ئه‌ڤرۆ نيوز، ناجی به‌ده‌ل:

وه‌زاره‌تا په‌روه‌رده‌یا حكومه‌تا هه‌رێما كودرستانێ ژ ئه‌گه‌رێ پاشكه‌فتنا موچه‌یێ ماموستایان و فه‌رمانبه‌رێن وه‌زاره‌تێ سوپاسیه‌ك ئاراسته‌ى هه‌مو ماموستایان دكه‌ت.

ل گوری نڤیسارا وه‌زاره‌تێ كو كوپی یه‌ك گه‌هشتیه‌ ئه‌ڤرۆ نیوز تێدا هاتیه‌ ماموستا یان نه‌هێلا چرایێ زانشتێ بێته‌ ڤه‌مراندن و خه‌ونێن تیرۆریستان بجهـ نه‌هاتن و خوراگریا ماموستایان بو ئه‌گه‌رێ وێ چه‌ندێ زارۆك و قوتابی یێن كوردستانێ ژ خواندنی به‌رده‌وام بن .

هه‌ر دوێ نڤیسارێ دا هاتیه‌ ئه‌وا وه‌زاره‌تا په‌روه‌دێ ئاراسته‌ی په‌روه‌رده‌یا دهۆكێ كری سوپاسیا هه‌مو ماموستا و فه‌رمانبه‌رێن په‌روه‌ردێ كریه‌ بو به‌رده‌وامبون و خه‌مخوریا وان بو برێڤه‌چونا خواندنێ و هیڤی خواست نمونه‌یێن مینا وان زور بن بو پێشڤه‌برنا ره‌وشا په‌روه‌رده‌یێ ل هه‌رێما كوردستانێ و نیشاندانا رۆێ گه‌شێ په‌روه‌ردێ ل پارێزگه‌ها دهۆكێ دیاركر.

ل گوری پێزانینان ئه‌ڤ سوپاسیه‌ دێ كه‌فیته‌ دناڤ تومارا هه‌مو ماموستایان دا ل په‌روه‌رده‌یێن وان .

ئاكرێ، نەوزاد زادە ھلۆری:
شڤێدی ھەتا نیڤرویا ئەڤرۆ 8\1\2015 بەفر ل سەرێ چیایێ پیرس دباریت و یا بەردەوامە و تیمێن رامالینا بەفرێ نەشێن رامالینا بەفرێ کونرول بکەن.
مەھران لوقمان رێڤەبەرێ ناحیا دینارتە بو ئەڤرۆ نیوز گۆت: “شڤێدی ھەتا نھا لسەر سەرێ چیایێ پیرس بەردەوام بەفر دباریت و یا بەردەوامە و تیمێن رامالینا بەفرێ ژی بکارێ خوە رادبن”.
زێدەتر گۆت: “ئەڤرۆ ب تنێ ل سەر سەرێ چیایێ پیرس 20سم باری یە و بەردەوام بوونا بەفرێ تیمێن رامالینا بەفرێ نکارن پاقژکرنا جاددێ کونترولک بکەن و ھاتن و چوون لسەر چیایێ پیرس یا ب مەترسی یە و جاددە حلیسووک بوویە”.

ئەڤرۆ نیوز، زنار توڤی:

عەبدولعەزیز محەمەد تاھر رێڤەبەرێ ھوبا چاندنێ  کانی ماسێ بو ئەڤرۆ نیوز دیارکر کو پشتی پێلەکا بەفرێ ل شەڤا 8\1\2015 دەڤەرا کانی ماسێ ڤەگرتی د ئەنجامدا 33 سەنتیمێن بەفرێ ل سەنتەرێ ناحیا کانی ماسێ بارین و ھەروەسا ل خالا گومرکا سەرزێری پتر ژڤێ رێژێ باریە و گوتژی:سەقایێ دەڤەرێ گەلەک ساربوویە و سەرجەمێ بەفرو بارانێ د ئەڤ سالە دا گەھشتیە 605 ملیمان بەراورد د گەل سالا بوری ئەڤ رێژە یا دلخوشکەرە،چونکی سالا بوری تا ڤی دەمی 321 ملیمێن بارانێ لڤێ دەڤەرێ باری بوون.

ژ لایەکێ دیڤە دێوالی حەمێ بریندار رێڤەبەرێ سەخبێریا رێک و پرا ل دھوکێ بو ئەڤرۆ نیوز راگەھاند:کو تیمێن وان یێن رامالینا بەفرێ شیاینە ھەمی رێکێن ھاتن و چوونێ ل دەڤەرا بەرواری بالا ڤەکەن و نوکە رێیا ھاتن و چوونا وەلاتیان ئاسایی بوویە و گوتژی:نوکە ٧ تیمێن رامالینا بەفرێ ل سەرانسەری پارێزگەھا دھوکێ د ئامادەباشیێ دانە ژبو رامالینا بەفرێ لسەر رێکێن ھاتن و چوونێ،ژ پێخەمەت خوشکرنا رێیا ھاتن و چوونێ بو وەلاتیان.

1 of 7

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب ته‌مامى ئه‌ور بيت ل گه‌ل بارينا به‌فر و بارانان ل ده‌ڤه‌رێن جودا يێن پارێزگه‌هێ و په‌يدابوونا مژێ.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا ئه‌ينى رێكه‌فتى 9\1\2015 ئه‌سمانێ دهۆكێ ب ته‌مامى ئه‌ور بيت ل گه‌ل بارينا به‌فر و بارانان ل ده‌ڤه‌رێن جودا يێن پارێزگه‌هێ ل گه‌ل به‌رده‌وامبوونا مژێ.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ ژى دێ دو هه‌تا سێ پلان نزمتر بيت ژ رۆژێن به‌رى نوكه‌ بيت ب ره‌نگه‌كى د ناڤبه‌را 7 بۆ -2 پلان دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 20 كلم د ده‌مژمێره‌كێ ماوێ ديتنێ ژى دێ 8  كلم بيت و ل ده‌مێ به‌فر و بارانان دێ بيته‌ 5 بۆ 7 كلم.