ئه‌ڤرۆ نیۆز، بارزان سلێمان مزوورى
به‌رپرسێ لقا 14 ل مووسل و به‌رپرسێ میحوه‌رێ باشیك، عصمت ره‌جه‌ب، بۆ ئه‌ڤرۆ نیۆز دیار كر كو ئه‌ڤرۆ نێزیكترین كه‌سێ ئه‌بوبه‌كر به‌غدادى بناڤێ “سه‌لمان ئه‌بو خاصه ” د بوردومانێن فروكه‌یێن هاوپه‌یمانان ل ناڤ باژێرێ مووسل هاته كوشتن و ديسا ژماره‌كا چه‌كدارێن وان ل ناڤ مووسل ب بوردومانێن فروكه‌یا هاته كوشتن.
ناڤبرى دیار كر كۆ بوردومانكرنا باره‌گایێن داعش ل ناڤ مووسل به‌رده‌وامه.
ئه‌ڤرۆ نیوز:
ئه‌نجوومه‌نێ ئاسایشا هه‌رێما كوردستانێ د راگه‌هاندنه‌كێ دا كوشتنا ژماره‌كا سه‌ركرده و ئه‌میرێن داعش رادگه‌هینیت كو د چه‌ند رۆژێن بوورى دا، ژ ئه‌نجامێ هێرشێن هێزێن پێشمه‌رگه‌ى بۆ سه‌ر سنورێ مووسل هاتینه كوشتن.
ئه‌نجوومه‌نێ ئاسایشا هه‌رێما كوردستانێ د راگه‌هدنا خوه دا ئاماژه ب وێ یه‌كێ كریه كو ل گوندێ( حین جلاد) سێ به‌رپرسێن كه‌تیبێن تیرورستان ب ناڤێ (ابو تراب، ابو مروان، ابو زید) هاتینه كوشتن كو بۆ پشته‌ڤانیكرنا تیرورستان ژ مووسل هاتبوون.
هه‌روه‌سا صالح جاسم محمد فلاح السبعاوی یێ به‌رنیاس ب (ابو مالك) و ئێك ژ هه‌ڤكارێن وى ب ناڤێ (ابو حرب)ئه‌ڤرۆ بووینه ئارمانجا فرۆكێن هه‌ڤپه‌یمانان كو ئه‌ڤ دو تیرورسته بسپورێن دروستكرنا بومب و عبوان بوون.
هه‌روه‌سا ئه‌ڤرۆ ل میحوه‌رێ رۆژهه‌لاتا دیجله د چوارچوڤێ پێشره‌ویێن پێشمه‌رگه‌ى دا، ئه‌ڤ چوار ئه‌میرێن داعش ب ده‌ستێ پێشمه‌رگه‌ى هاتینه كوشتن.
1- ئەمیر (ابو عبیدە (عمار بیت)
2- ئەمیر (مشعان فواز صالح)
3- ئەمیر (عبداللە احمد محی الدین)
4- ئەمیر (عبدالمنعم حسین احمد)
ئه‌ڤرۆ نیوز:
رۆژنامه‌كا به‌ریتانى ئاماژه سه‌ركه‌فتنێن هێزێن پێشمه‌رگێ كوردستانێ ل نێزیك شنگال دكه‌ت و دبێژیت” پێشمه‌رگه‌ى مووسل یێ دورپێچ كرى”.
رۆژناما گاردیان به‌لاڤكریه: هێزێن پێشمه‌رگێ كوردستانێ شیاینه د ماوێ چه‌ند رۆژێن بوورى دا، نێزیكى 300 كیلومتران ل نێزیك شنگالێ ل رۆژئاڤایێ مووسل ژ چه‌كدارێن داعش پاقژ بكه‌ن.
ئه‌ڤرۆ نیوز، ڤه‌ده‌ر سوبحى
كوچكا سپی یا ئه‌مریكا راگه‌هاند كو سه‌رۆك باراك ئوباما چ هه‌ڤدیتنا پێك نائینیت دگه‌ل بنیامێن نه‌ته‌نیاهو سه‌رۆك وه‌زیرێن ئیسرائیلێ دده‌مێ گه‌هشتنا وی بۆ ئه‌مریكا.
نه‌ته‌نیاهو ل به‌ره ل رۆژا 3 یا مه‌ها ئادارا ئه‌ڤ ساله سه‌ره‌دانا واشنتون بكه‌ت، لێ ئوباما ره‌ت دكه‌ت چ هه‌ڤدیتنا دگه‌ل پێكبینیت ده‌مێ دگه‌هیته ئه‌مریكا، ژبه‌ركو د وێ باوه‌رێ دایه ئه‌ڤ سه‌ره‌دانا نه‌ته‌نیاهو بۆ وێ یه‌كێ یه كارتێكرنێ لسه‌ر هه‌لبژارتنێن 17 ئادارێ ل ئیسرائیلێ بكه‌ت.
بێرنادێت میهان په‌یڤدارا جڤاتا ئێمناهیا ئه‌مریكا گۆت: ژبه‌ركو ده‌مێ سه‌ره‌دانا نه‌ته‌نیاهو نێزیكه دگه‌ل ده‌مێ هه‌لبژارتنێن ئیسرائیلی ب دو حه‌فتیان له‌ورا ئوباما ب چ ره‌نگه‌كی چاڤ ب نه‌ته‌نیاهو ناكه‌ڤیت، ئه‌مریكا نه‌ڤێت كارتێكرنێ د هه‌لبژارتنه‌كا دیموكراسی دا بكه‌ت.
