15 حاله‌تێن ئه‌نفلۆنزا به‌رازان هاتينه‌ تۆماركرن و ئێك مريه‌

27/01/2015 13:05

148

ئه‌ڤرۆ نيوز:

ل پارێزگه‌ها ميسان 15 حاله‌تێن تووشبوون ب نه‌خۆشيا ئه‌نفلۆنزا به‌رازان هاتينه‌ تۆماركرن و ئێك ژ وان ژى گيانێ خوه‌ ژ ده‌ست دايه‌. لژنا نه‌زاهێ ل پارێزگه‌هێ ژى دبێژيت ئه‌گه‌رێ زێده‌بوونا حاله‌تان يێ هه‌يى.

وه‌زاره‌تا ساخله‌ميا عيراقێ راگه‌هاند كو چو حاله‌تێن نه‌خۆشيا ئه‌نفلۆنزا به‌رازان ل عيراقێ نه‌هاتينه‌ تۆماركرن، به‌لێ سه‌رۆكێ لژنا نه‌زاهێ ل جڤاتا پارێزگه‌ها ميسان د به‌ياننامه‌كێ دا راگه‌هاند: 15 حاله‌تێن تووشبوون و حاله‌ته‌كێ مرۆنێ ب وێ نه‌خۆشيێ ل ميسان هاتينه‌ تۆماركرن و ئه‌گه‌رێ زێده‌بوونا ڤێ رێژێ ژى هه‌يه‌.

ئاماژه‌ ب وێ چه‌ندێ ژى كريه‌ كو هه‌موو نه‌خۆش خستينه‌ ژێر سه‌رپه‌رشتيا نه‌خۆشخانا سه‌در يا فێركارى و داخواز ژى ژ وه‌زاره‌تا ساخله‌ميێ كر و ده‌رمانێن پێدڤى بۆ چاره‌سه‌ريا وان دابين بكه‌ن.

هه‌رێم پشكدار كۆنگرێ زانكۆیێن عه‌ره‌بی دكه‌ت

27/01/2015 12:53

ئه‌ڤرۆ نيوز، ناجی به‌ده‌ل:

ب فه‌رمی داخوازنامه‌یا به‌شداریكرنێ بو هه‌رێمێ ل گرنگترین كونگری نێڤ ده‌وله‌تی یێ جیهانی ئه‌و ژی یێ زانكویین عه‌ره‌بی یه‌ كو ژ لایێ ئیكه‌تیا زانكویین عه‌ره‌بی ل هه‌یڤا ئادارێ ل به‌یرۆتا پایته‌ختێ لوبنانێ برێڤه‌ بچیت.

د.سلتان ئه‌بو عرابی ئه‌میندارێ گشتی یێ ئیكه‌تیا زانكویێن عره‌بی بو به‌شداریكرنا زانكویێن كوردستانێ ل كونگرێ زانكویێن عه‌ره‌بی كو بریاره‌ ل هه‌یڤا ئادارێ بهێته‌ دارخستن سه‌ره‌دانا هه‌رێما كوردستانێ كر.

ئه‌میندارێ گشتی یێ ئیكه‌تیا زانكویێن عه‌ره‌بی بو پتر موكمكرنا په‌یوه‌ندیێن زانست و ئه‌كادیمی دناڤبه‌را هه‌مو لایه‌نێن به‌شداربویی بهێته‌كرن و داخویانیه‌كێ كی دا بو راگه‌هاندنێ د.یوسف گوران وه‌زیرێ خواندنا بلند دیاركر ل هه‌رێمێ دامه‌زراویه‌كا تایبه‌ت ب بیاڤێ جوری هه‌یه‌ ل ئه‌گه‌ل ئه‌وێ چه‌ندێ مفایی ژ ئه‌زمونێن دی یێن عه‌ره‌بی وه‌ربگرین و پێته‌پێدان.

وه‌زیرێ خواندنا بلند دازانین موكمكرنا په‌یوه‌ندیێن ل گه‌ل زانكوییێن عه‌ره‌بی به‌رفره‌هكرنا بازنه‌یێ په‌یوه‌ندیێن هه‌ڤبه‌شه‌ و گرنگ و پیدڤی نه‌ بو هه‌ردولایان .

