ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 21\1\2015 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1215 |
| 1 يۆرۆيێ ئه‌ورۆپى | 1415 |
| 1 ليرێ توركى | 520 |
گوهۆڕين كه‌فتنه ره‌وشا دراڤى
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ئۆباما: هه‌ڤپه‌يمانين ل گه‌ل وان وه‌لاتێن رووى ب رووى تيرۆرێ دبن
ئه‌ڤرۆ نيوز:
باراك ئۆباما، سه‌رۆكێ وه‌لاتێن ئێكگرتى يێن ئه‌مريكى د گۆتاره‌كێ دا ل به‌رامبه‌ر كۆنگرێسێ ئه‌مريكا دا پێشكێش كر و گۆت: “سه‌ركرداتيا ئه‌مريكا بۆ هه‌ڤپه‌يمانيا نێڤده‌وله‌تى يا بوويه ئه‌گه‌ر داعش لاواز بيت”.
ئۆبامايى پێكئينانا هه‌ڤپه‌يمانيه‌كا نێڤده‌وله‌تى بۆ رووى ب روويبوونا تيرۆرێ ب گرنگ وه‌سفكر و گۆت: “مه دڤێت د جيهانێ دا جوداهيه‌كێ دروست بكه‌ين، ل گه‌ل وان وه‌لاتێن ژ پاكستانێ هه‌تا پاريس رووى ب ووريێ تيرۆرێ دبن ب هه‌ڤپه‌يمانى مينين”.
زێده‌تر گۆت: “دێ رووى ب روويێ هه‌موو ئه‌وان تيرۆرستان بين يێن هه‌ره‌شه بۆ سه‌ر مه و دوستێن مه”.
دا زانين ژى كو دێ داخوازێ ژ كۆنگرێسى كه‌ين كو ئه‌م هه‌موو پێكڤه قانوونه‌كا نوو ده‌ربكه‌ين بۆ رێ دان ب كارئينانا هێزێ دژى داعش”.
سه‌رۆكێ ئه‌مريكا گۆتژى: “د ماوێ 10 سالێن بۆرى دا شياين رێگريێ ل به‌رنامێ ئه‌تۆنۆمى يێ ئيرانێ بگه‌ريێن، هه‌تا بهارا ئه‌ڤ ساله مه چه‌نسێ هه‌يى دانوستاندنێ بكه‌ين و رێ ل به‌رنامێ ئه‌تۆنۆمى يێ ئيرانێ بگرين، بۆ هندێ هه‌ر ئه‌مريكا و هه‌ر دوستێن مه ل رۆژهه‌لاتا ناڤه‌راست هه‌ست ب ئاراميێ بكه‌ين، بۆ نمۆنه ئسرائيل”.
ژێده‌ر: رووداو
چه‌ند نهێنیێن گوگلێ بكار بینه
مالپه‌رێ گوگلێ بتنێ مالپه‌ره‌ك نینه بو لیگه‌ریان ل دوڤ ژیده‌ران ،به‌لكو چه‌ندین نه‌په‌نی ژی هه‌نه و تێدانه كو نها گه‌له‌ك ژ مه نزانن:-
1:- یاری یا ئه‌تاریێ:ئه‌گه‌ر ل گوگلی بنڤێسه Atari breakout پاشی كلیكێ ل سه‌ر به‌شێ images بكه و ئه‌ڤه دێ شیێ یاریا ئه‌تاریێ بكه‌ی.
2:-زڤرینا شاشه‌یێ:
ئه‌گه‌ر ته ڤیا ل گوگلی دا شاشه‌یا كومپیوته‌رێ ته زڤرینی بیت ل گوگلی دا بنڤیسه do a barrel roll ئه‌ڤه ئه‌وی ده‌می شاشه‌یا كومپیوته‌ری ته هێته زڤرین.
3:-گوگل د بن ئاڤێ ڤه:
ل گوگلی دا بنڤیسه underwater goole پاشی كلیكێ ل سه‌ر ئێكه‌م هه‌لبژارده‌یێ بكه،دبینی گوگل دبن ئاڤێ بیت.
