ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ، په‌یاما وێ چه‌ندێ دده‌ته فه‌رمانبه‌ران كو مووچێ هه‌ڤێن 11 و 12 یێن هه‌یڤا 12 دێ د ڤێ هه‌یڤێ دا هێته دان.
سه‌فین دزه‌یى بۆ knn دیاركریه” ل نێزیك دێ مووچێ هه‌یڤا 11 هێته دان داكو هه‌تا دووماهیا ڤێ هه‌یڤێ موچێ هه‌یڤا 12 ژى بده‌ین”.
دزه‌یى ئاشكرا كر كو د ماوێ دو هه‌یڤێن بهێت دا، پێدانا مووچێن فه‌رمانبه‌ران دێ ئاسایى بیته‌ڤه.
ده‌قێ داخویانیا سه‌فین دزه‌یى:
ئه‌ڤرۆ نیوز، زنار توڤى:
وه‌زاره‌تا به‌رگریا ئه‌مریكا (پنتاگون)ێ د مالپه‌رێ خوه یێ فه‌رمى دا لسه‌ر تورا تویته‌رێ وێنێ ڤان ترومبێلێن سه‌ربازى به‌لاڤكرینه،كو دێ بو هێزێن پیشمه‌رگه‌ى هێته ره‌وانه‌كرن.
هه‌روه‌سا ئه‌وژى دیاركریه كو به‌رده‌وام وه‌زاره‌تا به‌رگریا ئه‌مریكا هاریكارى و پشته‌ڤانى گه‌هاندینه هێزێن پێشمه‌رگه‌ى و دێ لسه‌ر ڤان جوره هاریكاریان به‌رده‌وام بن بو گه‌لێ كورد.
ئه‌ڤرۆ نیۆز، سالار دۆسكى
هونه‌رمه‌ندێ مۆزیكژه‌ن بێوار ره‌مه‌زان كو لێده‌رێ سازیێ یه ل گه‌ل تیپا (رۆباد) یا مۆزیكێ و دیسان ل گه‌ل چه‌ندین هونه‌رمه‌ندان سازێ دژه‌نیت و هه‌مان ده‌م پێشمه‌رگه‌یه، ل چه‌په‌رێن به‌رگێریێ بریندار بوویه.
مۆزیكژه‌ن بێوار ره‌مه‌زان بۆ مالپه‌رێ ئه‌ڤرۆ نیۆز گۆت: سوپاس بۆ خودێ نوكه ساخله‌میا من به‌ر ب باشبۆنێ یه، ئه‌ڤه پشتى هاونه‌كا دوژمنى هات و نێزیكى مه كه‌فتى بریندار بوويمة و چه‌ندین رۆژا ل نه‌خوشخانێ مایم، ل سه‌ر به‌رپرساتیا خوه ژ نه‌خوه‌شخانێ ده‌ركه‌فتیمه.
ئه‌ڤرۆ نیۆز، سالار دۆسكى”
ب هه‌لكه‌فتا رۆژا ژ دایكبوونا سه‌روه‌رێ پێغه‌مبه‌ران محه‌مه‌د سلاڤ ل سه‌ربن، هونه‌رمه‌ند و مۆزیكژه‌نێ مه‌زنێ كورد (ئه‌نوه‌ر قه‌ره‌داغى) ب ده‌نگێ خوه سرووده‌ك توماركریه كو ژ تێكستێ(پرمێرده) ..
د په‌یجێ خوه یێ فێسبوكێ دا ئه‌نه‌وه‌ر قه‌رداغى دیاركریه كو ئه‌ڤ سروودا ئاینى بۆ هه‌موو هه‌ڤالێن خوه كریه دیاركرى و خواستیه ب دلێ وان بیت.
ئه‌ڤرۆ نیوز، ره‌وان نهێلى
ئه‌ڤرۆ د رێوره‌سمه‌كێ دا ل مزگه‌فتا مه‌زن ل دهۆكێ، رۆژا ژ دایكبوونا پێغه‌مبه‌رێ ئیسلامێ محه‌مه‌د سلاڤێن خودێ ل سه‌ر بن هاته ساخكرن.
