ئەڤرۆ نیۆز، سالار دۆسکی:
ستێرا پرۆگرامێ ئەرب ئایدل، عەمار کوقی ب مەرەما ئەنجامدانا چەند کارێن ھونەری ل پایتەختێ عیراقێ بەغدا و ب رێکا فرۆکخانێ بەر ب وەلاتێ مسرێ چوو، لدووڤ پێزانێن ب دەست ئەڤرۆ نیۆز کەفتین ب مەرەما چێکرنا ئەلبووما خوە یا سترانان گەنجێ دەنگ خوەش (عەمار کوفی) نوکە ل قاھیرا پایتەختا مسرێ یە.
ئەڤرۆ:
پەرلەمانێ کوردستانێ بریارە سوبەھی 20\1\2015 بۆ پەسەند کرنا پرۆژە قانوونا سنودۆقا داھاتێ نەفتێ دێ نە ئاسایی کۆم بیت، پەرلەمانتارەکێ پارتی دیموکراتی کوردستان ژی دبێژیت باشتر ئەو سندۆقە سەر ب جڤاتا ھەرێمێ یا نەفت و گارزێ بیت نەکو جڤاتا وەزیران، چونکو ئەو سندۆق یا تایبەتە ب وێ جڤاتێ ڤە.
عەلی ھالۆ ئەندامێ لژنا سامانێن سروشتی ل پەرلەمانێ کوردستانێ بۆ ماڵپەڕێ فەرمیێ پارتی دیموکراتی کوردستان دیارکر کو ل حەفتیا بۆری لژنێن سامانێن سروشتی، قانوونی، دارایی ل گەل سەرۆکاتیا پەرلەمانی کۆم بوون و بەحسێ پرۆژە قانوونا سندۆقا داھاتێ نەفتێ کر، بەلێ ناکۆکی ل سەر دو خالان ھەبوو، لەورا بریار ھاتە دان بۆ سەرۆکاتیا پەرلەمانی بھێتە رەوانەکرن سوبەھی پەرلەمان کۆمبوونەکا نە ئاسایی گرێدەت و ئەو ناکۆکی بھێنە ئێکلا کرن.
عەلی ھالۆ ئەو ژی دیارکر کو ل دووڤ پرۆژە قانوونا سندۆقا داھاتێ نەفتێ، ناڤێ دێ دەستەیا ب رێڤەبرنا سندۆقا نەفت و گازێ بیت ل ھەرێما کوردستانێ.
ئه‌ڤرۆ:
رێڤەبەرێ کونترۆلێ ل وەزارەتا کارەبا حوکمەتا ھەرێما کوردستانێ بۆ ئەڤرۆ دیارکر کو دەمژمێرێن دانا کارەبا نشتیمانی دێ ھێنە زێدە کرن کو ژ بەر راوەستانا ھندەک وێستگەھێن کارەبێ دەمژمێرێن بەردانێ ھاتبوونە کێم کرن، پشتی گازوایل ھاتیە دابین کرن بۆ وان وێستگەھێن راوەستایی ھەموو دووبارە کەفتنە کاری.
ئومێد ئەحمەد رێڤەبەرێ کونترۆلێ ل وەزارەتا کارەبێ گۆت ژی نوکە ل ھەرێما کوردستانێ ھەتا سێ ھزار مێگاواتێن کارەبێ دھێنە بەرھەم ئینان و ھەرێم پێدڤی ب پینچ ھزار مێگاواتان ھەیە، ب تنی پاریزگەھا دھۆکێ پێدڤی ب زێدەتر ژ ١٤٠٠ مێگاواتین کارەبێ ھەیە رۆژانە.
ئەو ژی خۆیاکر کو دەمژمێرێن دانا کارەبێ کێم ببوون و گەھشتبوونە ١٢ ھەتا ١٣ دەمژمێران د رۆژێ دا، نوکە جارەکا دی دێ دەمژمێرێن کارەبێ ھێنە زێدەکرن و رۆژانە ھەتا ١٦ دەمژمێران دێ کارەبا نشتیمانی ھەبیت ھەکە چو ئاریشە روونەدەن.
