ئه‌ڤرۆ نيوز:
شاهجوانێن جيهانێ يێن 2014 هه‌موو پێكڤه كۆمبوون دا شاهجۆانا جيهانێ بهێته هه‌لبژارتن.
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سه‌ره‌كى Twitter
ژنێن ره‌ڤاندين هاتنه ئازادكرن
ئه‌ڤرۆ نيوز:
ب گۆره‌يى رۆنكرنه‌كا حوكمه‌تا ئيتاليا، هه‌ردو ژنێن ئيتالى ئه‌وێن د وارێ هاريكاريێن مرۆڤى دا كار دكه‌ن هاتنه ئازاد كرن و بۆ رۆما هاتينه هنارتن.
د نڤيسينه‌كا تويته‌رى دا، نڤيسينگه‌ها سه‌رۆك وه‌زيرێ ئيتاليا ماتيۆ رينتسى نڤيسانديه: “ڤانيسا مارتسۆلۆ و گريتا راميلى د ئازادن و ب زووترين ده‌م دێ هێنه ئيتاليا”.
وه‌زاره‌تا ده‌رڤه يا ئيتاليا ل هه‌يڤا هه‌شت يا سالا بۆرى راگه‌هاند بوو كو دو ژنێن ئيتالى ل ده‌مێ ئه‌نجامدانا كارێن مرۆڤاتى ل سوريا باژێرێ حه‌له‌ب هاتبوونه ره‌ڤاندن.
به‌رى ماوه‌كى ژى د ڤيديۆيه‌كێ دا جه‌بهه‌ت نوسره راگه‌هاند بوو كو ئه‌وان ئه‌و كاره ئه‌نجام دايه و وێنێن وان يێن ڤيديۆيى به‌لاڤ كربوون كو ئه‌وان ناهێلان، به‌لێ بێى كو چو لايه‌نه‌ك رۆنكرنێن زێده‌تر به‌لاڤ بكه‌ت ئه‌ڤ هه‌ردو ژنه هاتنه ئازاد كرن.
به‌فر بارين دێ يا به‌رده‌وام بيت
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ئه‌ور بيت و باران ژى دێ ل گه‌ل بيت و دبيت به‌فر ژى بباريت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا شه‌مبى رێكه‌فتى 17\1\2015 ئه‌سمانێ دهۆكێ ژ ئه‌ور بيت و باران ژى ل گه‌ل بيت و هنده‌ك به‌فر ژى بباريت ب تايبه‌ت ل ده‌ڤه‌رێن چيايى و ل دانێ نيڤرۆ باشتر بيت و به‌ر ب راوه‌ستيانێ ڤه بچيت و پشتى نيڤرۆ ژى كه‌ش به‌ر ب مژێ ڤه بچيت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى يا بلند دێ پيچه‌ك بلند بيت و يا نزم ژى دێ هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 12 بۆ سفر پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژئاڤا بيت ب ره‌نگه‌كى دێ يێ ل سه‌ر خوه بيت د ناڤبه‌را 10 بۆ 20 كلم د ده‌مژمێره‌كێ ماوێ ديتنێ ژى دێ 8 كلم بيت.
رێژا باران بارينێ د 24 ده‌مژمێرێن بۆرى دا
پۆليسێن به‌لجيكا دو تيرۆرستێن داعش كوشتن
ئه‌ڤرۆ نيوز:
پۆليسێن دژى تيرۆرێ ل به‌لجيكا ل باژێرێ فه‌رفيرس يێ رۆژهه‌لاتا ئه‌وى وه‌لاتى، دو كه‌س كوشتن و ئێك ژى بريندار كر كو ب گۆره‌يى پێزانينان ئه‌و سێ كه‌س ژ سوريا ڤه‌گه‌ريا بوون.
پۆليسێن به‌لجيكا راگه‌هاند كو ئه‌و سێ كه‌سه ب مه‌ره‌ما ئه‌نجامدانا هێرشێن توندوتيژى ژ سوريا ڤه‌گه‌ريابوون بۆ به‌لجيكا، ديسا ئاماژه ب وێ چه‌ندێ كر كو ئه‌وان كه‌سان په‌يوه‌ندى ب داعش ڤه هه‌بوو.
