ئه‌ڤرۆ نیوز، بارزان سلێمان مزوورى
ئه‌فسه‌ره‌ك ژ هێزێن پێشمه‌رگه‌ى ل میحوه‌رێ ناوه‌ران بۆ ئه‌ڤرۆ نیوز دیار كر كو نها فروكه‌یێن جه‌نگى یێن هه‌ڤپه‌یمانان باره‌گایه‌كێ چه‌كدارێن تیرورستێن داعش ل ناڤ گوندێ خورسه‌بات سه‌ر ب ناحیا باشیك ڤه ب دژوارى بوردومان كرن ، د ئه‌نجام دا 8 داعش هاتنه كوشتن و دوو ترومبێل ژ جورێ هه‌مه‌ر و فورته‌ك سه‌ربازى سوتن .
ناڤبرى دیار كر كۆ چه‌كدارێن تیرورستێن داعش هیڤیا پلانه‌كێ بوون فروكه‌یێن جه‌نگى نه‌هێلا پلانا وان سه‌ركه‌ڤیت.
ئه‌ڤرۆ نیوز، هه‌ژار مه‌عروف:
تیما ته‌پا پێ یا یانه‌یا ئامه‌د سپور یا باكورێ كوردستانێ ده‌ستپێكه‌كا باش هاڤێت د یاریێن قوناغا دوێ ژ خولا پلا دوو یا توركیا ، پشتى ئه‌ڤرۆ شیاى سه‌ركه‌فتنه‌كا گرنگ لسه‌ر یانا ئاتاى سپور توماربكه‌ت ب دو گولان بێ به‌رامبه‌ر و هه‌ردو گولێن ئامه‌د ژلایێ گولكه‌رێ تیمێ شه‌موز هاتنه توماركرن ، ب ڤى ئه‌نجامى تیما ئامه‌د خالێن خوه گه‌هاندنه 24 خالان و هیڤێن خوه گه‌هشكرن بۆ ده‌ربازبوونێ بۆ قوناغا پله‌ى ئوڤ و خولا پلا ئێك یا توركیا.
دهێته زانین تیما ئامه‌د سپور(دیاربه‌كر به‌لدیه سپور) د یاریێن خولا پلا دو یا توركیا دا كه‌ت كو د یاریێن قوناغا ئێكێ نه‌شیابوو ئه‌نجامێن باش توماربكه‌ت ژبه‌ر وێ چه‌ندێ ژى راهێنه‌رێ وێ ده‌ست ژ پوستێ خوه دابوو.
ئه‌ڤرۆ نیوز:
تارق سارمه‌مى، راوێژكارێ راگه‌هاندنێ یێ سه‌رۆكاتیا په‌رله‌مانێ كوردستانێ د كۆنگره‌كێ رۆژنامه‌ڤانى دا راگه‌هاند كو ژبه‌ر رێكنه‌كه‌ڤتنا لایه‌نێن ده‌سته‌یا سه‌رۆكاتیا په‌رله‌مانى، خولا چارێ بۆ ماوێ 7 هه‌یڤ و نه‌ه رۆژان گیروبوو، به‌لێ ل گه‌ل وێ چه‌ندێ د ماوێ ساله‌كا ته‌مه‌نێ خوه، 45 روونشتن ئه‌نجامداینه و نه‌ه قانوون و 32 بریار ده‌رێخستى نه و خواندنا ئێكێ بۆ 112 پرۆژه قانوون و بریارێن جوار و جور هاتیه كرن.
ئه‌ڤرۆ نيوز، ناجى بدل
مەزنترین کابووس کو ھەموو مامۆستایێن بیرکاریێ ل جیھانێ تووش دبنێ دەرکرنا ئەنجامێن ھەڤکێشێن بیرکاریێ یە، بەرنامەکێ نوو ل سەر مۆبایلان ئەرکێ وێ یێ سەرەکی دەرکرنا ئەنجامێ ھەر ھەڤکێشەکا بیرکاریێ یە کو بکەڤیتە بەر سینگێ تە، ئەڤە ژی دێ بیتە رێخۆشكرنەک بۆ قوپیایێ د ئەزموونان دا یان دەمێ ئەرکێن خوە یێن قوتابخانێ ل مال ئەدا دکەت.