4:-گیتارا گوگلی:
ل به‌شا لێگه‌ریان یا گوگلی بنڤیسه google guitarپاشی كلیكێ ل سه‌ر ئێكه‌م هه‌لبژارده‌یێ بكه و دبینی گوگل دبیته گیتارا گوگلی و دشیێ گیتارێ بژه‌نی و بو ماوه‌یێ 30 چركه‌یان تومار بكه‌ی.
5:-گوگل ل ده‌ستپێكێ چه‌وابو؟
ئه‌گه‌ر ته بڤێت بزانی مالپه‌رێ ده‌ستپێكێ یێ دامه‌زراندنێ چه‌وا بو ئه‌ڤه ل گوگلی دا بنڤیسه google terminalپاشی كلیكێ ل سه‌ر ئیكه‌م هه‌لبژارده‌یا وێ بكه.
6:- خودیكا گوگلێ:
ئه‌گه‌ر به‌رۆڤاژی په‌یڤا google بنڤیسه ،ئانكو ئه‌گه‌ر بنڤیسی elgoogئه‌ڤه گوگل به‌رۆڤاژی دبیت وه‌ك ئه‌ڤا تو خودیكێ بنێریێ.
7:-هێزا راكێشانا گوگلی:
ل گوگلی بنڤیسه google gravity پاشی كلیكێ ل سه‌ر ئێكه‌م هه‌لبژارده‌یا وێ بكه ئه‌ڤه ته‌ڤایا نڤیسینێت گوگلێ دێكه‌ڤنه خواری وه‌ك هێزا راكشانا كاریگه‌ریێ دبیت.
8:- گوگلێ زڤری:
ئه‌ڤێ جارێ بنڤیسه google sphere ب بینه چه‌وا گوگل وه‌ك ئه‌ردی دزڤریت.
دێ تاقیكرنه‌كا زێده ب قوتابیێن ده‌ره‌كی هێته كرن
نزار عه‌لی به‌رپرسیێ پشكا ئه‌زمونان ل په‌روه‌رده‌یا رۆژهه‌لات ل پارێزگه‌ها دهۆكێ ئه‌ڤرۆ نیوز راگه‌هاند:قوتابیێن ده‌ره‌كی پولا 12 دێ ئه‌زمونه‌كا ده‌ره‌كی یا زێده پێ هێته‌كرن ژ بو شاره‌زابون ل سه‌ر چه‌وانیا به‌رسڤدانێ ل سه‌ر فورما سومو ل سه‌نته‌ری پارێزگه‌ها دهۆكێ.
ناڤبری ئه‌و چه‌نده ژی دیاركر رۆژا 12/2 ل ده‌مژمێر 2 نیڤرۆ دێ بۆ قوتابیێن دره‌كی (به‌رایی) یێن پولا 12 ل سه‌نته‌رێ پارێزگه‌ها دهۆكێ وه‌ك تاقیكرنه‌كا ئه‌زمونی و زێده پێهێته‌كرن بو شاره‌زا بون ل سیسته‌مێ فورما سوما كو بۆ جارا ئیكێ یه دێ بۆ پولا 12 هێته بكار ئینان ل ئه‌ڤ ساله دا و بۆ دانانا نه‌مران ژی دێ ل گوری سیسته‌مێ ئه‌له‌كترۆنی بیت و وه‌كو جاران ماموستا ب ده‌ست نادانیت.
بودجه‌یێ وه‌زاره‌ته‌كێ ب پێنج تریلیون دیناران هاته‌كێمكرن
پرۆژێ بودجه‌یا گشتی یا عیراقێ پێكهاتیه ژ 125 تریلیون و 203 ملیار و 110ملیون و 783 هه‌زار دیناران، 25% بۆ وه‌زاره‌تا به‌ره‌ڤانیێ هاتینه دانان كو دبیته 15 تریلیون دیناران.
حاكم سه‌رحان ئه‌حمه‌د سلێڤانه‌یی ئه‌ندامێ لیژنه‌یا دارایی یا جڤاتا نونه‌ران ل عیراقێ بو ئه‌ڤرۆ نیوز دیاركر لیژنه‌یا دارایی داخواز ژ وه‌زاره‌تا به‌ره‌ڤانیا عیراقێ كریه ئه‌و گرێبه‌ستێن بۆ كرینا چه‌كێن گران هاتیه كرن پاش بێخیت ژ ئه‌گه‌ری ئه‌و قه‌یرانا نها یا دارایی ب سه‌ر عیراقی دا هاتی و هاتنه خواریا بهایێ په‌ترۆلێ ل بازارین جیهانێ.