چه‌ند كه‌سێن دژى ل به‌لجيكا هاتينه گۆتن، گۆمان لێ دهێته كرن كو په‌يوه‌ندى ل گه‌ل رێكخراوێن توندره‌وو هه‌بيت، ئه‌ڤان سێ كه‌سان ژى ده‌سپێكێ ته‌قه ل پۆليسان كر و پشتى ماوه‌كى پۆليس شيان كونترۆلێ ل سه‌ر ره‌وشێ بكه‌ن و ئارام بكه‌ن.
ئه‌ريك ڤان دێر، جێگرێ داواكارێ گشتتى يێ به‌لجيكا راگه‌هاند: ئه‌و گرۆپ مژوولى ئه‌نجامدانا هێرشه‌كا مه‌زن بوون ل به‌لجيكا.
گۆتژى: “نوكه پۆليسێن به‌لجيكى ئۆپه‌راسيۆنه‌كا به‌فره‌هـ ئه‌نجام دده‌ن ب تايبه‌ت به‌رامبه‌ر وان گه‌نجێن ژ سوريا ڤه‌گه‌رياين”.
دهۆكێ ئه‌ڤرۆ دێ چاڤه‌رێ خه‌لاته‌كى بيت ژ زاخۆ
ئه‌ڤرۆ نيوز:
ئه‌ڤرۆ بڕياره ياريێن ماين ژ گه‌را 12 ێ و دووماهيێ ژ خولا نايابا كوردستانێ بهێنه كرن و د گرنگترين ياريا ڤێ گه‌رێ دا تيما ته‌پا پێ يا زێره‌ڤانى دێ بيت ميڤانا تيما زاخۆ.
د ياريا گرنگ يا ڤێ گه‌رێ دا، تيما ته‌پا پێ يا زاخۆ خودانا رێزا سيێ، دێ قاره‌مانا وه‌زرێ بۆرى و خودانا رێزا دويێ تيما زێره‌ڤانى مێڤان كه‌ت و وه‌كهه‌ڤى و خوساره‌تيا زێره‌ڤانى ژبلى كو دێ روحه‌كا مه‌زن ده‌ته تيما زاخۆ دێ بيته باشترين خه‌لات بۆ تيما دهۆك ب تايبه‌ت هه‌كه وێ ژى ژ لايێ خوه ڤه شيا سه‌ركه‌فتنێ ل سه‌ر تيما برايه‌تى خودانا رێزا هه‌شتێ تۆمار كه‌ت ب تايبه‌ت كو نوكه ل سه‌رێ ليستا خولێ دهێت.
ل دۆر ڤێ یاریێ راھێنەرێ یانا زێرەڤانی سلێمان رەمەزان بۆ رۆژناما ئەڤرۆ گۆت: “د یاریێن دێربی دا ھەموو ئەنجام د چاڤەرێکری نە و ھەردو یانێن زاخۆ و زێرەڤانی ھەتا نوکە ئەنجامێن باش تۆمار کرینە و یاریکەرێن تیما زێرەڤانی ماوەک بوو د بھێنڤەدانێ دا چونکو ل گەرا بۆری یاری نەکربوو و د ڤێ یاریێ دا ھشیاری و ژ دەستنه‌دانا دەلیڤەیان ژ ھەموو خالێن تەکتیکی و ھونەری گرنگترە”.
شروڤەکارێ وەرزشی ل باژێرێ زاخۆ عەلبدولرەحمان سوبحی خویاکر دێ یاریەکا ھەستیار بیت چونکو سێ یانێن پارێزگەھێن ل پێشیا لیستا خولێ دھێن و مفا وەرگرتنا زاخۆ دێ یا بەرچاڤ بیت ژ راوەستیانا خولا عیراقێ و پشکداریکرنا یاریکەرێن خودان شیان و شارەزای و نوکە زاخۆ ژی د رەوشەکا باش دا دبوریت و ل ھەر دەمێ زاخۆ و زێرەڤانی یاریێ د گەل ئێک دکەن جودا ژ یاریێن بوری ئاست و ھەڤرکی دھێتە کرن.
