ئەڤرۆ:

ھەیڤا ئێک ھەموو سالان دھێتە نیاسین ب پائیزا سترانا کوردی و گەلەک ژ سترانبێژێن بەرنیاسێن کورد دڤێ ھەیڤێ دا وەغەکرینە، رێزگرتن ھەمبەر خەباتا ھونەری یا ئەڤان سترانبێژان مە بزاڤکرینە چەند لاپەرێن ژیانا ڤەشارتی یا ئەڤان ھونەرمەندان دیاربکەین.

ئەیازی چ وەسیەت ھەبوو رۆژا بەری وەغەر بکەت؟

سترانبێژ ئەیاز زاخۆیی ل سالا١٩٦٠ ژدایکبوویە و رێکەفتی ٢١-١-١٩٨٦ ژ ئەگەرێ نەخوەشیەکێ وەغەرا دووماھیێ کریە، نڤیسەر و ھوزنڤان، سەگڤان عەبدولحەکیم دپەرتووکا خوە دا یا تایبەت ب ھونەرمەند ئەیاز زاخۆیی ڤە کو بناڤێ چوخکێ ئەیازی دبێژیت: ل سالا ١٩٨٢ ئەیاز زاخۆیی ھاتە بەغدا و سپێدێ چوو دەوامێ و ئێڤاری دھاتە رادیۆیێ، بەردەوام ستران دگۆتن و بێ دوبارە و ھەکە سترانەک ب دلی نەبا نەدگۆت، دچارسالێن رادایۆیێ دا١٣ستران تۆمارکرینە، سەگڤان عەبدولحەکیمی دپەرتووکا خوە دا دبێژێت مرادا ھونەرمەند ئەیاز زاخۆیی ئەو بوو پشتی لەشکەریا خوە بدووماھی بینت بێَھتە رادیۆیێ کاربەت، خوە فێری ئامیرەکێ مۆزیکێ بکەت، چۆنکو نەزانی چ ئامیران ب ژەنبیت، دیسان ژ ھیڤیێن وی ئەو بوویە سترانەکێ ژ ھەلبەستێن جەگەرخوین ی بێژیت، دیسان رۆژا دووشەمبیدەمژمێر ٣ و نیڤ ئێڤاری ئەیاز زاخۆیی دبێژیتە کور مەتێ خوە سلاڤێن من بگەھینە ھەر دو ھونەرمەندان محەمەد عارف جزیری و عیسا بەرواری ھەموو ھەڤالێن رادیۆیێ و ھیڤی خواستن کو داربەستا وی ل زاخۆ بھێتە گێراندن و سترانێن وی دانە سەر و دەڤ بابێ وی ڤەشێرن، ل رۆژا سێ شەمبی ٢١-١-١٩٨٦ ئەزیا زاخۆیی وەغەرا دووماھیێ کر، خودانێ پەرتووکا چوخکێ ئەیازی سەگڤان عەبدوالحکیم کو ئەوی ژی وەغەرکریە دبێژیت رێکەفتی ٢٢-١-١٩٨٦ ئەز ل گەل عیسا بەرواری و محەمەد جیھاد حەسەن ژپێش رادیۆیێ ڤە مە قەفتا گۆلان دانا سەر گۆرێ وی.

ئەردەوان زاخۆیی چ ستران ل دووماھی شەڤ گۆت؟

سترانبێژێ کورد پەروەرئەردەوان زاخۆییی ١٩٥٧ ژدایک بوویە، ل شەڤا ٢٩-١-١٩٨٦ ژلایێ رژێما بەعس ڤە دھێتەبەرزەکرن و ھەتا نوکە چارەنڤیسێ وی نەیێ دیارە، دو زارۆ ل پشت خوە ھێلاینە کۆڤان و ھۆزان
کەریم عیسا بەرواری، کو بۆ جارا ئێکێ ل سەر زمانێ وی دھێتە گۆتن، بەحسێ چیرۆکا ئەردەوان زاخۆیی دکەت ل شەڤا دووماھیێ ژ ژیێ وی، بۆ بەرپەرێ ھونەریێ ئەڤرۆ گۆت: ئاھەنگا رادیۆیا کوردی بوو ل بەغدا پاشان چووینە ئوتێلااغادیر ھەر ئێک ژ ھونەرمەندانعەبدولعەیز سلێمان، شاکر محەمەد ئەمین ئاکرەیی، کەمال ئاکرەیی، عیسا بەرواری، ئەردەوان زاخۆییدیسان ھەموو سترانبێژان سترانێن خوە گۆتن و دیسا عەبدولعەزیز ژ ئەردەوانی خواست دەمێ چیتە سەر دەپێ شانۆیێ دەنگێ خوە گەلەک بلند نەکەت، ل بەرامبەر من گۆتێ دەنگێ خوە دەربێخە و ل دووماھیا ئاھەنگێ ھەموو سترانبێژان ب ھەڤرا سترانا کەڤۆکم گۆت.
کەریم کورێ ھونەرمەند عیسا بەرواری گۆتژی: بابێ من ژێ خواست ل گەل مە بزڤریتە مووسل و ئەز بگەھینمە زاخۆ، وی گۆت من شول ل بەغدا ھەیە و دێ مینم.