ئه‌ندامێ لیژنه‌یا دارایی دا زانین بودجه‌یا وه‌زاره‌تا به‌ره‌ڤانیێ 15 تریلیون دینارن د پرۆژێ بودجه‌یا گشتی دا و لیژنه‌یا دارایی د بزاڤا كێمكرنا ئه‌وێ بودجه‌یێ دایه،نه‌بونا خه‌رجیان و كێمكرن بو 10 تریلیون دیناران و بشێن ئه‌وێ بودجه‌یا پێدڤی بۆ دابین بكه‌ین .
حاكمی ئه‌و چه‌نده ژی دیاركر نه پێدڤی بوونا وه‌زاره‌تێ ب ئه‌وان چه‌كێن گران دڤێ قووناغێ دا و پاشخستنا وان دێ هاریكار بیت بو چاره‌كرنا قه‌یرانا دارایی و ئه‌و ژی ب پاشخستنا وان بۆ ماوه‌یه‌كێ دیاریكری و وه‌زاره‌تا به‌ره‌ڤانیێ ژی یا رژده ل سه‌ر كرینا چه‌كێن گران و ب پێدڤی بوونا ئارامیێ و به‌رهه‌نگاربونا داعشێ د زانیت و گرێبه‌ست ل گه‌ل كومپانیێن چه‌كی گرێدایه ده‌لیڤه‌یا پاشخستنێ تێدا نینه و له‌ورا دهی ل گه‌ل بالوێزی ئه‌مریكا گه‌هشتنه رێكه‌تنه‌كێ ل سه‌ر پاشخستنا گرێبه‌ستا كرینا چه‌كی كو ژلایێ كومپانیێن چه‌كی یێن ئه‌مریكا.
ناڤبری ئه‌و چه‌نده ژی دیاركر داهاتی عیراقێ 99 تریلیون دینارن و خه‌رجیێ عیراقێ 125 تریلیون دینارن ده‌ما پلانا دارای هاتیه‌كرن بهایێ په‌ترۆلێ 60 دولار بون بو هه‌ر به‌رمیله‌مێ نها بهایێ په‌ترۆلێ بوویه 45 دولاران و كورت ئینانا بودجه‌یێ 40 تریلیون دینارن و ل چه‌وانیا هه‌ڤسه‌نگیا خه‌رجیان ل گه‌ل داهاتی به‌ره‌ڤ ئاسته‌نگیه‌كا مه‌زن مه دبه‌ت و خه‌رجیین زۆرینا وه‌زاره‌تان مه كێمكریه بۆ چاره‌كرنا ئه‌ڤێ لاوازیێ.
نەشێت بیێ ھونەر بژیت
ئەڤرۆ:
زارڤەکەرا ناڤدارا تورکی کو دناڤ مەدا ب (لەمیس) یا ناڤدارە دیارکر کو چ راستی ژبۆ ھنگافتنا ترۆمبیلا وێ نینن و گۆت: نوکە ئەز یا ل گەل ھەڤژینێ خوە دخۆشترین ژیاندا دژیم و من ل بەر نینە ھەتا مرنێ دەستان ژ ھونەری بەردەم.
ناڤھاتیێ ددیدارەکا تەلەفزیۆنی دا گۆت: بەری چەندەکێ ئەز ل جادەکا باژێرێ خوە دچووم ژنشکەکێڤە ئەم ب سەر ھنگافتنا دو ترۆمبێلان ھلبووین کو ب دووراتیا پتر ژ ٥٠٠ مەتران ژمە روودا بوو، دەمێ ئەم گەھشتینێ بتنێ من جاما ترۆمبیلا خوە ئینا خار و پرسیارا زیانان کر، ل وی دەمی کەسەکی ب مۆبایلا خوە وێنەک بوومە گرت و پشتی ١٠ خولەکان ل سایتەکی بەلاڤکر و ئێدی ھژمارەکا کەنالان ئەو وێنە د کەنالێن خوە دا بەلاڤکرن و وەسا دیارکرن کو ترۆمبێلا من یا ھنگافتی.