د رێوره‌سمى دا مه‌لا ئێحسان رێكانى سه‌رۆكێ سه‌روكێ لقێ دهوك یێ ئێكه‌تیا زانایێن ئاینێ ئیسلامى كوردستان ئه‌ڤ هه‌لكه‌فته ل سه‌رجه‌م گه‌لێ كوردستانێ وعیراقێ پیروزكر و ئاشكراكر بونا پێغه‌مبه‌رى روناهى دا هه‌مى جیهانێ وپه‌یاما دلوڤان وپێكڤه‌ژیان وئاشتیێ په‌یداكر و گۆت: ئه‌و كریارێن داعش نوكه دكه‌ت، ئیسلام یا ژێ دووره.
مه‌لا ئێحسان دیاركر ژبه‌ر وێ یه‌كێ چو رێوره‌سمێن به‌رفره‌ه ل دهۆكێ نه‌هاتنه كرن ژبه‌ر كو دهۆك یێ بوویه باژێرێ شه‌هیدان و هیڤى خواست خودێ ته‌ناهیێ ڤه‌گه‌رینیت بۆ دهۆك و هه‌موو كوردستانێ و تیرورێ ژناڤ ببه‌ت و داعش ب ئێكجارى ژ ناڤ بچیت.
ژ ئالیێ خوه‌ڤه، فه‌رهاد ئه‌ترووشى پارێزگه‌رێ دهۆكێ د په‌یڤه‌كێ دا رۆژا ژ دایكبوونا پێغه‌مبه‌رێ ئیسلامێ ل هه‌موو موسولمانان پیرۆز كر و ئاماژه دا وێ یه‌كێ كو ئه‌ڤا نوكه داعش ب ناڤێ ئیسلامێ دكه‌ت، ئیسلام یا ژێ دووره، ژبه‌ر كو ره‌فتارێن داعش دوورن ژ بنه‌مایێن ئاینێ ئیسلامێ، داعش یێ خه‌لكى سه‌رژێدكه‌ت و كه‌سێن بێ گونه‌ه دكوژیت و زولمێ ل كێم نه‌ته‌وان دكه‌ت، كو ئه‌ڤ چه‌نده ئیسلام یا ژێ دوو بوویه و ئیسلام دینێ ره‌حمێ و دلوڤانیێ یه.
هه‌روه‌سا مه‌لا ئه‌حمه‌د رێكانى، مه‌لایێ مزگه‌فتا جودى د په‌یڤه‌كێ دا ئه‌ڤ بیره‌وه‌ریه ل هه‌موو موسلمانان پیرۆز كر و دیاركر كو ملله‌تێ كورد دێ هه‌ر ل سه‌ر تیرورێ سه‌ركه‌ڤیت.
سەرۆکێ رەوتێ سەدری ل عیراقێ راگەھاند، ئەمریکا بۆ رزگارکرنا عیراقێ ژ تیرۆرێ نەھاتیە، بەلکو ئەو ب خوە پشتەڤانیا گرۆپێن تیرۆرستی ئەوێن سەرێن وەلاتیان دبرن دکەت.
موقتەدا سەدر د داخۆیانیەکا رۆژنامەڤانی دا زێدەتر گوت” چو رۆژەکی من ئەو باوەری نەبوویە کو ئەمریکا بۆ رزگارکرنا عیراقێ ھاتیە وەلاتێ مە”.
سەدری، ئەمریکا ب پشتەڤانیا تیرۆرێ و وان گرۆپێن چەکدار ئەوێن سەرێن وەلاتیان دبرن تۆمەتبارکر و گوت” د ھێرشێن ئەسمانی یێن ئەمریکی دا، چو زیان ب تیرۆرستان ناکەڤیت، بەلکو رۆژانە ژی ھژمارا وان گرۆپێن چەکداری ل عیراقێ و سووریێ و ھندەک ژ وەلاتێن بەھارا عەرەبی ژێگرتی، بەرفرەھبوونێ ب خوەڤە دبینن”.
د چەند رۆژێن بۆری دا ھندەک مالپەرێن راگەھاندنێ ل سەر تۆرا فیسبووکی پارچە ڤیدیۆیەک بەلاڤ کربوو کو تێدا فرۆکەکا ھەڤپەیمانیا نێڤدەولەتی ل دەڤەرا (خزێرە) ل باشوورێ پارێزگەھا سەلاحەدین، ب رێیا پاراشۆتێ سندۆقەکا ھاریکاریێن لەشکری دھاڤێتە خوارێ کو ئەو دەڤەر دبن کونترۆلا چەکدارێن تیرۆرستێن داعشێ دایە، لێ بەرپرسێن ئەمریکی ب توندی ئەو دەنگوباسە رەتکر.
