ئه‌ڤرۆ نیوز:
عه‌بدولستار مه‌جید، وه‌زیرێ چاندن و ژێده‌رێن ئاڤێ، ئه‌ڤرۆ راگه‌هاند كو وان بڕیاردایه ئینانا سێڤا سور یا ئیرانێ بۆ هه‌رێما كوردستانێ بۆ ده‌مه‌كێ نه‌دیار بهێته قه‌ده‌غه‌كرن ژبه‌ر كو ئه‌ڤ سێڤه نیشانا خراببوون و بهێنگه‌نیێ ژێ په‌یدبوینه و مه‌ترسى بۆ سه‌ر تێكچوونا ره‌وشا ساخله‌میا وه‌لاتیان لێ
دهێته كرن.
وه‌زیرێ چاندنێ دیاركر كو بۆ ڤێ مه‌ره‌مێ وان هه‌موو خالێن سنورى ئاگه‌هداركرینه كو بۆ ده‌مه‌كێ نه‌دیار نه‌هێلن ئه‌ڤ سێڤه بهێته ناڤ هه‌رێمێ.
ئه‌ڤرۆ نیوز:
وه‌زاره‌تا خواندنا بلند و ڤه‌كولینێن زانستى راگه‌هاند بڕیاره د ڤێ حه‌فتیێ دا، نیڤا ده‌رمالێن قوتابیان ل هه‌موو زانكۆ و په‌یمانگه‌هێن حكومى بهێنه به‌لاڤكرن كو ژ ئه‌گه‌رێ قه‌یرانا دارایى گیروبووینه.
فوئاد عه‌لى په‌یڤدارێ وه‌زاره‌تا خواندنا بلند دیاركر كو قه‌یرانا دارایى بوویه ئه‌گه‌ر كو ماوێ سێ هه‌یڤان ده‌رمالێن قوتابیان بهێنه گیروكرن، به‌لێ د ڤێ حه‌فتیێ دا، نیڤا وێ دێ هێته دابه‌شكرن.
ل زانكۆ و په‌یمانگه‌هێن سه‌ر ب وه‌زاره‌تا خواندنا بلند ڤه، نێزیكى 100 هزار قوتابى یێن هه‌ین و كوژمێ ده‌رمالێن وان یێن جودانه، یێن ناڤ باژێرێ 40 هزار دیناران هه‌یڤانه وه‌ردگرن، یێن ده‌رڤه‌ى باژێرى ژى هه‌یڤانه 60 هزار دیناران وه‌ردگرن.
فوئاد عه‌لى دیاركر پشتى چاره‌بوونا قه‌یرانا دارایى، دێ ده‌رمالێن قوتابیان هه‌یڤانه د وه‌ختێ خوه‌دا هێنه دان و گیرو نابن.
ئه‌ڤرۆ نيوز:
رێڤه‌به‌رێ پۆليسێن پارێزگه‌ها دهۆكێ، عه‌ميد تارق ئه‌حمه‌د ده‌سته‌سه‌ركنا چه‌ندين تاوانباران راگه‌هاند كو هنده‌ك ژ وان تاوانێن كوشتنێ ئه‌نجام داينه و هنده‌ك ژى ژ ئه‌گه‌رێ دزيكرنێ بووينه.
ئاماژه ب وێ چه‌ندێ ژى كريه كو دو ژ ئه‌و كه‌سێن د كه‌يسێ كوشتنا شۆفێرێ ته‌كسيێ دا هه‌ين، يێن چووين گه‌هشتينه چه‌كدارێن داعش
ئەڤرۆ نیوز:
د راپۆرتەکا رۆژناما ئەڤرۆ دا ل دۆر پێشبینیێن سالا 2015 کو ژ لایێ رۆژنامەڤان سالار دۆسکی ڤە ھاتیە بەرھەڤکرن، تێدا ئێک ژ وان کەسێن بۆچوونا وی ھاتیە وەرگرتن کو د ھەمان دەم دا ئەندامێ جڤاتا ئابووریا ھەرێمێ یە، مەترسیەکا ئابووری ل سەر ھەرێمێ ددەتە دیار کرن.
د. خەلیل غازی ئەندامێ جڤاتا ئابووری ل ھەرێما کوردستانێ و مامۆستایێ زانکۆیا دھۆک ل دۆر پێشبینیێن خوە بۆ لایەنێ ئابووری بۆ ئەڤ سالە گۆت: “سالا 2015 ب رەشبینی دبینم و پێدڤی یە حوکمەت ل خوە زڤرینەکێ د کارێن خوە دا بکەت و گوھۆرینان ژی ئەنجام بدەت، ھەکە دێ کێشێن ئابووری یێن مەزن بۆ مللەتێ کورد ل ئەڤ سالە پەیدابن”.