ئومێد ئەحمەد گۆت ژی نوکە بارگرانیەکا مەزن ل سەر کارەبێ یا دروست بووی ل ھەرێما کوردستانێ کو ئەڤە ژی ئەگەرەکێ کێمبوونا دەمژمێرێن کارەبێ یە و رێژا پێدڤی یا گازوایلێ بۆ وێستگەھێن کارەبی نەدھاتە دابین کرن نوکە حوکمەتا ھەرێمێ و وەزارەتا سامانێن سروشتی بەھرا پێدڤی یا گازوایلێ دابین دکەن بۆ وێستگەھێن کارەبێ و ئەوێن ژ بەر نەبوونا گازوایلێ ھاتینە راوەستاندن دووبارە دێ کەڤنە د کاری دا.
ئاژانسا رویترز یا نووچەیان د راپۆرتەکێ دا ئاماژە ب ڤێ یەکێ دکەت کو سیاسەتا ئەمریکا یا ل ھەمبەر ئیرانێ و ئالۆزیێن دی یێن ل رۆژھەلاتا ناڤین بەرپرسێن ئیسرائیلێ دلگران کریە و سەرۆک وەزیرێن ئیسرائیلێ چەندین جاران داخواز ژ ئۆبامای کریە کو نابیت سیاسەتا ئەمریکا ببیتە ئەگەرێ ب ھێزبوونا وان وەلات و ھێزێن دی یێن دەڤەرێ کو دژبەریا ئیسرائیلێ دکەن، لێ ئەمریکا ھەتا نھا ژی ل سەر سیاسەتا خوە بەردەوامە.
ئه‌ڤرۆنیوز , ره‌زوان رۆژبه‌یانى:
رێكخراوا(ئه‌زدیهار) بۆ په‌ره‌پێدانا شیانا مرۆڤى ب هه‌مانهه‌نگى دگه‌ل رێكخراوا فاو رادبیت ب پاقژكرنا زه‌ڤێین چاندنى ب تایبه‌ت وان جهێن كو دكه‌ڤنه لێڤێن جادا گشتى و جهێن كو به‌رى نوكه داعش ده‌ست بهسه‌ر دا گرتبون.
حكمت مه‌ولود به‌رپرسێ راگه‌هاندن ل قایمه‌قامیا قه‌زا به‌رده‌ره‌ش بۆ ئه‌ڤرۆ نیوزگوت :رێكخراوا ئه‌زدیهار سه‌ره‌دانا قایمقامیا قه‌زا به‌رده‌ره‌ش كر ژبۆ پاقژكرنا ئه‌ردى و دیتنا ده‌لیڤێن كارى بۆ په‌نابه‌ران.
رێكخراوا ئه‌زدیهار ب هه‌ماهه‌نگى دگه‌ل رێكخراوا فاو و ب هاریكاریا قایمقامێ به‌رده‌ره‌ش رادبیت ب پاقژكرنا ئه‌ردێن پیسبووى ژ پاشه‌رۆیان و زبلى.
حكمت مه‌ولود گوت: ئه‌ركێ ڤێ رێكخراوى ئه‌وه ك وب هیزكرنا شیانا مرڤى و دیتنا ده‌لیڤێن كارى بۆ په‌نابه‌ران هه‌ر ژبه‌ر هندێ ل سنورێ ناحیا كه‌له‌ك و میحوه‌رێ خازر ئه‌ردێن چاندنێ یێن نزیكى رێكێ و جهێن كو به‌رى نوكه داعش ده‌ست ب سه‌ر دا گرتبوون ژ زبل و خاشاكان پاقژ دكه‌ت.
حكمت مه‌ولود گوت: ئه‌ڤه ژى دبیته ده‌لیڤه‌كا كارى بۆ وان په‌نابه‌ران كو ل كه‌مپێن به‌رده‌ره‌شن چونكى هه‌مى كرێكار كو دگه‌ل ڤێ رێكخراوێ كار دكه‌ن ل په‌نابه‌ران دبن.