بەلێ کۆمپانیا بەرھەمئینەر وەسا دبینیت کو ئەڤ بەرنامە دێ بیتە رێیەکا ب مفا بۆ فێربوونا بیرکاریێ، چونکو رێیا دەرکرنا ئەنجامان ھەموویێ نیشاددەت، بۆ دەرکرنا ئەنجامێ ھەڤکێشێ ب تنێ دێ بەرێ کامیرێ دەیە سەر ھەڤکێشێ و گەلەک ب ساناھی دێ بۆ تە ئەنجام دەرکەڤیت. کۆمپانی یا ب ھیڤیە کو ئەڤ بەرنامە دێ بیرکاریێ ئێخیتە بەردەستێ ھەموویان، ئەڤ بەرنامە یێ ھەی و تو دشێی ل سەر مۆبایلا خوە داونلوود بکەی، ل سەر ئایفۆنێ ب سیستەمێ IOS و سیستەمێ ویندۆزفۆن کار دکەت و ل بەرە پاشی بۆ سیستەمێ ئەندرۆید ژی بھێتە بەردەستکرن.
ئەڤرۆ نیۆز، قائید میرۆ:
رێڤەبەرێ گشتیێ ساخلەمیا ھەولێرێ دبێژیت، سێ لیژنە بۆ پشکنینا وەلاتیێن کوردێن ئێزدی یێن ھاتینە ئازادکرن ژلایێ داعش ھاتیە پێک ئینان و پشتی ئەنجامێ پشکنینان دەرکەڤیت دێ ھێنە ھنارتن بۆ دھۆکێ.
دکتۆر سامان بەرزنجی، رێڤبەرێ گشتیێ ساخلەمیا ھەولێرێ دداخویانیەکێ دا بۆ ئەڤرۆ نیۆز گۆت” ئەف وەلاتیێن کوردێن ئێزدی یێن ژلایێ داعشڤە ھاتینە ئازادکرن، دێ بمینن ھەتا پشکنین بۆ دھێنەکرن و پشتی ھنگی دێ ھێنە ھنارتن بۆ پارێزگەھا دھۆکێ.
سامانی گۆتژی” سێ لیژنەیێن نۆژداری ھاتینە پێک ئینان بۆ پشکنینا ڤان وەلاتیێن کوردێن ئێزدی، ژبەرکو مە زانیاری نینە چ جۆرە نەخۆشیەک لبن دەستێ داعش وەرگرتیە و ھەتا پشکنینێن تمام بۆنەھێنەکرن ناھێنە ھنارتن بۆ دھۆکێ.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ راگه‌هاند كو ئه‌و خوازيارێن ئه‌وێ رۆژێ نه ئاواره و په‌نابه‌ر ڤه‌گه‌رنه سه‌ر مال و مولكێن خوه، داخواز ژى ژ ئاواران كر كو خوه‌راگر بن بۆ ڤێ قووناغا ده‌مكى هه‌تا ده‌ڤه‌رێن وان ئارام بن.
ئه‌ڤرۆ رۆژا ئێكشه‌مبى 18\1\2015 نێچيرڤان بارزانى سه‌رۆك وه‌زيرێن هه‌رێما كوردستانێ، پێشوازى ل جوجيۆ لينگۆ، بالوێزێ ڤاتيكانێ ل عيراقێ و شانده‌كێ ل گه‌ل دا كر.
بالوێزێ ڤاتيكانێ ته‌كست كر كو ئه‌و گه‌له‌ك ب گرنگى و نێزيك دووڤچوونا كاودانێن هه‌رێما كوردستانێ و عيراقێ دكه‌ن و سۆپاسيێن پاپايێ ڤاتيكانێ بۆ سياسه‌تا ڤه‌كرى و پێشوازيكرنا حوكمه‌تێ بۆ ئاواره و په‌نابه‌ران ب تايبه‌ت ژى پێكهاتێ مه‌سيحى و دابينكرنا ئارامى و سه‌قامگێريا بۆ دابين كرى كر.
