ئه‌ڤرۆ نيوز:
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ راگه‌هاند كو ژ ئه‌نجامێ زێده‌بوونا فشارێن نزمێن ده‌ريا سۆر بۆ سه‌ر هه‌رێما كوردستانێ، دێ ئه‌سمانێ كوردستانێ بيته ئه‌ور و ل رۆژا چارشه‌مبى دێ هنده‌ك چپكێن بارانێ بارن و ب شه‌ڤ ژ ئه‌نجامێ هاتنا فشارێن بلندێن ده‌ريا ناڤه‌راست دێ ئه‌ڤ باران بارينه زێده‌تر لێ هێت و ل ده‌ڤه‌رێن چيايى دێ به‌فر ژى باريت.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێمێ دايه زانين ژى كو دێ كاتێكرنا ڤان فشاران هه‌تا رۆژا شه‌مبى ل سه‌ر هه‌رێما كوردستانێ ب ئاشكرايى مينيت و پاشان دێ لاواز بن و نامينن.
ئەڤرۆ نیوز، مللەت جەمال:
ژێدەرکێ نێزیک ژ کارگێریا یانا پێشمەرگەیا ھەولێر دیارکر کو دێ دەستا ژ چار یاریکەرێن خوە بەردەن و ھەروەسا دێ پیشەکارێ خوە یێ مسری ژی دوورئێخن
زێدەتر ھەمان ژێدەر بو ئەڤرۆ نیوز دیارکر ب مەرما بھێزکرنا تیمێ بو یاریێن قواناغا بھێت یا خۆلا کوردستانێ کارگێریا یتیمێ دێ دەستا ژ ھەر چار یاریکەرێن خوە “ئامانج فەخرەددین ، مازن عەزیز، نیچیرڤان پاشا و شێرزاد محەمەد بەردەت و لجھێ وان ھندە ک یاریکەرێن دی ل تیمێ زێدەکەت”.
لدووماھیێ ھەتمان ژێدەر دیارکر پیشەکارێ مسری ئەحمەد حوسنی ئەوێ ل ھێلا ھێرشبەریێ یاریێ دکەت دێ ھێتە دوورکرن و ل جھێ وی بەرەڤانەکا دێ ھیت ب مەرەما بھێزکرنا ھێلا بەرڤانیێ.
یانا پێشمەرگا ھەولێر پشتی بدووماھیک ھاتنا قوناغا ئێکێ یا خولا نایابا تەپا پێی یا ھەرێما کوردستانێ ب ١٣ خالان ل رێزا نەھێ دھێت
ئه‌ڤرۆ:
پیستێ دوھنی دھێتە نیاسین ب دەرکرنا رێژەیەکا بەرچاڤ ژ دوھنی ل سەر پیستی و ئەڤ چەندە گەلەک جاران دبیتە ئەگەرێ دەرکەفتنا پرسکێن دوھنی و زیوان ڤەبوونا خانێن پیستی، لەورا شارازایێن پیستی ماسکێن جودا جودا بۆ ڤی جورێ پیستی بەرھەڤ دکەن و ژ باشترین وان ماسکا ماسکێ ھێک و ھنگڤینی یە کو پێک دھێت ژ سپیلکا ھێکەکێ، کەچکەکێ مازن یێ ھنگڤین و کەچکەکێ ئاڤا لیمونان دێ باش تێکەل کەیی و ل دێمێ خوە دەی و پشتی بورینا ٢٠ خولەکان ب ئاڤا تێنشیر شوی.
ئه‌ڤرۆ نيوز:
ئه‌ندامه‌كێ شاندێ دانوستاندنكارێ پارتى ديموكراتى كوردستان بۆ پێكئينانا حوكمه‌تا خۆجهيا سلێمانيێ ل گه‌ل ئێكه‌تى نشتيمانى كوردستان و بزاڤا گۆڕان بۆ مالپه‌رێ PDK.info راگه‌هاند كو به‌رسڤا پارتى بۆ پێشنيازێن وان يا ئه‌رێنى بوو.
