرێدان.
رەسول سالح، رێڤەبەرێ راگەھاندنا وەزارەتا گەھاندن و ڤەگوھاستنێ بۆ ئەڤرۆ نیۆز دیارکر، بڕیارە سبە نڤیسینگەھێن پۆستەی لسەرانسەری کوردستانێ ببنە ئەلکترۆنی و سیستەمێ بەرێ یێ پۆستەی نامینیت.
سالحی گۆتژی” سیستەمێ پۆستەی بەری نوکە یێ پاشکەفتی بوو، زۆر ئاریشە پەیدادبوون ل گەھاندنا پۆستەی، بەلێ ئەگەر ببیتە ئەلکترۆن و د ب رێیا ناڤ و نیشان و ئینتەرنێتێ ھێتە گرێدان و ئاریشەیێن بەرێ نامینن.
ئه‌ڤرۆ نيوز:
دادگه‌ها باژێرێ گه‌رناته يێ ئسپانى، تۆمه‌تا ده‌ستدرێژيا سكسى بۆ سه‌ر زارۆيان ژ لايێ 10 قه‌شێن كاسوليك و دو كارمه‌ندێن كه‌نيسێ يێن وى باژێرى كر.
ب گۆره‌يى نووچه‌يه‌كێ BBC دادگه‌ها باژێرێ گه‌رناته يێ ئسپانى تۆمه‌تا ده‌ستدرێژيا سكسى بۆ سه‌ر كچه‌كا زارۆ د ماوێ سالێن 2004 بۆ 2007 ئاراسته‌يى 10 قه‌شێن كاسوليك و دو كارمه‌ندێن كه‌نيسێ يێن وى باژێرى كر.
ئاراسته‌كرنا ڤان تۆمه‌تانه پشتى وێ چه‌ندێ دهێت ده‌ما پاپا فرانسيس پاپايێ ڤاتيكانێ ل چريا دويێ يا بۆرى په‌يوه‌ندى ب ئێك ژ وان قوربانيان كرى كو نوكه ته‌مه‌نێ وێ 14 ساله.
پاپايێ ڤاتيكانێ سه‌ره‌رايى داخوازا لێبۆرينێ ژ وێ قوربانيێ، ته‌كست كر كو چاڤنقاندنێ ل وان تۆمه‌تباران ناهێته كرن و دێ د ناڤ كه‌نيسێ دا ڤه‌كۆلين ل سه‌ر هێته كرن.
ئه‌ڤ داخوازا ڤه‌كۆلينێ و پاپايێ ڤاتيكانێ هات، پشتى ئه‌ڤێ كچێ نامه‌ك بۆ پاپايى هنارتى و روودان بۆ به‌حسكرى.
ئه‌ڤرۆ نيوز:
پشتى راوه‌ستاندنا گه‌شتيێن هێلا ئاسمانى ئيماراتى فلاى دوبه‌يى، ژ لايێ وى وه‌لاتى ڤه ژ ئه‌نجامێ ته‌قه‌كرنێ ل ئه‌سمانێ عيراقێ، هێلا ئاسمانى يا ئوردنى ژى گه‌شتێن خوه ب ره‌نگه‌كێ به‌روه‌خت راوه‌ستاندن.
باسل گه‌يلانى هاريكارێ هێلا ئاسمانى يا شاهانه يا ئۆردنى د داخۆيانيه‌كا رۆژنامه‌ڤانى دا راگه‌هاند كو ژ پێناڤى پاراستنا گه‌شتياران ب ره‌نگه‌كێ ده‌مكى گه‌شتێن خوه يێن ئه‌سمانى بۆ به‌غدا راوه‌ستاندن هه‌تا ره‌وشا ئه‌منى يا ده‌وروبه‌رێن فرۆكخانا نێڤده‌وله‌تى يا به‌غدا ئارام دبيت.
باسل ئاماژه ب وێ چه‌ندێ ژى كر كو ئوردن 9 گه‌شت يێن بۆ به‌غدا و 9 ژى بۆ هه‌ولێر ئه‌نجام دده‌ت، پشتى داگيركرنا باژێرێ مووسل ژ لايێ چه‌كدارێن داعش گه‌شتێن وى باژێرى ژى هاتينه راوه‌ستاندن.
