ئه‌ڤرۆ نیوز:
وه‌زیرێ ئه‌وقاف و كاروبارێن ئاینى ل حكومه‌تا هه‌رێما كوردستانێ ئاماژه ب وێ یه‌كێ دكه‌ت كو ڤه‌گه‌ریانا مه‌لا كرێكار ئه‌میرێ به‌رێ یێ گرۆپا ئه‌نسارولئیسلام په‌یوه‌ندى ب ئه‌وان ڤه نینه.
كه‌مال موسلیم بۆ nna راگه‌هاندى یه كو هاتنا مه‌لا كرێكار په‌یوه‌ندى ب سیاسه‌تا حكومه‌تا هه‌رێما كوردستانێ یه، نه ب وه‌زاره‌تا ئه‌وقافێ.
ئه‌ڤرۆ نيوز، نيوار محه‌مه‌د سه‌ليم:
نوكه ل هه‌رێما كوردستانێ ب ره‌نگه‌كێ به‌رچاڤ گرنگى ب گه‌شتوگۆزارا زڤستانى نه‌هاتيه دان، به‌لێ ئه‌ڤه هندێ ژى ناگه‌هينيت كو ب ئێكجارى ل كوردستانێ نينه.
ل هه‌ولێرا پايته‌خت و قه‌زا سوران ب نێزيكتر به‌حس بكه‌ين چيايێ كوره‌ك يێ گۆزارى نوكه هه‌تا راده‌كێ باش ئه‌ڤ گه‌شتوگۆزاره لێ دهێته ديتن و خه‌لكه‌ك ژى ب باشى قه‌ست دكه‌تێ كو رۆژێن بهێن ڤه‌دان گه‌له‌ك يا ب زه‌حمه‌ته ژ به‌ر قه‌ره‌بالغێ كه‌س خۆشيێ ب چوونا خوه بۆ وێرێ ببه‌ت.
دبيت هه‌بوونا ڤى جهێ ئێكانه ل كوردستانێ و عيراقێ ببيته ئه‌گه‌ر كو هه‌موو گه‌شتيا قه‌ست بكه‌نێ، به‌لێ ل رۆژانێن ده‌واما فه‌رمى گه‌له‌ك ل وێرێ نين و ئه‌ڤ وێنێن هاتينه گرتن ژى ل وى ده‌مى هاتينه گرتن.
ئه‌ڤرۆ نیوز:
فراكسیونا پارتى دیموكراتى كوردستان ل په‌رله‌مانێ كوردستانێ ب هه‌لكه‌فتا ئازادكرنا كوبانێ راگه‌هاندنه‌ك به‌لاڤكریه و تێدا هاتیه: ب هه‌لكه‌فتا ئازادكرنا كوبانێ، سیمبولا به‌رخودان و ئازایه‌تیێ، پیرۆزباهیێ ل گه‌لێ كوردستانێ دكه‌ین، پاقژكرنا باژێره‌كێ دى یێ كوردستانێ ل ده‌ستێ چه‌په‌لێن تیرورستان، سه‌ركه‌فتنا دى یه پێشمه‌رگه و شه‌رڤانان د لاپه‌رێن پر شانازی یێن خه‌باتا كوردستانێ دا تومار كرین”.
فراكسیونا پارتى دیموكراتى كوردستان دیسا دیاركریه كو ب پشته‌ڤانیا خودێ مه‌زن دێ ب زووترین ده‌م هه‌موو ئاخا كوردستانێ ژ ده‌ستێ تیرورێ رزگار بیت.
ئه‌ڤرۆ نیوز:
بڕیاره رۆژا پێنجشه‌مبى، په‌رله‌مانێ عیراقێ بودجێ گشتى یێ عیراقێ یێ سالا 2015 بئێخیته به‌ر ده‌نگدانێ و بۆ وێ مه‌ره‌مێ ژى داخوازیه‌كێ ئاراسته‌ى ئه‌ندام په‌رله‌مانان دكه‌ت.