پشتى د دو رۆژێن بۆرى دا، شاندێ دانوستاندكارێ ئێكه‌تى نشتيمانى كوردستان و بزاڤا گۆڕان سه‌ره‌دانا پارتى ديموكراتى كوردستان كرى بۆ دانوستاندنێ ل سه‌ر حوكمه‌تا خۆجهيا سلێمانيێ، چه‌ند پێشنيازه‌ك خستبوونه به‌ر پارتى ديموكراتى كوردستان ب مه‌ره‌ما پشكداريكرنێ د حوكمه‌تا خۆجهيا سلێمانيێ دا و به‌رسڤا پارتى ژى بۆ وان يا ئه‌رێنى بوو.
زياد كاكه ره‌زا گۆت: “ئه‌م يێن ل سه‌ر خالێن وان رازى بووين، ب تنێ ئه‌وان سێ پۆستێن رێڤه‌به‌رێن ناحيا ب مه دابوون و ئه‌و ناحيه د بچووك بوون، مه خواستيه ناحيێن مه‌زن ب مه ب ده‌ن، ل گه‌ل هنده‌ك پۆستێن ئيدارى”.
دا زانين كو ئه‌و دێ چاڤه‌رێ كه‌ن كا دێ به‌رسڤا ئێكه‌تى نشتيمانى كوردستان و بزاڤا گۆڕان بۆ وان چ بيت.
پارتى ديموكراتى كوردستان ل سلێمانيێ داخوازا ئێك ل سه‌ر 10 يا پۆستێن پارێزگه‌ها سلێمانيێ دكه‌ت و ئه‌و رێژه ژى ئه‌وه يا د هه‌لبژارتنێن وێ پارێزگه‌هێ دا ب ده‌ست خوه ڤه ئينايى و ب مافێ خوه دزانيت.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ هنده‌ك ئه‌ورێن كێم هه‌بن.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ زێده‌بوونا فشارێن نزمێن ده‌ريا سۆر بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا سێشه‌مبى رێكه‌فتى 27\1\2015 ئه‌سمانێ دهۆكێ هنده‌ك ئه‌ورێن كێم و ته‌نك هه‌بن.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى يا بلند دێ پيچه‌ك هێته خوار هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 14 بۆ 4 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ل سه‌ر خوه و ناڤه‌ندى بيت د ناڤبه‌را 5 بۆ 10 كلم د ده‌مژمێره‌كێ ماوێ ديتنێ ژى دێ 8 بۆ 10 كلم بيت.
ئەڤرۆ:
زانا وەسا دیار دکەن کو ئەنجامدانا سیکسی و ھەڤگەھشتنا باش کارتێکرنەکا مەزن ل سەر سەرکەفتنا ھەڤبەندیێن دلینی ھەیە، بەلێ ھندەک ڤەکۆلینان ھندەک ھۆکارێن دی دیار کرینە وەکو زانینا جۆرێ خوارنێ یێ ھەڤژین حەز ژێ دکەت و بەردەوامی ل سەر کاری و شیان چاڤدێریا خوە ژی گەلەک د گرنگن بۆ سەرکەفتنا ھەڤبەندیێ، سیکس نە ھەموو تشتە!
د ڤێ ڤەکۆلینێ دا زانا ٢٢٠١ کەس پشکدار کرن و روو ب روو، ب حەفت شیانێن گرێدای ھەڤبەندیا دلینی ڤە، کو ھندەک ڤەکۆلەران بەری نوکە بۆ ب ھێزکرنا خۆشیێ د ھەڤبەندیا دلینی دا دابوونە دیار کرن.
ھزرا ڤەکۆلەران ئەڤ شیانە ب رێزبەندی ب رێز کربوون ل سەر لایەنێن گرنگتر د ھەڤبەندیا دلینی دا و پاراستنا وێ، زێدەباری ھەڤگەھشتنێ و چارەکرنا دوبەرەکیان، دیسان ڤەکۆلین ل سەر رۆمانسیەتێ و رەفتارا ل گەل وەستیانێ و شیانێن ژیانێ و زانینا ھەڤالان و کارگێریا خوەیەتی ژی کرن بۆ زانینا باشترین ئاماژێن رازیبوونێ د ھەڤبەندیا دلینی دا.