ئه‌مینداری گشتی یێ زانكویین عه‌ره‌بی گوت ژی سوپاسیا وه‌زاره‌تا خواندنا بلند یا هه‌رێمێ دكه‌ین بو هه‌ڤكاریكرنا وان بو زانكویین عیراقێ ب تایبه‌تی زانكویێن موسلێ ب ئه‌گه‌ری خرابونا ره‌وشا ئه‌وی ده‌ڤه‌رێ.

ئێكه‌تیا زانكویێن عه‌ره‌بی ل سالا 2013 ب به‌رهه‌ڤبونا سه‌رۆكێن 200 زانكویێن عه‌ره‌بی كونگره‌یێ سالانه‌ یێ خو ل هه‌ریما كوردستانێ ئه‌نجام دابو .

بهايێ زێر و زيڤى ل بازارێن دهۆكێ

27/01/2015 12:50

228

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.1.27 بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18	38000
1 گرام زێرێ (ع) 21	44500
1 گرام زێرێ (ع) 22	46500
1 گرام زيڤ	3000

ئه‌زمونه‌كا نوو بوو بۆ هێزێن پێشمه‌رگه‌يى

27/01/2015 12:48

183

ئه‌ڤرۆ نيوز، ناجی به‌ده‌ل:

ئایدن عینایه‌ت پسپوری سه‌ربازیێ خانه‌نشینكری بو ئه‌ڤرۆ نیوز دیاركر شه‌ر ب هێزا ئاسمانی بتنێ ناهێته‌كرن و هه‌لیكوپته‌ر و جورێن دن یین هێزا ئاسمانی هه‌تا راده‌یه‌كی كاریگه‌ریا خو هه‌یه‌ ده‌ما لێدانێ و پاقژكرنا ده‌ڤه‌رێ و دڤێت هیزه‌كا وه‌ك یا ئاسمانی ژی بچیته‌ وان جهان و بگریت و رێ ل به‌رگرتنا وان بو جهێن به‌رێ نه‌هێته‌ داین.

ناڤبری ئه‌و چه‌نده‌ ژی دیاركر ئه‌و پێدڤیین سه‌ربازی كو نها هه‌ین نه‌ ل ئاستێ پیدڤی دانه‌ و پتر هاریكاری و پشته‌ڤانی بهێته‌كرن بو ب ته‌مامی داعشی ل ده‌ڤه‌رین خوه‌ پاقژبكه‌ن.

ئایدنی ئه‌و چه‌نده‌ ژی دیاركر ئه‌ڤ شه‌ره‌ژی ژلایێ سه‌ربازی ڤه‌ تاقیكرنه‌كا نوبو بو هێزا پێشمه‌رگه‌ی مینا بومبه‌یێن ڤه‌نای و شه‌رێ كولانان و راسته‌ شه‌رێ چیای و سه‌نگه‌ر گرتنێ لێ شه‌ری كولانان تشته‌كێ نوبو پێشمه‌رگه‌ی كری و شیایه‌ ب له‌ز خو فێربكهت و هه‌مبه‌ری وان راوه‌ستیت.

ره‌وشا دراڤى ل بازارێن دهۆكێ

27/01/2015 12:46

149

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2015.1.27 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى	1222
1 يۆرۆيێ ئه‌ورۆپى	1380
1 ليرێ توركى	520

پێشينا هه‌ڤژينيێ و ئاڤاهيان ئێدى راناوه‌ستيت

27/01/2015 12:35

474

ئه‌ڤرۆ نيوز:

وه‌زيرێ دارايى و ئابوورى ل حوكمه‌تا هه‌رێما كوردستانێ ئاشكه‌را كر كو دا پێشينا هه‌ڤژينيێ و ئاڤاهيان رانه‌وه‌ستيت، دێ سندوقه‌ك بۆ هێته‌ دروستكرن و په‌رله‌مانى ژى پشته‌ڤانى ل ڤى كارى كريه‌.

رێباز حه‌ملان وه‌زيرێ دارايى و ئابوورى ل حوكمه‌تا هه‌رێما كوردستانێ ب حه‌فتيناما باش راگه‌هاند د ماوێ داهاتى دا سندوقه‌ك بۆ پێشينا ئاڤاهيان و هه‌ڤژينيێ دێ هێته‌ دروستكرن و گۆت: “مه‌ پلانه‌كا باش دانايه‌ سندوقا پێشينان بۆ پێشينا هه‌ڤژينيێ و ئاڤاهيان دروست بكه‌ين، دا بشێين سالانه‌ كۆژمه‌كێ پاره‌يى د وێرێ دا ب دانين و پێشينه‌ پێ بهێنه‌ دان”.