شانده‌كێ دى يێ هه‌رێمێ دێ چيته به‌غدا
ئه‌ڤرۆ نيوز:
ئه‌ندامه‌كا جڤاتا نوونه‌رێن عيراقێ ل سه‌ر ليستا پارتى ديموكراتى كوردستان راگه‌هاند كو جاره‌كا دى وه‌ڤدێ هه‌رێما كوردستانێ بۆ بجهئينانا هه‌موو رێكه‌فتنێ ل گه‌ل حوكمتا فيدرال دێ چيته به‌غدا بۆ دانوستاندنێ ل سه‌ر دوسيێن ماينه هه‌لاويستى.
ئه‌شواق جاف، ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان بۆ خه‌ندان گۆت: “پشتى رێكه‌فتنا د ناڤبه‌را حوكمه‌تا هه‌رێمێ و عيراقێ دا كو د چارچوڤێ سه‌ره‌دانا حوكمه‌تا هه‌رێمێ بۆ به‌غدا دا، هاتيه ئيمزا كرن، بۆ بجهئينانا هه‌موو رێكه‌فتنێ و چاڤدێريكرنێ، بڕياره جاره‌كا دى شانده‌كێ دى يێ حوكمه‌تا هه‌رێما كوردستانێ سه‌ره‌دانا به‌غدا بكه‌ت، به‌لێ ده‌مێ وێ نه‌هاتيه دياركرن”.
ئه‌شواق جاف گۆتژى: “پێدڤيه دانوستاندنێن هه‌رێمێ و به‌غدا د به‌رده‌وام بن هه‌تا دگه‌هنه هه‌ڤهاتنا سياسى، چونكو نوونه‌رێن هه‌رێما كوردستانێ ل جڤاتا نوونه‌ران گه‌له‌ك نينن و ب تنێ نه‌شێن مافێن هه‌رێمێ ده‌سته‌به‌ر بكه‌ن، به‌لكو پێدڤيه د رێيا رێكه‌فتنێن سياسى و بزاڤێن دبلۆماسى دا كار بۆ بكه‌ن”.
ئاماژه ب وێ چه‌ندێ ژى كر كو ژبلى كێشا په‌يوه‌ندى ب هنارتنا په‌ترۆلێ ڤه هه‌يى و مووچێ فه‌رمانبه‌ران و پێشمه‌رگه‌يى، كێشێن ستراتيژى يێن د ناڤبه‌را به‌غدا و هه‌رێمێ نه‌هاتينه چاره‌كرن و يێن ماينه هه‌لاويستى، د ژ وان ژى ده‌رخستنا قانوونا په‌ترۆل و غازێ و قانوونا ماف و ئيمتيازاتێن هێزێن پێشمه‌رگه‌يى و بجهئينانا مادێ 140 كو ئه‌ڤه هه‌موو يێن د ناڤ رێكه‌فتنا ڤێ دووماهيا د ناڤبه‌را هه‌ردو لايان دا هه‌يى و بۆ هه‌ر ئێك ژ ڤان ده‌مه‌ك هاتيه ده‌ستنيشانكرن.
ئه‌ندامه‌كا جڤاتا نوونه‌رێن عيراقێ ل سه‌ر ليستا پارتى ديموكراتى كوردستان دا زانين ژى كو بۆ سه‌ركه‌فتنا كارى پێدڤي وه‌ڤدێ هه‌رێمێ باره‌گا ل به‌غدا هه‌بيت، هه‌تا كو پێداگريێ ل سه‌ر ئێكلاكرنا ئه‌وان دوسيا بكه‌ت، چونكو وه‌سان دياره مانا وان ب ڤى جۆرى د به‌رژه‌وه‌نديا كوردستانێ دا نينه و ل ده‌مێ بۆرى زيانێن پێ گه‌هشتين.
ليوا وه‌حید كوڤلى به‌حسێ دووماهى پێشهاتێن شنگالێ دكه‌ت
ئه‌ڤرۆ نیۆز، هه‌رهین محه‌مه‌د:
لیوا وه‌حید كوڤلى دد یداره‌كێ دا بۆ ئه‌ڤرۆ نیۆز، دووماهى پێشهات ل سه‌ر ره‌وشا شنگالێ به‌حسكرن.