ڤەکۆلەران پرسیارا شیانان ژ ھەڤژینان کرن و پاشی پرسیارا ئاستێ رازیبوونێ د ھەڤبەندیا وان دا ژێ کرن، پاشی ڤەکۆلەران خالێن ب ھێز و یێن لاواز بۆ ھەر ھەڤژینەکێ پێکڤە گرێدان. ئەو ھەڤژینێن گۆتی ھەڤگەھشتن نھێنیا سەرکەفتنا ھەڤبەندیا وان بوو بلندترین پلێن رازیبوونێ د ھەڤبەندیا خوە دا بدەستڤە برن.
بەرھەڤکەر و سەرپەرشتێ ڤەکۆلینێ “رۆبرت ئینشتاین” مامۆستایێ زانستێ دەروونی ل زانکۆیا باشۆرێ ئقیانۆسێ ئارام ل “فیجی” دیار کر کو زانینا گەلەک کارێن ھەڤژینی یان خۆشتڤی کارەکێ گرنگە بۆ سەرکەفتنا ھەڤبەندیان، کو ئەو ژ وێرێ گرنگترە مرۆڤ ب زانیت کا ھەڤژینی زارۆ دڤێن یان نە.
ئەڤرۆ نیوز ، مللەت جەمال:
ئێکەتیا تەپا پێی یا ھەرێما کوردستانێ ب فەرمی پێکھاتیێ ھەلبژارتیێ کوردستانێ بو یاریا بەرامبەر ھەرێما ئیلان ڤانین یا ئیرلەندی راگەھاند کو پێک دھێت ژ دەستەکا راھێنەریێ و کارگێریێ و ١٩ یاریکەران و بڤی شێوێ خوارێ
سلێمان رەمەزان ژ یانا زێرەڤانی ( راھێنەر)
ئەرسەلان جەلال ژ یانا نەوروز ( ھاریکارێ راھێنەری)
سایغن شەوکەت ژ یانا کەرکوک ( راھێنەرێ گولچیان )
حلمی سابر ژ یانا سیروانی نوێ ( ھاریکارێ نوژداری )
دلزار حەمەد رەحمان ژ یانا ھندرین ( کارگێرێ تیمێ)
زنار فەیزی ژ یانا دھۆک ( گولچی )
زوھێر عەبدولجەمال ژ یانا زێرەڤانی ( گولچی )
خالد مشیر ژیانا دھۆک ( کاپتن)
بەیار ئەبوبەکر ژ یانا دھۆک ( یاریکەر)
ھونەر ئەحمەد ژ یانا زێرەڤانی ( یاریکەر)
ئیبراھیم کەریم ژ یانا نەوروز ( یاریکەر)
شوان قادر ژ یانا پێشمەرگەیا سلێمانیێ ( یاریکەر)
ئەرکان ئەمیر ژ یانا برایەتی ( یاریکەر )
محەمەد سابر ژ یانا شێروانە ( یاریکەر )
رێکان ھاشم ژ یانا ھندرین ( یاریکەر )
عەبدوللا سەربەست ژ یانا پێشمەرگا ھەولێر ( یاریکەر )
فەرھەنگ وریا ژ یانا پێشمەرگەیا ھەولێر ( یاریکەر )
رامیار ئازاد ژ یانا ھەولێر ( یاریکەر)
عەلی حسێن ژ یانا کەرکوک ( یاریکەر )
بەرۆژ جادر ژ یانا زاخۆ ( یاریکەر )
کوسرەت باییز ژ یانا ھەولێر ( یاریکەر )
سیواد ئسماعیل ژ یانا ئارارات ( یاریکەر )
رازگو فەریق ژ یانا سۆلاڤ ( یاریکەر )
حاتەم عەلی ژ یانا سلێمانیێ ( یاریکەر )
نيشاندان