عەبدوالواحد زاخۆیی د برینداریێ دا چ گۆتیە عنتەرێ برایێ خوە؟

ھونەرمەند عەبدوالواحد زاخۆیی کو ل سالا ١٩٧٢ ژدایک بوویە و ٢٦-١-٢٠٠٠ د دروودانەکا دلتەزین دا وەغەرا دووماھیێ کریە، دو زارۆ ل پشت خوە ھێلانژبیر و نەژبیر ڤێ وەغەرکرنا نەخوەش، خەلکێ کوردستانێ بگشتی و دھۆکێ ب تایبەتی گەلەک دلگرانکر، رژیانە سەرجادان و ژبەرپرسێن پارێزگەھا دھۆکێ خواستن ب زووترین دەم بکوژێن ڤی ھونەرمەندی بدەنە دەستێ دادگەھێ و دھەمان دەم دا ھێزێن ئێنماھیێ شیان دماوەکێ کورت و کێم دا بکوژەکی رادەستی دادگەھێ بکەن، دیسان ژبەر خۆشتڤی و دلسۆزیا ڤی ھونەرمەندی ل گەل خەلکی، پەرتووکەک ب ناڤێمخابن کو ژ نڤسینا لوقمان ئاسھی، بەشیر مزوری ل سەر ھونەرمەند عەبدولواحد زاخۆیی ھاتەچێکرن و ھەرموو رووێن ژیانا وی ڤەگرتن، دناڤا پەرۆتوکێ دا و ل سەر زارێ ھونەرمەندێ ناڤبری دەمێ بریندار بوویی و ھەتا وەغەرکری دگۆت: دەمێ من ئەو ل بەردەرگەھی دیتن کەیفا من ھات من گۆت بەلکی ئەز وەجا ئەڤان جێبەجێکەم، لێ ئەوان نەھێلا، دیسان ل سەر زمانێ برایێ عەبدلواحد زاخۆیی ، عنتەر دبێژێت: د دەمێ برینداربوونێ دا پرسیارا مە ھەمیا دکر و من گۆتێ تو نە ب ھیڤیا پسمام و برابتنێ ڤەی خوەزی تو ببینی دھۆک ھەموو یا قولپیە ڤێرە وی دگۆت: سوپاسیا ھەمیا دکەم و خودێ ژ ھەموویان رازی بیت، ئەگەر رابوومە ڤە دزانم نانێ مێران ل سەر مێران قەرە، عەنتەر دبێژێت: دەمژمێر١٨-١ پشتی نیڤرۆ پشتی کاودانێن وی تێکچووین و بزاڤێن نوشداران و خەلکی بەردەوام بتلێن خوینێ پێشکێش کرین، سترانبێژ عەبدوالواحد چوو بەر دلوڤانیا خودێ و ل گۆرستانا زاخۆ ھاتە ڤەشارتن.

بۆ ديوانيێ نه‌فى كريه‌

سترانبێژێ کوچک و دیوانان، خەلیل مستەفا داود یێ ناسیار ب خەلیل باکۆزی، ھەشت برا و خووشکەک ھەبوون، ل ١٥سالیێ ستران گۆتینە، ل سالا ١٩٣٢ ژدایک بوویە، ٢٠-١-٢٠١٣ وەغه‌را دووماھیێ کر و ل گۆرستانا شاخکێ ھاتیە ڤەشارتن، کامیران ھرۆری وەک ھەڤالەکێ نێزیکی خەلیلێ رەحمەتی دیارکرکو پتر ژ٤٠ بەرھەمێن فەرمی ھەنە، د دانا سترانێ دا یێ مەرد بوو و ڤیا خەلک فێربن، رێر ل ھەمبەر کەسێن بەرامبەر خوە دگرتن، ھونەرێ وی سنور بەزاندینە، پشتی تێک چوونا شۆرەشا ئیلونێ ل سالا ١٩٧٦ ھاتیە نەفیکرن بۆدیوانیێ سالەک و ٨ ھەیڤان ل وی باژێری ژیایە و پاشان ب لێبۆرینەکا گشتی ھاتیە ئازادکرن، ل سالا ١٩٧٣ کاسێتەکێ بۆ تۆمارگەھێ ب فەرمی تۆمار دکەت، بەرھەمێ سالا١٩٧٩ سنور بەزاندن ھەموو پارچێن کوردستانێ دەنگ ڤەدا، ھرۆری گۆت: خەلیل ھەردەم یێ خەملاندی بوو ب جلکێن کوردی، دیسا ژ زارۆکینیێ کار نەکر و ژ مرۆڤێن کەشخەچی بوو و نازدارکری بوو دمال دا و سترانبێژێن ناڤ و دەنگێن بەھدینان بوو، ئەندامێ سەندیکا ھونەرمەندێن کوردستانێ و تیپا داسنیا بوویە.

دو يێن دژى د ڤێ هه‌يڤێ دا مرينه‌

دیسان ژ ھونەرمەندێن وەغەرکری ھەر دڤێ ھەیڤێ داگراپێتێ خاچۆیە کو ل رێکەفتی ١٩٠٢ ژ دایک بوویە، ١٤-١-٢٠٠٥ وەغەرکریە، دیسان سترانبێژ محەمەدێ ماملێ ل سالا ١٩٢٥ ژدایک بوویە، ٢٣-١-١٩٨٦ وەغەرکریە و خەلکێ باژێرێ موھابادێ بوویە.

سالار دۆسكى بۆ رۆژناما ئه‌ڤرۆ هاتيه‌ به‌رهه‌ڤكرن