زێدەتر گۆت: “دبینم دێ قەیرانا ئابووری ل ھەرێمێ کوورتر لێ ھێت، دڤێت داھاتێ پەترۆلا ھەرێما کوردستانێ زێدە ببیت و ھەکە بھایێ پەترۆل ئەرزانتر ژی بیت، دێ قەیرانا ئابووری یا بەردەوام بیت، ژ بەر کو پێشبینی دھێتەکرن کو بھایێ پەترۆلێ بچیتە دبن پێنجی دۆلاران دا.”
د. خەلیل دا زانین کو دڤێت حوکمەتا ھەرێما کوردستانێ سیستەمێ خوە یێ وەرگرتنا باجان و گومرکان ب گوھۆریت و مفایی ژ دەرگەھێن سنۆری وەربگریت.
ئه‌ڤرۆ نيوز، نيوار محه‌مه‌د سه‌ليم:
زێده‌ترى 20 ئه‌ندامێ جڤاتا نوونه‌رێن عيراقێ ئيمزا كۆمكرينه دا كو رێكه‌فتنا د ناڤبه‌را هه‌ولێر و به‌غدا يا وارێ په‌ترۆلێ دا ژ ناڤ ببه‌ن و بكه‌نه پرۆژێ قانوونه‌كێ.
ئه‌ندامه‌كێ كورد ل جڤاتا نوونه‌رێن عيراقێ بۆ شه‌رقولئه‌وسه‌ت راگه‌هاند كو زێده‌ترى 20 ئيمزا ژ لايێ جڤاتا نوونه‌رێن عيراقێ ڤه هاتينه كۆمكرن دا كو رێكه‌فتناما ناڤبه‌را هه‌ولێر و به‌غدا ژ ناڤ ببه‌ن.
ئه‌ڤى ئه‌ندامێ نه‌ڤيايى ناڤێ خوه ئاشكه‌را بكه‌ت ئاماژه ب وێ چه‌ندێ ژى كريه كو ئه‌ڤ رێكه‌فتنه ب تنێ د به‌رژوه‌ندا هه‌رێمێ دايه و پاره دێ بۆ هێنه ره‌وانه‌كرن و چو سه‌روه‌رى بۆ عيراقێ نه‌مايه.
عه‌ره‌فات كه‌ره‌م ئه‌ندامێ جڤاتا نوونه‌رێن عيراقێ ئه‌و نووچه بۆ باسنيوز پشت راست كر كو گۆت: “ئه‌ڤه تشته‌كێ نوو نينه، ژ ده‌سپێكا رێكه‌فتنێ هه‌تا هاتيه ئيمزاكرن دژى وێ بوون و پاشان ژى گۆت ئه‌ڤه چوكدانانا به‌غدايه بۆ هه‌رێمێ”.
زێده‌تر گۆت: “حه‌نان فه‌تلاوى و عاليه نوسه‌يف سه‌رپه‌رشتيا وێ ئيمزا كۆمكرنێ دكه‌ن”.
د هه‌مان ده‌م دا، حاكم سه‌رحان ئه‌حمه‌د، ئه‌ندامێ جڤاتا نوونه‌ران بۆ ئه‌ڤرۆ نيوز گۆت: “ئه‌ز وه‌كو ئه‌ندامێ جڤاتێ ل لژنا ئابوورى يێ هايدارى ڤى بابه‌تى نيننم، به‌لێ هه‌كه تشته‌كێ وه‌سان هه‌بيت ژى سه‌رناگريت، چونكو كارێ په‌رله‌مانى ب تنێ چاڤدێريكرنه، نه مايتێكرنه د كارێ حوكمه‌تێ دا”.
ئاماژه ب وێ چه‌ندێ ژى كر كو رێكه‌فتنا د ناڤبه‌را هه‌رێم و به‌غدا دا، ب ره‌نگه‌كێ هه‌ڤسه‌نگيا سياسى هاتيه كرن و تشته‌ك ناهێته كرن هه‌كه ره‌زامه‌نديان لايه‌نان ل سه‌ر نه‌بيت.