وه‌حید كوڤلى كو ئه‌ڤرۆ ڤه‌گه‌ریایه دهۆكێ، گۆت: رۆژانه گورزێن مه‌زنێن ل شنگال ب داعش دكه‌ڤن و رۆژانه داعش هێرشان دئینیت و هه‌ر د هه‌موو هێرشان دا شكه‌ستنێ دئینن و مورالا پێشمه‌رگێ كوردستانێ گه‌له‌كا بلنده و رۆژ بۆ رۆژ پێشمه‌رگێ كوردستانێ یێ به‌ر ب پێشڤه‌چوونێ دچیت و هه‌تا نوكه داعش بوهسته‌كا شنگالێ یا دده‌ست پێشمه‌رگه‌ى دا ژ پێشمه‌رگه‌ى نه وه‌رگرتیه.
وه‌حید كوڤلى گۆت: بتنێ بریارا جه‌نابێ سه‌رۆكى بهێته‌دان هه‌موو خه‌لكێ شنگال و كوردستانێ پشت راست دكه‌ین كو دێ ب ته‌مامىبهێته پاقژكرن.
لیوا وه‌حید گۆت: رۆژانه دبازارێ شنگالێ دا شه‌ر ب رۆمانان دهێته‌كرن و ئه‌ڤرۆ كه‌ژى كه‌له‌خه‌كێ ئه‌میره‌كێ داعش كه‌تیه ده‌ستێ پێشمه‌رگه‌ى بناڤێ (ئه‌بو موسا لیبى)یه ، گه‌له‌ك بزاڤ كرینه وى كه‌له‌خێ خوه ببه‌ن و هه‌تا نوكه نه‌شیاینه.
لیوا هێشتا گۆت: هنده‌ك ئاڤاهى هه‌نه دكه‌ڤنه دناڤبه‌را چه‌كدارێن داعش و پێشمه‌رگێ كوردستانێ دا و داعش یا به‌رده‌وامه ل سه‌ر هه‌رفاندنا ئه‌ڤان ئاڤاهیان ب TNT و ئاڤیێن نێزیكى مه ئه‌م ناهێلین نێزیك بن .
پاپایێ ڤاتیكان ل دۆر وێنێن پێغه‌مبه‌رى هاته ده‌نگ
ده‌نگویێ كوشتنا ئه‌لبه‌غدادی به‌لاڤ دبیت
ئه‌ڤرۆ نیوز، ڤه‌ده‌ر صبحى
ل رۆژا پێنجشه‌مبی، ژیده‌ره‌كی ژ پارێزگه‌ها نه‌ینه‌وا زانیاریا وێ یه‌كێ ئاشكرا كر كو سه‌ركردێ داعش ئه‌بو به‌كر به‌غدادی كه‌تیه به‌ر هێرشه‌كا ئاسمانی.
وی ژێده‌ری ئاشكراكر كو ئه‌لبه‌غدادی ئه‌ڤرۆ ل پارێزگه‌ها نه‌ینه‌وا دهێره‌شكا ئه‌سمانی دا هاتیه برینداركرن و ژ به‌ر گرانیا برینا وى ژیانا خوه‌ژ ژد ه‌ست دایه.
مالپه‌رێ (عیراقی نیوز) به‌لاڤكریه كو زانیاری وه‌سا گه‌هشتینه خه‌لكێ موسل كو به‌غدادی هاتیه كوشتن ژ ئالێ هێرشێن ئاسمانیێن هه‌ڤپه‌یمانان ڤه.
لێ ژ ئالێ خوه ڤه سه‌رۆكێ عه‌شیره‌ته‌كیا عه‌ره‌با دوپاتكر كو ئه‌لبه‌غدادی هێشتا یێ ساخه بتنێ برینداربوویه و نها گه‌هشتیه نه‌خوشخانه‌كا دیرازورێ یاكو د ده‌ستێ داعش دا ل سوریا بو وه‌رگرتنا چاره‌سه‌رێ.
نيشاندان
WP Facebook Auto Publish Powered By : XYZScripts.com