به‌ختیار شاوه‌یس ئه‌ندامێ په‌رله‌مانێ عیراقێ راگه‌هاند كو ئه‌ڤرۆ ئه‌حمه‌د چه‌له‌بى سه‌رۆكێ لژنا دارایى ل ناڤ هولا په‌رله‌مانى، سه‌لیم جبورى سه‌رۆكێ په‌رله‌مانێ عیراقێ ئاگه‌هداركر كو بودجه یێ به‌رهه‌ڤه و رۆژا 5 شه‌مبى دێ ئێخنه به‌ر ده‌نگدانێ و بۆ ڤێ مه‌ره‌مێ ژى په‌رله‌مانێ عیراقێ داخواز ژ هه‌موو ئه‌ندام په‌رله‌مانا یێ كرى كو به‌غدا بجه نه‌هێلن و ل رۆژا پینجشه‌مبى بۆ ده‌نگدان ب بودجه‌ى به‌رهه‌ڤ ببن.
ئه‌ڤرۆ نیوز، ناجی به‌ده‌ل:
د.وه‌جیهـ عه‌فدو عه‌لی ماموستایێ زانستین سیاسی ل كولیژا یاسا و رامیاری ل زانكویا دهۆكێ بو ئه‌ڤرۆ نیوز دیاركر گرۆپێن تیرۆری ب چه‌ندین شیوه‌یێن نو گوهۆرین ل هه‌یكه‌لێ خوه یێ ئیداری و نێرینێن خودا كرینه ب هیرده‌كاری نه‌بیت نه‌شیێ ژێك ڤاڤێری.
ناڤبری ئه‌و چه‌نده ژی دازانین ئه‌و گوهورینێن د كارێن ئیداری دا كرین گرۆپێن تیرۆری بو چه‌ند ئه‌گه‌ره‌كان ڤه دگه‌ریت ژ وان زوربونا سه‌نگه‌ر و هه‌ڤپه‌یمانیێن جیهانی ل دژی وان ل هه‌رێمێ و عیراقێ وسوریا .
ئه‌ڤرۆ نیوز:
پشتى نیڤرویا ئه‌ڤرۆ هێزێن كوردى ل باژێرێ كوبانێ ل رۆژئاڤایێ كوردستانێ دووماهى تاخێ كوبانێ ب ناڤێ ( كانیا كوردان) ژ تیرورستێن داعش پاقژ كرن.
ژێده‌رێن ده‌نگوباسا دیار دكه‌ن كو ب تنێ تاخێ مكته‌ل یێ ماى بهێته ئازادكرن كو گونده‌كه سه‌ر ب كوبانێ ڤه و نوكه پێشمه‌رگه و شه‌رڤان یێ به‌ره‌ڤ ڤى گوندى ڤه دچن.
ئه‌ڤرۆ نيوز:
ره‌وانگه‌ها سورى بۆ مافێن مرۆڤى راگه‌هاند كو هێزێن كوردى ده‌ستێ دانايه سه‌ر 90% ژ باژێرێ كۆبانێ پشتى شياين پێشڤه‌چوونێ ل تاخێ “كانى كوردان” ب ده‌ست ڤه بينن و ده‌ست دانا سه‌ر قوتابخانا “تشرين” و پێشكه‌فتنا وان ل جهێن كوژه‌ك يێن باژێرى.
ئه‌ڤێ ره‌وانگه‌هێ ئه‌و چه‌نده ژى دايه زانين كو پشتى شكه‌ستنێن به‌رچاڤێن رێكخستيا داعش، ئه‌وان نێزيكى 140 كه‌سان برينه به‌روكێن شه‌رى كو هه‌موو د بن ژيێ 18 ساليێ دانه و شيانه كوشتنا شه‌ش كه‌س ژ وان ژى ب به‌لگه پشت راست بكه‌ن.