ده‌رباره‌يى كاودانێن نوكه و پێدڤيێن ئاواران ئه‌و خزمه‌تێن پێشكێشى ئاواران ژى هاتينه كرن، سۆپاسيا سه‌رۆك وه‌زيرى كرن و هه‌ردولا ته‌كست ل سه‌ر مانا ئاواران ل هه‌رێما كوردستانێ بۆ ڤێ قووناغێ كرن.
نێچيرڤان بارزانى ته‌كست ل سه‌ر سياسه‌ت و هه‌لويستێ حوكمه‌تێ و گرێدانا گه‌لێ وێ ده‌ربڕى و ب تايبه‌ت ژى د ڤێ قووناغا دژوار دا كو رووى ب روويى رێكخراوه‌كا دڕنده و تيرۆرست دبن.
نێچيرڤان بارزانى گۆتژى: “ل هه‌رێما كوردستانێ ناما ئاشتى و پێكڤه‌ژيان و لێبۆرينێ دهنێرين و هيڤى خوازين ئه‌وێ ينه كو ئاواره و په‌نابه‌ر ب ڤه‌گه‌رنه سه‌ر مال و حالێن خوه”. داخواز ژى ژ ئاواران كر كو خوه‌راگر بن هه‌تا ئه‌ڤ قووناغا ده‌مكى ب دووماهى دهێت و ب ئارامى ڤه‌گه‌رنه سه‌ر جهێن خوه.
غه‌یاس سورچی به‌رپرسێ راگه‌هاندنا مالبه‌ندێ ئیكه‌تیێ ل موسلێ دیاركر وه‌زاره‌تا پێشمه‌رگه‌ی پلان و به‌رنامه‌یێ خوه یێ تایبه‌ت هه‌یه بۆ زرگاركرنا باژێرێ شنگال ب هه‌ڤكاری و ئێكرێزیا هێزێن كوردی ژ پارچێن دی هاتینه ب مه‌به‌ستا هاریكاریكرنێ لێ كونترۆلكرنا ئه‌وی باژێری و نه‌پێگیری و ئێكرێزیا هێزێن ل وێ ده‌ڤه‌رێ ب تایبه‌تی ئه‌وێن ده‌رڤه‌يی هێزێن وه‌زاره‌تا پێشمه‌رگه‌ی نه‌هاتیكرن.
ناڤبری ئه‌و چه‌نده ژی گوت: “داعشێ چ چه‌كدار و هێزا هوزا نه‌مایه ل شنگالێ و چه‌ند سه‌رێ مه ب هێزا مه بلند بیت به‌س بێ به‌رنامه‌یه‌ك و پلان و مه‌رجعیه‌ت هه‌یه و هه‌ڤالێن هه‌په‌گێ و یه‌په‌گێ هێرش كرینه شنگالێ بی ئاگه‌هداریا هێزێن پێشمه‌رگه‌ی و هه‌ماهه‌نگیه‌كێ”.
غیاس ئه‌و چه‌نده ژی دازانین سه‌ركرده‌یێن هێزێن پێشمه‌رگه‌ی دانه‌خویاكرن د به‌رنامه‌یی وان دانه‌بوو بۆ چوونا شنگالێ، چونكو هه‌تا هێزا پێشمه‌رگه‌ی چیایێ شنگالێ ئازادكر هێزێن دی یێن كوردی كو یه‌په‌گه و هه‌په‌گه هێرشكرنه سه‌ر شنگالێ و چوونه ناڤ شنگالێ و بێ پرۆگرامه‌كێ ئیكگرتی و هه‌ماهه‌نگیی و نه‌بوونا ئیك مه‌رجه‌عه‌یتا سه‌ربازی شنگال گیرۆكر ژ رزگاركرنێ.