ژ لايێ خوه ڤه ئارام شێخ محه‌مه‌د جێگرێ دويێ يێ سه‌رۆكێ جڤاتا نوونه‌رێن عيراقێ بۆ رووداو گۆت: “سه‌رۆكاتيا جڤاتا نوونه‌رێن عيراقێ چو داخوازيێن ژ ڤى ره‌نگى بۆ دانوستاندنێ ل سه‌ر راستڤه‌كرن يان ژناڤبرنا رێكه‌فتناما هه‌ولێر و به‌غدا پێ نه‌گه‌هشتينه و هه‌تا نوكه دانوستاندن ل سه‌ر وێ رێكه‌فتنێ ژى نه‌كريه”.
هنده‌ك ژ شاره‌زايان ژى ڤێ پێنگاڤێ ب بێده‌نگكرن و مژوولكرنا كوردان دده‌نه زانين دا كو دانوستاندنێ ل گه‌ل نۆرى مالكى ل سه‌ر دوسيێن گه‌نده‌ليێ و كه‌فتنا مووسل نه‌كه‌ن ب تايبه‌ت ئه‌ڤ كه‌سێن ب ڤى كارى رابووين كه‌سانێن نێزيكێن مالكى نه.
رێكه‌فتنا د ناڤبه‌را هه‌ولێر و به‌غدا دا ل دووماهيا سالا بۆرى بۆ ب دووماهى هاتنا كێشێن دارايى يێن ناڤبه‌را هه‌رێما كوردستانێ و حوكمه‌تا ناڤه‌ندى دا هاتبوو كرن كو ب گۆره‌يى رێكه‌فتنێ حوكمه‌تا عيراقێ دێ بودجا هه‌رێما كوردستانێ ره‌وانه كه‌ت به‌رامبه‌ر وێ چه‌ندێ هه‌رێما كوردستانێ رۆژانه 250 هزار به‌رميلێن په‌ترۆلێ ره‌وانه‌يى ژ ده‌رڤه بكه‌ت ل گه‌ل 300 هزار به‌رميلێن كه‌ركووك كو هه‌موو دێ ب رێيا بۆريێن په‌ترۆلا هه‌رێما كوردستانێ چيته به‌نده‌رێ جيهانێ و ژ وێرێ ژى دێ بۆ بازارێن جيهانى هێته ره‌وانه كرن.
ئه‌ڤرۆ نيوز:
فه‌رماندێ پێشمه‌رگێن ئێزدى ل سه‌رێ چيايێ شنگال د داخۆيانيه‌كا رۆژنامه‌ڤانى دا راگه‌هاند كو شنگال پشكه‌كه ژ هه‌رێما كوردستانێ و ئه‌وێن به‌حسێ كانتۆنان دكه‌ن نه‌يارێن مه‌نه.
قاسم شه‌شۆ، فه‌رماندێ پێشمه‌رگێن ئێزدى ل سه‌رێ چيايێ شنگال، ل گه‌ل نێچيرڤان بارزانى سه‌رۆكێ حوكمه‌تا هه‌رێما كوردستانێ د داخۆيانيه‌كا رۆژنامه‌ڤانى دا كه‌يفخۆشيا خوه هاتنا سه‌رۆكێ هه‌رێما كوردستانێ و سه‌رۆكێ حوكمه‌تا هه‌رێما كوردستانێ ده‌ربڕى و گۆت: “گه‌له‌ك كه‌سان دگۆت پارتى ره‌ڤين و شنگال هێلا بێ خودان، به‌لێ ئه‌ڤه هه‌موو ده‌ركه‌فتن ئاخفتنێن نه‌وه‌يى و هيڤى دكه‌ين ب زووترين ده‌م شنگال ژى بهێته رزگار كرن”.
د پرسيارا رۆژنامه‌ڤانه‌كى دا ل دۆر سيستمێ كانتۆنان ژى گۆت: “ئه‌و نه‌يارێن مه‌نه وان به‌حسان دكه‌ن و بڕيار نه د ده‌ستێ وان دايه، ئه‌م پشكه‌كين ژ كوردستانێ و دخوازين ب زووترين ده‌م بهێته ئازادكرن”.
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ لقێ 17 يێ پارتى ديموكراتى كوردستان بۆ ئه‌ڤرۆ نيوز دياركر كو وه‌حيد باكۆزى، ئێك ژ فه‌رماندێن پێشمه‌رگێ كوردستانێ وه‌كو به‌پرسێ لقێ 17 ل شنگال هاته دانان.