ئه‌ڤرۆ نیۆز ،بارزان مزوورى
به‌رپرسێ راگه‌هاندنا قایمقامیا قه‌زا به‌رده‌ره‌ش، صالح عیسا، بۆ ئه‌ڤرۆ نیۆز دیاركر كو ئه‌ڤرۆ د ناڤا بازارێ به‌رده‌ره‌ش دا گوشت فروشخانه‌یا نور ب 100 هزار دینارا هاته سزادان و بو ماوێ روژه‌كێ هاته داخستن ژلایێ لژنا ئابوریا به‌رده‌ره‌ش ژبه‌ر پێگیرى نه‌كرنا ب رێنمایێن ته‌ندروستى و مورا فیرته‌نه‌ریێ ب گوشتى نه‌هات بو دان و ئه‌گه‌ر ئه‌و كاره دووباره بیت دێ سزایێن مه‌زنتر وه‌رگریت .
ئه‌ڤرۆ نیوز، ڤه‌ده‌ر سوبحى
گرتنا سێلفیان یان ئه‌و وێنێن مرۆڤ بده‌ستێن خوه بۆ خوه دگریت، بوویه تشته‌كێ گه‌له‌ك به‌ر به‌لاڤ و گه‌له‌ك ده‌مێن خوه‌ش د گرتنا ڤان وێنان دا هه‌نه.
به‌لێ یا گه‌له‌ك كه‌س نزانن كو گرتنا ڤان وێنان هنده‌ك جاران، كاره‌ساتان په‌یدا دكه‌ت، ب تایبه‌ت ئه‌گه‌ر ل جهێن بلند یان ده‌مێ هاژووتنا ترومبێلێ یان د ناڤ ئاڤێ دا بهێنه گرتن.
ئه‌ڤا ل خوارێ لیستا وان وێنه‌یانه كو كه‌سێن وێنه گرتی، پشتی گرتنا وێنه‌ی ئێكسه‌ر ژیانا خوه ژ ده‌ستداینه.
1- ئه‌ڤ كچا رووسی یا ته‌مه‌ن17 سالی، ده‌مێ دچیته چیای، وێنه‌كێ ل سه‌ر بورجه‌كێ ب بلنداهیا 28 پێیان درێژ دگریت و ئێكسه‌ر پشتی گرتنا وێنه‌ی پێ وێ دخشیت و د بورجی دا دكه‌ڤیت و گیانێ خوه ژده‌ست دده‌ت.
2- كورتی سانفورد ل 4/26 /2014 د ترومبێلا خوه‌دا وێنه‌ك ب رێیا تورا جڤاكی بۆ خوه كێشا بوو، به‌لێ چه‌ند چركه‌كان پشتی گرتنا وێنه‌ی، روودانه‌ك ب ترۆمبێلا خوه كر وهاته كوشتن.
3- ستێرا مه‌كسیكی، سترانبێژ جێنی ریڤیرا ل گه‌ل شاندێ د گه‌ل دا وێنه‌ك د فرۆكێ دا كێشا، به‌لێ پشتی گرتنا وێنه‌ی، فرۆكا وان دكه‌ڤیت و هه‌موو گیانێ خوه ژ ده‌ست دده‌ن.
4- ئه‌لبێرتو ئاده‌م، سترانبێژێ هوله‌ندی ل ده‌مێ گرتنا سیلفیه‌كی دا، ماتورسیكل دهاژووت، به‌لێ كونترول ل سه‌ر ماتورسیكلا خوه نه‌ما و ژیانا خوه ژ ده‌ست دا.
5- كوره‌ك و دایكا خوه، به‌ری كه‌فتنا فرۆكا مالیزی، ئه‌ڤ وێنه د وێ فرۆكێ دا گرتبوو.
6- ڤی گه‌نجی دخواست به‌رێ تڤه‌نگئ بده‌ته خوه و سیلفیه‌كی بۆ خوه بگریت، به‌لێ ده‌ستێن وی خیانه‌ت لێكر و گوله‌ك ب سه‌رى وى كه‌ت و خوه كوشت.
7- كارین هێرناندێز، ئه‌و كچا چالاك ل سه‌ر تورێن جڤاكی، ل ده‌مێ گرتنا وێنه‌كی ل سه‌ر رووبارێ (ئێل تونال) پێ وێ د ته‌حسیت و د رووباری دا دچیت و د خه‌ندقیت و پشتی چه‌ند روژان لاشه‌یێ وێ دهێته دیتن.