د.ئیبراهیم محه‌مه‌د ماموستایێ زانكویا دهۆكێ بو ئه‌ڤرۆ نیوز دیاركر نه مه‌رجه ئه‌و رۆخسارێ دستوریه‌تی هه‌ی پێگیری بین و به‌س باشتره ل گه‌ل بچین لگوری ئه‌و تیگه‌هێن راڤه‌یا راسته‌قینه‌یا دستوری هاتنینه كرن .
ناڤبری ئه‌و چه‌نده ژی گوت: د قوناغا نها دا سه‌ره‌ده‌ری هاتیه كرن ل گه‌ل هه‌رێمێ وه‌ك ده‌وله‌ت و كیانه‌كێ تایبه‌ت دناڤا ده‌وله‌ته‌كا فیدرالی دا و دڤێ قوناغێ دا ئه‌گه‌ر عیراق ل گه‌ل ره‌وشا نها دا گوهورینێ د خودا نه‌كه‌ت و ل گه‌ل سیسته‌م و گوهورینین ده‌ولی نه‌چیت، ره‌وشا وێ باشتر نابیت ژ یا نها.
ماموستایێ زانكویێ ئه‌و چه‌نده ژی دیاركر ئه‌و گوهورینێن ل عیراقێ روو دده‌ن دڤێت ب دستوریی بهێنه‌كرن و ل گه‌ل سیسته‌می ده‌ولی بهێته گونجاندن و ئه‌گه‌ر دستوریه‌ت ل عیراقی دا په‌یدا نه‌بیت دڤێت به‌ره‌ڤ دابه‌شبونێ بچیت ل گه‌ل سیسته‌می ده‌ولی هه‌ڤ رابیت و هاوكێشه‌یێن هه‌ریمایه‌تی سه‌ره‌ده‌ریه‌كا گشتی و تایبه‌تی تر ل عیراقێ و هه‌ریما كوردستانێ دكه‌ن .
د.ئیبراهیم گوت ژی پشتی نه‌ما داعشێ دڤێت كار بو نه‌ڤه‌گه‌راندنێ بو خالا به‌ریا داعشێ چونكو ده‌م و ره‌وش و كاودان گوهورینان ل سه‌ر خواست و ئارمانج و به‌رژه‌وه‌ندیێن مله‌تێ كورد یناینه و هه‌رێم ده‌ستا ژ ریفراندومێ نه‌به‌رده‌ت و رژدبیت ل سه‌ر ئه‌نجامدانا وێ .
ئەڤرۆ نیوز، لەزگین جۆقی:
سەرۆکێ دادگەھا تێھەلچوونا دھۆکێ بۆ ئەڤرۆ نیوز دیارکر کو سالا بۆری ل سەرانسەری پاریزگەھا دھۆکێ ٤٤ ھزار و ٣٧٩ حالەتین جۆرا و جۆر گه‌هشتينه دادگه‌هێ و ژ وان ژی ٤٢ ھزار و١٠٢ حالەت ب دووماھیی ھاتینە، زێدەتر ژ ١٥ ھزار حالەتێن ھەڤژینی ھاتینە تۆمارکرن ب تنی ١١ حالەت ھەبووینە ژنا دویی ئیناینە.
محەمەد ئەمین ھادی سەرۆکێ دادگەھا تێھەلچوونێ ل دھۆکێ گۆتژی: “ل سالا بۆری ١٢٣٤ حالەتێن توندوتیژی ھاتینە تۆمارکرن ژوان ژی ١٤٠٨ حالەت ھاتینە ئێکلایکرن پێنج یێن دیتر ماینە و سالە ٢٠١٤ ل سەرانسەری دھۆکێ ١١٠٣ حالەتین ژێکجودابوونی ھاتینە تۆمارکرن ژ وان ژی ٧١٨ حالەت ژێکجۆدا بووینە یێن دیتر ھەموو ھاتینە چارەکرن نەبووینە جودابوون لێ ئاماژە ب حالەتین کوشتنی و سەرا ناموسی نەھاتە دان.
ئامارا دادگه‌هێ يا سالا بۆرى ب ره‌نگه‌كێ به‌رفره‌هتر ل هژمارا سوبه‌هى يا رۆژناما ئه‌ڤرۆ بخوينن.
نيشاندان