ئه‌ڤرۆ نيوز:
ئه‌ڤرۆ سپێدێ 1\3\2015، سه‌رۆكێ حوكمه‌تا هه‌رێما كوردستانێ پشكدارى د رێ و ره‌سمێن رۆژا ژ دايكبوونا سه‌روه‌ردێ پێغه‌مبه‌ران محه‌مه‌د سلاڤێن خودێ ل سه‌ر بن دا كر ل هه‌ولێر.
د په‌يڤه‌كێ دا بۆ ده‌زگه‌هێن راگه‌هاندنێ سه‌رۆكێ حوكمه‌تا هه‌رێما كوردستانێ، نێچيرڤان بارزانى، وێرايى پيرۆزباهيێن خوه ل كوردستان و عيراق و جيهانێ، هيڤى خواست كو ئه‌ڤ بيره‌وه‌ريه ببيته ساله‌كا نوو بۆ هه‌موو ده‌ڤه‌رێ و مرۆڤاتيێ و گۆت: “هيڤى دكه‌ين ببيته سالا خوشى و كامه‌رانى و سه‌ركه‌فتن و موكمكرنا پێكڤه‌ژيان و ته‌بايى و ڤه‌گه‌ريانا ئاسايش و ئاراميى و سه‌قامگێريێ بيت”.
سالانه ل هه‌ولێر ب هه‌لكه‌فتا سالرۆژا ژ دايكبوونا دووماهى پێغه‌مبه‌رێ خودێ محه‌مه‌د سلاڤێن خودێ ل سه‌ر بن ب چه‌ند رێ و ره‌سمێن ئاينى دهێته ساخكرن، پشكداريا نێچيرڤان بارزانى ژى ل مزگه‌فتا حاجى سالح ده‌باغ بوو.
ڤيديۆ ژ مالپه‌رێ رووداو هاتيه وه‌رگرتن.
ئه‌ڤرۆ نيوز:
د ديداره‌كێ دا بۆ رۆژناما ئه‌ڤرۆ كو ئه‌ياد به‌روارى ئه‌نجامدايه، محەمەد ناسر ئەلھانی بسپۆرێ تونسی د بیاڤێ تیرۆرێ و گرۆپێن ئیسلامی دا د دیدارەکێ دا ل گەل ئەڤرۆ دبێژیت داعشێ پشتەڤانێن خوە ل وەلاتێن مەغربا عەرەبی (تونس، جەزائیر، مەغرب، لیبیا) و دناڤ وەلاتیێن وان دەولەتان ژی کو ل ئورۆپا دژین یێن ھەین کو ھەلگرێن ھزرێن ئایینی یێن توندرەون کو ب تایبەتی دناڤ تەخا ھەژار و پشت گوە ھاڤێتی ڤە دا یێن ھەین، و پلا دویێ دناڤ وان خێزانێن گرفتێن جڤاکی ھەین و ڤێ چەندێ ھەموویێ کەسانێن توندرەو بەرھەمئینان کو د ١٠ سالێن بۆری دا ژلایێ ھندەک گرۆپێن سەلەفی ڤە ھاتنە وەرگرتن و خەلەکێن توندرەو ژێ دروستکرن کو پتر ب ئایینی ڤە د گرێدای بوون و ریھێن خوە ژی درێژدکرن، لێ پتر لێگەریان دناڤ وان تەخێن جڤاکی دا ھەبوو بۆ دیتنەڤەیا کەسانێن توندرەویا وان پتر بیت و د بەرھەڤ بن ببنە کەسانێن خوینرێژ و سەلەفیێن جیھادی و ب ڤێ چەندی دبیت ژ ١٠٠ ھزار کەسێن سەلەفی یێن توندرەو، ھزار کەس ژێ ئەڤ سالۆخەتە ل دەف ھەبن و دووماھیێ ئەو یێن بووینە ھێڤێنێ ھزرا تیرۆرێ و بەر ب وەلاتێن نە ئارام ڤە چووین کو ل دەستپێکێ یێن بەر ب سووریێ ڤە چووین و پاشی بۆ عیراقێ و گەھشتینە دناڤ رێزێن رێکخراوێن تیرۆرستی یێن توندرەو دا ل وان ھەردو وەلاتان.