ئاماژه‌ ب وێ چه‌ندێ ژى كر كو هه‌كه‌ ئه‌و كۆژمێ پاره‌يى هاته‌ دان، ئێدى پێشينا چو په‌يوه‌ندى ب وان كاودانان ڤه‌ نابيت يێن ب سه‌ر هه‌رێمێ دا دهێن و دێ د به‌رده‌وام بن.

د. عزه‌ت سابير سه‌رۆكێ لژنا دارايى و ئابوورى ل په‌رله‌مانێ كوردستانێ ده‌ستخۆشى ل ڤى كارى كر و پشته‌ڤانيا لژنێ ژى بۆ وى كارى ده‌ربڕى.

د قانوونا بودجا 2013 دا يا هه‌رێما كوردستانێ 600 مليار دينار بۆ پێشينان ته‌رخانكرينه‌، 20 مليۆن دينار بۆ پێشينا ئاڤاهيان ل باژێران و 25 مليۆن دينار ژى بۆ گوندان و پێنج مليۆن دينار ژى بۆ پێشينا هه‌ڤژينيێ.

دێ‌ شه‌رێ‌ خوه‌ ڤه‌گوهێزنه‌ ئورۆپا

27/01/2015 12:23

956

ئه‌ڤرۆ نيوز، مه‌سعود خه‌له‌ف:

رێكخراوا تیروریستیا داعش بریار دا كو ئه‌و دێ‌ هێرشێن دژوارتر ل دژی رۆژئاڤا و ئورۆپا ئه‌نجام بده‌ت، هه‌ر وه‌سا به‌رده‌ڤكێ‌ رێكخراوا داعش (ابو محمد العدنانی) برێكا توماره‌كا ڤیدیویی كو ل سه‌ر تورا ئه‌نترنێتێ‌ به‌لاڤبووی راگه‌هاندیه‌ كو ئه‌و داخوازێ‌ ژ ته‌ڤایا موسلمانێن ئورۆپا دكه‌ین كو هێرش بكه‌نه‌ سه‌ر سه‌لیبیان ل هه‌ر ده‌رێ‌، و هه‌ر وه‌سا دایه‌ زانین ژی كو ئه‌و دێ‌ ترس و خوفێ‌ و ژناڤبرنا ئێمناهیێ‌ داناڤ واندا په‌یدا بكه‌ین.

هه‌روه‌سا عه‌دنانی هشیاری ژی دا ئورۆپا و گۆت كو هێشتا هه‌وه‌ تشته‌ك نه‌دیتیته‌.

ده‌ستخوه‌شی ژى ل وان كه‌سان ژی كر ئه‌وێن كو هێرش ئه‌نجام دای ل فره‌نسا- به‌لجیكا- ئوسترالیا.

سه‌رۆكێ حوكمه‌تێ و جۆتيارێ كورد

27/01/2015 11:49

191

ئه‌ڤرۆ:

سەرۆکێ حکوومەتێ ب گەریانێ چوو ناڤ مللەتی، ل جھەکی دیت جۆتیارەک یێ ئەردی دکێلیت و یێ بکەیفە و یێ سترانان دبێژیت.
سەرۆکێ حکوومەتێ گۆتێ: ئەزێ تە دبینم تو گەلەکێ بکەیفی، ئەڤ ئەردە یێ تەیە؟
جۆتیار: نەخێر ئەزبەنی ئەز وەرازم و ب کرێ یا رۆژانە د ناڤ دا کاردکەم و رۆژێ ئەز ٤٠ ھزارا وەردگرم.
سەرۆکێ حکوومەتێ: ئەو پارە تێرا تە دکەن؟
جۆتیار: بەلێ و زێدەنە ژی، ئەز ١٠ ھزارا بۆ ژیارا رۆژانە دمەزێخم، و ١٠ ھزارا ددەمە قەرێ خوە، و ١٠ ھزارا ددەمە ب قەر بۆ ھندەکێن دی، و ١٠ ھزارا ژی د رێیا خودێ دا دمەزێخم.
سەرۆکێ حکوومەتێ : ئەز د ڤێ چەندێ ناگەھم.
جۆتیار: ئەو ١٠ ھزارێن ئەز بۆ ژیارا رۆژانە دمەزێخم ئەون یێن ئەز و ھەڤژینا خوە پێ دژین، ئەو ١٠ ھزارێن ئەز ددەمە قەرێ خوە ئەون یێن ئەز بۆ دایک و بابێن خوە دمەزێخم، و ئەو ١٠ ھزارێن ئەز ددەمە ب قەر بۆ ھندەکێن دی، ئەون یێن ئەز ل زارۆیێن خوە دمەزێخم بۆ خوارنێ و جلکان ھەتا مەزن دبن و دێ قەرێ من بۆ من زڤرینن، و ئەو ١٠ ھزارێن ئەز د ریێا خودێ دا دمەزێخم ئەو ئەز ل دو خووشکێن خوەیێن نەخۆش دمەزێخم.
سەرۆکێ حکوومەتێ سەرسۆرمان ما ژ بەر سادەیا وی جۆتیاری و دلێ ویێ فرەە، ئەو ئەرد کڕی و کرە دیار بۆ وی جۆتیاری.
جۆتیاری ئەرد فرۆت، ژنەکا ئوکرانی ئینا، و ھەڤژینا خوە بەردا، و دایک و بابێن خوە برنە جھێ خودانکرنا پیرەمێر و پیرەژنان، زارۆیێن خوە ھێلانە ل کولانان، و نوکە یێ بزاڤێ دکەت ڤیزەکێ وەرگریت دا بچیتە کەنەدا.

كۆمپانيا گۆگل: ئه‌نترنێت نامينيت

27/01/2015 11:46

388

ئه‌ڤرۆ:

سەرۆکێ کارگێریا کۆمپانیا گوگل “ئیریک شمیت” راگەھاند کو ئەو ئنترنێتا ئەڤرۆ بوویە دەمارا ژیانێ نێزیک دێ بەرزە بیت، ئەڤە پشتی پرسیار ژێ ھاتیە کرن ل کۆربەندا “داڤۆس” ل سەر پاشەرۆژا ئنترنێتێ.
“شمیت” زێدەتر گۆت: نوکە سەر دەمێ ئامیرێن ھەستپێکەر و ئامیرێن تەکنولۆژیێن دشیان دا ل بەر خوە بکەن کو دێ بیتە پارچەکا نە پارچەکری د جیھانا مە دا، کو خو ئەم ھەست ب ھەبوونا وان ژی ناکەین و گۆت: ھزر بکە تو ل ژوورەکێ ب رێڤە دچی و ھەموو تشت دلڤلڤن و ل گەل تە تێکبزڤینێ دکەن ل دووڤ فەرمانێن تە.
د کۆربەندا “داڤۆس” دا کۆمپانیێن مەزن یێن تەکنولۆژیایێ بەرھەڤببوون وەکو “گوگل، مایکرۆسوفت، فێسبوک و ڤودافۆن” بۆ گەنگەشەکرنێ ل سەر پێشڤەچوونا تەکنولۆژیایێ و کارتێکرنا وێ ل سەر دەلیڤێن کاری.

كارگه‌هـ ب وان ب خوه‌ ڤه‌ په‌قى

27/01/2015 11:37

308

ئەڤرۆ نیۆز،بارزان مزووری:
بەرپرسێ لقا 14 مووسل ل میحوەرێ باشیک،عسمه‌ت رەجەب، بۆ ئەڤرۆ نیۆز دیار کر کو ل شەڤا بوری ل دەڤەرا شەلالات چەکدارێن تیرورستێن داعش مژوولی دروست کرنا بومبەیێن چاندى بوون د ناڤ کارگەھا وان دا ژ نیشکەکێ ڤە ئێک ژ وان بومبا دھێتە پەقاندن دبیتە ئەگەرێ پەقاندنا ھەموو کارگەھێ، د ئەنجام دا 4 داعش ھاتن کوشتن دو ژ وان ژى بریندار بوون، ئەڤ کارگەھە د ناڤ مالەکێ دا ھات بوو دانان.

نيشاندان 1...2,200 3,200 4,200 4,2084,2094,210...4,558 زێده‌تر

لاپه‌ر 4,209 ژ 4,558