8- ل ئسپانیا كه‌سه‌كێ 12 سالی دچیته سه‌ر بانێ شه‌مه‌نده‌فرێ بۆ گرتنا وێنه‌كی، به‌لێ سه‌رێ وی ب تێله‌كا كاره‌بێ دكه‌ڤیت و كه‌هره‌ب دگریت و گیانێ خوه ژ ده‌ست دده‌ت.
ئه‌ڤرۆ نیوز:
هه‌ڤسه‌رۆكاتیا كونسه‌یا رێڤه‌به‌ریا كۆما جڤاكێن كوردستانێ (KCK ) د راگه‌هاندنه‌كێ دا راگه‌هاند: ماوه‌كه هنده‌ك راگه‌هاندێن كوردستانێ ب هه‌موو ره‌نگه‌كێ دژى سیاسه‌تا KCK ل به‌رامبه‌ر شنگالێ كار دكه‌ن و بزاڤێ دكه‌ن كو هنده‌ك بوچوونان سه‌باره‌ت شنگالێ كو چ په‌یوه‌ندى ب مه‌ڤه نینه به‌لاڤ كه‌ن، و وه‌كو بوچوونا مه نیشانى خه‌لكى بده‌ن، داخویانیێن ب ڤى ره‌نگى دوورن ژ راستیێ، مه به‌حسێ هه‌رێمه‌كا سه‌ربه‌خو نه‌كریه، دڤێت شنگال سه‌ر ب باشوورێ كوردستانێ ڤه بیت، مه هه‌لسه‌نگاندنه‌كا ب ڤى ره‌نگى یا هه‌ى.
ئه‌ڤرۆ نیوز:
ده‌سته‌یا ده‌ستپاكیا عیراقێ ئاشكراكر كو ژماره‌كا به‌رپرسێن به‌رێ یێن عیراقێ كو ژ وان 6 وه‌زیر و 53 رێڤه‌به‌رێن گشتى و پلێن تایبه‌ت گه‌نده‌لیا كرى.
ده‌سته‌پا ده‌ستپاكییا عیراقێ كو بلندترین ده‌ستهه‌لاتا چاڤدێریێ دهێته هژمارتن د راپۆرتا خوه‌دا ئاماژه ب وێ یه‌كێ كریه كو ئه‌یمه‌ن سامه‌رایی وه‌زیرێ به‌رێ یێ كاره‌بێ و عه‌بدولفه‌لاح سۆدانی- وه‌زیرێ به‌رێ یێ بازرگانی و حازم شه‌علان- وه‌زیرێ به‌رێ یێ به‌ره‌ڤانیێ هه‌ن.
ئه‌ڤرۆ نیوز، هه‌ژار مه‌عروف:
د ئێكه‌م یاریا خوه یا هه‌ڤالینى دا ل باژێرێ ئه‌نتالیا تیما ته‌پا پێ یا زاخۆ شیا پاشكه‌فتنا خوه ب كه‌ته سه‌ركه‌فتن لسه‌ر یانا كه‌مر ته‌كیروڤا سپور یا توركى ب دو گولان به‌رامبه‌ر گوله‌كێ.
نیڤا ئێكێ تیما ته‌كیروڤا پێشكه‌ڤت بوو ب گوله‌كێ، ل نیڤا دوێ دا پشتى راهێنه‌رێ زاخۆ چه‌ند گوهورین د پێكهاتیێ تیمێ دا كرن تیما زاخۆ باشتر هاته دناڤ یاریێ دا، شیا دو گولان ب رێكا یاریكه‌رێن خوه فه‌رحان شه‌كور و سه‌هێل نوعیم توماربكه‌ت و ل ده‌ه ده‌قیقه‌یێن دووماهیێ دا یانا ته‌كیروفا سپور لێدانه‌كا په‌نه‌لتیێ به‌رزه كر.
هه‌ژى گوتنێ یه تیما زاخۆ نوكه ل وه‌لاتێ توركیا د كه‌مپه‌كا راهێنانى دایه و بریاره چار یاریێن دى ژى یێن هه‌ڤالینى ل رۆژێن بهێت بكه‌ت.
نيشاندان