ناڤبری گوت” نۆکە ئاریشا ھەرە مەزن ل دەف مە ل تونسێ و وەلاتێن مەغربا عەرەبی سەرھلدای ئەوە، چاوا وەلاتی دناڤ گرۆپێن تیرۆرستی دا دھێنە رێکخستن و ب تایبەتی دناڤ داعشێ دا، بێگومان ھەوە ل عیراقێ و ل ھەرێما کوردستانێ د سالێن نۆتان دا ژ سەدێ بۆری گوە ل وان گرۆپێن ئیسلامی یێن توندرەو ل وەلاتێ جەزائیرێ ببوو، ئانکو ئەڤە ژ ٢٠ سالان پترە ھزرا ئایینی یا توندرەو ھەبوونا خوە ل وەلاتێن مەغربا عەرەبی یا ھەی”.
ل دۆر گەشەبوونا ھزرا سەلەفی یا توندرەو ل تونسێ سەرەرای ھەبوونا دەستھەلاتداریەکا علمانی، گوت” ل سالا ٢٠٠٦ کەتیبا (عوقبە بن نافع) ژ لایێ وان ڤە ھاتە پێکئینان و ھژمارا وان نە دگەھشتە ٥٠٠ کەسان ، لێ ژ لایێ حوکمەتا تونسی ڤە ھاتە ژناڤبرن و سەرکەفتن بدەستڤەنەئینا، بەلێ پشتی شۆرەشا تونسێ ل سالا ٢٠١٠ لاوازیەکا بەرچاڤ کەفتە کارێ دەزگەھێن ئەمنی یێن تونسی پشتی سوتنا بارەگایێن ھێزێن ئێمناھیێ و پۆلیسان و ئەڤ چەندە دەلیڤەکا گونجای بۆ ژ بۆ گەشەکرنا ھزرا سەلەفیا توندرەو و ژ ھینگێ و ھەتا نۆکە پتر ژ ٥٠ ھزار توندرەو ل تونسێ یێن پەیدابووین و کەسێن توندرەوییا وان یا ئایینی یا پتر بیت ژناڤ ڤێ ھژمارا مەزن دھێنە ژێگرتن وەکو تیرۆرست کو ئەو دبێژنێ (جیھادی)”.
ل دۆر چاوانیا ھنارتنا وان توندرەوێن سەلەفی جیھادی بۆ سووریێ و عیراقێ، گوت” وەکو گرۆپێن دھێنە ھنارتن بۆ لیبیا و ھندەک ژی بۆ تورکیا، لێ چەندین کەس ژ وان دھێنە دەستەسەرکرن چ ل سنۆرێ لیبیا یان ژی ل فرۆکخانا (قەرتاج) ل تونسێ، وەزیرێ ناڤخوەیێ تونسی ژی داخۆیانیەک دابوو ل دۆر قەدەغەکرنا سەفەرێ ل سەر چەند ھزار کەسان دەمێ دا دەست ب چوونێ کەن بەر سووریێ”.
ناڤبری ئاماژە دا وێ چەندێ ژی کو ژ بەر ئەگەرێن ئەمنی، ڤەکۆلەرێن تایبەتمەند د بیاڤێ تیرۆرێ نەشێن پێزانینێن دروست ل دۆر کەس و لایەنێن کارێ ھنارتنا وان توندرەوێن جیھادی دکەن بۆ تورکیا و پاشی بۆ سووریێ و عیراقێ وەرگرن.