پشتى فلاى دوبه‌يى، وه‌زاره‌تا ده‌ره‌ڤه يا ئيماراتێ بالوێزخانا عيراقێ گازيكريه و نه‌ره‌حه‌تيا خوه و وه‌لاتێ خوه ل سه‌ر بابه‌تى ده‌ربڕيه و داخوازا ڤه‌كۆلينێ كريه. حوكمه‌تا وى وه‌لاتى ژى گه‌شتێن خوه بۆ عيراقێ بۆ ڤى ده‌مى راوه‌ستاندينه.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ هه‌موو بيته ئه‌ور ل گه‌ل بارينا بارانێ هه‌ر ژ زوو.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ زێده‌بوونا فشارێن بلندێن ده‌ريا سۆر و ناڤه‌راست و پاشان ژى فشارێن نزمێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا پێنجشه‌مبى رێكه‌فتى 29\1\2015 ئه‌سمانێ دهۆكێ دێ هه‌موو ئه‌ور بيت ل گه‌ل بارانا بارينێ ل ده‌مێ زوو يێ سپێدێ.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ پيچه‌ك هێته خوار هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 14 بۆ 5 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ل سه‌ر خوه و ناڤه‌ندى بيت د ناڤبه‌را 5 بۆ 10 كلم د ده‌مژمێره‌كێ ماوێ ديتنێ ژى دێ 8 بۆ 10 كلم بيت.
ئه‌ڤرۆ نيوز:
ژێده‌ره‌كى ژ هێزێن پێشمه‌رگێ كوردستانێ بۆ ئه‌ڤرۆ نيوز راگه‌هاند كو ئه‌ڤرۆ سپێدێ چه‌كدارێن تيرۆرستێن داعش بزاڤ كرن هێرشێ بكه‌نه سه‌ر پێشمه‌رگه‌يى، به‌لێ هێشا وان هاته تێكشاندن.
عه‌قيد شوكرى ئيسماعيل ئێك ژ فه‌رماندارێن پێشمه‌رگێ كوردستانێ گۆت: “ئه‌ڤرۆ سپێدێ رێكه‌فتى 28\1\2015 ل ده‌مژمێر 5:45 ده‌قيقه چه‌كدارێن داعش د ڤيا هێرشێ بكه‌نه سه‌ر سه‌نگه‌رێن پێشمه‌رگێ ليوا چار ل گۆندێ خه‌رائيج و گۆندێ حه‌ردان، به‌لێ پێشمه‌رگێ قاره‌مانێ ليوا چار ب دژوارى به‌رسڤا وان دا”.
زێده‌تر گۆت: “د ئه‌نجاما ڤێ به‌رسڤدانا دژوار دا، 12 ته‌رمێن تيرۆرستێن داعش مانه ل سه‌نگه‌رێ شه‌رى، چه‌كه‌كێ زۆر ژى كه‌فتيه ده‌ست پێشمه‌رگه‌يى”.
ل دۆر زيانێن پێشمه‌رگه‌يى ژى ئه‌ڤى فه‌رماندارێ پێشمه‌رگێ كوردستانێ دا زانين كو پێشمه‌رگه هه‌موو ب سلامه‌تن و چو زيان نه‌گه‌هشتينێ.
پشتی چه‌ندین سال دیسان ناڤێ ساجدا ریشاوی هاته مه‌یدانی، كو نوكه رێكخراوا داعش داخوازا لێكگوهارتنا وێ ل گه‌ل ئێخسيرێ یابانی یێ ل ده‌ف وان كریه.
ساجدا ریشاوی، ژنه‌كه كو هه‌ولا خوه په‌قاندنێ ل گه‌ل هه‌ڤژينێ خوه حسێن شه‌مه‌رى دا ل سالا 2005 ل ئۆتێله‌كا ئوردنی ب ناڤێ راديسۆ كو هه‌ر ئێك ل كوژيه‌كێ خوه ب په‌قينيت، لێ ئه‌و ب سه‌ر نه‌كه‌ت و نه‌شیا قايشا خوه ب په‌قينيت، ده‌ما خه‌لك ژ ئۆتێلێ ره‌ڤين، ئه‌و ژى ل گه‌ل چوو ژ ده‌رڤه و خوه ڤه‌شارت بوو، پشتى چه‌نده‌كێ ژ لايێ پۆليسێن وى وه‌لاتى ڤه هاته ده‌سته‌سه‌ركرن.
رێكخراوا داعش وێ وه‌كو(خویشكا ئێخسير) ب ناڤ دكه‌ت و داخواز كریه كو وێ ب ئێخسيرێ یابانی یێ ب ناڤێ (كینجی توغو) بگوهوريت پشتی كو هه‌ڤالێ وی (هارونا یاكاوا) كوشتی.
ژ سالا 2005 ساجده ل ئوردنێ زیندانكریه و حوكمێ سێداره‌دانێ بۆ هاتیه دياركرن، به‌لێ هه‌تا نوكه نه‌هاتيه سێداره‌دان، هه‌ر چه‌نده حوكمه‌تا وى وه‌لاتى هنده‌ك كه‌سێن سزايێ سێداره‌دانێ بۆ ده‌ركه‌فيت پشتى وێ سێداره داينه.
ژ ئه‌نجامێ ئه‌و ته‌قينا هه‌ڤژينێ ساجيدايێ ل وى ده‌مێ ل ئۆتێلا راديسۆ يا ئوردنى 38 كه‌سان گيانێ خوه ژ ده‌ست دا بوو هژماره‌كا وه‌لاتيان ژى بريندار ببوون كو هه‌موو سڤيل بوون.
نيشاندان