ل دۆر نووترین کارێ خوە یێ زارڤەکرنێ ژی گۆت: ئەم یێ کاری دزنجیرەکا جڤاکی دا دکەین کو ئەز قارەمانا وێ مە و ل شەش ھەیڤێن بھێن دێ ھێتە نیشادان.
ل حەسەکێ کوچبەری ده‌سپێكر
ئه‌ڤرۆ نيوز، مه‌سعود خه‌له‌ف:
پشتی گەرمبوونا شەری دناڤبەرا شەرڤانێن YPG و ھێزێن رژێما سووری ل باژارێ حەسەکێ، پێلەکە کوچبەریێ دناڤا خەلکی دا دەستپێکر، ل گور چالاکڤانێن تورا فیسبووک یێن وی باژاری کو بەلاڤ کرنە.
باژاری عامودێ نوکە بوویە جھێ ڤەحەواندنا ڤان کوچبەران و سویکا باژێر یا پربوویە و قەیرانا نانی ژ دوھی ڤە پەیدا بوویە، ھەر وەسا ھنەک بریندارێن ژ ئەگەرا توپبارانا رەژێمی ھاتنە ڤەگوھاستن بۆ باژێرێ عامودێ. ھەژی گۆتنێ یە کو تا ئامەدەکرنا ڤێ دەنگ و باسێ ھێشتا شەر ل حەسەکێ بەردەوامە و مەترسی ھەیە کو رەژێم دەڤەرێن کوردی ژی ب فروکەیان بومبەباران بکەت.
وەزیرەکێ مالکی رەڤی
ئه‌ڤرۆ:
ژێدەرەکێ ژ جڤاتا نوونەرێن عیراقێ ئاشکراکر کو وەزیرەکێ حوکمەتا نوری مالکی عیراق یا بجهـ ھێلايی و بەر ب وەلاتێ ئیماراتێ ڤە یێ رەڤی.
ل دووڤ ئاژانسا (ئەلیەوم ئەلسامن) یا عیراقی، ژێدەرێ ناڤبری بۆ راگەھاندیە کو” سەعدۆن دلێمی کو د حوکمەتا مالکی دا وەزیرێ رەوشەنبیری بوو و دھەمان دەم دا وەزارەتا بەرگریێ ب وەکالەت وەرگرتبوو، ژ ترسا وێ چەندێ، ب تۆمەتا خیانەتا مەزن ژ ئەگەرێ کەفتنا باژێرێ مووسلێ د دەستێ داعش دا بھێتە دادگەھکرن، رەڤی”.
دیارکر ژی، ئەڤە ھەفتیەکە دلێمی بەر ب وەلاتێ ئیماراتێ ڤە رەڤی و گوت” نوکە یێ دناڤ وی خانی دا دژیت ئەوێ بەری سێ سالان ل دوبەی کڕی”.
بەرپرسەکێ پارتی بۆ ئەڤرۆ: جێگرێ پارێزگەرێ سلێمانیێ دێ بۆ پارتی بیت
ئەڤرۆ:
دوھی شاندێ دانوستندکارێ لایەنێن سیاسی یێن پارێزگەھا سلێمانیێ ل جڤاتا سەرکردایەتیا پارتی ل باژێڕێ سلێمانیێ ل دۆر بەلاڤکرنا پۆستێن ئیدارا پارێزگەھا سلێمانیێ کۆمبوون و ئەندامەکێ جڤاتا سەرکردایەتیا پارتی دبێژیت، ئێکەتی و گۆڕان رازیبووینە پۆستێ جێگرێ پارێزگەرێ سلێمانیێ بدەنە پارتی.