ئه‌ڤى ژێده‌رى ئاماژه ب وێ چه‌ندێ ژى كر كو هێشتا رێ و ره‌سمێن گوهۆڕينا به‌رپرسێ لقا 17 نه‌هاتينه كرن، به‌لێ وه‌حيد باكۆزى ب ره‌نگه‌كێ فه‌رمى بوويه به‌رپرسێ لقێ.
وه‌حيد باكۆزى به‌رپرسێ نوو يێ لقێ 17 يێ پارتى ديموكراتى كوردستان د داخۆيانيه‌كێ دا بۆ ئه‌ڤرۆ نيوز ئه‌ڤ نووچه پشت راست كر و گۆت: “هه‌تا نوكه رێ و ره‌سمێن پێكگوهاڕتنێ نه‌هاتينه كرن، به‌لێ ب ره‌نگه‌كێ فه‌رمى بوويمه به‌رپرسێ لقێ”.
پشتى روودانێن 3\8\2014 ب ماوه‌كى، پارتى ديموكراتى كوردستان، سه‌عيد شنگالى وه‌كو به‌رپرسێ لقا 17 ل جهێ سه‌ربه‌ست بابيرى دانابوو و نوكه جاركا دى ئه‌و ژى گوهۆڕى و وه‌حيد باكۆزى ل وى جهى دانا.
ب گۆره‌يى هه‌مان ژێده‌رێ لقا 17 يێ نه‌ڤايى ناڤێ وى ژى بهێته ئاشكه‌را كرن ئاماژه ب وێ چه‌ندێ كر كو ب گۆره‌يى ئه‌و پێزانينێن وى هه‌ين، سه‌عيد شنگالى دێ بۆ نڤيسينگه‌ها رێكخستنێ يا پارتى ديموكراتى كوردستان هێته ڤه‌گوهاستن.
ئه‌و ترومبێلێن كو هاتینه هه‌لوه‌شاندن ژ لایێ په‌رله‌مانێ كوردستانێ ڤه، باشتره بۆ زارۆیێن شه‌هیدان و خێزانێن شه‌هیدا بهێنه دیاریكرن، چنكو ڤان شه‌هیدان كوردستان پاراست و ل به‌رسینگێ دوژمنی بوون هه‌تا هاتینه شه‌هیدكرن ئه‌ز باوه‌رم ترومبێل هێشتا كێمه بۆ زارۆیێن شه‌هیدان ده‌فته‌رێن دۆلاری هێشتا كێمه بۆ زارۆیێن شه‌هیدان هه‌كه، ئه‌م سه‌حكه‌ینێ یۆیۆتیوبه‌كی، چاوا شه‌هیدێ نه‌مر ئدریسێ بارزانی قه‌درێ پێشمه‌رگه‌ی دگرت و هه‌ر هۆسا پێدڤیه پێشمه‌رگه هه‌موو ب خانی بكه‌ڤن حه‌تا نها نیڤه‌ك پێشمه‌رگێ مه زارۆیێن مه خانی نینن مووچه‌كێ دروست نینه بۆچی دێ ئه‌ندام په‌رله‌مانی هه‌بیت؟ ما ئه‌ندام په‌رله‌مان چ دكه‌ت؟ به‌س روونشتیه ل سه‌ر وێ كورسیێ ئه‌وا هه‌ر ب ده‌نگێ زارۆیێن شه‌هیدی چوویه وێرێ، هه‌كه ئه‌م سه‌حكه‌ینێ په‌رله‌مانتاری مووچێ وی 8 ملیۆنه ئه‌و دشێن بۆخوه قستانه بكرن، ئه‌و ئاریشا فه‌قیر و هه‌ژاری نینه، هه‌كه ئه‌ز ل ده‌زگه‌هه‌كێ حزبی یان حكومی كاركه‌م باشه، ڤێت ئه‌و بۆ من خانی و تورمبێلێ ژی بكرن؟ نه‌خێر ئه‌ڤجا هیڤیدارین ژ ئه‌ندام په‌رله‌مانی بۆ خوه ترومبێلێ ژ پێشانگه‌هێ ژی ب قستانه بكرن، به‌س فه‌قیر و هه‌ژاری زارۆیێن شه‌هیدی بێشینن، به‌س دلێ فه‌قیری بهێلن كوفره كوفر ئه‌ندام په‌رله‌مان تو خه‌مخورێ وه‌لاتێ خوه ئاخا خوه ئالایێ خوه پێ نه‌خه‌مخورێ ترومبێلێن مۆنیكا مووچێ هه‌شت ملیۆنا پێ دوباره ئه‌ز بێژم و پێشنیاز دكه‌م ئه‌و سه‌یارێن ئه‌ندام په‌رله‌مانێ كوردستانێ هاتینه هه‌لوه‌شاندن بهێنه خه‌لاتكرن، یانكو دیاریكرن بۆ زارۆ و خێزانێن شه‌هیدانه دڤێت ڤێ جارێ شه‌هید بن دگه‌ل دوژمنێ ملله‌تێ كورد ئه‌و ژی هێزا پیس و چه‌په‌ل داعش هیڤیدارم ژ سه‌رۆكێ حوكمه‌تێ نێچیرفان بارزانی و سه‌رۆكێ په‌رله‌مانی فراكسیۆنێ ئه‌و مۆنیكا بهێنه خه‌لاتكرن بۆ شه‌هیدێن ڤان شه‌ش هه‌یڤان و هه‌ژینه ب راستی هه‌كه هنگۆ ئه‌ڤ كاره كر دێ زانین هوون خودان شه‌هیدن و هوون چاڤێ خوه بده‌نه شه‌هیدی زارۆیێن شه‌هیدان.