ب دیتنا محەمەد ناسری، پشکداریا جڤاکێ نێڤدەولەتی د شەڕێ دژی داعشێ دا، دێ درووشمێ داعشێ یێ بەرفرەھبوونێ ژناڤ بەت و سنۆرێن دەولەتا وێ راگەھاندی بەر ب بەرتەنگیێ و لاوازیێ بەت و ھەتا بەر ب نەمانێ ژی، لێ ھزرا سەلەفی یا جیھادی دێ ب دەھان سالێن بھێت ژی ل جیھانا عەرەبی و ب تایبەتی ل عیراقێ دێ مینیت، ئاماژە دا وێ چەندێ ژی کو ئەرزانبوونا بھایێن پەترۆلێ ل جیھانێ کارتێکرنەکا مەزن ل دەولەتا داعشێ کریە، ژ بەر کو پشت بەستنەکا مەزن ل سەر داھاتێ بیرێن پەترۆلێ ئەوێن د بن کونترۆلا وێڤە دکەت و دێ ئەو داھاتە بەر ب کێمیەکا مەزن ڤە چیت، دیسا ئەو وەلاتێن کو توندرەو تێرا دھێنە سووریێ و عیراقێ پێرابوونێن خوە ل فرۆکخانا زێدەکرینە بۆ رێگرتنێ ل وان، ئەڤ ھەموو خالە فاکتەرێن گرنگن بۆ لاوازکرنا دەولەتا داعشێ راگەھاندی، لێ ب دیتنا من ئەڤ پێرابوونە داعشێ ژناڤ نابەن، بەلکو پێدڤیە ستراتیژیەتەک بھێتە بکارئینان کو وان پرس و ئاریشێن ل جیھانا عەرەبی ھەین ل بەرچاڤ بھێنە وەرگرتن وەکو پرسێن دیموکراسیێ و ئابووری و جڤاکی کو ھەکە نەھێنە چارەکرن، دشیان دا نابیت تیرۆر بھێتە ژناڤبرن و پشتی ھێنگێ دێ قۆناغەکا دی ھێت ئەوژی شەڕێ ھزری و رەوشەنبیری و جڤاکی.
ئه‌ڤرۆ:
ھژمارەکا بسپۆرێن زانستێن سیاسی ل دھۆکێ ب دیتنا خوە ھندەک ژ شاشیێن کورد کەفتینە تێدا ل 2014 دیاردکەن و چەندین پێشنیاران ژی بۆ سالا 2015 بەرچاڤ دکەن.
ئارام بالەتەی بۆ ئەڤرۆ گوت”ھەرێما کوردستانێ ژلایێ پەیوەندیێن دەرڤە سەرکەفتنەکا مەزن تۆمارکر ,ھەر چەندە ئەڤ یەکە یا گرێدایە ب بەرژوەندیان ڤە، لێ کوردستانێ شیان ھەبوون خوە نیشا بدەت وەک پارێزەرەک و ھەڤالەک د بەرژەوەندیان دا و گۆت ژی “ھەروەسا خالەکا دی یا ھێزێ ل ساڵا 2014 دا ئەو بوو بزاڤێن مەزن کرن بۆ ریفۆرمکرنا ھێزێن پێشمەرگەی ,لێ ب دیتنا من یا ب ساناھی نابیت ھەکە ھەموو لایەن د ھەڤکار نەبن”.
زێرەڤان مایی بۆ ئەڤرۆ گوت” دڤێت دەستھەلاتا کوردی باوەری ب ھەموو وەڵاتان نەھێت، ھەر وەڵاتەک ل دووڤ بەرژوەندیێن خوە کاردکەت و ھەرێما کوردستانێ ژی خودان بنەمایێن ئابوری یێن ب ھێزە و دبلوماسیەکا کارا و ب ھێز یا ھەی و شیانێن ھەی وەک خالێن ب ھێز وکارتێکەر د پەیوەندیێن نێڤدەولەتی دا ب کاربینیت “.
بالەتەی دیارکر کو ھێزا پێشمەرگەی و رێکخستنا وێ نە ل ئاستێ پێدڤی بوو و حیزبایەتی زاڵ تر بوو ژ نشتیمانی و ھێشتا عەقلێ سیاسیێ کوردستانێ د گێلەشۆکەکێ دا دزڤریت و بەرژەوەندیا پارتێن سیاسی بووینە ئاستەنگ کو کوردستان ئاراستەیێ خوە یێ ستراتیژی دیاربکەت ل ھەمبەر سیاسەتا نێڤدەولەتی و ھەرێمی”.