فازل رەئوف، ئەندامێ جڤاتا سەرکردایەتیا پارتی دیموکراتی کوردستان ل پارێزگەھا سلێمانیێ بۆ رۆژناما ئەڤرۆ گۆت” کۆمبوون ل سەر پێشنیارا گۆڕانێ و ئێکەتیێ بوویە و سەرەدانا بارەگایێ پارتی کریە، مەژی ئەڤ چەندە ب پێنگاڤەکا باش زانی، ھەتا ھەموو لایەنێن سەرکەفتی د ھەلبژارتناندا پشکداریێ د حوکمەتا ناڤخوەیا سلێمانیێ دا بکەن، مە وەکی پارتی داخوازیێن خوە ب گۆرەی ئەنجامێن ھەلبژارتنان بەحسکرن و مە ب ئێکەتیێ و گۆڕان راگەھاند، پارتی دێ ب مەرجەکی پشکداریێ د حوکمەتا ناڤخوەیا سلێمانیێ دا کەت، ئەوژی ب گورەی ئەنجامێن ھەلبژارتنان پۆستێن پارێزگەھێ بۆ پارتی بھێنەدان، بەرۆڤاژی ئەم د بەرھەڤ نینین پشکداریێ د ئیدارا سلێمانیێ دا بکەین، ئێکەتیێ و گۆڕان دیارکرن کو ئەو دخوازن پارتی و ھەموو لایەنێن دی پشکداریێ د حوکمەتا سلێمانیێ دا بکەن و بەرھەڤن ھەتا رادەکێ زۆر ب مەرجێن پارتی رازیببن، ئەوژی پشتی دانوستاندنێن زۆر ھاتینەکرن، نەگەھشتینە چو ئەنجامێن دووماھیێ، چونکە ھندەک تشت ھەنە حەزناکەین نوکە ل راگەھاندنێ بھێنە بەلاڤکرن، ب دلێ مە نەبوون و بۆچوونا مە وەک پارتی یا جودابوو”.
فازلی گۆت ژی” ئەم گەھشتین رێککەفتنێ و ئاریشە ل سەر وێ چەندێ مایە، ئەو پۆستێن داینە مە جھێ وان وەکی پێدڤی نینە بۆمە، دەربارەی ڤێ چەندێ کو ئەڤ دێ ب گورەی ئەنجامێن ھەلبژارتنان بەھرا پارتی پۆستان دەن، نابێژم رازیبووینە ب ڤێ ھژمارێ، بەلێ زۆر نێزیکی ھەڤدو بووینە، شاندێ ئێکەتی و گۆڕان پێشنیارا پۆستەکێ بلند بۆ پارتی کر، ئەوژی جێگرێ پارێزگەرێ سلێمانیێ بوو، مە یا قەبوولکری، ھێشتا ھندەک ھووردەکاری دناڤبەرا مەدا ماینە و ئەم ژی دێ پێداچوونێ ل ڤان پێشنیارێن ئێکەتیێ و گۆڕانێ کەین و پشتی دو رۆژێن دی دێ بەرسڤا وان دەین”.
ناڤبری خۆیاکر ژی” ئەم گەشبینین دێ پشکداریێ د ئیدارا سلێمانیێ دا کەین و مە پێخۆشە پشکداربین و رۆلێ خوە وەک حزبەکا سەرەکی د ھەرێما کوردستانێ دا ل ئیدارا سلێمانیێ ببینین”.
وێنه‌يى: داعش گۆنده‌ك ب تمامى سوت
چه‌كدارێن داعش ژ ترسێن ده‌سپێكرنا هێرشا پێشمه‌رگه‌يى بۆ سه‌ر وێ ده‌ڤه‌رێ دووماهى زالگه‌ها خوه ل ميحوه‌رێ ناوه‌ران كو گۆندێ خورسه‌باته ب تمامى سوت.
ژێده‌ره‌كى ژ هێزێن پێشمه‌رگه‌يى بۆ ئه‌ڤرۆ نيوز گۆت: “پشتى دوهى هێزن هه‌ڤپه‌يمانان هێرش كريه سه‌ر بنگه‌هێن داعش ل ميحوه‌رێ ناوه‌ران و ميحوه‌رێ وانكێ، ئه‌ڤرۆ سپێدێ بڕيار بوو پێشمه‌رگه هێرشێ بكه‌نه سه‌ر چه‌كدارێن داعش، ئه‌و ل ميحوه‌رێ وانكێ پێشڤه‌چوون كرن و هه‌تا نوكه سێ گۆند كۆنترۆل كرينه”.
زێده‌تر گۆت: “به‌لێ ل ميحوه‌رێ ناوه‌ران ژ ترسا پێشڤه‌چوونێن پێشمه‌رگه‌يى چه‌كدارێن داعش گۆندێ خورسه‌باته ب تمامى سۆت كو دووماهى خالا سنورى يا د ناڤبه‌را پێشمه‌رگه و چه‌كدارێن داعشه ل وێ ده‌ڤه‌رێ”.
نيشاندان
WP Facebook Auto Publish Powered By : XYZScripts.com