د داوی نڤیسینا خوه دا ل ژێر ناڤێ (ده‌م نه‌هاتیه بێژینێ ته ئه‌ڤه ژ كیڤه ئینا؟؟) د هژمارا رۆژا 28/12 ڤێ رۆژنامه‌یێدا مه چه‌ند تیشكه‌ك به‌ردابوونه سه‌ر ئێشا گه‌نده‌لیێ كو پرانیا جڤاكێ مه ڤه‌گرتیه و چه‌ند هزره‌ك ژ بۆ چاره‌سه‌ریێ مه به‌رچاڤكربوون، ل داویێ ژی مه پێشنیازكربوو به‌رۆكا مه‌زنه به‌رپرسێن گه‌نده‌ل بگرین و بێژینێ ته ئه‌ڤه ژ كیڤه ئینا.. . ؟ د هه‌مان نڤیسیندا مه ئاماژه ب ئه‌نجامێن راپرسیا رێكخراوا سكالا و چاڤدێری كربوو كو دبێژن: 80%ی پشكداربوویێن راپرسیێ دبینن حوكمه‌ت و په‌رله‌مان نكارن دیارده‌یا گه‌نده‌لیێ چاره‌سه‌ربكه‌ن.. . !! د ڤێ نڤیسینێ دا دێ پرسیاركه‌م گه‌لۆ 80% پشكداربوویان كو ل دووڤ سیسته‌مێ راپرسیان دڤێت نوونه‌راتیا 80% جڤاكی بكه‌ن وان ب خوه پرسیار ژ خوه كریه مه چ كریه بۆ ڤی جڤاكی.. ؟ مه چ و چه‌ند پێشكه‌شكریه.. ؟ ده‌مێ ئه‌م دبێژین: حوكمه‌ت و په‌رله‌مان نكارن دیارده‌یا گه‌نده‌لیێ چاره‌سه‌ربكه‌ن.. . !! ئه‌رێ هه‌ر ئێك ژ مه هندی په‌یوه‌ندی ب وی ڤه‌هه‌ی یان د شیانێن وی دا دیارده‌یا گه‌نده‌لیێ چاره‌سه‌ركریه یان بزاڤا چاره‌سه‌ریێ كریه.. . ؟ ئه‌ز باوه‌رم ئه‌گه‌ر هه‌ریه‌ك ژمه هندی په‌یوه‌ندی ب وی ڤه‌هه‌ی یان د شیانێن وی دا گه‌نده‌لیێ چاره‌سه‌ر بكه‌ت ئه‌ڤه مه ئه‌و دیارده‌یه ژ ره و ریشال ئیناده‌ر، ده‌مێ گه‌نده‌لی ژ جه‌م مه باردكه‌ت نه وێریت كوینێ خوه ل جهه‌كێ دی ڤه‌ده‌ت و نه ژی كه‌سه‌ك ب ساناهی ل چ ئاستێ به‌رپرسیێ بیت دوێریت بچیته ژێر وی كوینی.. . !! وی ده‌می دێ ئالیێن ده‌سته‌لاتدار ب ساناهی شێن وێ دیارده‌یێ چاره‌سه‌ركه‌ن.