دايه زانين ژى كو ئه‌ڤرۆ هێزێن كوردى شياينه ده‌ستێ خوه بداننه سه‌ر گوندێ “ماميد” باشوورێ رۆژئاڤايێ كۆبانێ و دوهى ژى شيابوون ل گوندێ “ته‌رمه‌ك” يا د ناڤبه‌را دۆلا مشته‌نورێ و رێيا حه‌له‌ب كۆبانێ دا بگرن ژ ئه‌نجامێ ئه‌و شه‌رێ د ناڤبه‌را وان هێزێن رێكخستيا داعش دا.
ديسا ل ناڤ باژێرى ژى شياينه ده‌ستێ خوه بداننه سه‌ر قوتابخانه “شه‌ريعه” و مزگه‌فتا “سيدان”.
ئه‌ڤرۆ نيوز، بارزان مزوورى:
به‌رى ده‌مه‌كێ كێم فرۆكێن شه‌ركه‌رێن هێزێن هه‌ڤپه‌يمانان هێرش كره سه‌ر دو هه‌مه‌رێن داعش يێن پڕى چه‌كدارێن وان د ئه‌نجام دا هێرشا وان ب سه‌ركه‌فتى ب دووماهى هات و ئه‌و داعش يێن د ناڤ هه‌مه‌ران دا ب هه‌مه‌ر ڤه هاتنه سوتن.
ب گۆره‌يى ژێده‌ره‌كێ پێشمه‌رگه‌يى كو ئه‌ڤرۆ نيوز پاراستن ل سه‌ر ناڤێ وى كريه ل گوندێ خۆرسه‌بات كو دووماهى خالا سنورى يا چه‌كدارێن داعشه ل ميحوه‌رێ ناوه‌ران، فرۆكێن شه‌ركه‌رێن هێزێن هه‌ڤپه‌يمانان هێرش كره سه‌ر دو هه‌مه‌رێن داعش يێن پڕى چه‌كدارێن وان د ئه‌نجام دا هێرشا وان ب سه‌ركه‌فتى ب دووماهى هات و ئه‌و داعش يێن د ناڤ هه‌مه‌ران دا ب هه‌مه‌ر ڤه هاتنه سوتن.
ئه‌ڤرۆ نيوز:
ئاژانسا ده‌نگوباسێن مسرى يێ “اليوم السابع” ژ زارێ ئه‌سوشيه‌يتيت پرێس راگه‌هاند كو حوكمه‌تا مسرێ هه‌ردو كوڕێن حوسنى مباره‌ك ئازاد كرن.
ژێده‌ره‌كى بێى كو ناڤێ خوه بۆ “اليوم السابع” ئاشكه‌را كه‌ت ئاماژه ب وێ چه‌ندێ كريه كو ترۆمبێله‌كا مينى پاس هه‌ردو كوڕێن حوسنى مباره‌ك جه‌مال و عه‌لا ژ زيندانێ ده‌رخستينه و به‌ر ب په‌يمانگه‌ها پۆليسان يا نێزيك زيندانا طه‌ره يا ئه‌و لێ د زيندانكرى بريه و پشتى نوونه‌راتيا گشتى ئه‌و ئازادكرين ترۆمبێله‌كا كيا كو بابێ هه‌ڤژينا جه‌مال هنارتيه په‌يمانگه‌ها پۆليسان هه‌ردو كوڕێن حوسنى مباره‌ك به‌ر ب جهه‌كى برينه.
د هه‌مان ده‌م دا، ژێده‌رێن وه‌زاره‌تا ناڤخۆ يا مسرى ژى ئه‌ڤ چه‌نده بۆ “اليوم السابع” ره‌تكريه و ئاماژه ب وێ چه‌ندێ كريه كو هه‌تا نوكه هه‌ردو كوڕێن موباره‌ك يێن د زيندانێ دا د ده‌سته‌سه‌ركرينه.
نيشاندان