ئەڤرۆ:
ھونەرمەندا ناڤدارا لوبنانی “ھەیفا وەھبی” راگەھاند پشتی ئەو ھەڤژینێ خوە “ئەحمەد ئەبو ھەشیمە” کو بازرگانەکێ مەزنێ عەرەبە ژێکڤەبووین، نوکە جارەکا دی یێ خوە نێزیکێ وێ دکەتە ڤە و ب گۆتنا وێ ل ھەیڤا بۆری چەندین جاران داخازا پێکھاتنێ ژ وێ کریە لێ ئەو رازی نەبوویە.
ھەیفا دبێژیت: “نوکە ئەز د چو ڤالاتیان دا ناژیم، بەلکو کەسەکێ دی یێ د ژیانا من دا ھەیی و ئەو کەس گەلەک رێزێ ل من و ھونەرێ من دگریت و ژ خوە پشت راستم دێ ژیانەکا خوەش ل گەل بەم”.
ناڤھاتیێ ناڤ و کارێن وی خۆشتڤیێ نوو ئاشکەرا نەکرن و ب تنێ گۆت: “کەسەکێ بەرێزە”.
دەربارەی ھەڤژینێ خوە یێ بەرێ “ئەحمەد ئەبو ھەشیمە” گۆت: “ل دەستپێکێ ئەو ژی کەسەکێ بەرێز بوو، لێ رۆژ بۆ رۆژێ دھاتە گوھۆرێن و ھەتا گەھشتیە وی رادەی کو ئەم ژێکڤەببین، لێ پشتی دەمەکێ نەدوور دیارە ئەو یێ پەشیمان بووی، لەورا د ھەیڤا بۆری دا پتر ژ دو جاران ب رێیا ھندەک ھەڤالان بزاڤکرن خوە نێزیکی من بکەتەڤە و ب ئاشکەرای گۆتە من: “حەز دکەم جارەکا دی ئەم ل ھەڤ بزڤرینە ڤە، لێ ئەز رازی نەبووم”.
ل دۆر نووترین بەرھەمێ خوە یێ ھونەری ژی گۆت: “ئەلبۆمەکا باشا سترانان ل گەل کلیپەکێ ھەتا دویان یێ د قۆناغا چێکرنێ دا و دێ کەمە سپرایز بۆ حەزژێکەرێن دەنگێ خوە”.
بۆ خوه ئێكێ دى ديت
نيشاندان