دێ پرسیار هێته‌كرن چاوا.. ؟ وه‌لاتیێ ئاسایی چاوا دكاریت ڤێ چه‌ندێ بكه‌ت.. . ؟ به‌رسڤا ب ساناهیه، ئه‌رێ ئه‌گه‌ر ئه‌زێ تاك یان وه‌لاتیێ ئاسایی مامۆستامه، ئه‌ندازیارم، نوشدارم.. . هتد ب دلسۆژی كارێ خوه ئه‌دا بكه‌م، چاوا ئێڤاران ده‌مێ ده‌رسێن خسوسی دده‌م ب هه‌مان ره‌نگ ل خواندنگه‌هێ ده‌رسا خوه بده‌م، چاوا ده‌مێ د گه‌ل كۆمپانیه‌كێ یان بۆ پرۆژه‌كێ خوه‌یێ تایبه‌ت ئه‌ندازیاریا خوه دكه‌م ب هه‌مان شێوه دانێ سپێدێ ل فه‌رمانگه‌هێ ژی ئه‌ركێ خوه ئه‌نجام بده‌م، چاوا ل نه‌خۆشخانه‌یا تایبه‌ت یان ل كلینیكا خوه چاڤێ خوه دده‌مه نه‌خوشی ب هه‌مان شێوه ل نه‌خوشخانه و بنگه‌هێن ساخله‌میێ یێن ده‌وله‌تێ ژی چاڤێ خوه بده‌مه نه‌خوشی و خه‌مێ ژێ بخۆم.. . هتد ب هه‌مان شێوه نموونه د مشه‌نه و دێ چه‌ند كته‌كان به‌رچاڤكه‌ین ئه‌زێ بازرگان و دوكاندار د سنووره‌كێ ره‌وادا كه‌ره‌سته‌یێن خوه بفروشم.. . ، ئه‌زێ باخچه‌ڤان ب دروستی خزمه‌تا وی باخچه‌ی بكه‌م یێ ئه‌ز ژێ به‌رپرس و سه‌خبێریا وی بكه‌م.. . ، ئه‌زێ وه‌لاتی جهێ خوه پاقژ راگرم، گلۆپێن ده‌رڤه رۆژا نیڤرۆ نه‌هێلمه هه‌ل، نه‌هێلم هه‌روه ئاڤ ژ مالا من بچیت، د ده‌مێ خوه‌دا حه‌قێ ئاڤێ و كاره‌بێ بده‌م، كاره‌بێ ژ هێلا سه‌ره‌كی نه دزم و مالا خوه پێ گه‌رم كه‌م و خه‌لكه‌كێ دی ژێ بێ باهر كه‌م.. . !! دبیت كه‌سه‌ك بپرسیت گه‌لۆ ما ئه‌ڤه ژی گه‌نده‌لینه.. . ؟ د به‌رسڤێدا دبێژم به‌لێ ئه‌ڤه گه‌نده‌لینه و گه‌نده‌لیا مه‌زن ژی ئه‌وه مرۆڤ ب دروستی ئه‌ركێ خوه ئه‌نجام نه‌ده‌ت. كورت كرمانجی ئه‌گه‌ر ئه‌زێ وه‌لاتی خوه ژ گه‌نده‌لیێ بپارێزم، ب دلسۆژی ئه‌ركێ خوه بجه بینم، وی چاخی گه‌نده‌لێ مه‌زن ژی نه‌وێریت زوو ب زوو گه‌نده‌لیێ بكه‌ت، ئه‌گه‌ر كر ژی دێ وێره‌كی بۆ من چێبیت بێژمێ گه‌نده‌لۆ گه‌نده‌لیێ نه‌كه.. .
دێ زڤرمه‌ڤه ده‌سپێكێ بێژمه‌ڤه: هه‌رده‌مێ مه پرسیار ژ خوه كر مه چ كریه بۆ ڤی جڤاكی.. ؟ مه چ و چه‌ند پێشكه‌شكریه.. ؟ و چاوا مه ئه‌ركێ خوه ئه‌نجامدایه.. . ؟ ئه‌ڤه مه 80% جڤاكێ خوه ژ گه‌نده‌لیێ پاراست وی ده‌مێ 20% یا مایی ژی دێ خوه پارێزیت و دێ ژ چاڤێن من و ته ترسیت، هندی چاڤێن مه د ڤه‌كری بن ئه‌و نه‌وێریت ئه‌وا وی دڤێت بكه‌ت.. .
نيشاندان