ئه‌ڤرۆ نیوز:
شێخ عه‌لى فه‌رماندێ فه‌رماندا دهۆك راگه‌هاند كو ڤێ سپێدێ هێزێن پێشمه‌رگه‌ى هێرش كرینه سه‌ر چه‌كدارێن داعش و گونده‌كێ دى ب ناڤێ سالحیه ئازاد كرن ، و چه‌كدارێن داعش نه‌ه ته‌رمێن خوه بجه هێلاینه و چوار ترۆمبێلێن وان ژ ئالیێ فرۆكێن هێزێن هه‌ڤپه‌یمان ڤه هاتینه سوتن د ده‌مى بزاڤا ره‌ڤینێ دكر.
ده‌رباز محه‌مه‌د وه‌زیرێ كوچ و كوچبه‌ران ل عیراقێ راگه‌هاند:هژمارا ئاوارێن ناڤخویا وه‌لاتی گه‌هشتیه نیڤ ملیون مالبات و به‌ره‌ڤ زێده‌بونێ یه و ئاماژه‌كره ئه‌وێ چه‌ندێ پتریا ئاواران ئاكنجیێن هه‌رێما كوردستانێ نه.
ناڤبری ئه‌و چه‌نده ژی دیاركر ل گوری ئه‌وان داتایێن وه‌زاره‌تا كوچ و كوچبه‌ران ل ته‌ڤایا عیراقێ بو 507 هه‌زار مالباتان ده‌ربازبویه و به‌ره‌ڤ زێده‌بونێ یه و ل ته‌ڤایا ئه‌وان ئاواران بو دوو ملیون و 600 هه‌زار كه‌س ژی بلند بوویه و وه‌زاره‌تی پلانه‌ك هه‌یه كو ب شێت پشته‌ڤانیا ئاواران بكه‌ت ڤه‌گه‌رنه سه‌ر جهێن خوه.
ئه‌و چه‌نده ژی دیار پتریا دوو ملیون و 200 هه‌زار كه‌س ژ ئه‌وێ هژمارێ ل باژێرێن هه‌ریما كوردستانێ ئاكنجی بوینه.
ئه‌ڤرۆ نیوز:
جێگرێ سه‌رۆكێ حكومه‌تا هه‌رێما كوردستانێ و پارێزگه‌رێ له‌نده‌ن، ئه‌ڤرۆ گه‌شته‌ك بۆ ناڤ بازارێ هه‌ولێرێ ئه‌نجامدا، پاشان بۆریس جونسن پارێزگه‌رێ له‌نده‌ن ب هه‌ڤالبه‌ندیا پارێزگه‌رێ هه‌ولێرێ د كۆنگره‌كێ رۆژنامه‌ڤانى دا راگه‌هاند: ئه‌ز حێبه‌تى مه ژ پێشكه‌فتنێن هه‌رێما كوردستانێ و پشته‌ڤانیا هه‌رێما كوردستانێ دكه‌ین ل شه‌رى دژى داعش.
ئه‌ڤرۆ نیوز:
د ده‌مه‌كێ دا وه‌لاتی رژیابوونه سه‌ر شه‌قامان ب مه‌ره‌ما ده‌ربرینا خوشیێ ب هه‌لكه‌فتا سه‌ركه‌فتنا هه‌لبژارتیێ عیراقێ د جامێ نه‌ته‌وێن ئاسیادا، بومبه‌ك ته‌قى و د ئه‌نجامدا 13 كه‌س بوونه قوربانى.
ژێده‌ره‌كێ ئێمناهیێ راگه‌هاند كو ل باژارۆكێ مه‌حمودیه سه‌ر ب پارێزگه‌ها به‌غدا، دده‌مێ سه‌ركه‌فتنا هه‌لبژارتیێ عیراقێ ب سه‌ر ئیرانێ، د قاوه‌خانه‌كێ دا، بومبه‌ك په‌قى و دو كه‌س هاتنه كوشتن و 11 كه‌س برینداربوون.
هه‌لبژارتیێ عیراقێ د قوناغا چارێك دووماهى یا جامێ نه‌ته‌وێن ئاسیا ب لێدانا سزایان ب 7-6 سه‌ركه‌فت ل سه‌ر هه‌لبژارتیێ ئیرانێ.
ئه‌ڤرۆ نیوز:
شڤێدى ل ده‌مژمێر 1 ى شه‌ڤ پاشایێ سعودیێ عه‌بدولا كورێ عه‌بدولعه‌زیز چوو به‌ر دلوڤانیا خودێ و كه‌نالێ سعودیێ به‌لاڤكریه كو ئه‌ڤرۆ نیڤرۆ دێ ل مزگه‌فتا ( ئیمام توركى كورێ عه‌بدولعه‌زیز) نڤێژ ل سه‌ر هێته كرن و هه‌مان كه‌نال دیاركریه كو ئه‌ڤرۆ ئه‌میر سه‌لمان كورێ عه‌بدولعه‌زیز وه‌ك پاشایێ سعودیێ دێ ده‌ست ب كار بیت.
نيشاندان