گوت ژی” پێدڤیە ئەنجومەنەک بھێتە پێکئینان کارێ وی پاراستنا بەرژەوەندیا بلند یا کوردستانێ بیت و نەخشێن ستراتیژی دانیت و پێدڤیە دەستوور بھێتە ئێکلاکرن و قانونا پارتێن سیاسی دەربچیت و ناسنامەکا کوردستانی یا ئێکگرتی بھێتە دامەزراندن ل سەر بنەمایێ جوگرافی، دا ھەمو پێکھات ھەست ب ھاوڵاتی بوونا خوە بکەن”.
ب دیتنا زێرەڤان بەرواری، دڤێت ھەرێما کوردستانێ گرنگیێ ب قوتابخانا ژیواری بدەت بۆ دروستکرنا بریارا سیاسی و ئەڤە ژی ب دارێشتنا بەرژەوەندیێن سیاسی و ئابوری یێن بەردەوام و بەرژەوەندی دڤێت ببیتە پیڤەر بۆ دەست نیشانکرنا ھەڤکار و دۆستێن مللەتێ کورد .
ناڤبری گوت”ھژمارەکا خالێن لاواز ھەبوون ل ساڵا 2014 دا وەکو دابەشبوونا پارتێن کوردستانێ ل سەر پرۆژێن ھەرێمی و سیاسەتێن نێڤدەولەتی بۆ پاراستنا پێگەھێ خوە نەکو پێگەھێ ھەرێما کوردستانێ و نەبوونا ستراتیژیەتەکا دیار د سیاسەتا ئابووری دا و لاوازیا سیاسەتا لەشکری و ئێکنەگرتنا پێشمەرگەی مەترسیەکا ئێگجار مەزن ل سەر ئاسایشا نەتەوەی کر وئەڤ یەک ژی ل ھێرشێن داعش دا ئاشکەرا بوو”.
خوەیاکر ژی” دڤێت میدیایا کوردی و ڤەکولینێن زانستی و بوچونا گشتی و دبلوماتیەتا گشتی د خزمەتا ئارمانجێن حوکمەتا ھەرێما کوردستانێ بیال قۆناغێن داھاتی و پێدڤیە سیاسەتا ئابوری بھێتە دارێشتن بۆ بەرھەنگاربوونا پێشھاتێن نوو ل ھەرێمێ”.
ئه‌ڤرۆ نيوز، مسعود خه‌له‌ف:
فەرماندارێ NPG مورات قه‌ره‌يلان ل مەراسیما بیرئانینا فەرماندارێ ئەیالەتا ئامەدێ یێ HPG (نوومان ئامەد) و ١٠ ھەڤالێن وی یێن د ٣١ێ کانوونا ٢٠١٢ دا ل بەژاھیا ناڤچەیا ئامەد ل چيايى د شەرى دا ژیانا خوە ژ دەست دان ئاخڤی و گۆت: “سالا ٢٠١٥ پێشەرۆژەکە ئازاد پێشکێشی گەلێ مە دکە.”
فەرماندارێ بریارگەھا ناڤەندییا NPG مورات قه‌ره‌يلان دا خویاکرن، کو نھا کوردستان د دەمەکە نازك دا دەرباس دبە و گۆت: “پێڤاژۆیا چارەسەریا پرسگرێکا کوردی، گه‌ھشتیە قووناغەکا گەلەک گرنگ، لێ بەلێ مە د ڤێ پێڤاژۆیێ دە کو ل جزیرا بۆتان ژی ھەمان لیستک ھات لیستن. ل ئالیەکی داخوازێن ژ بۆ پێشڤەبرنا پێڤاژۆیا چارەسەریێ تێن بلێڤکرن، ل ئالیێ دن ژی ب رێبازەکە نە دروست لیستک تێن لیستن، ته‌ڤلیهه‌ڤی تێن کرن. ئەم مرۆڤێن خوە یێن د ڤان ته‌ڤلیهه‌ڤیان و ئێریشان دا ژیانا خوە ژ دەست دانە ببیر تینن، كومكوژیان ب توندی شەرمەزار دکن. ھەموو کۆمکوژی، وێ بێ حەساب نەمینن. خوینا شەھیدێن مە یێن رۆبۆسکی وێ ل ئەردێ نەمینە، حەساب وێ وەرە پرسین. خوینا شەھیدێن مە یێن پاریسێ وێ ل ئەردێ نەمینە، حەساب وێ بێ پرسین..”
نيشاندان